Main menu

Background

ဘုရင့်နောင်ဈေးကွက်မှာ ပဲအရောင်းအဝယ်လုပ်တဲ့ ကုန်သည်တွေ အလာကျဲသလို မတ်ပဲနဲ့ ပဲစင်းငုံနီလည်း အရောင်းအဝယ်ပါးနေ

Mon, 01/21/2013 - 05:46 -- ydnar

ဘုရင့်နောင်ဈေးကွက်မှာ ဒီတစ်ပတ်ပဲမျိုးစုံအရောင်းအဝယ် ပြုလုပ်လိုသော ကုန်သည်ကြီးတွေလာရောက်မှုမှာ နည်းပါးသွားသ လို မတ်ပဲနဲ့ ပဲစင်းငုံနီကလည်း ပြည်ပအဆွဲသိပ်မသွက်သေးဘဲ ပြည် တွင်းကုန်သည်အချင်းချင်းသာ အရောင်းအဝယ်ရှိခဲ့တယ်လို့ သိရပါ တယ်။ ဒီရက်အတွင်းကုန်သည်တွေအလာနည်းတယ်။ အဓိကအ ကြောင်းကတော့ ယာဉ်ကြောတွေ မကြာခဏပိတ်ဆို့တာရယ်၊ အ ရင်ပဲအရောင်းအဝယ်လုပ်တဲ့ ကုန်သည်တချို့က ဆီအရောင်းအဝယ် ကားအရောင်းအဝယ်တွေ ပြောင်းလုပ်တာရယ်၊ ငွေကြေးမလည်ပတ် တာရယ်ကြောင့် အခုလိုကုန်စည်ဒိုင်ကို လာရောက်မှုနည်းသွားတယ် လို့ ဈေးကွက်အတွင်းမှ သိရပါတယ်။ မတ်ပဲ (RC) က ကုန်စည်ဒိုင် ထဲမှာ အရောင်းအဝယ်မဖြစ်ဘဲ အပြင်ဈေးကွက်မှာဘဲ အရောင်းအ ဝယ်ဖြစ်ခဲ့တယ်လို့ ဆိုပါတယ်။  မတ်ပဲက ရောင်းလက်တွေဆီမှာ ပစ္စည်းလက်ကျန်နည်းလာပြီး အိန္ဒိယဘက်မှာလည်း ဈေးကျလာသ လို ပြည်တွင်းဈေးကွက်မှာလည်း ဈေးကအကျဘက်မှာရှိနေတယ်။ လက်ရှိအရောင်းအဝယ်ဖြစ်နေတဲ့ဈေးက တစ်တန်ကို ၄၉၀၀၀၀ ကျပ် ဈေးနဲ့ အရောင်းအဝယ်ဖြစ်ခဲ့တယ်လို့ သိရပါတယ်။ ဒ့ါအပြင် ပဲစင်း ငုံနီ (RC) သစ်ကိုရောင်းလက်များက တစ်တန်ကို ၅၁၂၀၀၀ ကျပ် ဈေးပတ်လည်နဲ့ ရောင်းချလိုပေမယ့် ဝယ်လက်တွေက တစ်တန်ကို ၅၀၀၀၀၀ ကျပ်ဈေးဘဲပေးတာကြောင့် ဈေးညှိမရလို့ အရောင်းအဝယ် မဖြစ်ခဲ့ကြောင်း သိရပါတယ်။