Main menu

Background

ပြည်ပတွင် သွားရောက် အလုပ်လုပ်ကိုင်နေသည့် အလုပ်သမားများ မိသားစုထံ တရားဝင်လမ်းကြောင်းမှ လုံခြုံစိတ်ချစွာ ငွေလွှဲနိုင်မည်

Mon, 12/26/2011 - 07:13 -- Anonymous (not verified)

နိုင်ငံခြားငွေလိုင်စင်ရရှိသောဘဏ် များအနက် သမဝါယမဘဏ်၊ ကမ္ဘောဇ ဘဏ်၊ ဧရာဝတီဘဏ်နှင့်   အာရှ စိမ်းလန်းဖွံ့ဖြိုးမှုဘဏ်တို့မှ စင်ကာပူ၊ မလေးရှား၊ ထိုင်းနိုင်ငံတို့တွင် သွား ရောက်    အလုပ်လုပ်ကိုင်နေသည့် မြန်မာနိုင်ငံသားများက  မြန်မာနိုင်ငံရှိ မိသားစုများထံသို့   ငွေလွှဲပို့မှုအစီ အစဉ်ကို ဆောင်ရွက်ရန် တင်ပြခြင်း အားဗဟိုဘဏ်မှခွင့်ပြုပေးခဲ့သည့်အတွက် စင်ကာပူ၊ ထိုင်း၊  မလေးရှားနိုင်ငံမှ မြန်မာနိုင်ငံသို့ တရားဝင်လမ်းကြောင်းမှ လုံခြုံစိတ်ချစွာ ငွေလွှဲပို့နိုင်ပြီဖြစ်ကြောင်း သိရသည်။မြန်မာနိုင်ငံတော်ဗဟိုဘဏ်သည် နိုဝင်ဘာ၂၅ရက်က ပြည်တွင်း ပုဂ္ဂလိ ကဘဏ် ၁၁ခုအား နိုင်ငံခြားငွေရောင်း ဝယ်ဖောက်ကားခွင့်လိုင်စင် (Authorized Dealer License) ကို ထုတ် ပေးခဲ့သည်။ အဆိုပါ လိုင်စင်ရရှိသော ဘဏ်များအနေဖြင့် မြန်မာနိုင်ငံတော် ဗဟိုဘဏ်မှ သတ်မှတ်ထားသည့် စည်း မျဉ်းစည်းကမ်းများနှင့်အညီ နိုင်ငံခြား သုံးငွေများအား ရောင်းဝယ်ဖောက်ကား လျက်ရှိသည်။လက်ရှိအခြေအနေတွင်   ပြည်ပ တွင်  သွားရောက်အလုပ်လုပ်ကိုင် နေ ကြသည့်  မြန်မာနိုင်ငံသားများသည် ငွေလွှဲမှုများအား တရားမဝင်သောနည်း လမ်းဖြစ်သည့် ဟွန်ဒီစနစ်ဖြင့်သာ ငွေ လွှဲပေးပို့နေရသည့်အတွက် လုံခြုံစိတ် ချရမှုမရှိသည့် အနေအထားတွင် ရှိနေ ကြောင်း သိရသည်။ထိုကဲ့သို့ ပြည်တွင်းရှိပုဂ္ဂလိကဘဏ် များမှ တစ်ဆင့် ငွေလွှဲခြင်းဖြင့် ပြည်ပ တွင် အလုပ်လုပ်ကိုင်နေကြသော နိုင်ငံ သားများမှ မိခင်နိုင်ငံရှိ မိသားစုများထံ တရားဝင် လမ်းကြောင်းမှ လုံခြုံစိတ်စွာ ငွေလွှဲပေးပို့နိုင်သည့်အပြင်   ပြည်ပ ရောက် မြန်မာအလုပ်သမားများမှ  လွှဲပို့သည့် နိုင်ငံခြားငွေပမာဏကို နိုင်ငံ တော်မှ အလွယ်တကူ သိရှိနိုင်ပြီး အမျိုး သား ဝင်ငွေ (National Income)   ကို ခန့်မှန်း တွက်ချက်ရာတွင်  အထောက် အကူပြုမည်ဖြစ်ကြောင်း သိရသည်။မယ်သီတာ