Main menu

Background

Wednesday, 8 Sep 2010

 လမ်းတံတား အခြေခံအဆောက်အအုံများ        နိုင်ငံတော်တစ်ခု ဖွံ့ဖြိုးတိုးတက်ရေးအတွက် အဓိကကျသော အခြေခံအဆောက်အအုံများတွင် လမ်းပန်းဆက်သွယ်မှု လွယ်ကူ ချောမွေစေရေးကို အထောက်အကူဖြစ်စေမည့် လမ်းတံတားများ တည် ဆောက်ပေးနိုင်ခြင်းမှာလည်း အရေးကြီးသည်။ လမ်းပန်း ဆက်သွယ်ရေးကောင်းမွန်မှုကြောင့် ဒေသခံ ပြည်သူများ၏ လူမှုစီးပွားဘဝများမြင့်မားစေရန် အထောက်အကူပြုစေ သကဲ့သို့ နိုင်ငံ တကာမှာ ရင်းနှီး မြှုပ်နံှသူများ၏ နိုင်ငံတစ်ခုတွင် ရင်းနှီးမြှုပ်နံှစေရန် အလေးထားစဉ်းစားသည့်ကဏ္ဍတစ်ခုလည်း ဖြစ်ပါ သည်။ နိုင်ငံတော်အနေဖြင့် အနာဂတ်ကာလတွင်ဖြစ်ပေါ်လာမည့် မဟာမဲခေါင်ဒေသခွဲ၏ နယ်စပ်ဖြတ် ကျော်သယ်ယူ ပို့ဆောင်ရေးဆိုင်ရာ သဘောတူစာခုျပ်များအရလည်းကောင်း နယ်စပ်စီးပွားရေး စြင်္ကန်များအရလည်းကောင်း လမ်းတံတား အခြေခံအဆောက်အအုံများကို တည်ဆောက်လျက်ရှိသည်။     နိုင်ငံတော်က လမ်း၊ တံတားသစ်များကို တစ်ကဏ္ဍပြီးတစ်ကဏ္ဍ တစ်ပိုင်းပြီးတစ်ပိုင်း ဖွင့်လှစ်ပေးခဲ့ သည်။ လမ်းနှင့်တံတား ကဏ္ဍသစ်ကို တိုးခဲျ့ဆောင်ရွက်လျက်ရှိရာ ပြည်နယ်နှင့်တိုင်းအသီးသီး၌ ၁၉၈၈ ခုနှစ်မတိုင်မီက လမ်းအရှည် ၁၃၆၃၅ မိုင်သာ ရှိခဲ့ရာမှ ယခုဆိုလျှင် ၂၁၃၆၁မိုင် ၂ဖာလုံအထိ တိုးခဲျ့ဖောက် လုပ်နိုင်ခဲ့သည့်အတွက် ၇၇၂၆ မိုင် ၂ဖာလုံ ထပ်မံတိုးပွားလာခဲ့သည်။     လမ်းပန်းဆက်သွယ်မှုဆိုင်ရာ အခြေခံအဆောက်အအုံများ ပြည့်စုံကုန်လုံစေရေးအတွက်  ပြည်သူ့ ဆောက်လုပ်ရေးလုပ်ငန်း သည် မော်တော်ကားလမ်းနှင့်အတူ တံတားအင်အားကိုလည်း တိုးခဲျ့ တည် ဆောက်ပေးလျက်ရှိသည်။ ဧရာဝတီမြစ်ရိုး တစ်လျှောက် မအူပင်၊ နဝဒေး၊ ဒေးဒရဲ၊ ဗိုလ်မြတ်ထွန်း စသော ဧရာဝတီမြစ်ကူးတံတားကြီးများအပြင် ဗလမင်းထင်၊ အနော်ရထာ၊ ဧရာဝတီ (မကွေး) နှင့် ရတနာပုံ တံတား (မန္တလေး) တို့ကိုလည်း ထပ်မံတည်ဆောက်ပေးထားသည်။ ချင်းတွင်းတွင် နှစ်စင်း၊ စစ်တောင်းတွင် သုံးစင်း၊ သံလွင်တွင် ငါးစင်းစသည့် တံတားသစ်ကြီးများအပါအဝင် လိုအပ် သည့်နေရာများ၌ တံတားကြီး ငယ်များ ဖြည့်ဆည်းပေးထားသည်။ ၁၉၈၈ခုနှစ်မှ ယနေ့ထိ ပေ ၁ဝဝနှင့် ပေ ၁၈ဝ အကြား တံတားပေါင်း ၂၉၁၅ စင်းနှင့် ပေ ၁၈ဝ အထက် တံတားကြီး အစင်း ၂၄ဝ အထိ တည်ဆောက်ဖွင့်လှစ်ပေး နိုင်ခဲ့ပြီ ဖြစ်သည်။ ယခုအခါ ဧရာဝတီမြစ်ကိုဖြတ်ကျော်၍ တံတားကြီး ၅ စင်း ထပ်မံတည်ဆောက်လျက်ရှိရာတွင် နှစ်လမ်းသွား ကားလမ်းနှင့် ရထားလမ်း ယှဉ်တွဲပါရှိသည့် တံတားကြီး ၄ စင်းနှင့် နှစ်လမ်းသွား ကားလမ်းသာပါရှိသည့် မြစ်ကူးတံတားကြီးတစ်စင်းတို့ဖြစ်သည်။                                          တည်ဆောက်ဆဲ ဧရာဝတီမြစ်ကူးတံတားများ        ၁၉၈၈ခုနှစ်မှ ယနေ့ထိ ပေ ၁၈၀ နှင့်အထက် တည်ဆောက်ပြီး တည်ဆောက်ဆဲ၊ တည်ဆောက်ရန် လျာတံတားကြီးများ

Wednesday, 8 Sep 2010

 ပုဂ္ဂလိကကဏ္ဍက စက်သုံးဆီ ရောင်းချဖြန့်ဖြူးမှုကို လွဲှပြောင်းလုပ်ကိုင်နိုင်ငံတော်မှ ကျင့်သုံးလျက်ရှိသော ဈေးကွက်စီးပွားရေး မူဝါဒနှင့်အညီ ပုဂ္ဂလိကကဏ္ဍ ဖွံ့ဖြိုး တိုးတက်ရေးအတွက် ရည်ရွယ်၍ နိုင်ငံ၏စွမ်းအင်ကဏ္ဍတွင် စက်သုံးဆီဖြန့်ဖြူးမှုလုပ်ငန်းကို ပုဂ္ဂလိကလုပ်ငန်းရှင်များသို့ ၂ဝ၁ဝခုနှစ် ဇွန်လ ၁ဝရက်နေ့မှစ၍ လွဲှအပ် လုပ်ကိုင်စေခဲ့ပါသည်။ ထိုသို့လုပ်ကိုင်ရာတွင် နိုင်ငံပိုင် စက်သုံးဆီအရောင်းဆိုင် ၂၇၂ဆိုင်အနက်မှ ၂၆ဝ ဆိုင်ကို ပုဂ္ဂလိကကဏ္ဍသို့ လွဲှပေးခဲ့ပြီး ၁၂ ဆိုင်ကိုမူ  နိုင်ငံပိုင်ကဏ္ဍ အရောင်းဆိုင်အဖြစ် သတ်မှတ်၍ ရောင်းချခဲ့ပါသည်။ ပုဂ္ဂလိကသို့လွဲှပြောင်း ရောင်းချ ရန်အတွက် စက်သုံးဆီအရောင်းဆိုင်များ၏ ပြည်နယ်/တိုင်းဒေသ ကြီးအလိုက် ခွင့်ပြုသည့်စက်သုံးဆီအရောင်းဆိုင်များနှင့် နိုင်ငံ ပိုင်ကဏ္ဍဖြန့်ဖြူးရောင်းချသည့် ဆိုင်များ၏ အခြေအနေကို ဖော်ပြလိုက်ပါသည်။                    ပုဂ္ဂလိကသို့ လွဲှပြောင်းရောင်းချရန်အတွက် ပြည်နယ်နှင့်တိုင်းဒေသကြီးအလိုက် ခွင့်ပြုသည့်                          စက်သုံးဆီအရောင်းဆိုင်များနှင့် နိုင်ငံပိုင်ကဏ္ဍ ဖြန့်ဖြူးရန်အရောင်းဆိုင်စာရင်း    အီသနော         ကြံမှ အီသနောထုတ်လုပ်မှုများလည်း ဆောင်ရွက်လျက်ရှိရာ စစ်ကိုင်းတိုင်းဒေသကြီး ထီးခိုျင့်မြို့ နယ်၊ မောင်းကုန်းကျေးရွာတွင် ဂရိတ်ဝေါကုမ္ပဏီမှ တစ်နှစ်လျှင် အီသနောတန် ၃၆ဝဝ ကျ စက်ရုံကို တည်ထောင်ပြီး ၂ဝဝ၈ ခုနှစ် စက်တင်ဘာလတွင် စတင် လည်ပတ် ခဲ့ပါသည်။ ၂ဝဝ၈-ဝ၉ တစ်နှစ်ပတ်လုံး လည်ပတ်မှုမှ အီသနော ဂါလန် ၁ ဒသမ ၅ သန်း ထုတ်လုပ်နိုင်ခဲ့ပြီး မန္တလေး၊ မုံရွာနှင့် ရွှေဘိုတို့တွင် ဆိုင် ၅ ဆိုင် ဖွင့်လှစ်ရောင်းချနေပြီဖြစ်ကြောင်း သိရပါသည်။  

Wednesday, 8 Sep 2010

ရေနံနှင့် သဘာဝဓါတ်ငွေ့စွမ်းအင်များ       ခေတ်မီဖွံ့ဖြိုးတိုးတက်သော နိုင်ငံတစ်ခုကို ထူထောင်ရာတွင် စွမ်းအင်ကဏ္ဍမှာ လွန်စွာအရေးပါ လှသည်။ ယနေ့မျက်မှောက်ခေတ် ကမ္ဘာတွင် ဖွံ့ဖြိုးပြီးနိုင်ငံများ၊ အင်အားကြီးနိုင်ငံများအားလုံးက စွမ်းအင် ဆိုင်ရာ မဟာဗူျဟာများချမှတ်ပြီး မိမိနိုင်ငံအတွင်းသာမက နိုင်ငံ တကာ အထိပါ ဖြန့်ကြက်၍ စွမ်းအင် အရင်းအမြစ်များရရှိရန် ကြိုးပမ်းဆောင်ရွက်နေမှုများကိုတွေ့ရသည်။ အထူးသဖြင့် ယနေ့ကမ္ဘာ တွင် လျင်မြန်စွာ ဖွံ့ဖြိုးတိုးတက်လျက်ရှိသော တရုတ်နှင့် အိန္ဒိယနိုင်ငံတို့၏ အရှေ့အလယ်ပိုင်းဒေသနှင့်  အာဖရိကဒေသများတွင် စွမ်းအင်အရင်းအမြစ်ရှာပုံတော်ဖွင့်ပုံများမှာ စိတ်ဝင်စားစရာအဖြစ်တွေ့ရသည်။      မြန်မာနိုင်ငံ၌  အနာဂတ်စွမ်းအင်လိုအပ်ချက် များ  ဖြည့်ဆည်းဆောင်ရွက်ပေးနိုင်ရန် နိုင်ငံတော် အစိုးရက ချမှတ်ပေးသည့် စွမ်းအင်မူဝါဒများကို စွမ်း အင်ဝန်ကြီးဌာနက အကောင်အထည်ဖော် ဆောင် ရွက်လျက်ရှိသည်။ ၁၉၈၈ ခုနှစ်မတိုင်မီက မြန်မာ နိုင်ငံ၏ စွမ်းအင်ကဏ္ဍအခြေအနေကို ကြည့်ပါက ကုန်းတွင်းရေနံမြေ ၁၉ခု၊ကုန်းတွင်းရေနံနှင့် သဘာဝ ဓာတ်ငွေ့ပိုက်လိုင်း အရှည်မိုင် ၂၅ဝ ဒသမ ၉၁မိုင် သာရှိခဲ့သည်။ ကမ်းလွန်ရေနံနှင့် သဘာဝဓာတ်ငွေ့ထုတ်လုပ်မှု မရှိခဲ့သည့်အပြင် ပြည်တွင်းစွမ်းအင်လိုအပ် ချက်ကိုလည်း ဖူလုံအောင်ဖြည့်ဆည်းပေးနိုင်မှု အားနည်းခဲ့သည်။    ယခုအခါ မြန်မာနိုင်ငံ၏ ကုန်းတွင်းပိုင်းတွင် ရေနံနှင့် သဘာဝ ဓာတ်ငွေ့မြေများအဖြစ် လုပ်ကွက် ၄၇ ကွက်၊ မုတ္တမကမ်းလွန် ပင်လယ် ပြင်၊ တနင်္သာရီကမ်းလွန်ပင်လယ်ပြင်နှင့် ရခိုင်ကမ်းလွန်ပင်လယ်ပြင် စသည့်  မြန်မာ့ရေပြင်ပိုင်နက်အတွင်းတွင် လုပ်ကွက် ၂၆ ကွက်၊ ကမ်းလွန်ရေနက်ပိုင်းဒေသ လုပ်ကွက် ၁၈ ကွက်တို့ကိုဖော်ထုတ်ပြီး နိုင်ငံခြားကုမ္ပဏီများနှင့် အကိုျးတူ ပူးပေါင်းအကောင် အထည်ဖော် ဆောင် ရွက်လျက်ရှိရာ အနာဂတ်စက်မှုနိုင်ငံထူထောင်ရေးအတွက် စွမ်းအင်ကဏ္ဍ၏အခြေခံကောင်းများဟု ဆိုရ ပေမည်။                             မြန်မာနိုင်ငံ၏ စွမ်းအင်ကဏ္ဍ ဖွံ့ဖြိုးတိုတက်မှုအခြေပြဇယား(၁၉၈၈ ခုနှစ်အခြေအနေနှင့် ၁၉၈၈ ခုနှစ်နောက်ပိုင်း ၃၁-၁၂-၂ဝဝ၉ ရက်နေ့အထိ အခြေအနေနှိုင်းယှဉ်ချက်)

Wednesday, 8 Sep 2010

လျှပ်စစ်စွမ်းအင်ဆိုင်ရာ အခြေခံ အဆောက်အအုံများ     စက်မှုကဏ္ဍဖွံ့ဖြိုးမှုအတွက် အခြေခံလိုအပ်ချက်သည် လျှပ်စစ်စွမ်းအင်ဖြစ်သည့်အတွက် နိုင်ငံတော်အစိုးရသည် လျှပ်စစ်စွမ်းအား ဆိုင်ရာ အခြေခံအဆောက်အအုံများကို တည်ဆောက်ပေးလျက်ရှိသည်။ ယခုရေတွင်းတူး ယခုရေကြည်သောက် ၍ မရသော်လည်း မကြာသောကာလတွင် စက်မှုအခြေခံလိုအပ်ချက်များကို ဖြည့်ဆည်းပေးနိုင်မည့် အခြေအနေများကို အောက်ပါ တည်ဆောက်ပြီး၊ တည်ဆောက်ဆဲနှင့် တည်ဆောက်ရန်လျာထားလျက်ရှိသည့် လျှပ်စစ်စွမ်းအင်ဆိုင်ရာ အခြေခံအဆောက်အအုံ များက သက်သေခံလျက်ရှိသည်။ရေအားလျှပ်စစ် စီမံကိန်းများ      နိုင်ငံတစ်ခု၏ စက်မှုကဏ္ဍဖွံ့ဖြိုးတိုးတက်ရေးအတွက် မရှိမဖြစ် လိုအပ်သည့် အခြေခံအဆောက် အအုံများထဲတွင် လျှပ်စစ်စွမ်းအင် ကဏ္ဍမှာ ရှေ့ဆုံးမှပါဝင်ပါသည်။ မြန်မာနိုင်ငံအနေဖြင့် ရေအားလျှပ် စစ်ထုတ်လုပ်နိုင်သည့် သဘာဝမြစ်ချောင်းများ ပေါများသည့် အတွက် မြန်မာ့လျှပ်စစ်ကဏ္ဍတွင် ရေအား လျှပ်စစ်ကို အဓိကထုတ်လုပ်သုံးစွဲခဲ့ကြသည်။ ၁၉၈၈ ခုနှစ်မတိုင်မီက ရေအားလျှပ်စစ်စက်ရုံ နှစ်ရုံသာ ရှိပြီး၎င်းတို့မှာ ၁၆ဝမဂ္ဂါဝပ်ထုတ်လုပ်နိုင်သည့် ဘီလူးချောင်းရေအား လျှပ်စစ်ဓာတ်အားပေး စက်ရုံ အမှတ် (၂)နှင့် ၅၆ မဂ္ဂါဝပ် ထုတ်လုပ်နိုင်သော ကင်းတားရေအားလျှပ်စစ် ဓာတ်အားပေးစက်ရုံတို့ဖြစ်သည်။ ၁၉၈၈ ခုနှစ် နောက်ပိုင်းတွင် ကျောက်မီးသွေး ဓာတ်အားပေးစက်ရုံအပါအဝင် လျှပ်စစ်ဓာတ်အားပေးစက်ရုံ ၁၄ ခုကို အောက်ပါအတိုင်း အကောင်အထည်ဖော်နိုင်ခဲ့သည်-          

Wednesday, 8 Sep 2010

 တည်ဆောက်ပြီး၊ တည်ဆောက်ဆဲ အခြေခံကောင်းမှ စက်မှုထွန်းကားသော စီးပွားရေးအလှည့်အပြောင်းသို့လူတစ်ဦးသည်  လည်းကောင်း၊ အိမ်ထောင်စု တစ်စုသည် လည်းကောင်း၊ လူအများစုဝေးနေထိုင်သည့် ဒေသတစ်ခု၊ နိုင်ငံတစ်နိုင်ငံ သည် လည်းကောင်း၊ အရင်းအနှီးနှင့်နည်းပညာ မပြည့်စုံသေးမီကာလတွင် မိမိတို့တွင်ရှိသော လူ့အရင်းအမြစ်သယံဇာတ၊ မြေသယံဇာတ၊ ရေသယံဇာတတို့ဖြင့် စိုက်ပိုျးရေးကိုအခြေခံ၍ လူမှုစီးပွားရေးဘဝကိုဖြည့်ဆည်းပြီး အရင်းအနှီးများရရှိအောင် ဦးစွာ စုဆောင်းခဲ့ကြသည်။ ယနေ့စက်မှု ထွန်းကားသောနိုင်ငံကြီးများလည်း အလားတူအစပြုခဲ့ကြသည်။ အရင်းအနှီးများရှိလာ သည့်အခါ  နည်းပညာရှာဖွေအသုံးပြု၍ စက်မှုလက်မှုကဏ္ဍ ဖွံ့ဖြိုးတိုးတက်အောင် တည်ဆောက်ကြသည်။ အဆင့်မြင့်သိပ္ပံနည်း ပညာများအသုံးချပြီး နိုင်ငံသားတို့၏ လူမှုစီးပွားရေးဘဝကို ပိုမိုတိုးတက်ပြည့်စုံအောင် ကြိုးပမ်းကြသည်။နိုင်ငံတော်အစိုးရသည် ၁၉၈၈ ခုနှစ်မှစ၍ စီးပွားရေးဦးတည်ချက်လေးရပ် ချမှတ်ခဲ့ရာတွင်လည်း ထိုအခြေခံများကို ဦးစွာရည်မှန်းတည်ဆောက်ခဲ့သည်။ ဆည်မြောင်း တာတမံနှင့် လမ်းတံတား အခြေခံ အဆောက်အအုံများ တည်ဆောက်ပေးခဲ့မှုကြောင့် စိုက်ပိုျးရေးထုတ်ကုန်များကို တစ်နှစ်ထက် တစ်နှစ် တိုးတက်ထုတ်လုပ်လာနိုင်ခဲ့ပြီး စားသုံးမှု လုံလောက်ဖူလုံပိုလံျှရုံသာမက ပြည်ပသို့ တိုးခဲျ့တင်ပို့ရောင်းချနိုင် သည့် အဆင့်သို့ ရောက်ရှိလာသည့်နည်းတူ စက်မှုအခြေခံအဆောက်အအုံများလည်း တစ်ခုပြီးတစ်ခု စဉ်ဆက်မပြတ်တည် ဆောက်ပေးခဲ့ရာ  တည် ဆောက် ပြီး၊ တည်ဆောက်ဆဲ စီမံကိန်းလုပ်ငန်းများစွာကို မြင်တွေ့နိုင်သည်။  ထိုတည်ဆောက်ပြီးတည်ဆောက်ဆဲအခြေခံကောင်း များအပေါ် မကြာမီပြည်သူများကရွေးချယ်တင်မြှောက်မည့် အစိုးရသစ်သည် ခေတ်မီဖွံ့ဖြိုးတိုးတက် သောနိုင်ငံတော်သစ်ကို တည် ဆောက်တော့မည်။  နိုင်ငံတော် အကြီးအကဲသည် နိုင်ငံတော်ကို ဖွံ့ဖြိုးတိုးတက်အောင် တည်ဆောက် ပေးခဲ့ရာတွင် စိုက်ပိုျးရေး အခြေ ခံအဆောက်အအုံသာမက စက်မှုအခြေခံအဆောက်အအုံများကိုလည်း နေ့မအား၊ ညမနား စဉ်းစားကြံဆတည် ဆောက်ပေးခဲ့သည်။ နိုင်ငံတော်ကို ခေတ်မီဖွံ့ဖြိုးတိုးတက်အောင်ဆောင်ရွက်ရာတွင် စိုက်ပိုျးရေးထွက်ကုန်သီးနံှများ၊ တွင်းထွက်သယံဇာတများ ၊ရေသယံ ဇာတ၊မြေသယံဇာတနှင့် သစ်တောထွက်သယံဇာတ အရင်း အမြစ်များအား ကုန်ကြမ်းများအတိုင်း ပြည်ပသို့ရောင်းရုံဖြင့် နိုင်ငံ့ စီးပွားရေး ိုးတက်ပြည့်စုံမှုမရှိနိုင်ကြောင်း၊ ထိုသို့ရောင်းချရသည့် ငွေကြေးအရင်းအနှီးများကိုစုဆောင်း၍ စက်မှုကဏ္ဍတွင် ရင်းနှီးမြှုပ်နံှ လုပ်ကိုင်ခြင်း၊ ပြည်ပမှအရင်းအနှီးနှင့် နည်းပညာများကိုပေါင်းစပ်၍ စက်မှုထွန်းကားသော နိုင်ငံအဖြစ်ရောက်အောင်  ကြိုးပမ်းမှသာ လျှင် နိုင်ငံ့စီးပွားရေးသည် အခြေခိုင်မာစွာဖြင့် ဖွံ့ဖြိုးတိုးတက်လာမည်ဖြစ်ကြောင်း မကြာခဏ လမ်းညွှန်ပြောကြားခဲ့သည်။ထို့ကြောင့် တည်ဆောက်ပြီး၊ တည်ဆောက်ဆဲအခြေခံကောင်းများအပေါ် အမှီပြု၍ စက်မှုထွန်းကားသော စီးပွားရေးအလှည့်အပြောင်း သို့ ဦးတည်ပြီး နိုင်ငံတော်နှင့်ပြည်သူတို့ပူးပေါင်း၍ ကြိုးပမ်းဆောင် ရွက်သွားကြရမည်ဖြစ်ပေသည်။

Thursday, 6 May 2010

လှေခေတ် လှည်းခေတ်ကစ   မြန်မာလူမျိုးတို့ဟာ ရှေးယခင် လှည်းခေတ်၊ လှေခေတ်ကတည်းက နိုင်ငံအတွင်းရှိ တန်ခိုးကြီးဘုရားများကို သွားရောက် လှည့်လည်ဖူးမျှော်လှူဒါန်း ကြရတာကို နှစ်ခြိုက်ကြပါတယ်။ အညာဘုရားပွဲများကို လှည်းဝိုင်းကြီးတွေနဲ့ တစုတဝေးသွားရောက် ကြပြီး လှည်းစ ခန်းကြီးတွေချကာ တစ်လကိုးသီတင်းနေထိုင်ပြီး ဘုရားလည်းဖူး၊ ဒေသထွက်ကုန်တွေကိုလည်း ရောင်းဝယ်ဖောက် ကားခဲ့ကြပါတယ်။   စပါးပေါ်ချိန်၊ ပဲပေါ်ချိန်ဖြစ်လို့ လက်ထဲမှာငွေရွှင်၊ တောင်ယာအလုပ် နားချိန်လည်းဖြစ်လို့ မိသားစုအလိုက်၊ ဆွေမျိုးအလိုက်၊ ကျေးရွာရပ်ကွက်အုပ် စုလိုက် မြို့နယ်အနှံ့လှည့်လည်ဘုရားဖူးကြသူတွေလဲရှိပါတယ်။ မြစ်ကြောင်းတစ်လျှောက်လှေတွေနဲ့ စုန်ဆင်းပြီး ဘုရားဖူးကြ၊ ဈေးရောင်းကြတာတွေလဲ မျက်မှောက်ခေတ်ရှိခဲ့ပါတယ်။မျက်မှောက်ခေတ်   မျက်မှောက်ခေတ်မြန်မာလူမျိုးတို့ ရဲ့ဘုရားဖူးခရီးစဉ်ဟာ ပိုမိုအဆင့်မြင့်ကောင်းမွန်လာပါတယ်။ ၁၉၉၀ ကျော် နှစ်များမှာ ဘုရား ဖူးခရီးပို့ဆောင်ရေးလုပ်ငန်းတွေအများအပြားပေါ်ထွက်လာခဲ့ပါတယ်။ ဘုရားဖူးခရီးစဉ်တွေစတင်ချိန်က ဘတ်စ်ကား၊ ဘီအမ်ကား၊ ဟီးနိုး ကားစတာတွေနဲ့ စတင်ခဲ့ကြပြီး နောက်ပိုင်းမှာတော့ အဆင့်မြင့်အဲကွန်းလေ အိတ်ကားကြီးတွေနဲ့ဖြစ်လာပါတယ်။ ဘုရားဖူး လုပ်ငန်းတွေဟာ ဘုရားဖူးလိုက်ပို့ရုံသက်သက်မဟုတ်ဘဲ အစားအသောက်၊ နေထိုင်တည်းခိုမှု၊ သွားမဲ့ဒေသကိုကျွမ်းကျင်စွာ ရှင်းပြ ပေးနိုင်မဲ့ ဧည့်လမ်းညွှန်တွေပါထည့်ပြီး စနစ်တကျဆောင်ရွက်လာတာတွေ့ရပါတယ်။ နောက်ပိုင်းမှာတော့ ဘုရားဖူးခရီးစဉ်တွေ အပြင် အပမ်းဖြေခရီးစဉ်တွေပါတိုးချဲ့ပို့ဆောင်ပေးလာပါတယ်။ပြည်ပကိုပါတိုးချဲ့လာ    ပြည်တွင်းမှာရှိတဲ့ ဘုရားဖူးခရီးစဉ်တွေ၊ အပမ်းဖြေခရီးစဉ်တွေအပြင် ပြည်ပဘုရားဖူးခရီးစဉ်၊ အပမ်းဖြေခရီးစဉ်တွေလည်းတိုးချဲ့ ဆောင်ရွက်လာကြ ပါတယ်။ အထူးသဖြင့် ဗုဒ္ဓမြတ်စွာဘုရား ပွင့်တော်မူရာဒေသတွေကို ပို့ဆောင်ပေးတဲ့ ဗုဒ္ဓဂါယာခရီးစဉ်က ပိုမို အောင်မြင်လာပါတယ်။ ဗုဒ္ဓဂါယာခရီးစဉ်သာမက အိမ်နီးချင်းနိုင်ငံတွေဖြစ်တဲ့ ကမ္ဘောဒီးယား၊ နီပေါ၊ ထိုင်း၊ မလေးရှားစတဲ့ နိုင်ငံ တွေက အထင်ကရနေရာတွေပါ ပို့ဆောင်ပေးလာပါတယ်။ ဘုရားဖူးပို့ဆောင်ရေးလုပ်ငန်းတွေဟာ ဘုရားဖူးပို့ဆောင်ရေး သက်သက်မဟုတ်တော့ ဘဲ အပမ်းဖြေခရီးတွေ၊ ဗဟုသုတ၊ ယဉ်ကျေးမှု ခရီးစဉ်တွေကိုပါ တိုးချဲ့ဆာင်ရွက်နေပါတယ်။    မြန်မာလူမျိုးတို့ရဲ့ ဓလေ့စရိုက်ကလည်း အလှူအတန်းဝါသနာပါလှပါတယ်။ ဒါကြောင့်လဲ တစ်နှစ်ထက်တစ်နှစ်ဘုရားဖူး သွားကြ၊ အပမ်းဖြေခရီးသွားကြသူတွေများပြားလာတာကိုတွေ့ရပါတယ်။ အခုလိုဘုရားဖူးခရီးစဉ်တွေ၊ အပမ်းဖြေခရီးစဉ်တွေကို ပြည်တွင်း ပြည်ပသွားလာနိုင်ဖို့ဆိုတာ ငွေကြေးလို အပ်ပါတယ်။ ဘုရားဖူးသွားရင် အလှူ ဒါနလုပ်မယ်၊ ဒေသထွက်ကုန်တွေဝယ် မယ်ဆိုတော့ ငွေရှိမှ သွားနိုင်တာပါ။ တစ်ချို့ကလည်း နွေရာသီရုံးပိတ်ရက်၊ ကျောင်းပိတ်ရက်ခရီးထွက်နိုင်ဖို့ ငွေစုထားကြပါတယ်။ဒီနှစ်ခရီးထွက်သူများ   စိန်ဝင်းနဲ့ ရောင်းရင်းများ ဘုရားဖူးပို့ဆောင်ရေးမှ ဂိတ်မှူးဦးကြည်ဝင်းက ''ဒီနှစ်မှာ ဘုရားဖူးခရီး၊ အပန်းဖြေခရီး နှစ်ခုစလုံးသွားတဲ့ သူများလာတယ်။ ဧပြီလကတော့ ပိတ်ရက်များလို့ ခရီးသွား အများဆုံးလပဲ၊ ဒီနှစ်မှာရာသီဥတုပူတော့ အေးတဲ့ နေရာတွေကို အသွားများကြတယ်။ ဧပြီလက တောင်ကြီးကို ကား ၁၁  စီးတက်ခဲ့တယ်'' လို့ဆိုပါတယ်။တစ်နှစ်ပတ်လုံးခရီးစဉ်ရှိ   ''၁၉၉၀ ဝန်းကျင်က ဧပြီလကုန်ရင် တစ်ခါပိတ်ပြီးအလုပ်မလုပ်တော့ဘူး၊ ၁၉၉၃-၉၄ ကစပြီး တစ်နှစ်ပတ်လုံးခရီးစဉ်တွေ လုပ်ထားတယ်၊ မိုးရာသီမှာ ဇလွန်ပြည်တော်ပြန်နေ့ချင်းခရီးတို့၊ ပုဂံညောင်ဦး၊ ပုပ္ပါးသွားချင်သူတွေကို ပို့ပေးတယ်။ ဒီနှစ်မှာ ဘုရားဖူး လိုက်ကြတာ ရန်ကုန်ကများ တယ်။ နယ်ဘက်ကလည်း အုပ်စုလိုက်လာတာ တွေရှိတယ်၊ နာဂစ်မဖြစ်ခင်ကဆို ဧရာဝတီက အုပ်စု လိုက်လာကြတယ်။ အခုနှစ်မှာ မြိတ်၊ ထားဝယ်၊ တောင်ကြီး၊ ရွှေဘို၊ စစ်ကိုင်းဘက်ကလာတာများတယ်'' လို့ ဦးကြည်ဝင်းက ထပ်မံပြောပါတယ်။   ပြည်တွင်းဘုရားဖူးရာသီမှာ သီတင်းကျွတ်လမှ ဧပြီလကုန်အထိလို့ ခရီးသွားလုပ်ငန်းတွေက သတ်မှတ်ထားပြီး ဝါဆို၊ ဝါခေါင်၊ တော်သလင်းလများမှာ ရိုးရာကိုးကွယ်မှုနဲ့ပတ်သက်တဲ့ တောင်ပြုန်းပွဲ၊ အဘထွက်ပွဲစတာတွေ သာသွားလာမှုရှိကြောင်းသိရပါ တယ်။   ပြည်တွင်းခရီးစဉ်တွေထဲမှာ ပုဂံ- ညောင်ဦး-ပုပ္ပါးခရီးစဉ်တွေကို သီတင်းကျွတ်လက စတင်သွားကြပြီး ဒီဇင်ဘာ ကျောင်းပိတ်ရက် မှာ အများဆုံးသွားကြကြောင်း၊ တောင်ကြီး-အင်းလေး-ကလော၊ ပင်းတယခရီးစဉ်၊ မန္တလေး- ပြင်ဦးလွင်-လားရှိုး၊ မူဆယ်-ရွှေလီတွေကတော့ ဧပြီလမှာအသွားများကြောင်း၊ ကမ်းခြေအပန်းဖြေခရီးစဉ်တွေကတော့ စနေ၊ တနင်္ဂနွေရုံးပိတ်ရက်များ၊ ကျိုက်ထီးရိုးခရီးစဉ်ကတော့ ဒီဇင်ဘာ၊ ဇန်နဝါရီလတွေမှာ ပိုအသွားများကြောင်းသိရပါတယ်။   ဒီနှစ်ခရီးသွားရာသီမှာ ခရီးသွားလာမှုများလာလို့ မိမိမှာရှိတဲ့ ကားတွေအပြင် ရောင်နီထွန်း၊ မြတ်မန္တလာထွန်း၊ မန္တလာမေ၊ ရဲသူအောင်စတဲ့ ကားလိုင်းတွေက ကားတွေ၊ လာအပ်ထားတဲ့ ကားတွေကို အသုံးပြုနေကြောင်း၊ မှန်ကန်တဲ့ ဝန်ဆောင်မှုပေးနေ ကြောင်း၊ စိန်ဝင်းနဲ့ ရောင်းရင်း များ ဘုရားဖူး ပို့ဆောင်ရေးကပြောပါတယ်။ ဘုရားဖူး ခရီးစဉ်တွေမှာ လိုက်ပါဖို့စာရင်းပေးပြီး မှ အကြောင်းကြောင်းကြောင့် မလိုက်ဖြစ်ရင် ကြိုတင်ပြောပါက ရက်ချိန်းပေးနိုင်ကြောင်း ဦးကြည်ဝင်းကပြောပါတယ်။ရီကွတ်စ်ထရစ်ပ်လဲ စီစဉ်ပေးတယ်   မေလအလယ်လောက်မှာ မိုးတွေစရွာတော့ ပြည်တွင်းခရီးစဉ်တချို့ရပ် နားကြတယ်ဆိုပေမယ့် ကုမ္ပဏီတွေ၊ အသင်းအဖွဲ့တွေက တောင်းဆိုတဲ့ ရီကွတ်စ်ထရစ်ပ်လိုဟာမျိုးကိုတော့ ပို့ပေးတယ်လို့ New Motion Travel & Tours rS General Manager ဒေါ်အေးသီတာက ပြောပါတယ်။   မိုးရာသီတွင် ရာသီဥတုအရ တောင်ကြီး၊ ရွှေလီ ခရီးစဉ်များ ပို့ဆောင်မပေးနိုင်သော်လည်း မိုးနည်းသည့် ပုဂံညောင်ဦး ခရီးစဉ်များ ကို ပို့ဆောင် ပေးနေကြောင်း၊ မြန်မာပြည်တွင် မိုးတွင်းဖြစ်သော် လည်း အေးတဲ့ ပြည်ပနိုင်ငံ တချို့မှာ မေ၊ ဇွန်၊ ဇူလိုင်လ များအထိ ပွင့်လင်းရာသီ ဖြစ်နေကြောင်း၊ ဘန်ကောက်၊ စင်ကာပူမှာ မြန်မာနိုင်ငံ ရာသီဥတုနဲ့ တူသော်လည်း သွားလာလို့ ရကြောင်း ယခုလော လောဆယ်တွင် ဇွန်၊ ဇူလိုင်အထိ ပြည်ပခရီး လက်ခံ ထားတာရှိကြောင်း ဒေါ်အေးသီတာ ထပ်မံပြော ပါတယ်။ပြည်ပခရီးစဉ်တွေတိုးချဲ့   New Motion ဟာ ပြည်တွင်း ပြည်ပခရီးစဉ်တွေကို ပို့ဆောင်ပေးရုံမက ပြည်ပနိုင်ငံခြားသားတွေကိုလည်း ပြည်တွင်းခရီးစဉ် တွေကို ပို့ဆောင် ပေးလျက်ရှိပါတယ်။ ၂၀၀၁ ခုနှစ်က အဆင့်မြင့် ဘုရားဖူးခရီးသွားပို့ဆောင်ရေးအနေနဲ့ ပြည်တွင်း ခရီးစဉ်တွေ စတင်ခဲ့ပြီး ၂၀၀၄ ခုနှစ်မှာ ပြည်ပ ခရီးသွားတွေ ပြည်တွင်းလာရောက်မှုကို လက်ခံ ခဲ့ပါတယ်။ ၂၀၀၈ ခုနှစ်က စတင်ပြီး ပြည်ပကို သွားရောက်တဲ့ ခရီးစဉ်တွေကို တိုးချဲ့ ဆောင် ရွက်ခဲ့ကြောင်း သိရပါတယ်။   ''တဖြည်းဖြည်းနဲ့ ပြည်ပကိုသွားရောက် လေ့လာလည်ပတ်တဲ့ အရေအတွက်များလာတယ်။ စီးပွားရေးသမားတွေ သွားကြသလို ဝန်ထမ်းတွေ သာမန်လူတန်းစားတွေလည်း သွားကြတာပဲ။ ပြည်ပကို အပန်းဖြေခရီး ဘုရားဖူးခရီးထွက်မယ် ဆိုရင် ပြည်တွင်းထက် အများကြီးကုန်ပါတယ်။ ပြည်ပကိုသွားဖို့ဆိုတာ ခရီးသွားဖို့ဝါသနာလဲပါရမယ်။ ခရီးထွက်နိုင်ဖို့ ငွေကြေးလဲရှိရမယ်။ ကိုယ့်နိုင်ငံမှာလဲ ငွေကြေးသုံးနိုင်တဲ့ အနေအထားရှိတဲ့ လူမျိုးတွေတွေ့ရတာဝမ်းသာပါတယ်။ စီးပွားရေးကောင်းတဲ့ သဘောပေ့ါ။ နိုင်ငံခြား ခရီးထွက်မယ်ဆိုရင်သံရုံးက သတ်မှတ်ထားတဲ့စည်းကမ်းချက်နဲ့အညီ ဗီဇာတင်ရတာ၊ သူတို့ သတ်မှတ်တဲ့ ပိုင်ဆိုင်မှုတွေ ပြရတယ်။ ကုန်ကျစရိတ်က တစ်နိုင်ငံနဲ့ တစ်နိုင်ငံ မတူဘူး၊ သုံးနိုင်တဲ့ ငွေပေါ် မူတည်ပြီး နိုင်ငံရွေးကြတယ်'' လို့ မအေးသီတာ က ဆိုပါတယ်။   ဘန်ကောက်ခရီးစဉ် ၅ ညအိပ် ၆ ရက် အမေရိကန်ဒေါ်လာ ၇၀၀၊ မလေးရှား၊ စင်ကာပူ ၉ ညအိပ် ၁၀ ရက် အမေရိကန်ဒေါ်လာ ၁၁၅၀၊ ကိုရီးယား ၉ ညအိပ် ၁၀ ရက် အမေရိ ကန် ဒေါ်လာ ၂၄၀၀၊ ဂျပန်ခရီးစဉ် အမေရိကန် ဒေါ်လာ ၃၃၀၀ ခန့် ရှိကြောင်း သိရပါတယ်။ကိုရီးယားရုပ်ရှင်ကြောင့် ကိုရီးယားသွားဖို့စိတ်ဝင်စား   New Motion အနေနဲ့ ဒီနှစ်ပွင့်လင်းရာသီ မှာ ဂျပန်ကို ၃  အုပ်စု လူ ၁၀၀ ခန့်သွားလာခဲ့ပြီး ကိုရီးယားရုပ်ရှင်တွေကြောင့် ကိုရီးယားကို စိတ်ဝင်စားလာပြီးသွားလာမှုတွေလည်းများခဲ့ပါတယ်။   ORIENTAL DRAGON Travels & Tours (OD Tour) မှ တာဝန်ရှိသူတစ်ဦးကလည်း ''ပြီးခဲ့တဲ့ သြင်္ကန်ပိတ်ရက်မှာ ရာသီ ဥတုဒဏ်ကြောင့် တောင်ကြီးနဲ့ ရွှေလီအသွားများတယ်။ ပြည်ပကတော့ ဘန်ကောက်၊ စင်ကာပူသွားကြတယ်။ အထူးသဖြင့် ဘန်ကောက် ၅ ညအိပ် ၆ ရက်ခရီး အသွားများတယ်'' လို့ ဆိုပါတယ်။   CD Tour အနေနဲ့ ကမ်းခြေခရီး ကို ၅၊ ၆၊ ၇၊ ၈ လပိုင်းကလွဲပြီး ကျန်လတွေမှာ တစ်နှစ်ပတ်လုံးပို့ဆောင်ပေးနေကြောင်း၊ ရာသီ အလိုက် ပွဲတော်ရက်များမှာလည်း ပို့ဆောင်ပေးလျက်ရှိကြောင်း၊ ခရီးသွား ဝါသနာပါသူတွေက တစ်နှစ်တစ်ခေါက်၊ နှစ်ခေါက် စသည်ဖြင့် သွားလာကြကြောင်း ရန်ကုန်၊ တောင်ငူ-ပျဉ်းမနားနဲ့ နယ် ဘက်ကလည်း နှစ်စဉ် ဘုရားဖူးလာကြကြောင်းသိရပါတယ်။   လူများရဲ့ စီးပွားရေး ဖွံ့ဖြိုးတိုးတက်လာတာနဲ့အမျှ ခရီးသွားလုပ်ငန်းကဏ္ဍဟာ ပိုမိုဖွံ့ဖြိုးတိုးတက်လာမှာဖြစ်ပါတယ်။ ယခုဆိုရင် ခရီးသွားလုပ်ငန်းလုပ်ကိုင်နေတဲ့ ကုမ္ပဏီတွေလည်း များပြားလာပါတယ်။ ခရီးသွားလုပ်ငန်း လုပ်ကိုင်တဲ့ ကုမ္ပဏီတွေအနေနဲ့ ထိုက်သင့် တဲ့ ငွေကြေးရယူပြီး ညီမျှတဲ့ ဝန်ဆောင်မှုကိုလည်းပေးအပ်ဖို့လိုတယ်ဆိုတာတွေ့ရပါတယ်။   တချို့ဘုရားဖူး ပို့ဆောင်ရေးတွေဟာ အပြောတစ်မျိုး၊ အလုပ်တစ်မျိုးရှိနေလို့ အဆင်မပြေတဲ့ ခရီးသွားတွေရှိခဲ့တယ်ဆိုတာလည်း ကြားသိနေရပြန်ပါတယ်။ ပြီးခဲ့တဲ့ရက်ပိုင်းက တောင်ကြီဘက်က ပြန်လာသူတစ်ဦးက ''ဘယ်လိုဟိုတယ်၊ ဘယ်လိုစားသောက် ဆိုင်၊ ဘယ်တွေပို့မယ်ရေးထားပြီးပြောတဲ့အတိုင်းမလုပ်ဘူး။ သွားရတာအဆင်မပြေဘူး။ နေရာလဲမစုံခဲ့ဘူး။ ဒါကြောင့် နောက် တစ်ခါ အဲဒီဘုရားဖူးလုပ်ငန်းနဲ့မသွားတော့ဘူး။ ကျွန်တော့် သူငယ်ချင်းတွေကိုလည်း အဲဒီဘုရားဖူးအဖွဲ့နဲ့မသွားဖို့ ပြောလိုက် တယ်'' လို့ ဆိုပါတယ်။   အဆိုပါ ဖြစ်ရပ်တွေကြောင့် မှန်မှန်ကန်ကန်ရပ်တည်နေတဲ့လုပ်ငန်းတွေပါ ထိခိုက်နိုင်တယ်လို့ ဝေဖန်ပြောဆိုသံတွေလည်း ကြားနေရပါတယ်။ ဘုရားဖူးပို့ဆောင်ရေးဂိတ်တစ်ခုမှ တာဝန်ရှိသူတစ်ဦးက ''ဒီလိုစုန်းပြူးတွေကြောင့် ရိုးရိုးသားသားလုပ်စားသူ တွေ နာမည်ပျက်တယ်။ ကိုယ်ယူထားတဲ့ ငွေကြေးနဲ့ထိုက်တန်တဲ့ ဝန်ဆောင်မှုကတော့ ပေးရမှာပဲ'' လို့ ပြောပါတယ်။   အနာဂတ်မှာနိုင်ငံတော်ရဲ့ ပိုမိုဖွံ့ဖြိုးတိုးတက်လာမှုနဲ့အတူ ဝင်ငွေမြင့်မားလာတဲ့ အလယ်အလတ်လူတန်းစားအများစုကို အကြောင်းပြုလို့ခရီးသွားလုပ်ငန်းတွေ ဖွံ့ဖြိုးလာမှာဖြစ်သလို မှန်ကန်တဲ့ ဝန်ဆောင်မှုပေးနိုင်တဲ့ ခရီးသွားလုပ်ငန်းတွေ များပြားလာ ပါစေလို့လည်း ဆန္ဒပြုပါတယ်။ လွင်လွင်မိုး

Wednesday, 31 Mar 2010

   မကြာခင်မှာ မဟာသြင်္ကန်ကာလကိုရောက်ရှိတော့မှာဖြစ်ပါတယ်။ မဟာသြင်္ကန်ပွဲတော်ကိုဆင်နွဲှဖို့အတွက် လူကြီး၊ လူငယ်၊ ကလေးတွေပါမကျန် ကြိုတင်ပြင်ဆင်နေကြပါပြီ။   မြန်မာ့ရိုးရာအတာသြင်္ကန်ဟာ လည်းခေတ်စနစ်ပြောင်းလဲမှုနဲ့အတူ အသွင်သဏ္ဍာန်တွေလဲပြောင်းလဲလာပါတယ်။ သပြေခက်နဲ့ ရေပက်ရာကနေ မီးသတ်ပိုက်တွေ၊ စတီးပိုက်တွေ၊ ရေပြွတ်၊ ရေပုံးတွေနဲ့ ပက်ကြတဲ့ပုံစံဖြစ်လာ တာတွေ့ရပါတယ်။ အသွင်သဏ္ဍာန် တွေပြောင်းလဲလာပေမဲ့ အနှစ်သာရဖြစ် တဲ့ရေပက်ကစားခြင်း၊ အလှူပွဲများကျင်းပခြင်း၊ အလှပြယာဉ်များဖြင့် ဖျော်ဖြေခြင်း၊ တရား စခန်းဝင်ခြင်း၊ ရဟန်းခံရှင်ပြု ပွဲများပြုလုပ်ခြင်း၊ သက်ကြီးရွယ်အိုများ အားခေါင်းဆေးမင်္ဂလာပြုလုပ်ပေးခြင်း၊ လှူဖွယ်ဝတ္ထုများဖြင့် လှူဒါန်းခြင်း၊ ဘုရားကျောင်းကန်များ သွားရောက်ခြင်းတွေကမပြောင်းလဲပါဘူး။ရေပက်ခံထွက်မယ်ဆိုရင်   လူငယ်အများစုကတော့ သြင်္ကန်မှာရေပက်ခံကားလည်ဖို့အတွက် ကားဈေးတွေစုံစမ်းပြီး ငှားရမ်းမှုတွေစနေပါပြီ။ သြင်္ကန်မှာ အငှားသွက်တာက ဂျစ်ကားပါဘဲ။ ရှမ်းစတားဂျစ်တွေ အငှားသွက်တယ်လို့သိရပါတယ်။ စက်မှုဇုန်ထုတ်ဂျစ်တွေကတော့ လေးပိုး ပြီးသား ဂျစ်တွေကိုငှားကြကြောင်း၊ ငှားခဲ့ရင်လည်း ပိုင်ရှင်က လူ ၁၀ဦးထက်ပိုရင်မငှားဘူးလို့ပြောပါတယ်။   ဂျစ်ကားငှားခ ဟာ တစ်ရက်ကိုး သောင်းကျပ်မှ တစ်သိန်း တစ်သောင်း ကျပ်ဝန်းကျင်ရှိပြီး ဆီဖိုးမပါဘူးလို့သိရပါတယ်။ သြင်္ကန် ရက်ရှည် ငှားသူတွေဟာ ကားသမားအတွက် စားစရာ၊ ညအိပ်စရာစီစဉ်ပေးရပါတယ်။ ကိုယ့်စရိတ်နဲ့ ကိုယ်နေစားမယ်ဆိုရင် ဈေးနှုန်းတစ်မျိုးဖြစ်သွားပါတယ်။ Light Truck,Tight Ace ကားတွေကတော့ ရှစ်သောင်းကျပ်ကနေ တစ်သိန်းကျပ်အထိ ဈေးခေါ်နေပါတယ်။ ဒီဈေးနှုန်းတွေဟာ လတ်တလောခေါ်ဈေးတွေဖြစ်နေပြီး သြင်္ကန်နီးရင် ဈေးကျသွားနိုင်တယ်လို့ နှစ်စဉ် ကားငှားနေသူတွေကပြောပါတယ်။ တစ်ရက်ချင်းကားငှားခဈေးတစ်မျိုးဖြစ်ပေမဲ့ သြင်္ကန်အစအဆုံးငှားမယ်ဆိုရင် ဈေးညှိနှိုင်းလို့ရ ကြောင်းသိရပါတယ်။   အငှားလိုက်တဲ့ဂျစ်ကားအများစုဟာ ဒလ၊ ကွမ်းခြံကုန်း၊ ကော့မှူး၊ တွံတေးဘက်ကလိုင်းဆွဲနေတဲ့ကားတွေဖြစ်ပြီး တချို့ရပ်ကွက် တွေထဲက ဘော်ဒီပြင်မဲ့ကားတွေလည်း ဝပ်ရှော့စရိတ်ရအောင်အငှားလိုက်ကြကြောင်းသိရပါတယ်။ သြင်္ကန်အငှားလိုက်မဲ့ကား တွေကလည်း အခုကတည်းက ဝပ်ရှော့မှာပြင်ဆင်မှုတွေလုပ်နေကြပြီလို့သိရပါတယ်။ စာချုပ်နဲ့အငှားလိုက်တာကြောင့် ကားတစ် နာရီပျက်ရင် တစ်နာရီစာပြန်လျော်ရတာကြောင့် သြင်္ကန်မလည်ခင်ကြိုတင်ပြင်ဆင်ရတယ်လို့ကားသမား တစ်ဦးကပြောပါတယ်။ ဒါကြောင့် သြင်္ကန်မတိုင်ခင်မှာရော သြင်္ကန်ပြီးရင်ရောအဆင်ပြေကြတာက ကားဝပ်ရှော့တွေလို့ဆိုကြပါတယ်။သြင်္ကန်မှာအဆင်ပြေကြသူုများ   သြင်္ကန်မှာအဆင်ပြေကြတာ ကားဝပ်ရှော့တွေအပြင်  ရေသန့်၊ ဆေးလိပ်၊ ကွမ်းယာနဲ့စားစရာ ရောင်းချသူတွေလဲပါဝင်ကြပါ တယ်။ ကားနောက်ခန်းမှာပစ္စည်းတွေတင်ပြီး မဏ္ဍပ်ကြီးတွေနား ရောင်းချသူတွေ၊ တစ်နိုင် တစ်ပိုင်ခြင်းတွေ၊ ပုံးတွေနဲ့ရောင်းချသူ တွေ၊ ဆိုင်ဖွင့်ရောင်းချသူတွေအစုံပါပဲ။   တချို့ကလဲ ခေါက်ဆွဲကြော်၊ ထမင်းကြော်၊ ကြာဇံကြော်တွေကို ဖော့ဘူးတွေနဲ့ထည့်ပြီး မဏ္ဍပ်တွေမှာလှည့်လည်ရောင်းချကြ မယ်လို့ဆိုပါတယ်။ စားသောက်ဆိုင်ကြီးတွေကတော့ လူတစ်ဦးဘယ်လောက်နှုန်းဆိုပြီး Ready Made ပြင်ဆင်ပြီး ရောင်းချဖို့ လုပ်နေတာတွေ့ရပါတယ်။ မဏ္ဍပ်ကြီးအများစုက အဲဒီဆိုင်တွေမှာမှာယူ ကျွေးမွေးကြတယ်လို့သိရပါတယ်။ မြို့နယ်ရပ်ကွက် စားသောက်ဆိုင်တွေကလည်း ခါတိုင်းနှုန်းထက် သက်သာတဲ့နှုန်းထားနဲ့ ရေပက်ခံထွက်သူတွေကို ရောင်းချပေးဖို့ စီစဉ်နေပါ တယ်။အလှယာဉ်တွေရဲ့ ဖျော်ဖြေမှု       ငယ်စဉ်ကအလှယာဉ်တွေလာပြီဆို မဏ္ဍပ်ကိုအပြေးအလွှားသွားပြီး အလှအပသဘာ၀ ဟာသသံချပ်၊ တေးသီချင်း၊ တေးသရုပ် ဖော်တွေကိုကြည့်ခဲ့ ရပါတယ်။ ဒီဘက်ခေတ်မှာလည်း မြို့တော်ဝန်မဏ္ဍပ်၊ခရိုင်မြို့နယ်မဏ္ဍပ်တွေမှာ ဖျော်ဖြေနေတဲ့ အလှပြယာဉ် တွေရှိနေဆဲပါ။ ဒီနှစ်အတွက်ဖျော်ဖြေဖို့ စာရင်းသွင်းထားတဲ့ အလှပြယာဉ်အဖွဲ့ ၅ ဖွဲ့ရှိနေပြီလို့သိရပါတယ်။   ဒီအဖွဲ့တွေထဲက သြင်္ကန်သက်တမ်း နှစ်ပေါင်း ၃၀ ရှိနေပြီဖြစ်တဲ့ ''ကျွန်ုပ်တို့'' သည်အလှပြယာဉ်အဖွဲ့က အဖွဲ့ခေါင်းဆောင်ကို ကျော်ကျော်ထွန်း(မဟူရာ) က ''လူတွေကိုပျော်စေချင်တယ်၊ကျွန်တော် တို့ရဲ့သံချပ်တွေ၊ တေးသရုပ်ဖော်တွေ၊ သီချင်းတွေ၊ အက တွေကိုခံစားနေရတဲ့ အချိန်မှာ ဘဝအမောတွေပြေပျောက် နေမယ်ဆိုရင်ဝမ်းသာပါတယ်။ ဒါကြောင့် နှစ်စဉ်ဖျော်ဖြေခဲ့တာပါ။ ကျွန်တော့ဖေဖေ ဦးထွန်းရှိန်(တက္က သိုလ်ကြော့နောင်) လက်ထက် ၁၉၇၈ ကစပြီး ကလေးစကားဆိုတဲ့အမည်နဲ့ စခဲ့တာ၊ ၁၉၈၆ မှ ကျွန်ုပ်တို့သည်လို့ နာမည်ပြောင်းလိုက်တာ၊ ရိုးရာသြင်္ကန်ကိုဖော်ထုတ်ခဲ့တာတွေ၊ တိုင်းကျိုးပြည်ပြုကဏ္ဍ၊ တိုင်းရင်းသားစည်းလုံး ညီညွှတ်ရေး၊ လူ့ပတ်ဝန်းကျင်မှာဖြစ်ပျက်နေတာတွေကိုဖျော်ဖြေတာပါ၊ ဟာသနှောပြီး ဖျော်ဖြေလိုက်တော့ ပရိသတ်တွေရီမောရ တာပေါ့'' လို့ဆိုပါတယ်။   အလှပြယာဉ်အဖွဲ့တစ်ဖွဲ့ရဲ့ အနည်းဆုံးကုန်ကျစရိတ်ဟာ သိန်း ၃၀- ၄၀ခန့်ရှိပြီး မြန်မာသံစဉ်တီဝိုင်း၊ အနောက်တိုင်း ဂီတတီးဝိုင်း တွေပါပါတယ်။ တီးဝိုင်းတွေ၊ မီးစက်၊ အသံချဲ့စက်၊ သရုပ်ဖော်ပစ္စည်းတွေအတွက် ကားတစ်စီး၊ အလှယာဉ်အဖွဲ့သားတွေအတွက် ကားတစ်စီးမဖြစ်မနေ လိုအပ်ကြောင်းသိရပါတယ်။ အလှယာဉ်အဖြစ် ပြင်ဆင်မဲ့ကားကိုစငှားတဲ့ရက်ကစပြီး ကားသမားရဲ့ နေထိုင် စားသောက်မှုကိုပါ တာဝန်ယူရတယ်လို့သိရပါတယ်။ အလှယာဉ်ထွက်နိုင်ဖို့ တစ်လကျော်လောက်ကြိုတင်ပြင်ဆင်မှုတွေ လုပ်ရ ကြောင်းထပ် မံသိရပါတယ်။   သြင်္ကန်ကာလရောက်ပြီဆို လူငယ်တွေက သာမန်အချိန်ထက်ထူးခြားတဲ့ ဝတ်စားဆင်ယင်မှု၊ မျက်နှာအလှပြင်ဆင်မှု၊ ဆံပင် အလှပြင်ဆင်မှုတွေပြုလုပ်ကြတာထုံးစံပါဘဲ။ အဝတ်အထည်ဆိုင်တွေ၊ ဖက်ရှင်ဆိုင်တွေကလည်း သြင်္ကန်နဲ့လိုက်ဖက်မဲ့ အဆင် ဆန်း၊ ဒီဇိုင်းဆန်းတွေရောင်းချကြပါတယ်။အပြိုင်အဆိုင်ရောင်းချ   သြင်္ကန်နီးလာပြီဆိုတော့ စူပါမားကတ်တွေ၊ ရှော့ပင်းမောလ်တွေ၊ ဖက်ရှင်ဆိုင်တွေ၊ ဈေးကြီးတွေမှာ ကလေးကစားစရာ သြင်္ကန် ပစ္စည်းတွေ၊ သြင်္ကန်အဝတ်အထည်တွေ၊ မျက်မှန်၊ ဦးထုပ်၊ သြင်္ကန်ပန်းစတာတွေကို အပြိုင်အဆိုင် ရောင်းချလာကြတာတွေ့ရပါ တယ်။   Capital Hyper Mart  &Sd Queen Collection ပိုင်ရှင်ကိုစောကိုက ''သြင်္ကန်အတွက် ဘန်ကောက်နဲ့ကိုရီးယား made တွေမှာထားတယ်။ အထူးသဖြင့် Jacket တွေပဲ၊ဘောင်းဘီအတို အရှည်အစုံပဲ၊ ဂျင်းအရှည်ဆို Colour effective တွေပါတဲ့ ဒီဇိုင်းတွေရှိတယ်။ စကတ်အတိုထဲမှာ ဇာတွေ၊ကျားသစ်ကွက်တွေ၊ ဘော်ကြယ်လက်လက်တွေရှိတယ်။ တစ်ဆက်တည်းဝတ် လို့ရတဲ့ Dress တွေလဲရှိတယ်။ တချို့ကတစ်ထည်တည်းနဲ့ တစ်ကိုယ်လုံးအဆင်ပြေလို့၊ ကိုယ်လုံးအလှပေါ်စေလို့ ကြိုက်ကြတယ်။ ဈေးနှုန်းကလဲသင့်တင့်တယ်'' လို့ပြောပါတယ်။သုူတို့လဲပါ   သြင်္ကန်ပွဲတော်ကိုမှီပြီး သြင်္ကန်အကြိုဈေးရောင်းပွဲတော်ထဲမှာ အလှဆင်ပစ္စည်းတွေသာမက အိမ်သုံးပစ္စည်းတွေ၊ အီလက် ထရွန်းနစ်ပစ္စည်းတွေ၊ ကွန်ပျူတာပစ္စည်းတွေ၊ လူသုံးကုန်ပစ္စည်းတွေလဲ အပြိုင်အဆိုင်ဈေးနှုန်းလျှော့ချရောင်း ချတာတွေလုပ်နေကြ ပါတယ်။ ဖက်ရှင်ဆိုင်၊ ဖန်စီဆိုင်၊ အလှကုန်ဆိုင်တွေကလဲ သြင်္ကန်အကြိုအထူးဈေးရောင်းပွဲဆိုပြီး Discount တွေချပြီး ရောင်းချနေကြပါတယ်။ မော်တော်ကားထုတ်လုပ်ရေး စက်ရုံကတောင် သြင်္ကန်အထူးဈေး ရောင်းပွဲကျင်းပနေကြောင်းသိရပါတယ်။   သြင်္ကန်ရက်မှာအဝတ်များတာက ရေဒဏ်၊ နေဒဏ်၊ လေဒဏ်ခံနိုင်တဲ့ ဂျင်း တွေပါဘဲ။ ဒါကြောင့်ဂျင်းကိုအမျိုးသား ရောအမျိုးသမီးကပါ ဝတ်ဆင်ကြတာ ကြောင့် ဂျင်းဘောင်းဘီ၊ အင်္ကျီ၊ စကတ်တွေ အရောင်းသွက်နေပါတယ်။ အခုကတည်းက ကြိုတင်ဝယ်ယူနေကြပါပြီ။ မင်းသမီး၊မင်းသား အဆိုတော်၊ မော်ဒယ်တွေကလည်း သြင်္ကန်အတွက်ပြည်ပထွက်ဝယ်ကြ၊ ဖက်ရှင် ဆိုင်တွေကိုမှာကြ၊ ဒီဇိုင်နာတွေကို အပ်ကြနဲအလုပ်ရှုပ်နေကြပါပြီ၊ မိတ်ကပ်၊ ဆံပင်အလှပြင်ဆိုင်တွေမှာလည်း သြင်္ကန်နဲ့ပတ် သက်တဲ့ဆန်းသစ်တဲ့ ဒီဇိုင်းတွေကိုကြိုတင်မှာနေကြပြီလို့သိရပါတယ်။သြင်္ကန်မှာ ဘယ်လိုပြင်ဆင်မှုတွေ ခေတ်စားမလဲ   တိုနီထွန်ထွန်းကတော့ ''ဒီနှစ် သြင်္ကန်မှာ ဆံပင်ညှပ်တဲ့ပုံစံ၊ ကောက်တဲ့ပုံစံတွေပိုဆန်းလာလိမ့်မယ်။ အရောင်ဆိုးတာတွေလဲ ပိုဆန်းလာလိမ့်မယ်လို့ ဆိုပါတယ်။ သြင်္ကန်မှာ ဆံပင်အရောင် တောက်တောက်တွေ ခေတ်စားလိမ့်မယ်၊ ပန်းရောင်တောက် တောက်၊ အစိမ်းတောက်တောက်၊ အဝါတောက်တောက်တွေပေ့ါ၊ ဆံပင်ညှပ်တာမှာလဲ ဝမ်းလိုင်းတူးလိုင်းတွေ၊ တူးဘလောက် ပုံစံတွေခေတ်စားမယ်။ ဝမ်းလိုင်းညှပ်ပြီး ဘေးမှာကနုတ်ပန်းဖော်ပြီး ဆေးရိုက်တာတွေလဲရှိမယ်၊ အမျိုးသမီးတွေကရေစိုခံတဲ့ အကောက်တွေ၊ ခါးလောက်အထိအ ရှည်ကို အရင်းကအဖျားထိကောက်တဲ့ စပလိန်ကောက်တွေ ဇီဇက်ကောက်တွေ လုပ်ကြ မယ်ထင်တယ်၊ မျက်နှာပြင်ဆင်မှုအပိုင်းမှာတော့ အမျိုးသားတွေက အီမိုစတိုင်၊ ပန့်စတိုင်မှာ အိုင်းရှဲဒိုးအရောင်တောက် တောက်တွေထည့်မယ်၊ အိုင်းလိုင်နာအမဲတွေကို နားထင်ဘက်အထိဆွဲထုတ်ကြမယ်၊ ပါးပြင်မှာကနုတ် ပန်းတွေဖော်ကြမယ်၊ အရောင်လက်လက်တွေကပ်ကြမယ်ထင်တယ်။ အခုထဲကဆိုင်မှာ ကြိုတင်စာရင်းပေးနေတာတွေရှိနေပြီ'' လို့ တိုနီထွန်းထွန်းက ထပ်လောင်းပြောပါတယ်။   သြင်္ကန်မှာရေပက်ခံထွက်ရင်း ရေကစားရင်း နေဒဏ်၊ လေဒဏ်၊ ရေဒဏ်တွေကြောင့် ဆံပင်နဲ့အသားအရည်တွေ ပျက်စီးစေနိုင် ပါတယ်။ ဒါကိုသြင်္ကန်ပြီးတဲ့အထိစောင့်မနေဘဲ သြင်္ကန်တွင်းမှာဘဲ နေ့လည်ဘက်ကစားပြီး ညပြန်ရောက်တဲ့အခါ Treatment လုပ်ဖို့လိုအပ်ကြောင်း တိုနီထွန်းထွန်းကပြောပါတယ်။   ''ညအိမ်ရောက်တာနဲ့ ဆံပင်ကို Shampoo နဲ့လျှော်၊ Treatment လုပ်၊ Lotion တွေလိမ်း၊ မျက်နှာကိုလည်း Clearning လုပ်၊ တိုနာလူးရမယ်၊  Body Lotion တွေလူးရမယ်၊ သြင်္ကန်ပြီး တစ်ပတ်နှစ်ပတ်အထိ ဆက်တိုက်လုပ်ရမယ်၊ ဒါမှသူ့ရဲ့ဆိုးကျိုး ကာကွယ်နိုင်မယ် လို့'' ရှင်းပြပါတယ်။   ဒီနှစ်သြင်္ကန်မှာ အမျိုးသမီးတွေ အနေနဲ့ ရေစိုကောက် ဆံပင်တွေကို စကတ်ပုဝါလေးတွေနဲ့ စည်းထားကြမယ်ထင်တယ်လို့ မိတ်ကပ်ပေါက်ပေါက် (စမ်းချောင်း) ကပြောပါတယ်။ ကိုရီးယား အောက်ရှုးအကီၤျလေးတွေကို ဘွတ်ရှူး၊ လေဒီရှူးတွေနဲ့ ဝတ် ဆင်တာမျိုး ခေတ်စားနိုင်မယ်လို့ ပေါက်ပေါက်ကခန့်မှန်းထားပါတယ်။   ရင်ပြတ်အင်္ကျီလေးတွေပေါ်က ကုတ်အင်္ကျီတွေ ထပ်ဝတ်တာမျိုးလည်း ခေတ်စားမယ်ထင်တယ်၊ ဆံပင်အတုတွေတပ်ကြမယ်၊ ထင်းထင်းလင်းလင်း လေးဖြစ်နေအောင်လိမ်းကြလိမ့်မယ် လို့ ပေါက်ပေါက်ကထပ်မံပြောပါတယ်။   သြင်္ကန်ရက်မှာရော သြင်္ကန်ပြီးမှာရော အဆင်ပြေကြမဲ့သူတွေထဲမှာ ဆံပင်မိတ်ကပ်အလှပြင်သူတွေလဲပါဝင်ကြပါတယ်။ သြင်္ကန် ရက်တွေမှာ ဆံပင် ဆေးဆိုးခ၊ ကောက်ခ၊ ဖြောင့်ခ၊ မိတ်ကပ်ပြင်ခတွေရမှာဖြစ်သလို သြင်္ကန်ပြီးရင်လည်း မူလအသားအရည်၊ မူလဆံပင်ပြန်ရအောင်လုပ်ကြဦးမှာဖြစ်တဲ့အတွက် နှစ်ခါပြန်ပြီးပိုက်ဆံရကြမယ့်သူတွေပါပဲ။   အနုပညာရှင်၊ မင်းသား မင်းသမီး မော်ဒယ်တွေ အဆိုတော်တွေကတော့ အဓိကဖျော်ဖြေဖို့  ရွေးချယ်ထားတဲ့မဏ္ဍပ်တွေကို သွားကြမှာပါ။   တချို့က ရန်ကုန်။ တချို့က မန္တလေး၊ တချို့ ကနေပြည်တော်၊ လားရှိုး၊ တောင်ကြီး စသည်ဖြင့် နေရာအစုံသွားရောက်ဖျော်ဖြေ ကြဖို့ ပြင်ဆင်နေကြပါ တယ်။   သြင်္ကန်သီချင်းခွေတွေကလည်း မတ်လထဲမှာတစ်ခွေပြီး တစ်ခွေထွက်ရှိ နားဆင်နေရပြီဖြစ်ပါတယ်။ ရာသီစာဖြစ်လို့ လူငယ် ပရိသတ်ရော လူကြီးတွေ ကပါ နှစ်သက်ကြပါတယ်။အပျော်ဆုံးကလေးတွေ   သြင်္ကန်ရေသဘင်ပွဲဆင်နွဲှဖို့ စိတ် အားထက်သန်မှုအရှိဆုံးသူတွေကတော့ ကလေးတွေပါပဲ။ ကလေးတွေကတော့ သြင်္ကန်ရက် မှာရေပက်ဖို့ ရေပြွတ်တွေ၊ ရေပိုက်တွေ၊ ရေပုံးတွေဝယ်ယူကြဖို့ မိဘတွေဆီမှာ ပူဆာနေကြပါပြီ၊ ဈေးကွက်ထဲမှာလည်း ပြည်တွင်း ဖြစ်၊ ပြည်ပဖြစ်နှစ်မျိုးလုံးရောင်းချနေတာတွေ့ရပါတယ်။   ကလေးမိဘတစ်ဦးကတော့ ''သားနဲ့သမီးအတွက် လမ်းထိပ်မှာ ရေပက်ဖို့စတီးပိုက်ဝယ်ပေးရမယ်၊ မနှစ်ကငယ်သေးတယ်ဆိုပြီး ဝယ်မပေးခဲ့ဘူး၊ အခုနှစ်တော့မရဘူး၊ အတင်းပူဆာနေကြတယ်၊ ဈေးမေးကြည့်တော့လည်း စတီးပြွတ်တွေက ဈေးအမျိုးမျိုးပါဘဲ၊ အနိမ့်ဆုံးနှစ်ထောင်ကနေ သောင်းကျော်အ ထိရှိတယ်၊ မတတ်နိုင်ဘူးလေ၊ တစ်နှစ် တစ်ခါပျော်ကြရတာဆိုတော့ ဝယ်ပေးရမှာပဲ'' လို့ဆိုပါတယ်။စတုဒီသာ   သြင်္ကန်ပွဲတော်မှာ ချစ်စရာကောင်းတဲ့ဓလေ့တစ်ခုကတော့ စတုဒီသာကျွေးမွေးလှူဒါန်းခြင်းပဲဖြစ်ပါတယ်။ အိမ်နီးနားချင်းတွေ စုပြီး ဘာမုန့်တွေလုပ်ရင်ကောင်းမလဲ၊ ကျွေးမွေးဖို့ပြင်ဆင်နေကြပါပြီ။ သြင်္ကန်နဲ့တွဲဖက်နေတဲ့ မုန့်လုံးရေပေါ်နဲ့ ရွှေရင်အေးကတော့ မပါမဖြစ်ပါကြမှာပါ။   သြင်္ကန်ပွဲတော်ဟာ ပျော်ပွဲရွှင်ပွဲတစ်ခုဖြစ်သလို ဘာသာရေးနဲ့ဆက်စပ်နေတဲ့ ပွဲတော်တစ်ခုလည်းဖြစ်ပါတယ်။ လူကြီးသူမတွေနဲ့ လူငယ်တစ်ချို့ကလည်းတရားစခန်းဝင်ဖို့၊ ဥပုသ်သီလယူဖို့၊ ရဟန်းခံရှင်ပြုလုပ်ဖို့၊ ဘုရားကျောင်းကန်တွေ သွားရောက်လည်ပတ် သူတွေ ဖူးမျှော်ဖို့ စီစဉ်နေကြပါပြီ။   တချို့ကတော့ သြင်္ကန်ပိတ်ရက်ရှည်မှာ ကမ်းခြေမှာအနားယူဖို့သွားကြပါတယ်။ တချို့ကတော့ ဘုရားဖူးခရီးစဉ်တွေနဲ့ လိုက် ပါပြီး ခရီးထွက်ဖို့ပြင်ဆင်နေကြပါတယ်။   အခုလိုသြင်္ကန်ရက်မှာ တချို့ကအပူဒဏ်ခံနိုင်မဲ့ မေမြို့၊တောင်ကြီး၊ အင်းလေး၊ ပင်းတယဘက်ကိုသွားကြတယ်၊ တချို့က မူဆယ်ရွှေလီ၊ တရုတ် ပြည်ခရီးစဉ်တွေသွားဖို့မှာတယ်၊ တချို့ကပုဂံ၊ ညောင်ဦး၊ မန္တလေးဘက်သွားကြမယ်လို့ ခရီးသွားကုမ္ပဏီ တွေကပြောကြပါတယ်။   သြင်္ကန်ရက်မှာ မိသားစုအလိုက် အပေါင်းအသင်းအဖွဲ့အလိုက် ခရီးထွက်ဖို့ ကိုယ်တတ်နိုင်တဲ့ ငွေကြေးနဲ့ အဆင်ပြေမဲ့နေရာ လေးတွေကို ရွေးချယ်စုံစမ်းနေကြပါပြီ။   မြန်မာနိုင်ငံရဲ့ ဆယ့်နှစ်လရာသီပွဲတော်တွေထဲမှာ လူကြီးလူငယ်အလွှာစုံနှစ်သက်မြတ်နိုးကြတဲ့ ပွဲတော်ကတော့ သြင်္ကန်ပွဲတော် ပါဘဲ။ ပိတောက်ပန်းရနံနဲ့အတူ အေးမြတဲ့ အတာရေနဲ့ပက်ဖျန်းကြမဲ့ သြင်္ကန်ပွဲတော်ကို အားလုံးကကြိုဆိုနေကြပါပြီ။       နှစ်တွေဘယ်လိုပြောင်းပြောင်း မြန်မာတို့ရဲ့ အတာသြင်္ကန်ပွဲတော်ကတော့ ဘယ်တော့မှမဟောင်းနို်င်ပါဘူး၊ နှစ်စဉ်နှစ်တိုင်း အစဉ်အလာမပျက် ဆက်လက်စည်ကားနေဦးမှာပါဘဲ။ ယခု ၁၃၇၁ ခုနှစ် မဟာသြင်္ကန်ပွဲတော်ပြီးဆုံးသွားရင် ၁၃၇၂ ခုနှစ် မဟာ သြင်္ကန်ကိုဆက်လက်မျှော်နေကြဦးမှာပါ။

Monday, 22 Mar 2010

   မျက်မှောက်ခေတ်၌ အခြေခံစိုက်ပျိုးရေး၊ မွေးမြူရေးလုပ်ငန်းများမှသည် အဆင့်မြင့်သိပ္ပံနည်းပညာနှင့် အနုပညာနယ်ပယ်များ အထိ ICT (Information and Communication Technology) ကင်းလွတ်သည့်နေရာဟူ၍မရှိ။  စိုက်ပျိုးရေးသမား၊ မွေးမြူရေး သမားမှအစ အနုပညာလုပ်ငန်းများအဆုံး ICT သုံး၍ မိမိတို့အတွက် လိုအပ်သော သတင်းအချက်အလက်များနှင့် နည်းပညာ ဗဟုသုတတို့ကို အချိန်နှင့်အမျှ ရယူသုံးစွဲနေကြ ရ၏။ ယုတ်စွအဆုံး လူသူမရောက် နိုင်သည့် ဟိုးအဝေး တောင်တန်းကြီး များ ပေါ်တွင် နက်နက်ရှိုင်းရှိုင်း လျှို့ဝှက်စွာဖြင့် လူမြင်မခံ ရှင်သန်ရပ်တည်နေ ကြသူများပင်လျှင် ICT ကို လက်ကိုင်ပြု အားထားကြရ သည်သာ။ ဘယ်ကိုသွားသွား၊ ဘယ်နေရာကြည့်ကြည့် အိုင်စီတီကင်းသည့်နေရာမရှိဟုပင်ဆိုရပေမည်။   အိုင်စီတီကြောင့် မိမိတို့လုပ်ငန်းများတွင် ကုန်ကျစရိတ်များသက်သာခြင်း၊ လုပ်ငန်းများလုပ်ဆောင်ရာတွင် ပိုမိုလျင်မြန်လွယ်ကူ လာခြင်း၊ ယှဉ်ပြိုင်ကြိုးစားမှုများတိုးပွားလာခြင်း၊ လုပ်ငန်း ထိန်းချုပ်ကွပ်ကဲမှု ကောင်းမွန်လာခြင်း၊ ဈေးကွက်ချဲ့ထွင်မှုအားကောင်း လာခြင်း၊ မိမိနှင့် ဆက်ဆံလုပ်ကိုင်နေသော ဖောက်သည်များကို စိတ်ကျေနပ်မှုပေးစွမ်းနိုင်ခြင်း၊ တန်ဖိုးသစ်များဖန်တီးနိုင်ခြင်း စသည့် အကျိုးတရားများ ဖြစ်ထွန်းလာသည်ဟု ပညာရှင်များကလေ့လာသုံးသပ်ကြသည်။   သို့ဖြင့် အိုင်စီတီသည် ခေတ်ကာလစီးပွားရေးတွင် အရေးပါသော လုပ်ငန်းကဏ္ဍတစ်ခုဖြစ်လာခဲ့သည်။ လူ့အဖွဲ့အစည်း၊ လူ့ အသိုင်းအဝိုင်းတစ်ရပ်၏ အိုင်စီတီဖွံ့ဖြိုးမှု အနေအထားသည် ထိုအဖွဲ့အစည်း၏ စီးပွားရေးအဆောက်အအုံအပေါ် အနည်းနှင့် အများရိုက်ခတ်လျက်ရှိနေမည်သ ဖြစ်သည်။ တရုတ်နိုင်ငံမှ ပညာရှင် Q Meng က အိုင်စီတီနှင့် GDP အချိတ်အဆက်ကို အောက်တွင်ပြထားသော ပုံစံဖြင့်ဖော်ပြထားသည်။   အထက်ပါဇယားရှိ အောက်ဆုံးမှ ရလဒ်သုံးခုသည် ကူးသန်းရောင်းဝယ်မှုတိုးတက်ရေးအတွက် အရေးပါသော အခြေခံအချက် များဖြစ်သည်။   သို့ဖြစ်၍ ကမ္ဘာ့နိုင်ငံအသီးသီးတို့သည် အိုင်စီတီမူဝါဒများကိုချမှတ်ကြ၍ အိုင်စီတီဖွံ့ဖြိုးရေးစီမံကိန်းများ ရေးဆွဲ အကောင် အထည် ဖော်လာကြတော့သည်။ ဒေသတွင်းနိုင်ငံများ၏ အိုင်စီတီဦးတည်မှုကို ကြည့်လျှင် ထိုင်းနိုင်ငံသည် ဟာ့(ဒ်)ဝဲဒီဇိုင်းနှင့် ထုတ်လုပ်မှုကို အဓိကဦးတည်၍ လည်းကောင်း၊ ဗီယက်နမ်နိုင်ငံသည် လူထုဆက်သွယ်ရေးလုပ်ငန်းကို အဓိကထား၍ လည်း ကောင်း၊ အိန္ဒိယနိုင်ငံသည် ဆော့(ဖ်)ဝဲနည်းပညာ အခြေခံကုန်ထုတ်လုပ်မှုကို ဇောင်းပေး၍ လည်းကောင်း လုပ်ကိုင်နေကြသည်ကို တွေ့ရသည်။ထွန်းသစ်စစီးပွားရေးနှစ်ခု၏ အိုင်စီတီ   တရုတ်နိုင်ငံ၏ ICT သုံးစွဲမှုမှာ ၂၀၀၅ ခုနှစ်တွင် အမေရိကန် ဒေါ်လာ ၁၉၉ ဘီလျံကျော်ရှိခဲ့ပြီး အိန္ဒိယနိုင်ငံ၏ ထိုနှစ်အတွင်း ICT သုံးစွဲမှုမှာ ဒေါ်လာ ၃၅ ဘီလျံကျော် ရှိခဲ့သည်။ တရုတ်နိုင်ငံ လူဦးရေ၏ ဆယ်ပုံတစ်ပုံပင်မရှိသော ဖွံ့ဖြိုးပြီး ဂျပန်နိုင်ငံ၏ ၂၀၀၅ ခုနှစ် ICT သုံးစွဲမှုမှာ ၂၉၂ ဘီလျံကျော်ရှိခဲ့သည်။ တရုတ်နိုင်ငံသည် ထိုမှနောက် ငါးနှစ်အကြာတွင် ၎င်း၏ စက်မှုကုန်ထုတ် လုပ်မှုကို ကမ္ဘာ့အဆင့်သို့မောင်းနှင်နိုင်ရန်ရည်ရွယ်၍ လူထုဆက်သွယ်ရေး အခြေခံအဆောက်အအုံကို ဆက်လက်မြှင့်တင်ခဲ့ရာ ပြည်တွင်းအိုင် စီတီလုပ်ငန်း အရှိန်အဟုန်ကောင်းလာခဲ့သည်။   တရုတ်နိုင်ငံရှိ လုပ်ငန်းများ၏ အိုင်စီတီသုံးစွဲမှုမှာ ငါးနှစ်တွင် နှစ်စဉ်ပျှမ်းမျှ ၆ ဒသမ ၂ ရာခိုင်နှုန်းတိုးတက်လာခဲ့ပြီး ၂၀၀၉ ခုနှစ် တွင် ဒေါ်လာ ၈၅ဘီလျံသို့ရောက်လာခဲ့သည်။ အိန္ဒိယနိုင်ငံရှိ လုပ်ငန်း များ၏ အိုင်စီတီသုံးစွဲမှုမှာ ငါးနှစ်အတွင်း ၁၄ ဒသမ ၈ ရာခိုင်နှုန်း တိုးတက်ခဲ့သည်ဟု ခန့်မှန်းထားပြီး ၂၀၀၉ ခုနှစ်တွင် ဒေါ်လာ ၆၃ ဘီလျံကျော်ရှိခဲ့သည်။မြန်မာ့ ICT တစေ့တစောင်းလူသားအရင်းအမြစ် ဖွံ့ဖြိုးရေးအတွက် အိုင်စီတီသင်တန်းများ    လက်ရှိပြည်တွင်း ICT နယ်ပယ်တွင် သင်တန်းများနှင့် လူ့စွမ်းအားအရင်းအမြစ် (Human Resource) ပိုင်း၌ အားရ စရာအကောင်းဆုံးဖြစ်၏။ သင်တန်းပိုင်းဟုဆိုရာတွင် အစိုးရသင်တန်းကျောင်းများနှင့် ပုဂ္ဂလိက (Private)  ပိုင်းတွင်ပါ နှစ်ဖက် စလုံးကအားကောင်းနေကြသည်။ အစိုးရသင်တန်းကျောင်းများဆိုလျှင် လက်ရှိတွင် တစ်နိုင်ငံလုံး၌ဖွင့်လှစ်ပေးသော အစိုးရ တက္ကသိုလ်ပေါင်း ၂၆ ခုအထိရှိနေ၏။ ထိုအရေအတွက်သည် အချို့သော အရှေ့တောင်အာရှ နိုင်ငံများထက် ပိုမိုများပြားနေ သေး ၏။ ထု့ိပြင် သိပ္ပံနှင့် နည်းပညာဝန်ကြီးဌာနမှ ဦးဆောင်၍ ဂျပန်၊ အိန္ဒိယ စသည့်နိုင်ငံများနှင့် ဆက်သွယ်ပြီး နည်းပညာဖလှယ်ရေး အထူးသင်တန်း (Technology Transfer Tranining) များဖွင့်လှစ်ပို့ချလျက်ရှိသည်။   ပုဂ္ဂလိက၌လည်း သာမန် Internet/e-mail အသုံးပြုသင်တန်းလေးများမှစပြီး နိုင်ငံတကာတက္ကသိုလ်များမှ ဘွဲ့ဒီဂရီ တိုက်ရိုက် ရနိုင်သည့် သင်တန်းများအထိ ပြည်တွင်း၌ နိုင်ငံခြားငွေကုန်ကျမှုသက်သာစွာဖြင့် တက်ရောက်နိုင်၏။ ယခု ၂၀၁၀ နှစ်ဦးပိုင်းတွင် Myanmar Computer Company (MCC) သည် MCC Institute အဖြစ် ရတနာပုံတယ်လီပို့တွင်ဖွင့်လှစ်ခဲ့ကာ နိုင်ငံတကာအသိ အမှတ်ပြု အိုင်စီတီဘွဲ့ဖြစ်သည့် BSc (Hons:)BIT (Greenwich University,UK) များကိုစတင်သင်ကြားနိုင်ခဲ့သည်။ ဆက်၍ လည်း နိုင်ငံတကာအသိအမှတ်ပြု အင်ဂျင်နီယာအဖွဲ့များအား ပြည်တွင်းမှ မြန်မာကျောင်းသားများအတွက် International Campus Life   များအတိုင်းသင်ကြားပေးနိုင်တော့မည်ဟု သိရပါသည်။ ပြည်တွင်း၌ ICT သင်တန်းနှင့် အဆင့်မြင့်သင်တန်း များသည် ရန်ကုန်၊ မန္တလေးစသောမြို့ကြီးများ၌သာ တက်ရောက်နိုင်ပြီး အချို့သောနယ်မြို့များရှိ မြို့ခံ ကျောင်းသား၊ ကျောင်းသူ များအတွက် လိုအပ်နေဆဲဖြစ်နေ၏။ ထို့ကြောင့် ပုဂ္ဂလိကသင်တန်းကျောင်းများအနေဖြင့် နယ်စပ်ဒေသ (Remote Areas) များရှိ လူငယ်များအတွက် ICT သင်တန်းများ ပိုမိုဖွင့်လှစ်သင်ကြားပေးနိုင်လျှင် ICT အရှိန်အဟုန် ပိုမိုရုပ်လုံးကြွလာမည်ဟု ယူဆမိသည်။   ICT သင်တန်းများနှင့် ပတ်သက်၍ နိုင်ငံတကာဈေးကွက် (International Market) အနေဖြင့်ကြည့်လျှင် အခွင့်အလမ်း ကောင်း များစွာရှိနေပါ၏။ အထူးသဖြင့် ASEAN ဒေသတွင်းရှိ စင်ကာပူနိုင်ငံသည် ပညာရေးလုပ်ငန်း(Education Industry) ကို အားပြု၍ တိုးတက်ထွန်းကားလာသော နိုင်ငံတစ်ခုဟု ဆိုနိုင်သည်။ သို့သော် ယခုနှစ်ပိုင်းများအတွင်း စင်ကာပူနိုင်ငံသည် ကမ္ဘာ့စီးပွားရေး အကျပ်အတည်း (World Financial Crisis) ဂယက် ရိုက်ခတ်မှု အပြင် ၎င်းတို့၏ မြေနေရာအနေအထား (Space Limitation) ကြောင့် တက္ကသိုလ်ကြီးများ၊ Institute  ကြီးများ ထပ်မံမတည်ဆောက် နိုင်တော့ဟုဆိုသည်။   မြန်မာနိုင်ငံ၌ ပြင်ဦးလွင်၊ တောင်ကြီးစသော ဒေသများသည် တည်နေရာ (Location) အရ၊ ရာသီဥတုအခြေအနေ (Climate Condition) အရ ပြည်ပမှလာရောက်သင်ယူလိုသူ ကျောင်းသားများ အတွက် နိုင်ငံတကာအဆင့် ဈေးကွက်ဝင် တက္ကသိုလ် ကောလိပ်ကြီး များဖွင့်လှစ်ရန် သင့်လျော်လျက်ရှိ၏။ ပြည်တွင်း ICT ဆက်စပ် Media လုပ်ငန်းများ   ICTဆက်စပ် Media လုပ်ငန်းများကတော့ ယနေ့ခေတ်မှာ အားကောင်းထွန်းကားလာတဲ့ New ICT Business Sector လို့ ဆိုနိုင်ပါသည်။ အထူးသဖြင့် လက်ရှိ ပြည်တွင်းအင်တာနက်သုံးစွဲသူ စုစုပေါင်းဟာ ၂ သိန်းဝန်းကျင်လောက်သာ ရှိသေးပေမယ့် ဒီဘက် နှစ်ပိုင်းများမှာ နိုင်ငံအနှံ့ Internet Cafe များ၊ Public Access Center  (PAC) များ တိုးတက်ဖွင့်လှစ်လာပြီး အင်တာ နက် သုံးစွဲမှု နှုန်းမှာလည်း များစွာတိုးတက်လျက်ရှိနေ၏။ လက်ရှိပြည်တွင်း၌ ရှိသည့် ICT နှင့် Banking Infrastructure အနေအထားများအရ ပြည်တွင်း၌ အီလက်ထရောနစ်သုံးရောင်းဝယ်မှု (E-Commerc) ကို လုပ်ကိုင်ဆောင်ရွက်နိုင်ခြင်း မရှိသေးသော်လည်း Internet   သုံးစွဲမှုမြင့်မားလာသည်နှင့်အမျှ Internet Advertising, e-market place ကို ပြည်သူလူထုနဲ့ လုပ်ငန်းရှင်များမှ စိတ်ဝင်စားမှုရှိလာကြ ပြီး ကုမ္ပဏီများအနေဖြင့်လည်း E-commerce Transactions များ မပါဝင်သည့်တိုင် Advertising, Information Website များကို အင်တာနက်တွင် အသီးသီးလွှင့်တင်လာကြပြီဖြစ်သည်။   အွန်လိုင်း ဂျာနယ်နှင့် မဂ္ဂဇင်းများအနေနှင့်လည်း 7 Day News,  Myanmar Times,  Shweamyutay.com, Commerce.com စသည့် ဂျာနယ်မဂ္ဂဇင်းများမှ အခပေး ကြည့်ရှုရသည့် Paid Site များမဟုတ်သည့်တိုင် Free Online Journal Magazine များအဖြစ် အင်တာနက်သို့ လွှင့်တင်ထားပြီးဖြစ်သဖြင့် အတန်အသင့် ဖွံ့ဖြိုးနေပြီဟုဆိုနိုင်ပါသည်။ ရှေ့ဆက်၍ စီးပွားဖြစ် လုပ်ငန်းများအဖြစ် ဖွံ့ဖြိုးလာအောင် မြှင့်တင်ဆောင်ရွက်သွားကြ ရန်သာ လိုပါသည်။   လက်ရှိတွင်လည်း ပြန်ကြားရေးဝန်ကြီးဌာနက MRTV - 3 ရုပ်သံလိုင်းအား Myanmar International အမည်ဖြင့် နိုင်ငံတကာ သို့ ၂၄နာရီထုတ်လွှင့်နိုင်ရန်ပြင်ဆင်လျက်ရှိပြီး များမကြာမီ Internet ပေါ်တွင် ကြည့်ရှုလာနိုင်မည်ဖြစ်သည်။ မြန်မာ့ Online နှင့် Digital Media လောကအတွက် တစ်ခေတ်ဆန်းသည့် သင်္ကေတများပင် ဖြစ်သည်။ သို့သော် နိုင်ငံတကာသို့ ထုတ်လွှင့်ပြသကြမည်ဆိုပါက တင်ပြမှုပုံစံ (Presentation Format) များ၊ ပရိသတ်ကို ဆွဲဆောင်နိုင်သည့် ရိုက်ကွင်းရိုက်ကွက် Program များ မြှင့်တင်တင်ဆက်ကြရန်လိုသည်ဟုမြင်မိပါသည်။    လက်ရှိအင်တာနက်သို့ လွှင့်တင်ထားသည့် ပြည်တွင်းအခမဲ့ ဝက်ဘ်ဆိုက်များအနေဖြင့် အခပေး (Paid Site) အွန်လိုင်းဂျာနယ်၊ မဂ္ဂဇင်းများအဖြစ်သို့ ပြောင်းလဲကြမည်ဆိုပါက ရှေးဦးစွာ ၎င်းတို့ ကိုယ်တိုင်က  နိုင်ငံတကာမီဒီယာများမှ  မှီငြမ်းကူးယူထားသည့် သတင်းများကို ပြုပြင်ဆောင်ရွက်ကြရန် လိုအပ်သလို သတင်းဓါတ်ပုံ (News Photos) များ ထည့်သွင်းဖော်ပြကြရာ၌ မူပိုင်ခွင့် (Copyright) များနှင့်အညီ ကျင့်သုံးဆောင်ရွက်နိုင်ကြရန် ကြိုးစားဖို့လိုပါသည်။   ထို့အတူ နိုင်ငံတကာ သတင်းမီဒီယာများနှင့် သတင်းထောက်များ၊ ဌာနေကိုယ်စားလှယ်များ အပြန်အလှန် ထားရှိကြရေး၊ နိုင်ငံတကာ Online Media ဈေးကွက်သို့ ထိုးဖောက်နိုင်ကြရေးတို့အတွက် အဆင့်ဆင့်အကောင်အထည်ဖော် ဆောင်ရွက်သွား ကြရန်လိုအပ်ပါသည်။   အခပေး Online Media များအဖြစ်ပြောင်းလဲကြမည်၊ နိုင်ငံတကာအဆင့်မီ Media များအဖြစ် ပြောင်းလဲသွားကြမည်ဆိုပါ က နိုင်ငံတကာ ပရိသတ်များ ရရှိရန်မှာ အဓိက အရေးပါပါသည်။ သို့ဖြစ်၍ မိမိတို့အမျိုးသားယဉ်ကျေးမှု (National Cuture) ကို လည်း သိမ်မွေ့စွာမျှဝေရင်းဖြင့် နိုင်ငံတကာအဆင့်မီတင်ပြမှုပုံစံများဖြင့် ဆွဲဆောင်မှုရှိရှိ၊ ယုံကြည်မှုအပြည့်ဖြင့် တင်ဆက်လုပ်ကိုင် သွားကြ မည်ဆိုပါက မြန်မာ့ Online Media လောကမှာ နိုင်ငံတကာအဆင့်သို့ မြန်မြန်ဆန်ဆန်ပင် တိုးဝင်လာနိုင်ပေသည်။ ထို့ပြင် ပြည်တွင်း၌ ICT လုပ်ငန်းများ တစ်စထက်တစ်စ ဖွံ့ဖြိုးမှုအရှိန်ရလာနေသဖြင့် ICT သတင်းနှင့် ပညာဗဟုသုတပေး စာစောင်များမှာ လစဉ်ထုတ် လေးစောင်နှင့် အပတ်စဉ်ထုတ် လေးစောင်အထိရှိလာခဲ့ပြီဖြစ်သည့်အပြင် စာဖတ်ပရိသတ် လက်ခံ သည့် အဆင့်တစ်ဆင့်သို့ရောက်ရှိလာခဲ့ကြပြီဖြစ်သည်။ PC ဈေးကွက်  ၁၉၉၀ ပြည့်လွန်နှစ်များက စတင်လည်ပတ်လာခဲ့သည့် မြန်မာ့ကွန်ပျူတာဈေးကွက်က ယနေ့အချိန်မှာ အခြေအနေတစ်ရပ်အထိ ဖွံ့ဖြိုးလာပြီဟု ဆိုနိုင်ပါသည်။ အထူးသဖြင့် ၂၀၁၀ ခုနှစ် မတိုင်မီက ပြည်တွင်းစီးပွားရေးလုပ်ငန်းများနှင့် ပြည်တွင်းဈေးကွက်၌ ကွန်ပျူတာသုံးစွဲမှု နည်းပါးခဲ့သော်လည်း ၂၀၀၁ ခုနှစ် မေလတွင် ပြည်တွင်း အင်တာနက်သုံးစွဲမှုကို  စတင်ခွင့်ပြုခဲ့ပြီးသည့်နောက် ပြည်တွင်း ကွန်ပျူတာသုံးစွဲမှုသည် များစွာမြင့်တက်လာခဲ့၏။ ထို့အတူ ၂၀၀၂ ခုနှစ်၊ ဇန်နဝါရီလ ၂၁ ရက်နေ့တွင် မြန်မာ ICT Park (ယခု မြန်မာ Info-Tech) ကို ဖွင့်လှစ်ခဲ့ခြင်းနှင့်အတူ အဆိုပါနှစ်၌ပင် မြန်မာနိုင်ငံ ၏ ပထမဆုံးအိုင်တီဈေးရောင်းပွဲတော် (IT Expo) ကို ပြည်တွင်း ပြည်ပမှ အိုင်စီတီကုမ္ပဏီ ၃၄ ခုဖြင့် စတင်ကျင်းပခဲ့ပြီးနောက် မြန်မာ့ ကွန်ပျူတာဈေးကွက်သည် ယနေ့အထိ တစ်စတစ်စ ကြီးထွားလာ ခဲ့၏။    ယခုအခါ ပြည်တွင်းအိုင်စီတီဈေးကွက်သို့ ပစ္စည်းအသစ်ဝင် ရောက်မှုတွင် စင်ကာပူ၊ အင်္ဂလန်တို့၌ ပစ္စည်းအသစ်တစ်ခုထွက်ပြီး၍ နောက်တစ်ရက် နှစ်ရက်အတွင်း မြန်မာပြည်တွင်းဈေးကွက်၌ ဝယ်ယူ ၍ရသည်အထိ အခြေအနေတိုးတက်လာခဲ့၏။ သို့သော် ကမ္ဘာ့အဆင့် Brand ကြီးများ၏ တရားဝင်ကိုယ်စားလှယ်  နည်းပါးသေးသည့်အတွက် ဈေးနှုန်းကွာဟချက် များလျက်ရှိနေဆဲ ဖြစ်၏။ ယခုနှစ်ထဲတွင် ICT Product များအတွက် အမြတ်ခွန်ရာခိုင်နှုန်းလျှော့ချပေးရန် စီစဉ်ထားပြီးဖြစ်သည့်အတွက် ပြည်တွင်း ဈေးကွက်နှင့် နိုင်ငံ တကာဈေးကွက်အကြား ဈေးနှုန်းကွာဟချက် ကျဉ်းမြောင်းလာနိုင်သည်။   အထူးသဖြင့် ၂၀၀၈ကမ္ဘာ့စီးပွားရေး အကျပ်အတည်း (World Finanical Crisis) ကြောင့် ICT နှင့် ဆက်စပ်ပစ္စည်းများ၏ ဈေး များ များစွာကျဆင်းသွားခြင်းကလည်း ပြည်တွင်းကွန်ပျူတာဈေးကွက် အရောင်းအဝယ်နှင့် ပြည်တွင်းကွန်ပျူတာသုံးစွဲမှုကို မြင့်တက်စေခဲ့သည်။ အထူးသဖြင့် Desktop PC များထက် Lap Top  ကွန်ပျူတာများ၏ ဈေးနှုန်းသည် တစ်နှစ်တာအတွင်း သိသိသာသာ ကျဆင်းခဲ့ပါတယ်။ ယခင် ၁၀ သိန်းဝန်းကျင်ဈေးရှိ Lap Top တစ်လုံးသည် ၅ သိန်းဝန်းကျင်လောက်ထိ ကျဆင်း သွားခဲ့သည့် အတွက် ပြည်တွင်း၌ Lap Top သုံးစွဲမှု များစွာမြင့်တက်ခဲ့၏။ ၂၀၀၉ ခုနှစ် နှစ်ကုန်ပိုင်းလောက်တွင် Notebook နှင့် Desktop ရောင်းအားမှာ ၅၀း၅၀ ရှိနေရာမှ ၂၀၁၀ နှစ်ဆန်းပိုင်းတွင် ၆၀း၄၀ သို့ပြောင်းလဲလာပြီး notebook  များ ရောင်းအားတက်လာခဲ့ကြောင်း ကွန်ပျူ တာနှင့် ဆက်စပ်ပစ္စည်းများ လက်လီလက်ကား ရောင်းချနေသည့် KMD Centre မှ Product မန်နေဂျာ ကိုစိုးငွေရက ပြောကြား သည်။   ယနေ့ ပြည်တွင်းဈေးကွက်၌ Lenovo, MSI, Suzuki, Toshiba စသည့် Brand ၏ တရားဝင်ကိုယ်စားလှယ် (Country Representative) များလည်း ရှိလာပြီဖြစ်သည်။ ယင်းကဲ့သို့ ကိုယ်စားလှယ်များ ရှိလာခြင်းကလည်း ICT Product များကို မူရင်း ကုမ္ပဏီများ၏ ဈေးအတိုင်း ပြည်တွင်းဈေးကွက်၌ ဝယ်ယူရရှိလာနိုင်စေသည်။ လက်ရှိ ပြည်တွင်းဈေးကွက်၌ Business PC Set တစ်စုံလျှင် ငွေကျပ် နှစ်သိန်းဝန်းကျင်လောက်ဖြင့် ဝယ်ယူနိုင်ပြီး Branded PC တစ်စုံ၏ဈေးနှုန်းများမှာ ကျပ် ၈ သိန်းမှ ၁၀ သိန်း ဝန်းကျင်လောက်အထိရှိသည်။ Lap Top ဈေးကွက်မှာလည်း Used Lap Topများကို ငွေကျပ် ၁ သိန်းဝန်းကျင်လောက်မှစ၍ ရနိုင်ပြီး Brand New Laptop များမှာ ကျပ် ၅ သိန်းမှ ၁၅ သိန်းလောက် အထိ ရှိသည်။ ယခုအခါ ပြည်တွင်းဈေးကွက်အတွင်းသို့ OEM (Originally Equipped Mannfactured) ဟုခေါ်သည့် တံဆိပ်တပ်ထားသော  လက်တော့အသစ်များ  ဝင်ရောက်လျက် ရှိပြီး တစ်ပတ်ရစ် လက်တော့များထက် ပိုမိုအဝယ်လိုက်လာကြောင်း ကွန်ပျူတာဈေးကွက်အတွင်းမှ အရောင်းမန်နေဂျာတစ်ဦး၏ ပြောကြားချက်အရသိရပါသည်။ ခြုံငုံကြည့်လျှင်မူ နိုင်ငံတကာဈေး ကွက်တွင် Hardware ပစ္စည်း၏ဈေးသည် များစွာချိုသာ သော်လည်း Software များ၏ လိုင်စင်ကြေးမှာ အလွန်မြင့်မားနေ၏။ ယနေ့ ပြည်တွင်းဈေးကွက်၌ WIPO Agreement ကြောင့် Software လိုင်စင်ကြေးများ မပေးဆောင်ရသေးသည့်အတွက် Software/ Hardware နှစ်ရပ်ပေါင်း နိုင်ငံတကာဈေးကွက်ထက် ဈေးသက်သာ နေ၏။   အနာဂတ်တွင် AFTA ကြောင့် နိုင်ငံတကာ ICT Brand မျိုးစုံ ပြည်တွင်းဈေးကွက်သို့ ထပ်မံဝင်ရောက်လာနိုင်ပြီး ICT Product  များ၏ ဈေးနှုန်းများလည်း ထပ်မံကျဆင်းလာနိုင်ကာ ပြည်တွင်း ကွန်ပျူတာဈေးကွက်မှာလည်း ယခုထပ်ပို၍ ကျယ်ပြန့် လာနိုင်သည်။Software ဈေးကွက်   လက်ရှိ မြန်မာ့ကွန်ပျူတာဈေးကွက်အနေဖြင့် Hardware Product ပိုင်းတွင် များစွာဖွံ့ဖြိုးမှုရှိပြီး နိုင်ငံတကာ အဆင့်မီ ဖြန့်ချိမှု စနစ်များ၊ Service များဖြင့် လည်ပတ်နေသော်လည်း Software Industry ပိုင်းမှာမူ များစွာအားနည်း နေသေးသည်။ ကုမ္ပဏီတစ်ခုချင်းအနေဖြင့် ပြည်ပသို့ Software တင်ပို့မှုများ၊ Outsourcing Project များရှိသော်လည်း နိုင်ငံ့အတိုင်းအတာ အနေဖြင့် Software Export, Software Industry မှ GDP မည်မျှရပါသည်ဟု မယ်မယ်ရရ ပြောဆိုင်နိုင်ခြင်း မရှိသေးပေ။   Software Industry ဖွံ့ဖြိုးတိုးတက်မှုသည် နိုင်ငံတစ်နိုင်ငံ ခေတ်မီဖွံ့ဖြိုးတိုးတက်ရေးအတွက် များစွာအရေးပါသဖြင့် မြန်မာ့ Software Industry အရှိန်အဟုန်ဖြင့် ဖွံ့ဖြိုးတိုးတက်လာရေး အတွက် အသိပညာရှင်၊ အတတ်ပညာရှင်များက အဘက်ဘက်မှ ဝိုင်းဝန်းဆောင်ရွက်ကြရမည်။ အထူးသဖြင့် Software လုပ်ငန်းစနစ်တကျလည်ပတ်နိုင်ရေးအတွက် Cyber Law, Copyright Law  များလည်းလိုအပ်သည်။ ဥပမာအားဖြင့် ပြည်တွင်းမှ Software တစ်ခုရေးပြီး နိုင်ငံတကာသို့ တင်ပို့ရောင်းချမည်ဆိုပါစို့။ မိမိတို့ ကိုယ်တိုင်မှ Microsoft Operating မျိုးကို လိုင်စင် Version နှင့် ဝယ်ယူသုံးစွဲကြဖို့ လိုအပ်လာမည်။ သည့်အပြင် Data Protection, Data လုံခြုံမှုများအတွက် Privacy Protect Act ကဲ့သို့သော ဥပဒေများ လိုအပ်လာမည်ဖြစ်သည်။ သို့မှသာလျှင် ပြည်ပမှ အလုပ်အပ်မည့်သူများမှ ၎င်းတို့၏ ကိုယ်ရေးကိုယ်တာ အချက်အလက်များကို ယုံကြည်စိတ်ချစွာပေးပို့နိုင်ကြမည်ဖြစ် သည်။   တစ်ဖက်တွင်လည်း ပြည်တွင်း IT ဖွံ့ဖြိုးလာဖို့လိုသည်။ အထူး သဖြင့် ICTလုပ်ငန်းနှင့် Software Inducstry များ ပိုမိုဖွံ့ဖြိုး လာရေးအတွက် လိုအပ်သည့် အခြေခံအဆောက်အအုံ (Infrastructures)  ပိုင်းတွင် လျှပ်စစ်စွမ်းအင်များ ယခုထက်ပိုမိုရရှိလာ ရေး၊ ဆက်သွယ်မှုကွန်ရက် (Communication Network) များ အဆင့်အတန်းပိုမြင့်မားရေး၊ အီလထရောနစ် ကူးသန်းရောင်းဝယ် မှုများ ဖွံ့ဖြိုးရေးတို့သည် မိမိတို့ ဆက်လက်ကြိုးစားကြရမည့် အချက်များဖြစ်၏။   လက်ရှိတွင်လည်း မြန်မာနိုင်ငံ ကွန်ပျူတာအသင်းချုပ်အပါအဝင် မြန်မာနိုင်ငံကွန်ပျူတာပညာရှင်အသင်း၊ မြန်မာနိုင်ငံ ကွန်ပျူတာလုပ်ငန်းရှင်အသင်း၊ မြန်မာနိုင်ငံ ကွန်ပျူတာဝါသနာရှင်အသင်းများဖွဲ့စည်းကာ မြန်မာ  ICT လုပ်ငန်းများ ဖွံ့ဖြိုးတိုးတက် လာရေးအတွက် အရှိန်အဟုန်ဖြင့် ဝိုင်းဝန်းကြိုးပမ်းဆောင်ရွက်လျက်ရှိကြသည်။ အထူးသဖြင့် မြန်မာနိုင်ငံကွန်ပျူတာအသင်းချုပ် သည် ICT Industry နှင့် အစိုးရတာဝန်ရှိသူများအကြား ပေါင်းကူးသဖွယ် ဆောင်ရွက်ပေးလျက်ရှိသည်။ အသင်းချုပ်အနေဖြင့် Software Industry ဖွံ့ဖြိုးတိုးတက်လာရေးအတွက် ပြည်တွင်း ICT Standard များသတ်မှတ်ရေး၊ Cyber Law  များ Virus Protection Act များ ပြဋ္ဌာန်းနိုင်ရေး၊ နိုင်ငံတကာနှင့် ဆက်သွယ်ဆောင်ရွက် နိုင်ရေးတို့အတွက် ကြိုးပမ်းလျက်ရှိသည်။   ပြည်တွင်း ICT ကုမ္ပဏီများမှလည်း Software Industry ဖွံ့ဖြိုးလာရေးအတွက် ရနိုင်သည့်အရင်းအမြစ် (Resources) များဖြင့် ဆောင်ရွက်လျက်ရှိသည်။ အထူးသဖြင့် ပြည်တွင်းဈေးကွက်အတွက် ဦးတည်၍ ဆော့(ဖ်)ဝဲများကိုလည်း ထုတ်လုပ်ရောင်းချ လျက်ရှိသည်။ မိုဘိုင်းဖုန်း Application Software များ၊ မြန်မာ SMS စာတိုပို့စနစ်၊ Mobile Phone Dictionary များ၊ Touch screen phone/ SMART phone များအတွက် မြန်မာစာလက် ကွက် စနစ်များမှာ ထင်ရှားသည့် ဆော့(ဖ်)ဝဲများဖြစ်သည်။ ၂၀၀၉ ခုနှစ် နှစ်ကုန်ပိုင်းတွင်လည်း Alpha ကွန်ပျူတာမှ Window mobile 6.1 ကိုသုံးပြီး ပိဋကတ်သုံးပုံ ကျန်းဂန်များပါဝင်သည့် အိတ် ဆောင် ဒစ်ဂျစ်တယ်တိပိဋကစက်ကို Mandalay ICT Expo 2009 တွင် ဈေးကွက်အတွင်းသို့ စတင်ရောင်းချနိုင်ခဲ့သဖြင့် Myanmar Software Industry မှာ တစ်စထက်တစ်စ ဖွံ့ဖြိုးမှုအရှိန်ရလာပြီဟု ဆိုနိုင်သည်။ သို့ရာတွင် လာမည့်နှစ်အနည်းငယ် အတွင်း မြန်မာ့ Software Industry မှာအခြားသော အာဆီယံဒေသတွင်းနိုင်ငံများ နည်းတူဖွံ့ဖြိုးလာရန် အရှိန်မြှင့်ကြိုးစားရ မည်ဖြစ်သည်။ လူထုဆက်သွယ်ရေးကဏ္ဍ   မြန်မာ့အိုင်စီတီကဏ္ဍတွင် လူထုဆက်သွယ်ရေး အပိုင်းသည် ဖွံ့ဖြိုးမှု အားအကောင်းဆုံးဖြစ်သည်။ လိုင်းဖုန်းများသည် နိုင်ငံအနှံ့ မြို့နယ်အားလုံးသို့ ရောက်ရှိခဲ့ပြီး မိုဘိုင်းဖုန်းများလည်း မြို့ကြီးများစွာတွင် အသုံးပြုနိုင်ကြပြီဖြစ်သည့်အပြင် CDMA ကမ်းရိုးတန်း ဖုန်းများကိုလည်း မြို့ကြီးများတွင် အရေအတွက်များစွာ ရောင်းချပေးလျက်ရှိရုံသာမက အချို့သော ကျေးရွာများထိ သုံးစွဲလာ နိုင်ကြပြီ ဖြစ်သည်။   မိုဘိုင်းဖုန်းများ၏ ဖန်ရှင်များ တိုးတက်သုံးစွဲလာနိုင်ခြင်းနှင့်အတူ ပြည်တွင်းမိုဘိုင်းဖုန်းဈေးကွက်မှာလည်း ဖွံ့ဖြိုးမှု အားကောင်း နေ၏။ မိုင်ဘိုင်းဖုန်းဈေးကွက်တွင် ဟန်းဆက်ဈေးများမှာ ကျပ် ငါးသောင်းဝန်းကျင်မှ ကျပ် ၁၅ သိန်းဝန်းကျင်အထိ ဈေးအမျိုးမျိုးနှင့် အမျိုးအစားစုံလင်စွာ ဝင်ရောက်နေကြသော်လည်း i phone နှင့် blackberry ကဲ့သို့သော တန်ဖိုးမြင့်ဟန်းဆက်များမှာ ဝယ်ယူ သုံးစွဲသူ နည်းကြောင်း Do Co Mo မိုဘိုင်းဖုန်းဆိုင်မှာ မန်နေဂျာ ဦးနေလင်းထွန်းက ပြာကြားပါသည်။ i phoneနှင့် blackberry တို့ကဲ့သို့သော ဟန်းဆက်များမှာ ဝယ်ယူသုံးစွဲသူနည်းသဖြင့် မဆိုသလောက် အရေအတွက်သာ ဆိုင်ပေါ်တင်၍ရောင်းချပြီး မှာယူသူရှိမှသာ ရောင်းချသည်ဟု ၎င်းကပြောကြား၏။ တန်ဖိုးမြင့်ဟန်းဆက်များမှာ အရောင်းအေးသဖြင့် ဆိုင်ပေါ်တွင်ကြာကြာ မိနေပါက ဈေးပြုတ်ကျချိန်နှင့် ကြုံပြီး အရှုံးပေါ်သွားနိုင်သဖြင့် များများစားစားတင်၍ မရောင်းခြင်းဖြစ်ကြောင်း ဦးနေလင်းထွန်းက ပြောကြားသည်။ ဟန်းဆက်ဈေး ကွက်တွင် တရုတ်နိုင်ငံလုပ် ဈေးချိုသည့်နာမည်ကြီး brand များမှာ အရောင်းအသွက်ဆုံးဖြစ်နေ သည်။   မိုဘိုင်းဖုန်းဈေးကွက်အတွင်း prepaid ဖုန်းများ ဝင်ရောက်လာခြင်းသည်လည်း လူထုဆက်သွယ်ရေးကဏ္ဍအတွင်း ဈေးကွက် ဖွံ့ဖြိုးမှုတစ်ခုဖြစ်နေခဲ့သည်။   အင်တာနက်များသုံးစွဲမှုမှာ တစ်နှစ်ထက်တစ်နှစ် ပိုမိုကျယ်ပြန့်လာနေပြီး အင်တာနက်ဆိုင်များသည် ဆင်ခြေဖုန်းမြို့နယ်များ၏ လမ်းမကြီးများပေါ်တွင်သာမကဘဲ လမ်းသွယ်များအထိပင် ထိုးဖောက်ဝင်ရောက်လာကြပြီဖြစ်သည်။ အချို့သော ဆူပါမားကက် ကြီးများနှင့် စားသောက်ဆိုင်ကြီးများ၌ Wi Fi များ အခမဲ့သုံးဆွဲခွင့်ပေးထားရာ ထိုဆိုင်ကြီးများအတွင်း မိမိတို့၏ လက်တော့လေး များ ယူဆောင်လာကြပြီး စားရင်းသောက်ရင်း အင်တာနက်ကြည့်ကြသည်မှာ စတိုင်တစ်ခုဖြစ်လာပေပြီ။ အင်တာနက်သုံးစွဲမှုများ လာသည်နှင့်အမျှ အင်တာနက်ဝန်ဆောင်မှုကုမ္ပဏီများလည်း တိုးတက်လာပြီး အလုပ်အကိုင် အခွင့်အလမ်းများတိုးချဲ့လာနိုင်ကြ ၏။ဟာ့(ဒ်)ဝဲများထုတ်လုပ်ရန် ချင့်ချိန်ရမည့်အချက်များ   လူသုံးများသည့် ဟာ့(ဒ်)ဝဲပစ္စည်းများ ပြည်တွင်း၌ထုတ်လုပ်ရန် အလားအလာနှင့်ပတ်သက်၍ မြန်မာနိုင်ငံ ကွန်ပျူတာလုပ်ငန်း ရှင် များအသင်း ဥက္ကဋ္ဌ ဒေါ်ဝါဝါထွန်းက ''လူသုံးများ IT ပစ္စည်းတွေ ပြည်တွင်းမှာထုတ်လုပ်ဖို့ဆိုရာမှာနှစ်မျိုးရှိပါတယ်။ နာမည် ရပြီးသား brand ဥပမာအားဖြင့် Epson, Dell တို့ပေါ့။ အဲဒီလိုကုမ္ပဏီတွေက ပြည်တွင်းမှာစက်ရုံလာတည်ပြီး ထုတ်လုပ်တာမျိုးပါ။ ဗီယက်နမ်တို့ မလေးရှားတို့မှာ ဒီလိုလာရောက်ရင်းနှီးမြှပ်နှံမှုတွေ စန်းပွင့်ပြီး တိုင်းပြည်စီးပွားရေးတက်နေတယ်။ လူတွေအများကြီး အလုပ်အကိုင်တွေရကြတယ်။ နောက်တစ်မျိုးဖြစ်တဲ့ ပြည်တွင်းမှာ ကိုယ်ပိုင်အရင်းအနှီးနဲ့ ကွန်ပျူတာပစ္စည်းတွေ ထုတ်လုပ်တဲ့ စက်ရုံ  (ဥပမာ Casing, Motherboard, Monitor) တွေတည်ဖို့ကတော့ သေ သေချာချာ စဉ်းစားသင့်တယ်လို့ ထင်ပါတယ်။ အချက် ငါးချက်ကြောင့်ပါ။ နံပါတ်တစ်ကဈေးကွက်ပါ။    ပြည်တွင်းဈေးကွက်ရဲ့ ဝယ်လိုအားကနည်းနေသေးတယ်။ မြန်မာ့အိုင်စီတီလောကဟာ ကွန်ပျူတာသုံးစွဲတဲ့ ဧရိယာ၊ လုပ်ငန်း၊ ပုဂ္ဂိုလ်တွေ ပိုများလာအောင် စည်းရုံးနေရဆဲအဆင့်ပါ။ လူဦးရေ အချိုးနှုန်းနဲ့တွက်ရင် လက်ရှိမှာ IT သုံးစွဲမှု နည်းနေပါသေးတယ်။ နာမည်မရသေးတဲ့ ပြည်တွင်းထုတ် brand ကို ပြည်ပပို့ဖို့ဆိုရင် တရုတ်နိုင်ငံလုပ်  ဈေးနိမ့်ပစ္စည်းတွေနဲ့ ယှဉ်ပြိုင်ဖို့ခက်ခဲမယ်။ နံပါတ်နှစ်က AFTA အသက်ဝင်လာတဲ့အခါမှာ ပြည်တွင်းထုတ် ဟာ့(ဒ်)ဝဲအများစုဟာ အပြင်ကသွင်းလာတဲ့ ပစ္စည်းတွေထက် ဈေးများနေနိုင်တယ်။ နံပါတ်သုံးကတော့ နည်းပညာတိုးတက်ပြောင်းလဲမှုနှုန်းကသိပ်မြန်တယ်။ ကိုယ့်ပြည်တွင်းကထုတ်လုပ် ထားတဲ့ပစ္စည်းတွေ ဈေးကွက်ထဲမပြန့်ခင်မှာဘဲ ပိုကောင်းတဲ့ ပိုမြင့်တဲ့ IT ထုတ်ကုန်တွေက အပြင်ကနေ ဈေးချိုချိုနဲ့ ဝင်လာရင် အရှုံးပေါ်သွားနိုင်တယ်။ နည်းပညာထုတ်ကုန်ဆိုတာ ''ငါး''ထက်ဆိုးတယ်။ ငါးကမှ မလတ်ရင် ဆားသိပ်ပြီး ငါးပိလုပ်လို့ရသေး တယ်။ ICT ပစ္စည်းတွေကတော့လွှင့်ပစ်ရဖို့တောင် အခက်အခဲရှိနိုင်တယ်လေ။ နံပါတ်လေးက အဆင့်မြင့်နည်းပညာ ပစ္စည်းတွေ ဟာ ရိုဘော့နဲ့လုပ်ရတာ။ High Tech လဲလိုတယ်။ ပါဝါအတိမ်းအစောင်းလဲ မခံဘူး။ နံ ပါတ် ငါးက အဆင့်မြင့်အိုင်တီပစ္စည်း (ဥပမာ Chip)စက်ရုံတွေ တည်ထောင်မယ်ဆိုရင် လူ့စွမ်းအားအရင်းအမြစ်တွေမလုံလောက်သေးဘူး။ ဒီမှာက လုပ်အားခ ဈေးမများပေမယ့် Skill  ကလိုသေးတယ်။ ဒါ့ကြောင့် လွယ်လွယ်တွေးရင် ပြည်တွင်းမှာ ဟာ့(ဒ်)ဝဲတွေ ထုတ်လုပ် သုံးစွဲသူတွေ အတွက် ဈေးသက်သာမယ်ထင်ရပေမယ့် စောစောက ပြောတဲ့ အချက်ငါးချက်ကြောင့် အသေအချာစဉ်းစားရမယ် ထင်ပါ တယ်'' ဟု ၎င်းရဲ့ထင်မြင်ချက်ကို ထုတ်ဖော်ပြောကြားပါတယ်။       တရုတ်နိုင်ငံ ကုမ္ပဏီကြီးတစ်ခုမှ စီးပွားရေးပညာရှင်တစ်ဦးက ၂၁ ရာစုတွင် အိုင်စီတီသည် စီးပွားရေးနှင့် လူမှုရေးဖွံ့ဖြိုး တိုးတက်ရေးတို့အတွက် အားကောင်းသောမောင်းနှင်အားများဖြစ်လာမည်ဟု သုံးသပ်ထားရာ မိမိနိုင်ငံ၏ အိုင်တီကဏ္ဍဖွံ့ဖြိုးမှုကို မျက်ခြေပြတ်ခံ၍မဖြစ်ပေ။ မြန်မာနိုင်ငံအနေဖြင့် အိုင်တီကဏ္ဍတွင် လူထုဆက်သွယ် ရေးအပိုင်း၌ ဖွံ့ဖြိုးမှု အရှိန်ကောင်းရနေသော် လည်း ကွန်ပျူတာအပိုင်းတွင် တိုးတက်မှုအရှိန်မြှင့်တင်ရန် လိုနေသေးသည်ဟု အိုင်စီတီနယ်ပယ်မှ ပညာရှင်များက လေ့လာ သုံးသပ်ကြသည်။ အထူးသဖြင့် ဆော့(ဖ်)ဝဲအပိုင်းတွင် နိုင်ငံတကာနှင့် အမီဖွံ့ဖြိုးရေးအတွက် လုပ်ဆောင်ရန် များစွာကျန်ရှိနေ သေးရာ နိုင်ငံသားများက မိမိတို့ကဏ္ဍအလိုက် တစ်ထောင့်တစ်နေရာမှာ ဝိုင်းဝန်းကြိုးပမ်းကြမည်ဆိုလျှင် ခေတ်မီဖွံ့ဖြိုး တိုးတက် သော နိုင်ငံတော်သစ်တည်ဆောက်ရေး ရည်မှန်းချက်မှာမဝေးသော အနာဂတ်ကာလတွင် ပီပီပြင်ပြင်ဖြစ်လာမည်ဟု ယုံကြည်မိ ပါတော့သည်။

Monday, 8 Mar 2010

   ကမ္ဘာမြေပေါ်မှာနေထိုင်ကြတဲ့ လူသားများအားလုံးထဲက ဆင်းရဲချမ်းသာ  ဘယ်သူမဆို  စားဝတ်နေရေးအတွက် နေ့စဉ်နှင့်အမျှ လှုပ်ရှားရုန်းကန်နေကြရပေမဲ့ ကမ္ဘာဦး ကျောက် ခေတ်ကထဲက ယနေ့မျက်မှောက်ခေတ်အထိ အများစုတူညီတဲ့ အချက်တစ် ချက်ကတော့  အလှအပကိုခံစားလိုခြင်းနဲ့  ပို၍ပို၍ဆန်းသစ်အောင် တီထွင်လိုခြင်းတို့ပင်ဖြစ်ပါတယ်။ ဒီစကားရဲ့အမှန်အမှားကို လက်တွေ့ဆန်းစစ်ကြည့်ချင်ပါတယ်လို့ တစ်စုံတစ်ဦးက ဆိုခဲ့ရင်တော့ဖြင့် ကမ္ဘာအနှံ့အောင်မြင်ဖြစ်ထွန်း ကျော် ကြားနေကြတဲ့ ဖက်ရှင်လောကကြီးကိုသာလက်ညှိုးထိုးပြီးသက်သေပြရမှာပါ။ ဖက်ရှင်လို့ခြုံပြီးဆိုရပေမဲ့လည်း လူတစ်ဦးရဲ့ ဆံဖျားကနေ ခြေထောက်ရဲ့ ခြေသည်းပင်မကျန် ခန္ဓာကိုယ်အနှံ့အပြားရှိသမျှ အစိတ်အပိုင်းတိုင်းကိုသေသပ်ကျနအောင်ဖန်တီးပြုပြင်လှပ အောင်ဆင်ယင်ရတဲ့ကိစ္စရပ်များပဲဖြစ်ပါတယ်။ဖက်ရှင်ဆိုတာ အဓိပ္ပာယ်ဖော် ကြည့်ရင် ထူးခြားဆန်းသစ်တဲ့ ဒီဇိုင်နာတွေရဲ့ ခေတ်မီတဲ့အတွေးအခေါ်များကို အများပြည်သူကြား ဖော်ထုတ်ပြသခြင်းလို့ခေါ်ရင်  အကြမ်းဖျဉ်းတော့ ပြည့်စုံမယ်လို့ထင်ပါတယ်။ ကမ္ဘာ့နိုင်ငံအသီးသီးမှာလည်း  ဖက်ရှင်ယဉ်ကျေးမှု ဟာ အရှိန်အဟုန်  ကောင်းကောင်းနဲ့ အောင်ပွဲခံလျက်ရှိပါတယ်။  ဖက်ရှင်ဒီဇိုင်နာများ ရဲ့ အဓိကပန်းတိုင်ကတော့ သူတိ့ု ဖန်တီး လိုက်တဲ့ ဒီဇိုင်းများကို လူအများသက်တောင့် သက်သာနဲ့နှစ်ခြိုက်စွာ ဝတ်ဆင်သုံးစွဲနိုင်ဖို့အတွက် အနုပညာမြောက် ထုတ်ကုန် တစ်ခုကို ထုတ်လုပ်တာပါပဲ... ကမ္ဘာကြီးဟာ ရွာအဆင့်ရောက်ရှိလာတဲ့အခါမှာတော့  ဖက်ရှင်မူလပင်မဖြစ်တဲ့  လန်ဒန်၊ ပဲရစ်၊ မီလန်၊နယူးယောက်၊ တိုကျိုစတဲ့နေရာ တွေကနေကမ္ဘာအနှံ့ ကို    လှိုင်းလုံးများသဖွယ် ဝင်ရောက်လာပါတော့တယ်။ ဒီလှိုင်းလုံး တွေကြားက ဖက်ရှင်ဒီဇိုင်နာ တစ်ယောက်အတွက် အဓိကအကျဆုံး အရေးကြီးဆုံးအလေးထားရမယ့် အချက်တစ်ချက်က တော့ ''မိမိဖန်တီး ထုတ်လုပ်လိုက်တဲ့ ဒီဇိုင်းဟာ မိမိနိုင်ငံရဲ့ ယဉ်ကျေးမှုကို မြှင့်တင်နိုင်သလို အချိန်မရွေးပျောက်ဆုံး သွားအောင်လည်း လုပ်နိုင်တယ်'' ဆိုတဲ့ အချက်ပါပဲ။ဖက်ရှင်အစ ဘဂ္ဂဒက်က   လေ့လာကြည့်မယ်ဆိုလျှင်လည်း အနောက်တိုင်း ဖက်ရှင်အများစုဟာ သူတို့နယ်ချဲ့ခဲ့ရာ  ကိုလိုနီနယ်မြေများက ယဉ်ကျေးမှု များနဲ့ ပေါင်းစပ်ပြီး စဉ်ဆက် မပြတ် ပြုပြင်ပြောင်းလဲကာ မတူညီ ဆန်းသစ် တဲ့ ဖက်ရှင်တစ်မျိုးစီကို တီထွင်လာခဲ့တာ ယနေ့ တိုင် ဖြစ်ပါတယ်။ ဖက် ရှင်ရဲ့မူလမှာ AD ၈ ရာစုမှာ စပိန်  ဂီတ ပညာရှင် Zir Yab  ရဲ့  Clothing Style ကစခဲ့ တာပါပဲ။  Zir Yab ဟာ ဘဂ္ဂဒက်ရဲ့ ရာသီအလိုက် နေ့စဉ်ပြောင်းလဲ ဝတ်စား ဆင်ယင်မှုကို အခြေခံပြီး ပြောင်းလဲ ဆန်းသစ်လိုက်တဲ့ သူ့ရဲ့ကိုယ်ပိုင်ဟန် Cordoba Spainish Style ပါပဲ။ သူ့လိုပဲ AD ၁၁ ရာစုမှာ တူရကီက ကုန်သည်တစ်ယောက်ဟာ အာရှဗဟို နှင့်အရှေ့ဖျားဒေတို့ရဲ့ ဝတ် စားဆင်ယင်မှုကို ပြုပြင် ပြောင်းလဲကာ ကိုယ် ပိုင်ဟန် ပြုခဲ့ပါတယ်။ အဲဒီလိုပြောင်းလဲမှုများ နှင့်အတူ AD ၁၄ ရာစုမှာတော့  ဖက် ရှင် ပညာရှင် နှစ်ဦးဖြစ်တဲ့ Jame Laver နှင့် Fernand Braudel တို့  ဟာ အနောက်တိုင်း ဖက်ရှင် ဝတ်စုံ ကို တီထွင်ခဲ့ကြ ပါတယ်။ဘောင်းဘီအတိုကြပ်ကြပ်နဲ့ ဘောင်းဘီအရှည် Calf Length Buttocks တို့ပဲဖြစ်ပါတယ်။ အဲဒီနောက်ပိုင်း ရာစုနှစ်များမှာတော့ ပြင်သစ်ရဲ့ Ancien Regime fashion နဲ့ ၁၆ ရာစုက Abraham Bosse ရဲ့ French Patterns များကိုအခြေခံတဲ့ Latest Paris Style ပေါ်ပေါက်လာ ခဲ့ပါတယ်။ ဒီဖက်ရှင်ဟာ ၁၆၂၀ မှ ၁၈၀၀ ပြည့်နှစ်တိုင်အောင် အနောက်ဥရောပမှာ ခေတ်စားခဲ့ပါတယ်။၁၈၅၈မှာတော့ သမိုင်းတွင်မယ့် Fashion တစ်ခုကို အင်္ဂလန် ဖွား Charles Frederick Wonth က ပြင်သစ်နိုင်ငံ ပဲရစ်မြို့မှာ အထည်ချုပ်ဆိုင်ကြီးဖွင့်လှစ်ပြီး  တီထွင်ဖန်တီးမှုတွေပြုလုပ်ခဲ့ပါတယ်။ များပြာလှတဲ့တိုးတက်တဲ့ အမြင်ပုံဏ္ဌာန်အမျိုးမျိုးကို ပေါင်း စပ်ပြီး နောက်ဆုံးမှာတော့ သူ့ရဲ့ Street Fashion ကို ပေါ့ပေါ့ပါးပါးထုတ်လုပ်နိုင်ခဲ့ပါတယ်။ဒီဖက်ရှင်လုပ်ငန်းကြီးအတွက် အရေးပါတဲ့ နောက်တစ်ချက်ကတော့  Fashion Journalism ပါပဲ။ အခုခေတ်မှာတော့ မဂ္ဂဇင်း များ၊ သတင်းစာများ၊ T.V Channel များအပြင် Internet Website များကြောင့် ဖက်ရှင်လုပ်ငန်းနဲ့ဆက်စပ်ပြီး အခြားသော အလုပ် အကိုင်အခွင့်အလမ်းများလည်းပေါ်ပေါက်ခဲ့ပါပြီ။မြန်မာ့ဖက်ရှင်မော်ဒယ်လောကဘယ်ကစ   မြန်မာနိုင်ငံမှာ ၁၉၉၅-၉၆ခုနှစ်မှာ Tourism Board ကနေ မြန်မာ့ခရီးသွားနှစ်အတွက် ပြင်ဆင်ရာမှာ မော်ဒယ်လ်ပြိုင်ပွဲတွေ လုပ်လာခဲ့ပြီး အဲဒီအချိန်က မင်းသားတစ်ယောက် မင်းသမီးတစ်ယောက် ဖြစ်ဖို့ဆိုတာ ခဲယဉ်းနေတဲ့အချိန် Visit Myanmar Year လုပ်တဲ့အချိန်မှာဘဲ မြန်မာနိုင်ငံကိုပြန်လာပြီး ပထမဆုံးမော်ဒယ်အေဂျင်စီ စထောင် ခဲ့တယ်လို့ Star & Model Agency ရဲ့ ပိုင်ရှင် ကိုဂျွန်လွင်က ဆိုပါတယ်။ ''အဲဒီအချိန်ကစပြီး  မော်ဒယ်လောက ခေတ်စားလာပြီး ပြဿနာတချို့ကြောင့် ပန်မှေးမှိန်ခဲ့ပါတယ်။ မော်ဒယ်ခေတ်စား လာမှုနဲ့အတူ ဒီဇိုင်နာတွေလဲ အများကြီးပေါ်ပေါက်လာခဲ့ပါတယ်။ ၂၀၀၉ခုနှစ် မှာတော့ မော်ဒယ်လောက တော် တော်ကျယ်ပြန့်လာပါတယ်။ အလုပ်အကိုင် အခွင့်အလမ်းတွေလည်း အများကြီးပေါ်ပေါက်ခဲ့ပါတယ်။ အခုဆိုရင်တော့ ဈေးပွဲတော် လျှောက်တဲ့ မော်ဒယ်အုပ်စု တစ်အုပ်စု၊ ပွဲကြီး တွေလုပ်တဲ့ မော်ဒယ်ကတစ်အုပ်စုဖြစ်သွားပါပြီ။ ပွဲတွေများလာတော့ မော်ဒယ် ဆိုတာဘာလဲဆိုတာ တောနယ်က လူတွေကအစ သိနေကြပါပြီ'' လို့ ကိုဂျွန်လွင်က   မြန်မာမော်ဒယ် လောကရဲ့ ဖွံ့ဖြိုးတိုးတက် လာမှု ကို ပြောပြပါတယ်။    ''ကျွန်တော်က ရှိုးပွဲတွေလုပ်ပြီး အရှုံးခံပြခဲ့တယ်။ Park Royal မှာဆို တစ်နေကုန်ပွဲနှစ်ရက်ဆက်တိုက်ပြခဲ့တယ်။ မော်ဒယ် ဆိုတာ ဘာလဲသိစေချင်လို့ပါ။ ပွဲလုပ်တယ်ဆိုတာ လမ်းဘေးမှာသုံးထပ် သားပြား ၄ချပ်ရိုက်ပြီးစင်လုပ်လို့မရဘူး။ စင်ကိုအပြင် အဆင်ပိုင်းက အစ ခမ်းခမ်းနားနား လုပ်ရတယ်။ အခွေတွေရိုက်ရတယ်။ အဲဒီအခွေကိုလက်ဆောင်ပေးရတယ်။ ဒီတော့မှ လူတွေ မော်ဒယ် လောကကို သိလာတယ်'' လို့ သူဖြတ်သန်းခဲ့ရတဲ့ မော်ဒယ်အေဂျင်စီ ထူထောင်သူဘဝကို ပြန်ပြောင်းပြောပြခဲ့ပါတယ်။ ''မော်ဒယ်ရှိုးပွဲတစ်ခုလုပ်မယ်ဆိုရင် အနဲဆုံးကုန်ကျစရိတ် ၅ သိန်း ၆ သိန်းလောက်ရှိတယ်။ ဒါပွဲသေး ကုမ္ပဏီဒင်နာ ဧည့်ခံပွဲလို ဟာမျိုးပေါ့။ ပွဲကြီးဆိုရင်တော့ မော်ဒယ်တစ်ယောက်က နှစ်သောင်း သုံးသောင်း ငါးသောင်း တချို့ တစ်သိန်းထိ ဝင်ငွေရကြပါ တယ်။ ဒါပေမဲ့ မော်ဒယ်တွေမှာလဲ အင်္ကျီ Fitting ချဖို့လုပ်ရတာ၊ ရီဟာ ဇယ်လာရတာ၊ ပွဲကြိုလာပြီး မိတ်ကပ်လိမ်းရတာ ကားခနဲ့ မကိုက်လှပါဘူး''လို့ ဆိုပါတယ်။ အဲဒီကနေတက်ပြီး ကြော်ငြာမင်းသမီးဖြစ် ရင်တော့ ဝင်ငွေကောင်းကောင်းရလာနိုင်တာပေ့ါလို့ မော်ဒယ်တွေရဲ့ဝင်ငွေနဲ့ အသုံးစရိတ်ကိုလည်း ရှင်းပြပါတယ်။ မော်ဒယ်အေဂျင်စီတွေအနေနဲ့ စီးပွားရေးအရဆိုရင်တော့ လက်ရှိ အခြေအနေအရမအောင်မြင်သေးကြောင်း စီးပွားရေးကောင်းလာပြီး ကုမ္ပဏီများထပ်တိုးလာကာ အရောင်းမြှင့်တင်ရေးပွဲများ လုပ်လာရင် အနာဂတ်ကာလမှာ မော်ဒယ်တွေဝင်ငွေကောင်းဖို့မျှော်လင့်ကြောင်း မော်ဒယ်များရဲ့အနာဂတ်အတွက် အကောင်းမြင် စွာနဲ့ ကိုဂျွန်လွင်ကပြောပါတယ်။မော်ဒယ်နဲ့ ဖက်ရှင်ဒီဇိုင်နာ   ''ဖက်ရှင်ဒီဇိုင်နာဆိုတဲ့ ဝေါဟာရကို မြန်မာနိုင်ငံမှာတွင်တွင်ကျယ်ကျယ်အသုံးပြုတာက ၁၉၉၇နောက်ပိုင်း Strand Hotel မှာ လုပ်တဲ့ ပြိုင်ပွဲမှာစတာပါ၊ ဒါဒုတိယအကြိမ်ကျင်းပတဲ့ပွဲပါ။ ပထမအကြိမ်က သုဝဏ္ဏက ခြံတစ်ခြံမှာလုပ်တဲ့ပွဲပါ။ ပထမအကြိမ်မှာ အိန္ဒြာကျော်ဇင် Miss ရပါတယ်၊ ဒုတိယအကြိမ်မှာ အေးဝတ်ရည်သောင်းရပါတယ်။ အဲဒီအချိန်မှာဘဲ ဖက်ရှင်ဒီဇိုင်နာဆိုတဲ့ ဝေါဟာ ရ တွင်ကျယ်အောင် မမီးငယ်နဲ့ ဒေါက်တာကျော်ဝင်းက ဒီဇိုင်နာ Contest  ပြိုင်ပွဲ ထည့်သွင်းကျင်းပပေးခဲ့ တယ်။ အဲဒီအချိန်မှာ ဖက်ရှင်ဝါသနာပါတဲ့သူတွေ ဝင်ပြိုင်ကြတယ်။ အဲဒီမတိုင်ခင်ကဆို ဒီဇိုင်နာ ဆိုရင်ဖက်ရှင်ဒီဇိုင်နာလား၊ Graphic ဒီဇိုင်နာလား မကွဲပြားဘူးပေါ့'' လို့ ဖက်ရှင်ဒီဇိုင်နာရဲ့ သမိုင်းကြောင်းကို ဒီဇိုင်နာခင်စန်းဝင်းက ရှင်းပြပါတယ်။   နောက်ပိုင်းမှာတော့ဒီဇိုင်နာဆုတွေ အများ ကြီးပေးတဲ့ ဒီဇိုင်နာ Contest တွေ အများကြီးလုပ်လာကြောင်း၊ မစ္စတာဘရိုင်ယန် ရောက်လာပြီး အကယ်ဒမီ မော်ဒယ်ပြိုင်ပွဲတွေ၊ Visit Myanmar Year 1996 ပြိုင်ပွဲတွေလုပ်ခဲ့ကြောင်း၊ အဲဒီအချိန်ကစပြီး ဒီဇိုင်နာ  တွေရဲ့ အခန်းကဏ္ဍကအရေးပါလာပြီး လူတွေကဖက်ရှင်ဒီဇိုင်နာဆိုတာ ရှိပါလားလို့အာရုံမျိုး စပြီးရခဲ့ကြောင်း  ခင်စန်းဝင်းက ဆက်ရှင်းပြပါတယ်။ ''ဈေးကွက်စီးပွား ရေးအရ လုပ်ငန်းထူထောင်တဲ့အခါ ဖက်ရှင်ရဲ့ အခန်းကဏ္ဍဟာ မရှိမဖြစ် လိုအပ်လာတယ်။ ဖက်ရှင်ဟာ ပါဝင် သင့်တယ်ဆိုတဲ့ အတွေးအခေါ်အယူ အဆတွေ လုပ်ငန်းရှင်တွေဆီမှာ ဝင် လာတယ်။ ဒါကြောင့် လုပ်ငန်းရှင် တွေက ဖက်ရှင်ရှိုးပွဲတွေ ကျင်းပပြီး ကုန်ပစ္စည်း  အရောင်းမြှင့်တင်မှု ကုန်ပစ္စည်းသစ်မိတ်ဆက်စသည်ဖြင့် ဆောင်ရွက်လာတာပါ။'' လို့ ဖက်ရှင် စီးပွားရေးနဲ့ အရောင်းမြှင့်တင်ရေး လုပ်ငန်းနှစ်ခု  ဆက်စပ်နေပုံကို ခင်စန်းဝင်းက ပြောပြပါတယ်။    အခုခေတ်မှာ ကလေးတွေက ဒီဇိုင်နာဖြစ်ရင် စီးပွားရေး အဆင်ပြေတဲ့ စိတ်ကူးနဲ့ဝင်လာတာတွေ ရှိတယ်။   မကြီးစန်းတို့ခေတ်က ဒီဇိုင်နာ သင်တန်းကျောင်းတွေ မရှိဘူး။ ပြည်ပမှာ သွားသင့်ဖို့ အခွင့်အရေးလဲမပေးဘူး။ ဝါသနာ ပါတာတစ်ခုတည်းနဲ့ အရင်းခံခဲ့ တာ။ အခုဆို စင်ကာပူ၊ အီတလီ၊ အမေရိက၊ ထိုင်း စတဲ့ နိုင်ငံတွေမှာ ငွေကြေးတတ်နိုင်ရင်   ဒီဇိုင်နာသင်တန်း သွားတက်နိုင်တဲ့ အခွင့်အရေးတွေရှိလာပြီ၊ ဒါကြောင့်နောက်ကလေးတွေကို တကယ်တတ် ကျွမ်းနားလည်တဲ့ ဒီဇိုင်နာတွေ ပေါ်ထွက်လာစေချင် တယ်။ တကယ် စိတ်ဝင်စားတဲ့သူတွေကိုသာ ဒီလောကထဲ ဝင်လာစေချင်ပါတယ် လို့ ပြောပါတယ်။    ဖက်ရှင်နှင့် ကုန်ပစ္စည်းအရောင်းမြှင့်တင်ရေး၂၀၀၉ ခုနှစ်အတွင်းမှာ ကုန်ပစ္စည်းအသစ်တွေကို ဈေးကွက်တင် မိတ်ဆက်တာ၊ တချို့အလှကုန်ဈေးတွေနဲ့ ပတ်သက်ပြီး Missတို့၊ Queen တို့ရွေးတာတွေကို ခပ်စိပ်စိတ်တွေ့နေခဲ့ပါတယ်။ ဖက်ရှင်မော်ဒယ်စီးပွားရေးလုပ်ငန်းနဲ့ ကုန်ပစ္စည်းအရောင်းမြှင့်တင်တဲ့ စီးပွား လုပ်ငန်း နှစ်ရပ်ပေါင်းစည်းသွားတဲ့သင်္ကေတပါ။     ဒီနေ့ ကုန်ပစ္စည်းကြော်ငြာတွေကို လေ့လာရင် အဓိကအားဖြင့် တော့ နိုင်ငံခြားကဝင်လာတဲ့ လူသုံးကုန်ပစ္စည်း၊ အလှကုန်ပစ္စည်း၊ ဆေးဝါးစတာတွေကိုပဲ ကြော်ငြာနေတာပါ။ မဂ္ဂဇင်း၊ ဂျာနယ်၊ ဗီနိုင်း၊ ပိုစတာ၊ ကြော်ငြာတွေလုပ်ကြပါတယ်။ နောက်ပိုင်းမှာတော့ မော်ဒယ် တွေနဲ့ အရောင်းမြှင့်တင်ရေးတွေ Promotion Show ပွဲတွေလုပ်လာပါတယ်။ ဒါ့ပြင် တခြားအကြောင်းအရာတွေနဲ့ ပတ်သက်တဲ့ ပွဲတွေမှာလဲ စပွန်ဆာပေးပြီးတော့ ကြော်ငြာတာ၊ လက်ကမ်းကြော်ငြာဝေတာတွေလုပ်လာပါတယ်။ ဒီလိုဆောင်ရွက် မှုအမျိုးမျိုးမှာ မော်ဒယ်တွေနဲ့ ကြော်ငြာတာဖက်ရှင်ရှိုးတွေနဲ့ ကြော်ငြာတာကြောင့်  အလွယ်တကူလူသိများလာတာ၊ ဈေးကွက် ကျယ်ပြန့်လာတာတွေကိုတွေ့ရပါတယ်။    ''မော်ဒယ်တွေက သူတို့ကိုယ်တိုင်သုံးရတော့ ပစ္စည်းကောင်းရင် ဖောက်သည်ဖြစ်သွားတာပါဘဲ။ ဒါ့ပြင်ပွဲလာတဲ့ အရောင်းကိုယ် စားလှယ်သုံးစွဲသူတွေဟာ ယုံကြည်စွာစမ်းသုံးပြီး ဝယ်သူတွေကိုညွှန်ပြနိုင်ပါတယ်။ ဒါ့ပြင် မော်ဒယ်တွေမင်းသမီးတွေသုံးလာတော့ တခြားလူတွေကလဲ အလွယ်တကူဝယ်သုံးလာကြပါတယ်။ ဒါကြောင့် မော်ဒယ်တွေနဲ့ ရှိုးပွဲတွေမှာ ကြော်ငြာတာကတော့ ရှိုးပွဲတွေ မလုပ်ခင် ကထက် ဈေးကွက်အနေအထား ပိုရလာပါတယ်။ ရှိုးပွဲကြောင့် Brand ကို လူသိလာသလို ရောင်းအားလဲ ပိုတက်လာ ပါတယ်'' လို့  Aqua Lend Co.,Ltd ရဲ့ အရောင်းမြှင့်တင်ရေး မန်နေဂျာကိုဇော်ဝင်းထွန်းကပြောပါတယ်။''ကိုယ့်  ပစ္စည်းကို နယ်က ယူရောင်းတဲ့ Customer တွေအနေနဲ့ ကြော်ငြာတွေ့ရင် လူပို သိမယ်ဆိုတဲ့အတွက်  လက် ကား အရောင်းသမားတွေ အဆင်ပြေအောင်ကြော်ငြာတာပါ။ သာမန် လူတစ်ယောက်ဝတ်ပြတာထက် မင်းသမီးတစ်ယောက် ဝတ်ပြတာ ဆိုတော့ လူပိုသိတာပေ့ါ''လို့ Spike Collection ရဲ့ အုပ်ချုပ်မှုဒါရိုက်တာ မဖြူဖြူစိမ်းကဆိုပါတယ်။ဖက်ရှင်နဲ့ ဂျာနယ်မဂ္ဂဇင်း ကျွန်းကိုင်းမှီ၊ ကိုင်းကျွန်းမှီ  ဖက်ရှင်မော်ဒယ်လောကကို ပိုပြီးကျယ်ပြန့်  ထွန်းကာလာအောင်ပံ့ပိုးတဲ့အပိုင်းမှာ ဖက်ရှင်ဂျာနယ်နဲ့ မဂ္ဂဇင်းတွေရဲ့ အခန်းကဏ္ဍက လည်း အဓိကနေရာကပါဝင်နေပါတယ်။ ဖက်ရှင်ကိုမဂ္ဂဇင်းက ကြော်ငြာသလို ဖက်ရှင်အကြောင်းနဲ့ မော်ဒယ်အကြောင်းတွေစုံလင် အောင်ပါလို့ မဂ္ဂဇင်းစောင်ရေတတ်နိုင်တာကြောင့် ကျွန်းကိုင်းမှီ ကိုင်းကျွန်းမှီလုပ်ငန်းလို့ဆိုရပါမယ်။    မဂ္ဂဇင်းတွေထဲမှာ ဆန်းသစ်လှပတဲ့ ဖက်ရှင်တွေ၊ မော်ဒယ်လ်၊ မင်းသမီးတွေရဲ့ အလှအပ၊ အဝတ်အစား၊ ဖိနပ်စတဲ့ အသုံး အဆောင်တွေ၊ လက်ဝတ်ရတနာတွေကိုဖော်ပြကြပါတယ်။ စာဖတ်ပရိသတ်ကလဲ ဒါကိုစိတ်ဝင်စားပါတယ်။ ဘယ်လိုဖက်ရှင်တွေ ခေတ်စားနေတယ်၊ မင်းသား မင်းသမီးမော်ဒယ်တွေ ဘာလုပ်နေတယ်ဆိုတာ သိချင်နေတာပါ။ ဒီတော့ မဂ္ဂဇင်းဂျာနယ်တွေ ဝယ်ဖတ်ကြရပါတယ်။ ဒီကဏ္ဍကြောင့် လုပ်ငန်းရှင်တွေကလဲ ကြော်ငြာအတွက် လိုအပ်တဲ့ မော်ဒယ်တွေကို ဆက်သွယ်နိုင်သလို လိုချင်တဲ့ပစ္စည်းတွေမှာယူနိုင်ကြပါတယ်။ ဒါ့ပြင် ဆယ်ကျော်သက်တွေကလဲ သူတို့နှစ်သက်တဲ့ မော်ဒယ်တွေရဲ့ ဝတ်စားဆင်ယင်မှု၊ ဘာတွေ လုပ်နေသလဲ သိချင်သလို ခေတ်မီဆန်းသစ်တဲ့ ဖန်စီပစ္စည်းတွေကို စိတ်ဝင်စားကြပါ တယ်။ လူလတ်ပိုင်း လူကြီးပိုင်းတွေ ကလဲ စိတ်ဝင်စားတာကြောင့် ရောင်းအားပိုတိုးတက်လာပါတယ်။ ဖက်ရှင်ကြောင့် ဂျာနယ်တွေ မဂ္ဂဇင်းတွေ အရောင်းသွက်သလို ဂျာနယ်မဂ္ဂဇင်းကြောင့်လဲ ဖက်ရှင်လောကနဲ့ ကုန်ပစ္စည်းရောင်းအားတွေ တိုးတက်လာစေတာကတော့ အမှန်ပါလို့ ဖက်ရှင်မဂ္ဂဇင်း ရဲ့ တာဝန်ခံအယ်ဒီတာ မဝင်းမာက ပြောပါတယ်။   ဂျာနယ်မှာ ဖက်ရှင်ကဏ္ဍကို ပုံစံအမျိုးမျိုးနဲ့ ဖော်ပြထားတယ်။ ဥပမာ-ရာသီအလိုက်ဝတ်စားဆင်ယင်မှု ကဏ္ဍမှာဆိုရင် မင်းသား၊ မင်းသမီးတွေ မော်ဒယ်တွေနဲ့ နွေရာသီဆို ဘယ်လိုအဝတ်အစား၊ မိုးရာသီဆို မိုးကာလှလှလေး၊ ထီးလှလှလေးစတဲ့ လှပတဲ့ပုံတွေနဲ့ ဖော်ပြပေးတယ်။ ဆောင်းရာသီဆိုရင်လည်း အနွေးထည်လှလှလေးတွေနဲ့ပေ့ါ။ ဒီကဏ္ဍကို စာဖတ်သူကလည်း မင်းသမီ၊ မင်းသား တွေ ဘယ်လိုဝတ်သလဲ စိတ်ဝင်စားသလို မင်းသမီးအချင်းချင်းကလည်း ဘယ်ဒီဇိုင်နာချုပ်တာလဲ၊ ဘယ်လိုဒီဇိုင်းလဲ စသဖြင့်ပေ့ါ လို့ Hello ဂျာနယ်ရဲ့ အယ်ဒီတာကိုဘုန်းနေလကပြောပါတယ်။ မိမိနိုင်ငံထုတ်ကုန်တွေကို ပြည်ပမှာ ဈေးကွက်ထိုးဖောက် ကြော်ငြာဖို့ ပြည်ပနိုင်ငံတွေကို သွားရောက်ပြသတဲ့ပွဲတွေမှာ မိမိနိုင်ငံထွက် တိုင်းရင်းသားရိုးရာ အဝတ်အထည်တွေ ဝတ်ဆင်ပြသ ရာမှာတော့ နိုင်ငံခြားက ကြိုက်နှစ်သက်လို့ ဝယ်ယူချင်တာကြောင့်ကမ်းလှမ်းလာခဲ့ဖူးကြောင်း၊ သုံးလအတွင်း အထည်ထောင် ဂဏန်းလိုချင်တာကြောင့် ပြည်တွင်းထုတ်လုပ်မှုကြည့်တဲ့အခါမှာတော့ ရိုးရာစနစ်နဲ့ရက်လုပ်မှုကြောင့် အချိန်မှီမလုပ်နိုင်တာ၊ အရည် အသွေးပိုင်းမှာလည်း အရောင်ကျွတ်တာ၊ ရေနဲ့ထိတဲ့အခါ ကြုံ့သွားတာတွေကြောင့် ရောင်းချခြင်းမပြုခဲ့ရဘူးလို့ ကိုယ်တွေ့ ကြုံခဲ့ရသူတစ်ဦးရဲ့ ပြောပြချက်အရသိရပါတယ်။ ဒါကြောင့် ရိုးရာအထည်တွေကို  နိုင်ငံတကာ အဆင့်မီ အရည်အသွေးရှိအောင် ခေတ်မီနည်းပည နဲ့ ပြုပြင်မွမ်းမံပြီး နိုင်ငံခြားထိထိုးဖောက်တင်ပို့နိုင်ဖို့အတွက် ဆောင် ရွက်ဖို့လိုလာပြီဆိုတာလဲတွေ့နေရပါတယ်။   ''ပြီးခဲ့တဲ့နှစ်ကလုပ်တဲ့ အာဆီယံရှိုးကို သူတို့ကဖိတ်တယ်။ ကိုယ်ကစဉ်းစားတာက ကိုယ့်ရဲ့ဈေးကွက်က လတ်တလောမှာ Professional Wedding Dress ဆိုတော့ ဒါမျိုးက နိုင်ငံခြားမှာ အဆင်မပြေဘူး။ ကိုယ့်အထည်တွေ အော်ဒါအပ်ပြီး ဝတ်မဲ့လူလဲ မရှိဘူး။ ဒါကြောင့်သိပ်အားမထားခဲ့ဘူး။ ဒီနှစ် ၂၀၁၀ မှာလည်း သူတို့က ထပ်ပြီးဖိတ်တယ်။ ဒီကတာဝန်ရှိသူတွေကလည်း သွားပြဖို့ ပြောတော့ ကိုယ့်အနေနဲ့ ဘာပဲဖြစ်ဖြစ် မြန်မာနိုင်ငံကိုကိုယ်စားပြုပြီးသွားမယ်။ ကိုယ်တတ်ထားတဲ့ ပညာအရည်အချင်းနဲ့ မြန်မာ တွေ ရဲ့ ဒီဇိုင်းပညာမသေးဘူးဆိုတာ ပြမယ်လို့ ဆုံးဖြတ်ထားတယ်။ ဧပြီလ ၁ရက်မှာထိုင်းမှာပြမှာပါ'' လို့ ဒီဇိုင်နာ ခင်စန်းဝင်းက သူ့ရဲ့ အစီအစဉ်ကို ပြောပါတယ်။ ဖက်ရှင်နဲ့ ရုပ်သံ    ဟိုအရင်က ဂီတမြူးဇစ်ဟာ အတီးသက်သက်နဲ့သာ တင်ဆက်မှုတွေရှိခဲ့တာပါ။ ဒီနောက်ပိုင်းမှာ နိုင်ငံတကာရဲ့ ဂီတမှာ ဖက်ရှင် နဲ့ ပေါင်းစပ်ပြီးဖျော်ဖြေလာကြပါတယ်။ ဒီလိုပေါင်းစပ်လိုက်တာကြောင့်လဲပိုမိုမြူးကြွလာတာကိုတွေ့ရပါတယ်။ ''ကျွန်တော်တို့ နိုင်ငံမှာလဲ ဒီနောက်ပိုင်းလူငယ်တွေဟာ ဂီတမြူးဇစ်နဲ့ ဖက်ရှင်ကိုပေါင်းစပ်တင်ဆက်လာတာဟာတွေ့ကြရမှာပါ။ အထူးသဖြင့် ဖက်ရှင်နဲ့ အကတွေဟာ ပိုမိုပြီးမြိုင်မြိုင်ဆိုင်ဆိုင်ရှိလာပါတယ်။ လူထုအကြားမှာလဲ ပိုမိုလက်ခံလာကြပါတယ်။ လူငယ်တွေရဲ့ ကြိုးစားတီထွင်မှုရလာဒ်ကောင်းဖို့လဲ ပြောလို့ရပါတယ်။ ဒီနေရာမှာ ဂီတဆိုတဲ့အပိုင်းမှာ ခေတ်ရေစီးကြောင်းပြောင်းလဲမှုနဲ့ ဂီတ မြူးဇစ် တွေဟာလဲပြောင်းလဲနေပါတယ်။ လူငယ်ထုရဲ့သံစဉ်တွေဖြစ်တဲ့ ပန်တို့၊ ဟစ်ဟော့တို့၊ အီမိုစတာတွေရှိလာ တယ်။ ဒီလိုဂီတ မြူးဇစ်တွေနဲ့ တွဲဘက်ပြီးတော့ ဝတ်စားဆင်ယင်မှုအပိုင်းက ပိုပြီး အရေးပါလာပြန်ပါတယ်။ ဒါကြောင့်မို့ ကျွန်တော့အနေနဲ့ ဒီ   ''ဖက်ရှင်မြူးဇစ်ဖက်စတေဘယ်လ်'' ဆိုတဲ့ အစီအစဉ်လေးကို လူငယ်တွေအတွက်ရော စိတ်ဝင်စားသူ ပရိသတ်အတွက်ပါရိုက်ကူး ပုံဖော်ဖြစ်ခဲ့တာပါ'''လို့ MRTV-4 ရဲ့ Fashion Music Festival အစီအစဉ်တာဝန်ခံ ကိုမြင့်မိုးအောင်ကဆိုပါတယ်။    အထူးသဖြင့် ဖက်ရှင်နဲ့ ဂီတကိုပေါင်းစပ်လိုက်တဲ့အခါမှာ ပိုမိုမြူးကြွလာခဲ့တာပါ။ အရင်က ဖက်ရှင်ရှိုးပွဲတွေမှာ သာမန် တီးလုံးလေးတွေနဲ့သာ လျှောက်ခဲ့ကြတာလေ။ ဒီနောက်ပိုင်းမှာ မြူးကြွတဲ့ တီးလုံးတွေနဲ့ လျှောက်လာကြတာက ကြည့်ရတာ အတော် ကွာခြားပါတယ်။ တဆက်တည်းပါလာတာက ဖက်ရှင်နဲ့ဆက်နွယ်ပြီး အကအဖွဲ့တွေ၊ တခြားပညာရှင်တွေဖြစ်တဲ့ ဆံပင် အလှဖန်တီးရှင်တွေ၊ မိတ်ကပ်အလှဖန်တီးရှင်တွေ၊ အဝတ်အစား၊ ဒီဇိုင်နာတွေ၊ ဖန်စီအလှရောင်းချသူတွေရဲ့ အခန်းကဏ္ဍဟာလဲ ပိုမိုပေါ်လွင်လာပါတယ်။ ''ဖက်ရှင်ရဲ့သဘောကိုက လူအများကို သက်ဝင်လှုပ်ရှားစေတယ်လို့လဲ ပြောနိုင်ပါတယ်။ အထူးသဖြင့် တော့ ဒီနောက်ပိုင်းမှာ တချို့သောစီးပွားရေးလုပ်ငန်းတွေကတောင် ဒီအစီအစဉ်မှာပါဝင်လာကြပါတယ်။ ဒါကလဲ ကောင်းမွန်တဲ့ ရလဒ် တစ်ခုလို့ ပြောလို့ရပါတယ်။ မိမိတို့ထုတ်လုပ်တဲ့ ကုန်ပစ္စည်းတွေကို လူအများအလွယ်တကူသိရှိနိုင်အောင် ကြော်ငြာတဲ့ လုပ်ငန်းဖြစ် တာကြောင့် နှစ်ဦးနှစ်ဖက်အကျိုးရှိပါတယ်''လို့ ကိုမြင့်မိုးအောင်က ထပ်လောင်း ဆိုပါတယ်။    ''အခုဆိုရင်ကျွန်တော်တို့ရဲ့ ''ဖက်ရှင် မြူးဇစ်ဖက်စတေဘယ်လ်''အနေနဲ့ နိုင်ငံတကာက တင်ဆက်နေတဲ့ ဖက်ရှင်တွေကို အမြဲ မျက်ခြေပြတ်မခံဘဲ ဆန်းသစ်တဲ့အသွင်အပြင်တွေနဲ့ အမြဲတမ်းကြိုးစား ရိုက်ကူးတင်ဆက်နေပါတယ်။ ဒီလို ရိုက်ကူးတင်ဆက်မှု အပိုင်းတွေမှာလဲ စီးပွား ရေး လုပ်ငန်းရှင်တွေဟာ ကျွန်တော်တို့နဲ့ပူးပေါင်းပြီး သူတို့ရဲ့စီးပွားရေးလုပ်ငန်းတွေကို လူထုကြား ပြန့်နှံ့ သိရှိသွားအောင်ကြော်ငြာလာကြတာပါ။ ဒါတင်မကဘဲ မိမိတို့အစီအစဉ်နဲ့ ကုန်ပစ္စည်း မိတ်ဆက်ပွဲတွေမှာ မော်ဒယ်အနုပညာရှင် တွေနဲ့ ဖက်ရှင်ဝတ်ဆင်ပြီးတင်ဆက်ပြသတာတွေ၊ မိမိတို့ရဲ့ကုန်ပစ္စည်းတွေကို မော်ဒယ်များနဲ့ ကြော်ငြာတာတွေ၊ မော်ဒယ်ရှိုးပွဲ တွေမှာ စပွန်ဆာယူပြီး ပြသတင်ဆက်တာတွေဟာလဲ အရမ်းတိုးတက်ဖွံ့ဖြိုးလာပါတယ်''လို့ ကိုမြင့်မိုးအောင်က ဖက်ရှင်စီးပွားရေးနဲ့ အရောင်းမြှင့်တင်မှုလုပ်ငန်းနှစ်ရပ် ပေါင်းစပ်လာတဲ့သဘောကိုပြောပြပါတယ်။   ''လူငယ်တွေရဲ့ ဝတ်စားဆင်ယင်မှုတိုးတက် ပြောင်းလဲလာမှုအပိုင်းမှာတော့ပြောမယ်ဆိုရင် နိုင်ငံတကာနဲ့ ရင်ဘောင်တန်းပြီး ဝတ်ဆင်လာနိုင်ကြပါပြီ။ ဘယ်နေရာဘယ်နိုင်ငံကိုပဲသွားသွား ကျွန်တော်တို့ မြန်မာလူငယ်တွေအနေနဲ့ဝတ်စားဆင်ယင်မှု အပိုင်းမှာ အခက်အခဲမရှိကြတော့ဘူးပေ့ါ။ တစ်ခုတော့ရှိတာပေ့ါ။ နိုင်ငံတိုင်းလူမျိုးတိုင်းမှာ ကိုယ့်ယဉ်ကျေးမှု ကိုယ့်ရိုးရာ ဝတ်စုံဆိုတာ ရှိသလို ဘယ်လိုပဲဝတ်စားဆင်ယင်မှုတွေ တိုးတက်ပြောင်းလဲတယ်ဆိုပါစေ သူတို့ရဲ့ရိုးရာဝတ်စုံဟာမှေးမှိန်မသွားကြပါဘူး။ ဒီလိုပဲ ကျွန်တော်တို့ မြန်မာလူငယ်တွေရဲ့ကြားမှာလဲ ဘာတွေဘယ်လိုတိုးတက်ပြောင်းလဲပါစေ ကိုယ့်မြန်မာ့ယဉ်ကျေးမှုနဲ့ မြန်မာဝတ်စုံ ကိုတော့ မေ့ပျောက်လို့မရဘူးလို့ ပြောချင်ပါတယ်''  ဆိုပြီးဖက်ရှင် ရေစီးကြောင်းထဲမှာ မိမိယဉ်ကျေးမှုနဲ့ ရိုးရာအစဉ်အလာတွေ မပျောက်ဆုံးစေဖို့ ကိုမြင့်မိုအောင်က အကြံပြုပါတယ်။ဖက်ရှင်အနုပညာနဲ့ အမျိုးသားအကျိုးစီးပွား    ဂလိုဘယ်လိုက်ဇေးရှင်းခေတ် သတင်းနည်းပညာခေတ်၊ အသိပညာအခြေခံတဲ့ စီးပွားရေးခေတ်စသဖြင့် အမျိုးမျိုး ကင်ပွန်းတပ် ခံရတဲ့ ဒီနေ့ခေတ်မှာ ယဉ်ကျေးမှုဓလေ့ထုံးတမ်းတွေဝတ်စားဆင်ယင်မှုတွေ၊ နေထိုင်စားသောက်မှု ပုံသဏ္ဍာန်တွေဟာလည်း တစ်နိုင်ငံနဲ့တစ်နိုင်ငံ၊ လူမျိုးတစ်မျိုးနဲ့ တစ်မျိုးကြားစီးဝင်ရောယှက်နေပါတယ်။ ခေတ်ရဲ့တောင်းဆိုမှုနဲ့ပြောင်းလဲနေတဲ့အလျှင်ကို တားဆီး လို့မရနိုင်ပါဘူး။ မောင်ဗမာ၊ မယ်ဗမာခေတ်၊ လှယဉ်ကျေး မယ်ခေတ်များကို ဖြတ်သန်းခဲ့တဲ့ မြန်မာ့ဖက်ရှင်လောက ဟာလည်း ဒီနေ့ဒီအချိန်ခါမှာ Miss Toursim ခေတ်၊ Queen Oramin-F ခေတ်ကိုရောက်လာပါပြီ။ မော်ဒယ် အေဂျင်စီ သင်တန်းတွေ၊ မော်ဒယ်တွေ၊ ကြော်ကြားတဲ့ ဒီဇိုင်နာတွေ၊ ကင်မရာမင်း၊ မိတ်ကပ်ပညာရှင်၊ အစီအစဉ်တင်ဆက်သူ၊ မီးထိုး သမားစသဖြင့် အလုပ်အကိုင်အခွင့်အလမ်းရှိတဲ့ နယ်ပယ်တစ်ခုအထိလည်းကျယ်ပြန့်လို့လာပါပြီ။ ဒီဖက်ရှင်မော်ဒယ် အင်အားစု ဟာ ဒီနေ့ ဒီအချိန်အခါမှာတော့ ပြည်ပကတင်သွင်းတဲ့ အခြားနိုင်ငံထုတ်ကုန်ပစ္စည်းတွေကို ရောင်းအားမြှင့်တင်တဲ့လုပ်ငန်း တွေမှာသာ အသုံးပြုနေပြီး မိမိနိုင်ငံထုတ်ကုန်နဲ့ ယဉ်ကျေးမှုဓလေ့ထုံးတမ်းတွေကို ပြည်ပကို ဈေးကွက်ထိုးဖောက်ဖို့ အပိုင်းမှာတော့ အားနည်းနေတာတွေ့နေရပါတယ်။ ဒါကြောင့်မို့ မကြာခင်အနာဂတ်မှာ ယနေ့ဖွံ့ဖြိုးစပြုနေတဲ့ မြန်မာ့ဖက်ရှင် မော်ဒယ်စီးပွားရေး လုပ်ငန်းများဟာ ရိုးရာဓလေ့ထုံးတမ်းတွေနဲ့ မိမိနိုင်ငံရဲ့ထုတ်ကုန်တွေကို ကမ္ဘာသိအောင်တစ်ဖက်က ကြိုးပမ်းဆောင်ရွက်ရင်း တစ်ဖက်ကလည်း ပြောင်းလဲလာတဲ့ ဖက်ရှင်ရေစီးကြောင်းမှာ မိမိရိုးရာ အစဉ်အလာတွေနဲ့ အမျိုးသားရေးလက္ခဏာ  မပျောက်ပြတ် အောင် ထိန်းသိမ်းဆောင်ရွက်ဖို့လိုအပ်ကြောင်းရေးသားလိုက်ရပါတယ်။

Monday, 1 Mar 2010

   ကမ္ဘာ့ပဲမျိုးစုံစိုက်ပျိုးထုတ်လုပ်မှုကိုကြည့်ရင် တစ်နှစ်ထက်တစ်နှစ်တိုးတက်လာနေပြီး ၂၀၀၈ ခုနှစ်မှာ စိုက်ဧရိယာ ဟက်တာ ၇၄ သန်းစိုက်ပျိုးတာတွေ့ရပါတယ်။ ထွက်ရှိမှုကတော့ ရာသီဥတုအခြေအနေပေါ်မူတည်ပြီး အတိုးအဆုတ်လေးလုပ်လို့ တန်ချိန် ၅၉ သန်းနဲ့ သန်း ၇၀ နားတစ်ပတ်လည်နေပါတယ်။ ပဲမျိုးစုံကနေ အသားဓါတ်ရရှိတဲ့အတွက် ပဲကိုနိုင်ငံအများစုက အလေးထားသုံးကြ ပါတယ်။ အထူးသဖြင့် သက်သတ်လွတ်စားသုံးတဲ့သူတွေအတွက် ပဲမျိုးစုံဟာလက်မလွှတ်နိုင်တဲ့ စားကုန်သီးနှံတစ်မျိုးဖြစ်ပါတယ်။ ဒါ့ကြောင့်ကမ္ဘာ တဝှမ်းမှာ ပဲမျိုးစုံကိုနိုင်ငံအများအပြားကစိုက်ပျိုးထုတ်လုပ်ကြပါတယ်။ ကမ္ဘာ့ပဲမျိုးစုံစိုက်ပျိုးထုတ်လုပ်မှုကို ဖော်ပြ လိုက်ပါတယ်။       ကမ္ဘာ့ပဲမျိုးစုံ ရောင်းဝယ်မှုအခြေအနေကိုကြည့်ရင် နှစ်စဉ်ပဲမျိုးစုံတန်ချိန် ၉ သန်းကနေ ၁၀ သန်းဝန်းကျင်တင်ပို့နေပြီး၊ တန်ဖိုး ကတော့ တစ်နှစ်ထက်တစ်နှစ်ပိုများလာပါတယ်။ ၂၀၀၇ ခုနှစ်မှာ ကမ္ဘာ့ပဲမျိုးစုံတန်ဖိုး ၄၈၂၂ ဒေါ်လာသန်းအထိ တင်ပို့နိုင်ခဲ့ပါတယ်။ တင်သွင်းမှုကို ကြည့်ရင် ၂၀၀၅ ခုနှစ်နောက်ပိုင်းမှာ တန်ချိန် ၁၀ သန်းကျော် နှစ်တိုင်းတင်သွင်းနေပါတယ်။ ပဲဈေးတက်တော့ တန်ဖိုးတစ်နှစ်ထက်တစ်နှစ် ပိုများလာပြီး ၂၀၀၇ ခုနှစ်မှာ ပဲမျိုးစုံတန်ဖိုး ဒေါ်လာ ၅၅၈၄ သန်းအထိ တင်သွင်းခဲ့တာတွေ့ရပါတယ်။ ကမ္ဘာ့ပဲမျိုးစုံ ကုန်သွယ်မှုအခြေအနေကို ဖော်ပြလိုက်ပါတယ်။ကမ္ဘာနိုင်ငံအလိုက် အဓိကကုန်သွယ်သည့်ပဲများ စိုက်ပျိုးထုတ်လုပ်မှု၊ ကုန်သွယ်မှုအခန်းကဏ္ဍ    ကမ္ဘာပဲမျိုးစုံထဲမှာ တစ်နှစ်ထက်တစ်နှစ်ပိုမိုစိုက်ပျိုး ကုန်သွယ်လာတဲ့ပဲကတော့ Lenti ls လို့ခေါ်တဲ့ ပဲရာဇာနဲ့ ပဲပုတ်စေ့၊ ပဲလွန်း ဖြူနဲ့ ကုလားပဲလုံးနဲ့ Dry beans စတဲ့ပဲတွေဖြစ်ပါတယ်။ ကျန်တဲ့ broad beans, horse bean, Dry peas ပဲအုပ်စုတွေကတော့ တစ်စိုက်မတ်မတ် သိသိသာသာ တက်မလာဘဲ ဒီနှစ်တိုးလိုက် ဟိုနှစ်လျော့လိုက် ဖြစ်နေပါတယ်။ ကမ္ဘာ့ပဲမျိုးစုံကုန်သွယ်မှု အခြေအနေကိုဖော်ပြထားပါတယ်။မိမိနိုင်ငံက စိုက်ပျိုးထုတ်လုပ်သည့် ပဲများနှင့်အလားတူ စိုက်ပျိုးထုတ်လုပ်တင်ပို့သည့် နိုင်ငံများ၏ အလားအလာ အခြေအနေများ    မြန်မာနိုင်ငံမှာ မတ်ပဲ၊ ပဲတီစိမ်း၊ ပဲစင်းငုံနဲ့ ကုလားပဲဖြူလုံးကြီးစတဲ့ အဓိက ပဲ ၄ မျိုးကို အများဆုံးစိုက်ပျိုးထုတ်လုပ်ပြီး ပြည်ပတင်ပို့ရာမှာဈေးကောင်းရတဲ့ပဲတွေဖြစ်ပါတယ်။ ပဲစင်းငုံဆို အိန္ဒိယကို အဓိကတင်ပို့နေရပြီး တန်ဇန်းနီးယား၊ မာလာဝီစတဲ့ အာဖရိကနိုင်ငံတွေကလဲ တန်ချိန် ထောင်ဂဏန်းလောက် အိန္ဒိယကိုပို့နေပါတယ်။ အိန္ဒိယမှာလည်း စိုက်ပါတယ်။ ထုတ်နိုင်တာနဲ့ စားဖို့ လိုတာနဲ့ကြားကကွာဟတာကိုသွင်းတာဖြစ်ပါတယ်။ ပဲတီစိမ်းဆိုလည်း တရုတ်၊ အိန္ဒိယ နိုင်ငံတွေကို အဓိက တင်ပို့ပါတယ်။ ပဲပုပ်ကရော ဒီလိုပဲ အမေရိကန်၊ ဘရာဇီး၊ အာဂျင်တီးနား၊ ပါရာဂွေး၊ကနေဒါ စတဲ့ နိုင်ငံတွေကလည်း အကြီးအကျယ် ပြည်ပ ဈေးကွက်တွေကိုတင်ပို့နေတာတွေ့ရပါတယ်။ ပဲပုပ်ရောင်းချကုန်သွယ်မှုကို ဇယားနဲ့ဖော်ပြထားပါတယ်။     ထူူးခြားတာက အာဂျင်တီးနား၊ ကနေဒါ၊ တရုတ်၊ အမေရိကန်လို ပဲပုပ်တင်ပို့တဲ့နိုင်ငံတွေက ကိုယ်တိုင်လည်း ပဲပုပ်တင်သွင်း တဲ့နိုင်ငံတွေဖြစ်နေတာပါဘဲ။ အမေရိကန်၊ အာဂျင်တီးနား၊ ယူကရိန်းနဲ့ ကနေဒါက ပဲပုပ်ကို တစ်နှစ်ထက်တစ်နှစ် တိုးချဲ့တင်ပို့လာ နေပါတယ်၊ ဘရာဇီးကတော့တင်ပို့မှုကအတက်အကျရှိပါတယ်။  ယူကရိန်းဆို စိုက်ပျိုးမြေပေါတဲ့အတွက် ပဲပုပ်ကိုတိုးချဲ့စိုက်လာပြီး ၂၀၀၄ ခုနှစ်မှာ တန်ချိန် ၃၈၀၀၀ ကျော် တင်ပို့နိုင်ရာကနေ ၂၀၀၇ ရောက်တဲ့အခါတန်ချိန် ၃၄၀၀၀၀ ကျော် တင်ပို့နိုင်လာတာမို့ ၃နှစ်အတွင်းမှာ (၉)ဆလောက် ပိုထုတ်လုပ်တင်ပို့လာတာတွေ့ရပါတယ်။ ဒါကြောင့် ကမ္ဘာ့ပဲပုပ်တင်ပို့မှုကို ကြည့်ရင် ၂၀၀၄ ခုနှစ်မှာ တန်ချိန် ၅၇ သန်းကျော်တင်ပို့ခဲ့ရာကနေ ၂၀၀၇မှာ ၇၄ သန်းကျော်အထိတိုးမြှင့်တင်ပို့နိုင်ခဲ့ပါတယ်။ မြန်မာနိုင်ငံကလည်း ပဲပုပ် အများအပြားစိုက်ပျိုးတဲ့နိုင်ငံဖြစ်ပါတယ်။ ဒါပေမဲ့ ဆီပါဝင်မှု ရာခိုင်နှုန်းကနည်းနေတဲ့အတွက် ဈေးကွက်ကို ထိထိရောက်ရောက် ထိုးဖောက်ဖို့အခက်အခဲဖြစ်နေပါတယ်။ အိမ်နီးချင်းတရုတ်နိုင်ငံရဲ့ ဝယ်လိုအားကတင် ၂၀၀၇ မှာ တန်ချိန် ၃၃ သန်းကျော်နေပါ တယ်၊ တင်သွင်းမှုကလည်း နှစ်စဉ်တိုးနေတာမို့ တရုတ်ကြိုက်ပဲပုပ်မျိုးကို စိုက်ပျိုးထုတ်လုပ်နိုင်ရင် ဈေးကွက်က အဝေးကြီးရှာစရာ မလိုတော့ပါဘူး။ပဲပုပ်၊ပဲစင်းငုံ၊ ကုလားပဲ၊ပဲရာဇာစတဲ့ ပဲတွေရဲ့ကမ္ဘာ့နိုင်ငံအလိုက်ထုတ်လုပ်ကုန်သွယ်မှုအခြေအနေကို ဖော်ပြလိုက် ပါတယ်။မြန်မာ့ပဲဝယ်နိုင်ငံများ၏ စိုက်ပျိုးထုတ်လုပ် တင်သွင်းမှုနှင့် အနာဂတ်ဈေးကွက်အလားအလာ    လက်ရှိမြန်မာ့ပဲမျိုးစုံရဲ့ ၇၀ ရာခိုင်နှုန်းကျော်ကိုဝယ်နေတာက အိန္ဒိယနိုင်ငံဖြစ်ပြီး မတ်ပဲ၊ ပဲတီစိမ်း၊ ပဲစင်းငုံ၊ ကုလားပဲကို အဓိက တင်ပို့နေရပါတယ်။နှစ်ပေါင်းများစွာ ဒီဈေးကွက်ကြီးပေါ်မှီပြီး အများကြီးအကျိုးရှိခဲ့ပါတယ်။ သတ်သတ်လွတ်စားတဲ့ လူအများစု နေတဲ့နိုင်ငံလည်းဖြစ်၊ ပဲအဓိက စားတဲ့နိုင်ငံလည်းဖြစ်လို့ ပဲအဓိကစားသုံးပြီးပြည်တွင်းမှာလည်းစိုက်ပါတယ်။ လိုတာကိုမှ ပြည်ပက သွင်းတာဖြစ်ပါတယ်။ ဒါပေမဲ့ အမြဲတမ်း ပဲအထွက်တိုးဖို့နည်းလမ်းရှာကြံနေတဲ့နိုင်ငံဖြစ်ပါတယ်။ ၂၀၀၈ ခုနှစ်ကတည်းက ပဲစင်းငုံ ပဲမျိုးကို မျိုးသစ်ပြောင်းလဲ စမ်းသပ်စိုက်ပျိုးနေပြီး ဒီမျိုးကလက်ရှိမျိုးထက် ၄၀ရာခိုင်နှုန်း ပိုထွက်တယ်လို့သိရပါတယ်။ တစ်ဟက် တာကို ၂၈ ကွမ်တယ် ( တစ်ဧက ကို ၃၅ တင်းခန့်)ထွက်ပြီး ၂၀၁၀ နှစ်လယ်လောက်မှာ စီးပွားဖြစ်များများ စားစား စိုက်ပျိုးထုတ် လုပ်တော့မှာပါ။စိုက်ပျိုးကာလကလည်း ရက် ၁၅၀-၁၆၀ ပဲကြာပြီး ကာနာတာကာ မြောက်ပိုင်း၊ အန်ဒရာပရာဒက်ရှ်၊ မဟာသျှတ္တရနဲ့ မဒ္ဒရာပရာဒက်ရှ်ပြည်နယ်တွေမှာ စိုက်ရင်သင့်တော်တယ်လို့သိရပါတယ်။ဒီလို အထွက်တိုးမျိုးတွေ ပြောင်းစိုက်ဖို့ ကြိုးစားနေသလို တစ်ဖက်ကလည်း ဈေးကြီးတဲ့ပဲတွေနေရာမှာ ဈေးပေါတဲ့ ကနေဒါ Yellow Pea လို ပဲမျိုးကို အမြောက်အများ တင်သွင်းပြီး ပြည်တွင်းစားသုံးမှုပုံစံပြောင်းလဲအစားထိုးဖို့လုပ်နေပါတယ်။ ၂၀၀၉-၂၀၁၀မှာ အိန္ဒိယက ပဲမျိုးစုံတန်ချိန် ၁၅.၅ သန်း အထိ တိုးမြင့်ထုတ်လုပ်နိုင်ဖို့ ခန့်မှန်းထားပါတယ်။နှစ်စဉ်ပြည်ပက ပဲမျိုးစုံ တင်သွင်းမှုကတော့တန်ချိန် ၃သန်းလောက်ဖြစ်ပါတယ်။ အိန္ဒိယရဲ့  ပဲ စိုက်ပျိုးထုတ်လုပ်မှု၊တင်သွင်းမှု နဲ့ မြန်မာ့ပဲဈေးကွက် ရရှိမှု အခြေအနေ ကိုဖော်ပြလိုက်ပါတယ်။       အိန္ဒိယနိုင်ငံရဲ့ ပဲမျိုးစုံတင်သွင်းမှုကိုကြည့်ရင် အစောပိုင်းနှစ်တွေမှာ မြန်မာ့ပဲမျိုးစုံ အိန္ဒိယနိုင်ငံမှာ ဈေးကွက်ဝေစုရရှိမှု ရာခိုင်နှုန်းမှာ ကနေဒါနဲ့ ၁၀-၁၂ ရာခိုင်နှုန်းပဲကွာခြားခဲ့ပါတယ်။ ၂၀၀၇-၀၈ မှာတော့ ၃၁ ရာခိုင်နှုန်းအထိ ကွာဟလာတာတွေ့ရပါ တယ်။ ဒါကြောင့် ကနေဒါရဲ့ လှုပ်ရှားမှုကို မျက်ခြေမပြတ် စောင့်ကြည်ရမှာဖြစ်ပြီး    မြန်မာ့ပဲဈေးကွက်ရေရှည်တည်တံ့ခိုင်မာ အောင် ဈေးကွက်တိုးချဲ့ဖို့လိုနေပြီလို့သုံးသပ်ရရှိပါတယ်။ မိမိနိုင်ငံက တောင်သူ၊ ကုန်သည်တွေနဲ့ မိမိနိုင်ငံ့အကျိုးအတွက် ဈေးကွက် သစ်ရှာဖွေရေး၊ရှိပြီး ဈေးကွက်မပျောက်စေရေးနဲ့ ပြိုင်ဖက်နိုင်ငံတွေနဲ့ ဈေးနှုန်း၊ အရည်အသွေး ယှဉ်ပြိုင်နိုင်တင်ပို့နိုင်ဖို့  အထွက် တိုးမျိုးပြောင်းလဲစိုက်ပျိုးရေးက အဓိကကျလာပြီဖြစ်ပါတယ်။ အသင်းအဖွဲ့တွေ၊ ဌာနဆိုင်ရာတွေ၊ ပဲတင်ပို့တဲ့ ကုမ္ပဏီတွေ ဟန်ချက် ညီညီ ပူးပေါင်းဆောင်ရွက်ရမယ့် အချိန်အခါကောင်းဖြစ်တယ်လို့တိုက်တွန်းလိုပါတယ်။

Pages