Main menu

Background

Friday, 1 Feb 2013

အိန္ဒိယ သဘာ၀ ရော်ဘာထုတ်လုပ်မှုဟာ  ဒီဇင်ဘာလ မှာ ၃ ရာခိုင်နှုန်းခန့်မြင့်တက်လျက်ရှိကြောင်းနဲ့  သုံးစွဲမှု ကတော့ တိုးတက်မှုရှိမနေဘူးလို့ သိရပါတယ်။ ၂၀၁၂ ခုနှစ် ဧပြီလမှ ဒီဇင်ဘာအတွင်းမှာ ပြည်ပမှ သဘာဝရော်ဘာ တင် သွင်းမှုဟာ ၂၃ ရာခိုင်နှုန်း မြင့်တက်လျက်ရှိနေပါတယ်။ ဒီ အခြေအနေတွေကိုကြည့်မယ်ဆိုလျှင်လာမဲ့လများမှာေ ရာ်ဘာ ဈေးများ ကျဆင်းနိုင်တဲ့ အရိပ်လက္ခဏာဆောင်လျက် ရှိပါ တယ်။ တာယာထုတ်လုပ်မှုမှာအသုံးပြုတဲ့ RSS-4  ရော်ဘာ ပေါက်ဈေးဟာ ဇန်နဝါရီလ ၁၆ ရက်နေ့မှာ  ၁ ကီလိုကို ၁၆၁ ရူပီး(၂ ဒသမ ၉၅ ဒေါ်လာ)၊ ၁ တန်ကို ၂၉၅၄ ဒေါ်လာ ဈေးရှိခဲ့ပါတယ်။

Friday, 1 Feb 2013

ဇန်နဝါရီလ ၁၆ ရက်မှ ၂၂ ရက်ထိကာလအတွင်းမှာ မူဆယ်စခန်းမှတစ်ဖက် တရုတ်နိုင်ငံသို့ ကန်ဒေါ်လာ သုည ဒသမ ၈၈၁ သန်းဖိုးရှိ သကြားညို၁၀၃၈ တန်ကျော်နဲ့ သကြားဖြူ ၄၆၅ တန်ကျော်တင်ပို့မှုရှိခဲ့ပါတယ်။ ယခင်အပတ် တင်ပို့မှု ထက် ယခုအပတ်မှာ ၃၀၂ တန်လျော့နည်းခဲ့ပါတယ်။ မန္တလေးဈေးကွက်တွင် သကြားများ စုဆောင်းပြီး မူဆယ်မှတစ်ဆင့်တင်ပို့ခြင်းဖြစ်တယ်လို့ လင်းလက်စတား ကုမ္ပဏီထံကသိရပါတယ်။

Friday, 1 Feb 2013

ချင်းပြန်လည်တင်ပို့လာတာ နှစ်ပတ်ရှိပြီလို့ သိရပါတယ်။ ယခင်သီတင်းပတ် မှာချင်းတန်ချိန် ရှစ်ဆယ်ကျော်သာ တင်ပို့နိုင်ခဲ့ပါတယ်။ ဒီသီတင်းပတ်မှာ ၁၃၈ ဒသမ ၁၄ တန်တင်ပို့နိုင်ခဲ့တာကြောင့် ယခင်တစ်ပတ်တင်ပို့မှုနဲ့ ယှဉ်ရင် တန်ချိန် ငါးဆယ်ကျော်ပိုမိုတင်ပို့နိုင်ခဲ့ပါတယ်။ ယခင်သီတင်းပတ်မှာ ပါကစ္စတန်၊ အိန္ဒိယ၊ ဂျပန်နိုင်ငံများကို တင်ပို့ခဲ့ပေမဲ့ ဒီတစ်ပတ်မှာ ပါကစ္စတန်နိုင်ငံကို တင်ပို့ခဲ့တယ်လို့ သိရပါတယ်။ ဒီတစ်ပတ်ချင်းတင်ပို့မှုက ပျမ်းမျှရရှိခဲ့တဲ့ ဝင်ငွေက ကန်ဒေါ်လာ လေးသောင်းနီးပါးရှိခဲ့တယ်လို့ သိရပါတယ်။                            MIRT (DOT)

Friday, 1 Feb 2013

အိန္ဒိယမွန်ဘိုင်းဈေးကွက်တွင် မြန်မာမတ်ပဲကို ပဲခွဲစက်နဲ့ ကုန်သည်များက အဝယ်လိုက်လို့ ဈေးမြင့်တက် လာပြီး ပဲစင်းငုံနီကို အဝယ်အေးသဖြင့် ဈေးအပြောင်းအလဲမရှိ ကြောင်း၊ ပဲတီစိမ်းနဲ့ ကုလားပဲမှာ ဈေးအနည်းငယ် ကျဆင်း ခဲ့ကြောင်း သိရပါတယ်။ အတ္တာပရာဒက်ရှ်ပြည်နယ်ရှိ ကန်ပါ ဈေးကွက်၊ မဒ္ဒရာပရာဒေ့ရှ်ပြည်နယ်ရှိ ပီပါရီယ ဈေး ကွက်၊ မဒ္ဒရာပရာဒက်ရှ်ပြည်နယ်ရှိ ဂန်းဘိုဆိုဒါ ဈေးကွက်တွေမှာ ပဲအဝင်နည်း၊ ဝယ်အားကောင်း တဲ့အတွက် ကုလားပဲ၊ စား တော်ပဲ၊ မတ်ပဲ၊ ပဲစင်းငုံနဲ့ Masoor ပဲတွေ ဈေးတက်ခဲ့ပါ တယ်။ မဟာရှ်တရာပြည်နယ်ရှိ  အမရာဗာတီ ဈေးကွက်မှာ တော့ ကုလားပဲတွေ အဝင်များတဲ့အတွက် ဈေးကျခဲ့ပါတယ်။

Monday, 21 Jan 2013

ဇန်နဝါရီလ ၁၁ ရက်နေ့က ကမ္ဘာ့ရော်ဘာဈေးနှုန်းများ ဟာ ၉ လအတွင်း အမြင့်ဆုံးနှုန်းကို ရောက်ရှိခဲ့တယ်လို့ သိရ တယ်။ ဂျပန်နိုင်ငံ တိုကျိုကုန်စည်ရောင်းဝယ်ရေး (TOCOM) မှာ ဇွန်လအရောက်ပို့စာချုပ်ဈေးနှုန်းက တစ်ကီလိုကို ၃၂၀ ယန်း (တစ်တန်ကို ကန်ဒေါ်လာ ၃၅၉၆ ဝန်းကျင်)အထိ ရောက်ရှိခဲ့ရာ ဧပြီလ နောက်ပိုင်း အမြင့်ဆုံးဖြစ်တယ်လို့ သိရ တယ်။ ဂျပန်ယန်းငွေတန်ဖိုး ကျဆင်းလာခြင်း၊ တရုတ်နိုင်ငံရဲ့ ကုန်သွယ်မှုဆိုင်ရာစာရင်းဇယားများအရ ဒီဇင်ဘာလ အတွင်း ပို့ကုန်တိုးတက်မှုရှိလာခြင်း၊ ရေနံစိမ်းဈေးနှုန်းများအားကောင်း နေခြင်း၊ ရော်ဘာတင်ပို့မှု အများဆုံးနိုင်ငံတွေရဲ့ ရော်ဘာ တင်ပို့မှု ပမာဏလျှော့ချနေတဲ့ ကာလဖြစ်ခြင်း တို့ကြောင့် ကမ္ဘာ့ရော်ဘာဈေးနှုန်းများ အားကောင်းလာခြင်းဖြစ်တယ်။

Monday, 21 Jan 2013

အိန္ဒိယအစိုးရသည် ပြည်တွင်းစက်မှု လုပ်ငန်းများကို  အကာအကွယ်ပေးရန် တရုတ်နိုင်ငံမှတင်သွင်းသော သံမဏိ ပစ္စည်းအချို့အပေါ် သွင်းကုန်ခွန် ၂၀ ရာခိုင်နှုန်း စတင်ကောက်ခံသွားမည်ဟု ဇန်နဝါရီလလဆန်းပိုင်းမှာ ထုတ်ပြန်ခဲ့ ပါသည်။

Monday, 21 Jan 2013

ထိုင်းနိုင်ငံတွင်ထပ်မံတည်လိုက်သော သကြားစက် (၄) ခုကြောင့် ဇန်နဝါရီ လလည်အတွင်းမှာ နေ့စဉ် သကြားထုတ်လုပ်မှုဟာ သိသိသာသာ မြင့်တက်လာ လျက် ရှိပါတယ်။ ဇန်နဝါရီလ ၆ ရက်နေ့စာရင်းအရ ထိုင်းနိုင်ငံရှိ သကြားစက်အလုံး ၅၀ ဟာ ကြံတန်ချိန် ၉၆၃၀၀၀ ကိုကြိတ်ဝါးနိုင်ခဲ့ပြီး ယမန်နှစ်ကကြိတ်ဝါးမှု တန် ချိန်မှာ ၈၆၀၀၀၀ သာရှိခဲ့ပါတယ်။ နေ့စဉ်သကြားတန်ချိန် ၉၇၂၂၂ တန်ထွက်ရှိပြီး ယမန်နှစ်က ၉၄၆၃၉ တန်ထွက်ရှိခဲ့တယ်လို့ သိရပါတယ်။ သကာနဲ့တင်လဲထွက်ရှိမှု ကတော့ ၄၁၄၄၀ တန်ဖြစ်ပြီး ယမန်နှစ်က ၃၇၄၀၀ တန်သာထွက်ရှိခဲ့တာဖြစ်ပါ တယ်လို့ အင်တာနက်သတင်းအရ သိရှိရပါတယ်။CMK

Monday, 21 Jan 2013

ဇန်နဝါရီလ ၆ ရက်မှ ၁၂ ရက်ထိကာလအတွင်းမှာ ပင်လယ်ရေကြောင်းကုန် သွယ်မှုမှ ကန်ဒေါ်လာ သုည ဒသမ ၁၆၈ သန်းတန်ဖိုးရှိ ပြောင်းဖူးစေ့ တန် ၆၀၀ ကို ဖိလစ်ပိုင်နိုင်ငံသို့တင်ပို့မှုရှိခဲ့ပါတယ်။ ယခုအပတ်မှာ ဖိလစ်ပိုင်အပြင် မလေးရှားနိုင်ငံသို့ ကန်ဒေါ်လာ ၂၄၀၀ တန်ဖိုးရှိ ပြောင်းဖူးစေ့ ၆ တန်လည်း တင်ပို့ နိုင်ခဲ့ပါတယ်။ ယခင်အပတ်က ဖိလစ်ပိုင်သို့ ၈၂၅ တန်နဲ့ အိန္ဒိယသို့ ၅၀၄ တန်တင်ပို့နိုင်ခဲ့တဲ့အတွက် ယခင်အပတ် ပင်လယ်ရေကြောင်း မှ ပြောင်းတင်ပို့မှုမှာ ၁၃၂၉ တန်ရှိခဲ့ပါတယ်။ ယခုအပတ်မှာ ၇၂၃ တန်အပို့လျော့ခဲ့ပါတယ်။ ယခု အပတ်ပြောင်း FOB ပေါက်ဈေး တစ်တန်လျှင် ဒေါ်လာ ၂၉၀ ဖြစ်ပြီး ယခင် အပတ်ထက် ဈေးအနည်းငယ်တက်လျက်ရှိပါကြောင်း သိရပါတယ်။MIRT (DOBT)

Monday, 21 Jan 2013

မြန်မာ-အိန္ဒိယနယ်စပ်မှ ဇန်နဝါရီလ ၉ ရက်မှ ၁၅ ရက်ထိကာလအတွင်း ကန်ဒေါ်လာ သုည ဒသမ ၃၂၃ သန်းတန်ဖိုးရှိ ကွမ်းသီးခြောက် ၃၀၇ တန်ခန့်ကိုတင်ပို့နိုင်ခဲ့ပါတယ်။ ရိဒ်နယ်စပ်ကုန်သွယ်ရေးမှ တန်ဖိုးကန်ဒေါ်လာ သုည ဒသမ ၁၅၃ သန်းဖိုးရှိကွမ်းသီး ၁၄၆ တန်နဲ့ တမူးနယ်စပ်ကုန်သွယ်ရေးသွယ်ရေးမှ တန်ဖိုးကန်ဒေါ်လာ သုည ဒသမ ၁၇၀ သန်းခန့်ရှိ ကွမ်းသီး ၁၆၁ တန်ကိုအသီးသီးတင်ပို့နိုင်တာတွေ့ရပါတယ်။ ယခင်အပတ်က ကန်ဒေါ်လာ သုည ဒသမ ၃၅၄ သန်းခန့်တန်ဖိုးရှိ ကွမ်းသီးခြောက် ၃၃၇ တန်ကိုတင်ပို့ နိုင်ခဲ့တဲ့အတွက် ယခုအပတ် မှာ တန် ၃၀ ခန့်လျော့နည်းတင်ပို့ခဲ့ပါတယ်။ ယခုအပတ်မှာ ကွမ်းသီးများကို အိန္ဒိယဘက်မှအဝယ်နည်းနေပြီး အိန္ဒိယဘက်မှာ လမ်းပိတ်နေတာကြောင့် တင်ပို့မှုလျော့နည်းရခြင်းဖြစ်တယ်လို့ တမူးနယ်စပ်မှ ကုန်သည် တစ်ဦးထံမှ သိရပါတယ်။              MIRT (DOBT)

Wednesday, 16 Jan 2013

အိန္ဒိယအနေနဲ့ သကြားတင်သွင်းမှုအပေါ် သွင်းကုန်ခွန် ချက်ချင်းကြီး တိုးမြှင့်ကောက်ခံသွားရန် အစီအစဉ်မရှိကြောင်း သိရပါတယ်။

Pages