Main menu

Background

ကမ္ဘာ့ငရုတ်ကောင်းထွက်ရှိမှု ယခုရာသီအတွင်း ၄ ရာခိုင်နှုန်းတိုးတက်နိုင်

Sun, 11/20/2011 - 08:06 -- Anonymous (not verified)

                  ကမ္ဘာ့ငရုတ်ကောင်းထုတ်လုပ်မှုကို နောက်ဆုံးခန့်မှန်းချက်အရ ၂၀၁၁ နိုဝင်ဘာလမှ ၂၀၁၂ ဒီဇင်ဘာလ အတွင်း ယခုရာသီမှာ ၄ ရာခိုင်နှုန်း တိုးတက်မယ်လို့ သိရပါတယ်။ စုစုပေါင်းထုတ်လုပ်မှုတန်ချိန် ၂၇၀၀၀၀ ဝန်းကျင်ရှိပြီး၊ ဗီယက်နမ်က ထုတ်လုပ်မှုတန်ချိန် ၁၄၀၀၀၀ နဲ့ ကမ္ဘာ့ဟင်းခတ်အမွှေးအကြိုင်ရောင်းချမှုကို ဦး ဆောင်လိမ့်မယ်လို့ ခန့်မှန်းထားပါတယ်။ ပြီးခဲ့တဲ့နှစ်မှာ ဗီယက်နမ်က တန်ချိန် ၁၃၀၀၀၀ ထွက်ရှိခဲ့ပါတယ်။                   ၂၀၁၂ အတွင်း ကမ္ဘာ့ရောင်းချမှုကို ခန့်မှန်းရာမှာတော့ အဓိကထုတ်လုပ်ရာ နိုင်ငံများက လက်ကျန်များ အပါအဝင် စုစုပေါင်းတန်ချိန် ၃၂၀၀၀၀ ခန့်ရှိနိုင်လို့ ၂၀၁၁ ခုနှစ်အတွင်း ရောင်းချခဲ့တဲ့တန်ချိန် ၃၃၀၀၀၀ ထက် တန်တစ်သောင်းခန့်လျော့နည်းမှာဖြစ်ပါတယ်။ ဗီယက်နမ်နိုင်ငံရဲ့ စိုက်ပျိုးဧက သိသိသာသာမြင့် တက်တဲ့အတွက် ထုတ်လုပ်မှုတိုးတက်မှာသေချာကြောင်းလည်းဆိုပါတယ်။ လွန်ခဲ့တဲ့ ၂-၃ ရာသီအတွင်း ဈေးနှုန်းအမြင့်ဘက် တက်နေတဲ့အတွက် ဗီယက်နမ် နိုင်ငံမှာ စိုက်ဧရိယာတိုးချဲ့လာကြပါတယ်။                       ဒါပေမဲ့ အာဏာပိုင်များက ငရုတ်ကောင်းဈေးနှုန်းမြင့်တဲ့ဇုန်အဖြစ်ထိန်းထားဖို့ စိုက်ဧရိယာ မတိုးချဲ့ဖို့ တောင်သူတွေကို အကြံပေးခဲ့တယ်လို့ဆိုပါတယ်။ ဒါ့အပြင် အချို့ ဒေသတွေမှာ ဓာတ်မြေသြဇာ အလွန်အကျွံသုံးစွဲ မှုကြောင့် ငရုတ်ကောင်းပင် များ ပိုးကျပြီး ပျက်စီးမှုတွေ မြန်ဆန်လာနိုင်တဲ့အတွက် နောက်ရာသီမှာ ငရုတ် ကောင်း ထုတ်လုပ်မှု တိုးတက်ဖွယ်မရှိ တန့်နေနိုင်သလို ထုတ်လုပ်မှုကျဆင်းနိုင်တယ် လို့လည်းဆိုပါတယ်။                      အိန္ဒိယနိုင်ငံရဲ့ ထုတ်လုပ်မှုကတော့ ၂၀၁၁ ခုနှစ်အတွင်း တန်ချိန် ၄၈၀၀၀ ထက်လျော့ပြီး တန်ချိန် ၄၂၀၀၀ သာထွက်ရှိနိုင်တယ်လို့ခန့်မှန်းထားပြီး၊ ဘရာဇီးနဲ့ မလေးရှားတို့ကတော့ တန်ချိန် ၃၀၀၀၀ နဲ့ ၂၀၀၀၀ အသီးသီးမှာ ငြိမ်နိုင်တယ်လို့ ဆိုပါတယ်။ အင်ဒိုနီးရှားကတော့ ယခင်နှစ်ကတန်ချိန် ၁၀၀၀၀ ထွက်ရှိခဲ့ရာက တန်ချိန် ၁၅၀၀၀ တိုးတက်နိုင်တယ်လို့ဆိုပါတယ်။ ယခုနှစ် ကမ္ဘာ့ငရုတ်ကောင်း ရောင်းချမှှုနည်းခြင်းက ကမ္ဘာ့ ဈေးကွက်များအတွင်း ဈေးနှုန်းမြင့်တက်ဖို့ ဦးတည်စေပါတယ်။ ဗီယက်နမ် Asta  ငရုတ်ကောင်းဈေးဟာ ယခင် သီတင်းပတ်က တစ်တန် ကန်ဒေါ်လာ ၇၃၅၀ ရှိရာမှ ၇၉၀၀ ကို မြင့်တက်ခဲ့ပြီး၊ အိန္ဒိယ Asta ငရုတ်ကောင်း ဈေးမှာလည်း ယခင်သီတင်းပတ်က ကန်ဒေါ်လာ ၇၂၅၀-၇၃၀၀ ရှိရာမှ နိုဝင်ဘာလ ၁၆ ရက်မှာ ကန်ဒေါ်လာ ၇၄၅၀ ကို တိုးတက်ခဲ့တယ်လို့ သိရပါတယ်။ ယမင်းခင်၊ Source: Business standard