Main menu

Background

Sunday, 18 Nov 2012

အိန္ဒိယအနေနဲ့ ပြည်ပမှပဲဝယ်ယူတင်သွင်းမှုအပေါ် မှီခိုနေမှုကို လျှော့ချဖို့နဲ့ ပြည်တွင်းပဲ ထုတ်လုပ်မှု မြင့်မားစေဖို့ ရည်ရွယ်ပြီး ပဲတင်သွင်းမှုအပေါ် အခွန် ၁၀ ရာခိုင်နှုန်း ကောက်ခံဖို့ လယ်ယာစိုက်ပျိုးရေးဆိုင်ရာ ကုန်ကျစရိတ် နဲ့ ဈေးနှုန်း များ ကော်မရှင် (CACP)က အဆိုပြုတင်သွင်းထားတယ်လို့ သိရတယ်။ ဒါ့အပြင် ပြည်ပ ကိုပဲတင်ပို့မှုကို လည်း ပြန်လည်ခွင့်ပြုဖို့ ထောက်ခံတင်ပြထားကြောင်း၊ လက် ရှိမှာ အိန္ဒိယက ပဲတင်သွင်းမှုအပေါ် အခွန်လုံးဝေ ကာက်ခံခြင်းမရှိတဲ့အပြင် ပြည်ပကို ပဲအမျိုးအစားအချို့တင်ပို့မှုကိုလည်း ပိတ်ပင်ထားကြောင်း၊  ပဲတင်ပို့မှု ကို ၂၀၁၃ ခုနှစ် မတ်လအထိ ပိတ်ပင်ထားမှာဖြစ်ကြောင်း သိရတယ်။

Sunday, 18 Nov 2012

ဒီတစ်ပတ်အတွင်း မြန်မာနိုင်ငံရဲ့ပဲဖောက်သည် အိန္ဒိယ မှာ ဒီပါဝလီပွဲတော်ရှိလို့ အရောင်းအဝယ်တန့်နေခဲ့သလို ပွဲတော်အပြီးမှာလည်း ဝယ်လက်တွေ ထိန်းဝယ်နေကြတဲ့ အတွက် အရောင်းအဝယ်အေးပြီး ဈေးနှုန်းမှာလည်း ဆက် လက်ကျဆင်းတယ်လို့ သိရပါတယ်။ မတ်ပဲအနေနဲ့ ပြီးခဲ့တဲ့ ရက်ပတ် ဈေးထက် တစ်တန် ကျပ်တစ်သောင်း ဝန်းကျင်ကျ ဆင်းခဲ့ပြီး ဝယ်လက်တွေက ပမာဏအနည်းငယ်စီ ဝယ်လိုက်၊ ပြန်ရပ်လိုက်လုပ်နေ လို့ ရောင်းလက်တွေကလည်း စောင့်ကြည့် နေတဲ့ အနေအထားရှိနေတယ်လို့ သိရပါတယ်။ ပဲတီစိမ်းက တော့ ပုံမှန်လေးအရောင်းအဝယ်ရှိနေလို့ တစ်တန် ကျပ် ၇၅၀၀၀၀ အထက်ဈေးမှာ တန်းနေတယ်လို့ သိရပါတယ်။

Monday, 12 Nov 2012

အိန္ဒိယနိုင်ငံရဲ့ မိုးသီးနှံရိတ်သိမ်းမှုနှောင့်နှေးတဲ့အတွက် ဆောင်းပဲစိုက်ပျိုးမှု နောက်ကျလျက်ရှိရာ နိုဝင်ဘာလ ၂ ရက် နေ့အထိ စုစုပေါင်း စိုက်ပျိုးပြီးစီးမှုဟာ ဟက်တာ ၁ ဒသမ ၈၇ သန်းသာရှိလို့ ပြီးခဲ့တဲ့နှစ် ကာလတူ စိုက်ပျိုးမှုဟက်တာ ၂ ဒသမ ၇၂၃ သန်းနဲ့ ယှဉ်ရင် ၃၁ ရာခိုင်နှုန်းခန့် ကျဆင်း နေတယ်လို့ သိရပါတယ်။ ကုလားပဲစိုက်ပျိုးမှုအနေနဲ့ မဟာ ရပ်ရှတရာနဲ့ အင်ဒရာပရာဒေ့ရှ်မှာ စိုက်ဧရိယာ တိုးတက်ပေမဲ့ ရာဂျက်စသန်မှာ စိုက်ဧရိယာကျဆင်းတယ်လို့ သိရပါတယ်။ မဟာရပ်ရှတရာမှာ ကုလားပဲ စိုက်ပျိုးမှုဟက်တာ ၂၁၉ သိန်း ပြီးစီးလို့ လျာထားဧရိယာ ၁၂ ဒသမ ၃၂ သိန်းရဲ့ ၂၄ ရာခိုင် နှုန်းပြီးစီးပြီဖြစ်ပြီး ပြီးခဲ့တဲ့ နှစ်နဲ့ယှဉ်ရင် ၆၇ ရာခိုင်နှုန်း ပိုမို စိုက်ပျိုးထားကြောင်း သိရပါတယ်။ အင်ဒရာပရာဒေ့ရှ်မှာ ၁၅ ဒသမ ၉ ရာခိုင်နှုန်းပိုမိုပြီးဟက်တာ၁ ဒသမ ၉၆ သိန်း စိုက် ပျိုးထားပြီးဖြစ်ပေမဲ့ ရာဂျက်စသန်မှာတော့ အောက်တိုဘာလ ၁၀ ရက်နေ့အထိ စိုက်ပျိုးမှုဟာ ဟက်တာ ၂ ဒသမ ၇၈ သိန်းသာရှိလို့ ၆၆ ရာခိုင်နှုန်းလျော့ကျတယ်လို့ သိရပါတယ်။

Monday, 12 Nov 2012

ရန်ကုန်ဘုရင့်နောင် ပဲဈေးကွက်အတွင်းမှာ မတ်ပဲနဲ့ ပဲတီစိမ်း ကို ပုံမှန်အဝယ်ရှိနေပေမဲ့ ပဲစင်းငုံအဝယ်မရှိတာတော့ သီတင်း ၂ ပတ်လောက်ရှိပြီလို့ ကုန်သည်များက ဆိုပါတယ်။ မတ်ပဲ FAQ၊ FOBကို ပြီးခဲ့တဲ့ရက်ကအောက်ဈေးနဲ့ အဝယ်လိုက်ခဲ့ပေမဲ့ ပြည် တွင်းအရောင်းအဝယ်ဖြစ်တဲ့ ဈေးက ပြီးခဲ့တဲ့ တစ်ပတ်ထက် တစ် တန် တစ်သောင်းလောက်လျော့ပြီး ကျပ် ၄၇၅၀၀၀ ဈေးနဲ့ အရောင်းအဝယ်ဖြစ်တယ်လို့ သိရပါတယ်။ ဒါပေမဲ့ ရန်ကုန် ၤဥြ ဈေးကတော့ တစ်တန် ကန်ဒေါ်လာ ၅၈၀-၆၀၀ နဲ့ ငြိမ်နေပါ တယ်။ ပဲတီစိမ်းကိုလည်း တောင်ငူ၊ ပခုက္ကူဘက် အရည်အသွေး ကောင်း တွေကို ဈေးတိုးဝယ်ယူမှုရှိတယ်လို့ သိရပါတယ်။ ဒီနှစ် ဈေးကွက်ကို ဝင်လာတဲ့ ပဲတီစိမ်းတွေက အရည်အသွေး ကောင်း တဲ့အတွက် ဝင်သလောက် အရောင်းအဝယ်ဖြစ်နေတယ်လို့ သိရပါ တယ်။

Monday, 12 Nov 2012

အိန္ဒိယအစိုးရ ပြည်တွင်းဝယ်လိုအား ပြည့်မီဖို့ ပဲမျိုးစုံ တင်သွင်းမှုကို ငွေကြေးထောက်ပံ့မှုတွေနဲ့ ဂရုတစိုက် ဆောင် ရွက်နေတဲ့ အချိန်မှာ ပဲတောင်သူတွေရဲ့ ယခုနှစ် ပဲအရည် အသွေးက အစိုးရဝယ်ယူဖို့ သတ်မှတ်ထားတဲ့ အရည် အချင်း မမီတဲ့အတွက် အနိမ့်ဆုံး ထောက်ပံ့ဈေး (MSP)ထက် လျော့ပြီး၊ တောင်သူများက ၎င်းတို့ပဲတွေ ရောင်းချနေရတယ် လို့ သိရပါတယ်။ မဟာရပ်ရှတရာပြည်နယ် လတ္တာခရိုင်မှာ လယ်ယာထွက်ကု န်ဈေးကွက် ရှာဖွေရေးကော်မတီ  (APMC) မှ ဈေးနှုန်းမြင့်တက်ဖို့ တောင်သူများ MSP ဈေးအော က် လျော့ပြီး၊ ရောင်းချနေရခြင်း မှ လွတ်မြောက်ဖို့ သဘောတူ တူညီချက်တစ်ခု ရေးဆွဲနေကြောင်း သိရပါတယ်။

Wednesday, 7 Nov 2012

ပြီးခဲ့တဲ့ သီတင်းပတ်များစွာက အီရော့နနွင်းရောင်းဝယ် မှု မကောင်းခဲ့ပေမယ့် နိုင်ငံအထက်ပိုင်းမှ အမှာအော်ဒါအသစ် များကြောင့် ဈေးစပြီးမြင့်တက်လာခဲ့ပါတယ်။ နနွင်းတင်ပို့သူ များဟာ ဘီဟာ၊ ချက်တီဂရပ်နဲ့ ဥတ္တရာပရာဒေ့ရှ်က ဒေပါဝလီ အတွက် အဝယ်အသစ်တွေလက်ခံရရှိတယ်လို့ အီရော့နနွင်း ကုန်သည်များအသင်း ဥက္ကဌ မစ္စတာအာကေဗွီရာဗီရှန်ကာမှ ပြောကြားပါတယ်။ ဒါကြောင့် ပြည်ပတင်ပို့သူများက ပျော်ရွှင် ပြီး စတင်ဝယ်ယူခဲ့ကြပါတယ်။ လွန်ခဲ့တဲ့ ရက်အနည်းငယ်က ဈေးနှုန်းငြိမ်နေပြီး၊ ရောင်းချမှုတိုးလာခဲ့တယ်လို့ ဆိုပါတယ်။

Wednesday, 7 Nov 2012

အိန္ဒိယနိုင်ငံ ပန်ဂျပ်၊ ဆစ်ကင်မ်နဲ့ အာသန်ပြည်နယ်တို့မှာ ချင်းစိုက်ပျိုး ထုတ် လုပ်မှု ကျဆင်းရာ ဈေးနှုန်းများစွာ မြင့်လာတယ်လို့ သိရတယ်။ အိန္ဒိယရဲ့ ချင်းထုတ် လုပ်မှုကျဆင်းတာကြောင့် နီပေါနိုင်ငံမှ ချင်းတွေကို အိန္ဒိယကိုတင်ပို့မှုရှိနေပြီး နီပေါ နိုင်ငံမှာ ချင်းဈေးနှုန်းတွေက ယခင်နှစ်ကထက် (၇) ဆ ခန့် မြင့်မားလာပြီး တစ်ကီလို ကို နီပေါရူပီး ၃၅ (မြန်မာကျပ်ငွေ ၃၄၅ ဝန်းကျင်) အထိ ရောက်ရှိလာတယ်လို့ သိရတယ်။

Wednesday, 7 Nov 2012

ပြည်ပကို ပင်လယ်ရေကြောင်း တင်ပို့မှုလမ်းမှ စက်တင်ဘာ တတိယပတ်မှ စပြီး ချင်းတင်ပို့မှုပျောက်ခဲ့တာ ၅ ပတ်မျှရှိခဲ့ပါတယ်။ ယခုဒီတစ်ပတ်ဖြစ်တဲ့ အောက် တိုဘာ ၂၁ ရက်မှ ၂၇ ရက်နေ့မှသာ ပြန်လည် တင်ပို့နိုင်ခဲ့ခြင်းဖြစ်ပါတယ်။ တင်ပို့ ခဲ့တဲ့နိုင်ငံက ပါကစ္စတန်နိုင်ငံဖြစ်ပါတယ်။ FOB ဈေးက တစ်တန်ကို ကန်ဒေါ်လာ ၁၀၀၀ ရရှိခဲ့တယ်လို့ သိရပါတယ်။                               MIRT (DOT)

Wednesday, 7 Nov 2012

အိန္ဒိယပြည်တွင်းဈေးကွက်များမှာ ပဲခွဲစက်များနဲ့ ကုန်သည်များ အရောင်းအဝယ်အေးတဲ့အတွက် ဒီတစ်ပတ် လည်း ပဲမျိုးစုံဈေးအေးနေပါတယ်။ ဒါ့အပြင် ပဲပုပ်ထွက်ရှိနေပြီ ဖြစ်လို့ကုန်သည်များက ရောင်းဝယ်မှုကျဆင်းတဲ့ ပဲမျိုးစုံနဲ့ ပဲမျိုး စေ့အစား ပဲပုပ်ကို ပြောင်းလဲရောင်းဝယ်ခြင်းကလည်း ပဲဈေး ကိုကျဆင်းစေတယ်လို့သိရပါတယ်။ ကုလားပဲအနေနဲ့ စိုက်ပျိုး မှု တိုးတက်မယ့် အလားအလာရှိပြီး ပြည်တွင်းဝယ်လိုအား ကျဆင်းတာကြောင့် လက်ငင်း ဈေးပါကျဆင်းနေပါတယ်။ ပွဲတော်က လာမယ့် ရက်အနည်းငယ်အတွင်းမှာရှိလို့ ဒီပါဝလီ အတွက် လက်ကားဝယ်ယူမှု ပြီးဆုံးသလောက် ရှိနေပြီဖြစ်ပြီး ပြည်တွင်းဈေးကွက်တွေမှာ လက်လီ ဝယ်ယူမှုလောက်သာရှိ မယ်လို့ ခန့်မှန်းကြပါတယ်။

Wednesday, 7 Nov 2012

ပြီးခဲ့တဲ့ တစ်ပတ်က အိန္ဒိယဝယ်လက်တွေ မတ်ပဲအဝယ်လိုက် ခဲ့လို့ ပြည်တွင်းပဲမျုးိစုံဈေးပြန်လိုက်ခဲ့ရာမှ ယခုသီတင်းပတ် နှောင်း ပိုင်းမှာတော့ အဝယ်ရပ်သွားတဲ့အတွက် မတ်ပဲ၊ ပဲစင်းငုံဈေး ထိုး ကျခဲ့တယ်လို့ သိရပါတယ်။ ဒါပေမဲ့ ပဲတီစိမ်းကတော့ ဆက်ပြီး ဈေးမာနေပါတယ်။ ပြီးခဲ့တဲ့ ပိတ်ရက်များအပြီး အိန္ဒိယဝယ်လက် တွေ မတ်ပဲဆွဲအားကောင်းလာလို့ ဘုရင့်နောင်ဈေးကွက်မှာ တစ် တန် ၅၁၀၀၀၀ ကျော်ထိ ဈေးရှိခဲ့ပြီး ယခုရက်ပိုင်းမှာတော့ အဝယ် မရှိသလောက်ဖြစ်ခဲ့လို့ တစ်တန် ကျပ် ၄၉၂၀၀၀ ခန့်ကို ပြန်လည် ကျဆင်းလာခဲ့ပါတယ်။ အလားတူ ရန်ကုန် FOB မတ်ပဲဈေးမှာ လည်း တစ်တန်ကန်ဒေါ်လာ ၆၂၀-၆၄၀ မှ ကန်ဒေါ်လာ ၆၀၀-၆၂၀ ကို ကျဆင်းခဲ့ပါတယ်။

Pages