Main menu

Background

Sunday, 18 Nov 2012

တရုတ်နိုင်ငံ၊  ယူနန်ပြည်နယ်၊ ရွှေလီ-ကျယ်ဂေါင်နယ်စပ်မှ မြန်မာ နိုင်ငံထွက်သစ်သီးဝလံတွေကို ကူမင်းနဲ့ ကွမ်ကျိုး တို့ကို  ပို့ဆောင်လျက်ရှိပါ တယ်။ လက်ရှိကျယ်ဂေါင်ကားကွင်းမှာ မြန်မာသစ်သီးတင်  ယာဉ်များပေါ် သို့ ပြောင်းတင်ရာမှာ  သစ်သီးတင်ယာဉ် တွေများပြားလာတဲ့အတွက်ကျယ်ဂေါင် ကုန်ပြောင်းကားကွင်းနဲ့ မလုံလောက် ဘဲ ဖြစ်လာပါတယ်။ ယခု တရုတ်နိုင်ငံ၊ ရွှေလီခရိုင်၊ ဝမ်တိန်မြို့မှာရှိတဲ့ ကျိန်စမ်း ကျော့မှာ သစ်သီးကုန်စည်ဒိုင်  တည် ဆောက်နေပြီလို့သိရပါတယ်။ မြေဧရိ ယာ ၃၀၀ မူ (၅၀ ဧက) ကျယ်ဝန်းပြီး သစ်သီးကုန်ပြောင်းကွင်းမှာ Weight Bridge (ကတ္တား) နှစ်ခု   ပါဝင်ကာ ကတ္တားများရဲ့ ချိန်တွယ်နိုင်တဲ့ဝန် ဟာ  မတ်ထရစ်တန် ၃၀၀ ဖြစ်တယ်လို့ သိရ ပါတယ်။ အဲဒီကုန်စည်ဒိုင်မှာ အအေး ခန်းစက်ရုံပါဝင်ပြီး သစ်သီးဝလံ၊ ဟင်း သီးဟင်းရွက်တွေ သိုလှောင်ဖို့ ပြင်ဆင် ထားကြောင်း၊ အအေးခန်းကားများနဲ့ ကူမင်း၊ ကွမ်ကျိုးမှတစ် ဆင့် ဖြန့်ချိနို င် အောင် ဆောင်ရွက်နေကြောင်း သိခဲ့ရ ပါတယ်။

Sunday, 18 Nov 2012

အိန္ဒိယအစိုးရက လျော့လျော့ပေါ့ပေါ့သတ် မှတ်ထားသည့် စံနှုန်းများဖြင့် အကဲဖြတ်သည့်တိုင် မရှိ  ဆင်းရဲသားများသို့ ငွေကြေးဖြင့်မဟုတ်ဘဲ ပစ္စည်းဖြင့် အထောက်အပံ့ပေးသည့် အစီအစဉ် များ (Benefits in kind)မှာ လေလွင့်ဆုံးရှုံးမှုနှင့် အချည်းနှီးဖြစ်မှုများကြောင့် မျက်နှာပျက်စရာ ဖြစ် နေသည်။ စားနပ်ရိက္ခာခွဲတမ်းထဲမှ ငါးပုံနှစ်ပုံသည် ဗျူရိုကရက် ဝန်ထမ်းများ၊ ခွဲတမ်းရိက္ခာရောင်းချ ပေးသည့် ဆိုင်ပိုင်ရှင်များ၊ ဖြန့်ချိရေး ကိုယ်စား လှယ်များ စသည့် ဝိသမသမားများ၏အိတ်ကပ်ထဲ ရောက်ကုန်သည်။ ချက်ပြုတ်ရန် ထုတ်ပေးသည့် သဘာဝဓာတ်ငွေ့ဘူးပေါင်း သန်း ၁၄၀ ခန့်သည် အကူအညီမလိုအပ်ဘဲ ရနေသူများနှင့် မှောင်ခိုကုန် သည်များ လုပ်ကြံဖန်တီးထားသည့် အကူအညီ လက်ခံရယူသူအတုများ (Ghost recipients)  ထံမှ နှစ်စဉ်ထွက်နေသည် ဟုဆိုသည်။ မော်တော် ယာဉ်မောင်းသူများနှင့် စီးပွားရေးလုပ်ငန်းများက ဈေးချိုချိုဖြင့် ဝယ်ယူရရှိနိုင်သော ဒီဇယ်ဆီကို ဖောဖောသီသီ သုံးနေကြသည်။ ဒီဇယ်ဈေးချိုရန် အတွက် အစိုးရက ဒေါ်လာသန်းပေါင်း ၂၇၀၀ ခန့် စိုက်ထုတ်ပြီး အထောက်အပံ့ပေးထားရသည်။

Wednesday, 7 Nov 2012

လွန်ခဲ့သော မျိုးဆက်တစ်ဆက်က  အမေရိ ကန်နိုင်ငံမှ သွင်းကုန်များ ဝင်ရောက်မလာစေရန် အတွက် မက္ကစီကိုနို င်ငံက နယ်စပ်တစ်လျှောက်ကို ကာကွယ်ထားခဲ့ရသည်။ အားလပ်ရက်ခရီးထွက် ကြလျှင် မက္ကစီကိုနိုင်ငံသား မိသားစုတို့သည် များ သောအားဖြင့် အမေရိကန်နိုင်ငံထဲမှ အနီးဆုံးဖြစ် သည့် တက္ကဆက်ပြည်နယ် သို့ မော်တော်ကားဖြင့် သွားကြသည်။ အပြန်တွင် အီလက်ထရွန်းနစ် ပစ္စည်း၊ အစားအေ သာက်၊ အဝတ်အထည်နှင့် လူသုံးပစ္စည်းအမျိုးမျိုးကို လျှို့ဝှက်စွာဖြင့် မှောင်ခို သယ်ဆောင်ခဲ့ကြသည်။  တံခါးပိတ်ထား ၏သည့် ပြည်တွင်းဈေးကွက်မှာတော့  ရွေးချယ်စရာ များ များမရှိပေ။ ဈေးကွက် ထဲမှာ ခေတ်လွန်ပုံဟောင်း ရုပ်မြင်သံကြားစက်၊ ဆီချေးနံ့နံသည့် မြေပဲထော ပတ်၊ မီးလောင်လွယ်သည့် ဂျာကင်အင်္ကျီတို့ကို သာ တွေ့နိုင်သည်။ ယခုတော့ နက်ဖ်တာခေါ် မြောက်အမေရိက လွတ်လပ်သော ကုန်သွယ်မှု စာချုပ် (North American Free-Trade Agreement, NAFTA) ကျေးဇူးကြောင့် မက္ကစီ ကိုနိုင်ငံသည် ကမ္ဘာတွင် အကြီးဆုံးစာရင်းဝင် တံခါးဖွင့်ဈေးကွက်ကြီး ဖြစ်လာသည်။

Monday, 29 Oct 2012

လာမယ့်ဆယ်စုနှစ်မှာ LEDs မီးလုံးတွေနဲ့ အလင်းရောင်ပေးမယ့် နေရောင်ခြည်စွမ်းအင်သုံး မီးအိမ် (Solar -Powered Lamp) တွေဟာ ကမ္ဘာ့ ဆင်းရဲနွမ်းပါးတဲ့ လူများစုကြီးအတွက် အကျိုးပြု မယ့် နည်းပညာပစ္စည်းသစ်တစ်ခု  ဖြစ်လာနိုင်ပါတယ်။ ဆိုလာမီးအိမ်တွေဟာ နေ့အချိန်မှာ နေ ရောင်ခြည်နဲ့ ဘက်ထရီ ကို အားသွင်းနိုင်ပြီး ည အချိန်မှာ မီးထွန်းနိုင်တဲ့အတွက်  စီးပွားရေးအရ တွက်ခြေကိုက်နိုင်ပါ တယ်။ ဈေးကြီးတဲ့ ရေနံဆီကို အသုံးပြုပြီး မီးထွန်းညှိ အသုံးပြုနေရတဲ့ ကမ္ဘာ အနှံ့က ဆင်းရဲတဲ့ ပြည်သူအများစုကို ကုန်ကျ စရိတ်များစွာ သက်သာသွားစေနိုင်ပါတယ်။အီကွေ တာဒေသမှာ  နေထိုင်ကြတဲ့ လူဦးရေဟာလျှပ်စစ် ဓာတ်အားလိုင်းတွေ  သွယ်တန်းနိုင်ခြင်း မရှိတဲ့ ဒေသတွေမှာ  နေထိုင်ရတဲ့အတွက် သူတို့ကိုနေ ရောင်ခြည် စွမ်းအင်နဲ့  အလင်းရောင်ပေးနိုင်ရင် သူတို့ရဲ့ဘဝဟာ တိုးတက်လာစေနိုင်ပါတယ်။ဆို လာမီးအိမ်တွေ ဟာ နေရောင်ခြည်ရရှိတဲ့ ဒေသ တိုင်းမှာသာမက လျှပ်စစ်ဓာတ်အားခ ဈေးကြီးလို့ အသုံးမပြုနိုင်တဲ့ ဆင်းရဲနွမ်းပါးသူတွေအတွက်လဲ အကျိုးပြုနိုင်ပါတယ်။

Monday, 29 Oct 2012

စင်ကာပူနိုင်ငံသည် ကမ္ဘာတွင် သန်းကြွယ် သူဌေး အိမ်ထောင်စု ရာခိုင်နှုန်း အများဆုံးနိုင်ငံ ဖြစ်ကြောင်း ဘော်စတွန် အတိုင်ပင်ခံ လုပ်ငန်းစု(Boston Consulting Group, BCG) က အောက်တိုဘာလဆန်းပိုင်းတွင် ထုတ်ပြန်ကြေ ညာခဲ့သည်။ လွတ်လပ်ဈေးကွက် ဝန်းကျင်တွင် စီးပွားရေးလုပ်ငန်း လုပ်ရကိုင်ရ အဆင်ပြေချော မွေ့သည်။ နိုင်ငံတကာဘဏ်လုပ်ငန်း စုံစုံလင်လင် စုပြုံဖွင့်လှစ်ထားသဖြင့် စင်ကာပူသည် အဝေး ရောက်ဓနဥစ္စာ (Offshore wealth)  တို့ သို လှောင်သိမ်းဆည်းရာဌာနတစ်ခု ဖြစ်လာသည်။

Wednesday, 24 Oct 2012

ယခင်က ပခုက္ကူမှာ ရက်ကန်းလုပ်ငန်းဆိုတာ အဓိက လုပ်ငန်းတစ်ခုပါ။ ပခုက္ကူရက်ကန်းလုပ်ငန်းကထွက်တဲ့ ပခုက္ကူဝါဒ စောင်၊ ချင်းပုလဲစောင်နဲ့ မုဒုံစောင်ဆိုတာတွေဟာ နာမည်ကြီးပါ။ နေရာဒေသစုံက တည်းခိုခန်းတွေနဲ့ ရုပ်ရှင်၊ ဗွီဒီယိုဇာတ်ကားစတာ တွေမှာ မပါမပြီးအသုံးပြုခဲ့ကြတာပါ။ ဝင်းမြန်မာရက်ကန်းလုပ်ငန်း က ထုတ်တဲ့ စားပွဲခင်း၊ လက်သုတ်ပုဝါဆိုတာတွေဟာ အိမ်သုံးဖို့၊ လက်ဆောင်ပေးဖို့ အကောင်းဆုံးဒေသထွက်ကုန်တွေ ပါ။ နိုင်ငံ ခြားသားတွေဆိုရင် ချည်သားစစ်စစ်နဲ့ ရက်လုပ်ထားတဲ့ ပစ္စည်း တွေဆိုပြီး နွေမှာအေး၊ မိုးမှာနွေး၊ ဆောင်းမှာ လုံခြုံလို့ဆိုပြီး မက် မက်မောမောဝယ်ခဲ့ကြတဲ့ ပစ္စည်းတွေပါ။ ဈေးကွက်တစ်ခုအနေနဲ့ တန်းဝင်ပစ္စည်းအဖြစ် ရပ်တည်ခဲ့တာပါ။ ဒါပေမဲ့ နောက်ပိုင်း တရုတ်စောင်တွေဟာ ဈေးပေါပေါနဲ့ လှပစွာထုပ်ပိုး၊ ပစ္စည်း ကောင်းကောင်းနဲ့ ဈေးကွက်ကို ဖောက်ထွင်းဝင်ရောက်လာတော့ ပခုက္ကူစောင်ဈေးကွက်ပျက်လို့ ရက်ကန်းလုပ်ငန်းများ ရပ်တန့် သွားသလောက် နီးပါးဖြစ်သွားပါတယ်။ တစ်ဦးစ၊ နှစ်ဦးစ လောက်သာ ခိုင်ခိုင်မာမာရပ်တည်ပြီး ဆက်လက်လုပ်ကိုင်နေတာ ကို တွေ့ရပါတယ်။ တော်တော်များများဟာ မိမိတို့မှာရှိတဲ့ ရက် ကန်းစင်တွေကိုဖြုတ်လို့ ရေနံချေးသုတ်ကာ သိမ်းထားကြရတဲ့ အဖြစ်ကို ရောက်နေကြတာကြာပါပြီ။ ယခုတလော ပခုက္ကူမြို့ ပေါ်နဲ့ နယ်ထဲက ရက်ကန်းစင်တွေကို တစ်စင် ၂၀၀၀၀ ကျပ်နှုန်းနဲ့ ဝယ်ယူနေတာတွေ့ရပါတယ်။ ဖြုတ်သိမ်းထားတဲ့ ရက်ကန်းစင် တွေကို ကားတွေနဲ့လိုက်ဝယ် စုစည်းနေတာကိုတွေ့ရပါတယ်။ လေ့ လာ စုံစမ်းကြည့်တော့ ဖြုတ်သိမ်းထားတဲ့ ရက်ကန်းစင်တွေကို ဝယ်ပြီး ရွှေဘိုနားက ဆိပ်ခွန်ရွာကို ပို့နေတာလို့ သိရပါတယ်။ ၆ ဘီးကားတစ်စီးရင် အဆန့်တင်ပြီး တစ်ခေါက်ကို ၄၅၀၀၀၀ ကျပ်နှုန်းဖြင့် ၅ ခေါက်ပို့ပြီးပြီလို့ သိရပါတယ်။ ရွှေဘိုဆိပ်ခွန်မှာ ဘာဆက်လုပ်မှာလဲ။ ဘာပဲပြောပြော ပခုက္ကူရက်ကန်းလုပ်ငန်း ဟာ အနိစ္စသဘောလို့ ပြောရပြီဖြစ်ပါတယ်။ ဖြစ်စဉ်တစ်ခု အကြောင်းတရားကို ပြန်လည်သုံးသပ်ကြည့်ရင် ဖြစ်ပျက် သဘော ဆိုရပေမဲ့ ကိုယ့်ကျတောပျက်တယ်။ သူ့ကျတော့ဖြစ်လာပါတယ်။ အကြောင်းရင်းကိုပြန်ကြည့်ရင် ပခုက္ကူကထွက်တဲ့ ဝါဒစောင်၊ ချင်းပုလဲစောင်၊ မုဒုံစောင်ဆိုတာတွေကို ဝါဂွမ်း၊ ချည်မျှင်ကနေ ဆေးဆိုးရက်လုပ်တယ်။ ကိုယ့်ဈေးကွက်ကို ဖောက်ထွင်းဝင်ရောက် လာတဲ့ တရုတ်စောင်၊ သူလည်းဘဲ ဝါဂွမ်းချည်မျှင်ကနေ ထုတ် ကြတာပါပဲ။ ကိုယ့်ဈေးကွက်ပျက်လောက်အောင် သူဘာပါနေ သလဲ၊ ကိုယ်ဘာလိုနေသလဲ၊ နည်းပညာလား၊ စက်ကိရိယာလား၊ လေ့လာဆန်းစစ်ရှာဖွေဖို့ လိုနေပြီဖြစ်ပါတယ်။ မကြာသော ကာလတစ်ခုမှာ အာဆီယံလွတ်လပ်သော ရောင်းဝယ်မှုဧရိယာ တစ်ခုဖြစ်ပေါ်လာတော့မှာပါ။ ရင်းနှီးပွင့်လင်းလွတ်လပ်စွာ ရောင်းကြ၊ ဝယ်ကြ၊ တင်သွင်းကြ၊ တင်ပို့ကြပြီဆိုရင် ကိုယ့်ပစ္စည်း ကညံ့လို့၊ သူ့ပစ္စည်းကသာရင် ပစ္စည်းချင်းတူလို့၊ ကိုယ့်ပစ္စည်းဈေး က ပိုကြီးနေရင် အရည်အသွေးဆိုတာတွေယှဉ်လာရင် ယှဉ် လည်းယှဉ်ရ၊ ပြိုင်လည်းပြိုင်ကြရတော့မှာပါ။ ပခုက္ကူရက်ကန်း လုပ်ငန်း တစ်ခုရဲ့ အဖြစ်အပျက်ကိုနမူနာထားပြီး၊ အခြားအခြား သောလုပ်ငန်းများကိုပါ မိမိတို့အနေနဲ့ ဘာတွေကြိုတင် ပြင်ဆင် ကြရမလဲဆိုတာကို စဉ်းစားကြရတော့မှာဖြစ်ကြောင်းပါ။ မြင့်ဦး-ပခုက္ကူ

Wednesday, 24 Oct 2012

ရှမ်းပြည်နယ်(မြောက်ပိုင်း) လားရှိုးခရိုင် အထွေထွေအုပ်ချုပ်ရေး ဦးစီးဌာနရုံး အစည်းအဝေးခန်းမတွင် အောက်တိုဘာလ ၁၅ ရက်က လားရှိုးခရိုင်အုပ်ချုပ်ရေးမှူး ဦးကျော်ခိုင်စိုး ဦးဆောင်တဲ့ တွဲဘက် ပြည်နယ်၊ ခရိုင်အဆင့် ဌာနဆိုင်ရာ တာဝန်ရှိသူပုဂ္ဂိုလ်များ၊ လားရှိုးမြို့ နယ် အုပ်ချုပ်ရေးမှူးနဲ့ ရှမ်းပြည်နယ်(မြောက်ပိုင်း) ကုန်သည်များနဲ့ စက်မှုလက်မှုလုပ်ငန်းရှင်များအသင်း ဥက္ကဌ၊ အလုပ်အမှုဆောင်တို့ ပါဝင်တဲ့ အဖွဲ့ဝင် ၁၇ ဦးတို့မှ တရုတ်ပြည်သူ့ သမ္မတနိုင်ငံ၊ ယူနန် ပြည်နယ်လင်ချန်းမြို့မှ ကွန်မြူနစ်ပါတီအတွင်းရေးမှူး မစ္စတာရန်ဟုန်း ပေါ် ဦးဆောင်တဲ့ ပါတီအတွင်းရေးမှူးများ၊ လင်ချန်းမြို့မှ အစိုးရ ဌာနဆိုင်ရာ တာဝန်ရှိသူများနဲ့ ကုန်သည်လုပ်ငန်းရှင်များ ၁၀ ဦးပါဝင် သော လေ့လာရေး ကိုယ်စားလှယ်အဖွဲ့နဲ့ စီးပွားရေးနဲ့သက်ဆိုင်တဲ့ တွေ့ဆုံ ဆွေးနွေးပွဲကို ကျင်းပပြုလုပ်ခဲ့ပါတယ်။ တရုတ်လေ့လာရေး အဖွဲ့မှာ လေ့လာရေး ကိုယ်စားလှယ် ၁၀ ဦးအပါအဝင် စုစု ပေါင်း ၂၂ ဦးတို့ လိုက်ပါလာခဲ့ ပါတယ်။

Wednesday, 24 Oct 2012

စပါးသစ်ပေါ်ကာနီးတာရယ်၊ ပဲခူးတိုင်း ဒေသကြီးတို့မှာ ကောက်စောစတင်ထွက် ပေါ်နေပြီဖြစ်လို့ အညာရဲ့ စပါးဈေးလဲ ကျရိပ် သန်းလာပါပြီ။ မတ္တရာနယ်မှာ မနောသုခ စပါးဈေးက ၄၀၀၀၀၀ ကျပ်အောက်ကို စတင် ဆင်းလာနေပါပြီ။ မိုးစပါးဈေးပါ။ နွေစပါးက ၃၅၀၀၀၀ ကျပ်က ၃၈၀၀၀၀ ကျပ်အောက်ပဲရှိ ပါတယ်။ လက်ရှိ စိုက်နေတဲ့ မိုးစပါးတွေရဲ့ အမျိုးအစားကိုကြည့်ရင် မတ္တရာတစ်နယ်လုံး မှာ ရွှေသွယ်ရင်စပါးကို ၆၀ ရာခိုင်နှုန်းလောက် စိုက်ထားတာတွေ့ရတယ်။ မဂျမ်းတောတို့၊ မနောသုခတို့ စိုက်ဧကရဲ့အထက်ကို ရောက် သွားတာပါ။ တောင်သူတွေရဲ့ ရည်မှန်းချက်က တရုတ်ဘက်ကို ရောင်းမဲ့သူအတွက် ရည်ရွယ် တာ ဖြစ်နိုင်ပါတယ်။  မန္တလေးဈေးကွက်က ဆန်ဈေး အတက်အကျကို အဓိက လွှမ်းမိုး ထားတာက တရုတ်ဘက်က ဈေးကွက်အခြေ အနေပါပဲ။ ယခုလတ်တလော တရုတ်ကို တင်ပို့ နေတာမှာ တရုတ်ဘက်က  တော်တော်များများ ဖမ်းဆီးတာ ခံရပါတယ်။ မန္တလေးကုန်သည်တွေ ရဲ့အသံက " ဒီဘက်နိုင်ငံက တရားဝင် တင်ပို့နေ တာကို တရုတ်ဘက်ကလည်း တရားဝင် ဝယ်ယူ စေချင်တယ်။ အခွန်လျှော့ပေးစေချင်တယ်"၊ "ခိုး ကြောင်ခိုးဝှက် ရောင်းနေတာက မကောင်းပါဘူး" လို့ ပြောကြပါတယ်။

Wednesday, 24 Oct 2012

ပြန်ပြည့်မြဲစွမ်းအင် အရင်းအမြစ်တွေ ဖြစ် တဲ့ နေစွမ်းအင်နဲ့ လေစွမ်းအင်တွေဟာ တစ်ဆက် တည်း အပြည့်အ၀ မရရှိနိုင်တဲ့ပြဿနာ ရှိနေပါ တယ်။ နေရောင်ခြည်ပုံမှန်မရှိရင်၊ လေတိုက်ခတ် နှုန်း အပြည့်အဝမရရှိခဲ့ရင်  လျှပ်စစ်ဓာတ်အား ဆက်တိုက်ထုတ်ယူရရှိဖို့ အခက်အခဲ တွေ့နိုင်ပါ တယ်။ ဒါကြောင့် မာဆာချူးဆက်နည်းပညာတက္က သိုလ(MIT) မှ အင်ဂျင်နီယာတစ်ဦးဖြစ်သူ ဒိုနယ် ဆာဒိုးဝေး (Donald Sadoway)  က တစ်ပေါင်း တစ်စည်းဖြစ်တဲ့  လျှပ်စစ်ဓာတ်အားလိုင်းကြီး အဆင့်၊ ဂရစ်လယ်ဗယ်(grid-level)  အတွင်း လျှပ် စစ်ဓာတ်အား တိုက်ရိုက် ဆက်တိုက်ပေးသွင်းနိုင် တဲ့  ဧရာမဘက်ထရီကြီးတွေ လိုအပ်တယ်လို့ ထောက်ပြခဲ့ပါတယ်။ အဲဒီဘက်ထရီတွေဟာ ကြီး မားရမယ့်အပြင် ဈေးနှုန်းလဲသက်သာဖို့ လိုတယ်လို့ သူကပြောပါတယ်။ သူဟာအဲဒီဘက်ထရီကြီးတွေ ပြုလုပ်ပုံကိုလဲ ညွှန်ပြခဲ့ပါတယ်။ အပူရှိန် ပြင်းထန် စွာနဲ့ ကျိုချက်ထားတဲ့ဆားအစိုင်အခဲတွေနဲ့ အရည် ကျိုထားတဲ့ သတ္တုတွေကိုအသုံးပြုပြီး အဲဒီဘက် ထရီကြီးတွေကို ပြုလုပ်ပြသခဲ့ပါတယ်။ ယခုအခါ စမ်းသပ်တဲ့အဆင့်မှာ  အောင်မြင်ခဲ့တဲ့အတွက် ဂရစ်လယ်ဗယ်အဆင့်အထိ   အသုံးပြုနိုင်အောင် ဆာဒိုးဝေးနဲ့  သူရဲ့တပည့်တွေက ကြိုးပမ်းထုတ် လုပ်နေပါတယ်။  သူက" အဲဒီ ဘက်ထရီကြီးတွေ ထဲမှာ လျှပ်စစ်ဓာတ်အားအမြင့်မားဆုံး ထွက်ရှိ လာအောင် ကြိုးစားနေပါတယ်။ ဒါ့အပြင်အသုံးပြု သူတွေအတွက် အကျိုးရှိဆုံးဖြစ်အောင်လဲရည်မှန်း ထုတ်လုပ်နေတယ်" လို့ ပြောပါတယ်။

Wednesday, 24 Oct 2012

လွန်ခဲ့သော တစ်လကျော်ခန့်က စားသုံးသူကာကွယ်ရေးနှင့် ဆိုင်သောဆောင်းပါးတစ်ပုဒ် ကျွန်တော် Commerce Journal   မှာ ရေးသားခဲ့ပါတယ်။ ဆောင်းပါးမှာ စားသုံးသူများရဲ့ ရွေးချယ်ပိုင်ခွင့်၊ အမှတ်မထင်  ကြုံတွေ့ရတတ်တဲ့ အန္တရာယ်ရှိ ကုန်ပစ္စည်းများ အကြောင်းနဲ့ ထုတ်လုပ်သူများရဲ့ အနေအထားများအား စာဖတ်သူ ပရိတ်သတ်နဲ့ မိတ်ဆက်သဘောဖြင့် ရေးသားဖော်ပြခဲ့တာ ဖြစ်ပါ တယ်။ ဆောင်းပါးမှာ စားသုံးသူများအတွက် အကြံပြုချက်ခြောက်ခု အားတင်ပြခဲ့ပါတယ်။ အကြံပြုချက်များထဲမှ ပထမအချက်ဖြစ်တဲ့ အရည်အသွေးမမီတဲ့ ကုန်ပစ္စည်းများ တင်သွင်းရောင်းချခြင်းမပြု ကြရန် မေတ္တာရပ်ခံခြင်းအကြောင်းကို ယခုဆက်ဆွေးနွေးလိုပါတယ်။ကျွန်တော်ရဲ့ လုပ်ဖော်ကိုင်ဖက်တစ်ဦးမှ  ကုန်ပစ္စည်းတစ်ခု အရည်အသွေး စံချိန်မီ မမီကို ဘယ်လိုသိရမလဲလို့ ကျွန်တော့်ကို မေးခွန်းမေးခဲ့ဖူးပါတယ်။ မေးထိုက်သောမေးခွန်းတစ်ခုဖြစ်ပါတယ်။ ဒီမေးခွန်ကို အလွယ်ကူ ဆုံးဖြင့် ဖြေဆိုခဲ့ပါတယ်။ စားသောက်ကုန် ပစ္စည်းများဖြစ်ပါက အရောင်၊ အနံ့၊ အရသာနဲ့ မူလဖြစ်အင်အခြေ အနေမှ သွေဖည်သွားခြင်းရှိမရှိတို့ကို မျက်မြင်စစ်ဆေးခြင်းနဲ့ ဓာတ်ခွဲ ခြင်းအရည်အသွေး စစ်ဆေးနိုင်ကြောင်း ရှင်းပြခဲ့ပါတယ်။ အလားတူ လူသုံးကုန်ပစ္စည်းများကိုလည်း မျက်မြင်အခြေအနေနဲ့ စစ်ဆေးခြင်း၊ နိုင်ငံတကာ မှသတ်မှတ်ထားတဲ့ စံတန်ဖိုး ကိန်းဂဏန်းများ အသုံးပြု တိုင်းတာစစ်ဆေးခြင်း၊ ဓာတ်ခွဲခန်းမှာ စမ်းသပ်စစ်ဆေးခြင်းဖြင့် စံချိန်စံညွှန်း မီ မမီသိရှိနိုင်ကြောင်း ရှင်းပြခဲ့ရပါတယ်။

Pages