Main menu

Background

Wednesday, 26 Dec 2012

အိန္ဒိယပဲထွက်ရာ ဂျယ်နာ၊ လတ္တာစတဲ့ ဈေးကွက်တွေ ကို ပဲစင်းငုံအသစ်များ စတင်ဝင်ရောက် နေပြီဖြစ်ပြီး ဒီဇင် ဘာလ နောက်ဆုံးပတ်မှာတော့ အပြည့်အ၀ ဝင်ရောက်လာ ဖွယ်ရှိတယ်လို့ သိရပါတယ်။ ဈေးနှုန်းအနေနဲ့ ဝယ်လိုအား နည်းနေပြီး ရောင်းချမှု အလုံအလောက်ရှိတာကြောင့် ပဲစင်း ငုံဈေးက အားပျော့နေပါတယ်။ အိန္ဒိယ အစိုးရ စာရင်းတွေ အရ ၁၁ နှစ်မြောက် စီမံကိန်းကာလအတွင်း နိုင်ငံရဲ့ နှစ်စဉ် ပျမ်းမျှပဲဝယ်လိုအားက တန်ချိန် ၁၈ ဒသမ ၃၁ သန်းခန့်ရှိပြီး၊ ပျမ်းမျှ ထုတ်လုပ်မှုက တန်ချိန် ၁၅ ဒသမ ၈၉ သန်းသာရှိလို့ လိုအပ်ချက် ကွာဟမှုက ၁၃ ဒသမ ၂၁ ရာခိုင်နှုန်းရှိတယ်လို့ သိရပါတယ်။ ဒါကြောင့်လည်း နှစ်စဉ်ပဲတန်ချိန် ၂ ဒသမ ၄ သန်းခန့် တင်သွင်းနေရပါတယ်။

Wednesday, 12 Dec 2012

လက်ရှိရာသီအတွင်း ထိုင်းနိုင်ငံမှာ ကြံရိတ်သိမ်းမှု တိုး တက်လျက်ရှိပြီး၊ လက်ရှိအချိန်ထိ သကြားတန်ချိန် တစ်သိန်း ဝန်းကျင်ထုတ်လုပ်ထားပြီး ဖြစ်တယ်လို့သိရပါတယ်။ ဒါပေမဲ့ လက်ငင်းဈေးကွက်မှာတော့ စားသုံးသူတွေ အနေနဲ့ ရောင်းချ မှု များပြီး၊ ဈေးလျော့ကျတဲ့အချိန်ကို စောင့်နေတဲ့အတွက် အရောင်းအဝယ် အေးနေတယ်လို့ ဒီဇင်ဘာ ၄ ရက်မှာ ကုန် သည်များကဆိုပါတယ်။ ဘရာဇီးပြီးရင် သကြားတင်ပို့မှုမှာ ကမ္ဘာ့ဒုတိယအများဆုံးဖြစ်တဲ့ ထိုင်းနိုင်ငံ ဟာ နိုဝင်ဘာလ ၃၀ ရက်အထိ ကြံတန်ချိန် ၁ ဒသမ ၉၄ သန်းဝန်းကျင်ကြိတ် ခွဲပြီးဖြစ်လို့ ပြီးခဲ့တဲ့ ၂၀၁၁-၁၂ ရာသီ ကာလတူကြိတ်ခွဲမှု တန်ချိန် ၁ ဒသမ ၆၃ သန်းထက် ပိုမိုကြိတ်ခွဲပြီးသွားပြီ လို့ လည်း ကုန်သည်များက ဆိုပါတယ်။

Wednesday, 12 Dec 2012

မြန်မာ-တရုတ်နယ်စပ်ရှိ မူဆယ်နဲ့ ချင်းရွှေဟော် နယ်စပ်ကုန်သွယ်ရေးစခန်းများမှ ကန်ဒေါ်လာ ၅ ဒသမ ၃၇၃ သန်းတန်ဖိုးရှိ ရော်ဘာအဆင့်စုံ တန်ချိန် ၂၂၈၁ တန်ကျော်ကို နိုဝင်ဘာလ ၂၈ ရက်မှ ဒီဇင်ဘာလ ၄ ရက်ထိကာလအတွင်းမှာ တင်ပို့ခဲ့ပါတယ်။ ယခင်အပတ်က ရော်ဘာအဆင့်စုံ တန် ၁၆၀၀ ကျော် တင်ပု့ိခဲ့သဖြင့် ယခုအပတ်မှာ တန်ချိန် ၅၀၀ ကျော် ပိုမို တင်ပို့နိုင်ခဲ့ပါတယ်။ ယခုအပတ် မြန်မာ-ထိုင်းနယ်စပ်မ ှတင်ပို့မှုမရှိခဲ့သော်လည်း မူဆယ် ၁၀၅ မိုင်မှ ကန်ဒေါ်လာ ၂ ဒသမ ၀၄၈ သန်းတန်ဖိုးရှိ ရော်ဘာအဆင့်စုံ ၁၀၇၇ တန်ကျော်နဲ့ ချင်းရွှေဟော်မှ ကန်ဒေါ်လာ ၃ ဒသမ ၃၂၅ သန်းတန်ဖိုးရှိ RSS-3 ၆၀၄ တန်ကျော်၊RSS-5 တန်ချိန် ၆၀ ကျော်၊MSR-20 ၄၃၇ တန်ကျော်၊ MSR-50 ၃၇ တန်ခန့်နဲ့ RSS-1 ၆၅ တန်အသီးသီး တင်ပို့ခဲ့တာတွေ့ရပါတယ်။ ယခုအပတ်မိမိဘက်နဲ့ တစ်ဖက်နိုင်ငံမြေပြင်ပေါက်ဈေးများကို နှိုင်းယှဉ်ဖော်ပြ ပေးလိုက် ပါတယ်-

Wednesday, 12 Dec 2012

မလေးရှားနိုင်ငံသို့ ပင်လယ်ရေကြောင်းမှ နိုဝင်ဘာလ ၂၅ ရက်မှ ဒီဇင်ဘာလ ၁ ရက်ထိကာလအတွင်းမှာ တန်ဖိုး ကန်ဒေါ်လာ သုည ဒသမ ၂၆၈ သန်းတန်ဖိုးရှိ ရော်ဘာ RSS-5  တန် ၂၀ နဲ့  MSR-20  တန် ၈၀ ကို တင်ပို့နိုင်ခဲ့ပါတယ်။ ယခင်အပတ်က မလေးရှားသို့ တန် ၁၈၀ တင်ပို့ခဲ့ပြီး ယခုအပတ်မှာ တန် ၁၀၀ သာ တင်ပို့ခဲ့တဲ့အတွက် ပုံမှန်တင်ပို့နေတယ်လို့ ဆိုရပါမယ်။ ယခင်အပတ်ကတင်ပို့ခဲ့တဲ့ တရုတ်နိုင်ငံကိုတော့ ယခုအပတ်မှာတင်ပို့နိုင်ခြင်းမရှိခဲ့ပါဘူး။ နိုင်ငံတကာ ရော်ဘာပေါက်ဈေးမှာ ယခင်အပတ်က  RSS-3 တစ်တန်လျှင် ဒေါ်လာ ၃၀၂၅ ဖြစ်ပြီး ယခုအပတ်ပေါက်ဈေးမှာ ဒေါ်လာ ၃၀၃၀ ဖြစ်တဲ့အတွက် ယခင်အပတ်နဲ့ကွာဟမှု သိပ်မရှိကြောင်းနဲ့ ရော်ဘာ FOB ပေါက်ဈေးမှာလည်း  RSS-1 တစ်တန်လျှင် ဒေါ်လာ ၂၈၀၀-၂၉၀၀၊  RSS-3 နဲ့  MSR-20 တစ်တန်လျှင် ဒေါ်လာ ၂၇၀၀-၂၈၀၀၊RSS-5 နဲ့ MSR-50 တစ်တန်လျှင် ဒေါ်လာ ၂၆၀၀-၂၇၀၀ဖြစ်ပြီး Crepe Rubber တစ်တန်လျှင် ဒေါ်လာ ၂၅၀၀-၂၆၀၀ ဖြစ်ကြောင်း မြန်မာနိုင်ငံရော်ဘာ စိုက်ပျိုးထုတ်လုပ်သူများနဲ့ တင်ပို့သူများအသင်းက ထုတ်ပြန်ထားပါတယ်။MIRT (DOBT)

Wednesday, 12 Dec 2012

အိန္ဒိယဈေးကွက်မှာ နနွင်းလက်ငင်းဈေးက တည်ငြိမ်နေ ဆဲဖြစ်ပေမယ့် လှောင်လက်များက အမြောက်အမြား  သို လှောင်ဖို့ ဝယ်ယူနေပြီလို့ သိရပါတယ်။ ပြည်ပတင်ပို့သူများ ဟာ နိုင်ငံအထက်ပိုင်းမှ အမှာအော်ဒါအချို့ လက်ခံရရှိကြလို့ ၎င်းတို့ လိုအပ်ချက်အတွက် ဝယ်ယူနေကြပါတယ်။ ဒါပေမယ့် လှောင်လက်တွေ က ဖေဖော်ဝါရီ လ လောက်မှာ နနွင်းဈေးမြင့် တက်နိုင်တယ်အထင်နဲ့ သိုလှောင်မှုအတွက် စပြီးဝယ်ယူနေကြ ပြီလို့ အီရော့ နနွင်းကုန်သည်များအသင်းမှ အာကေဗွီရာ ဗွီရှန်ကာမှ ဆိုပါတယ်။

စပ်မျိုးနနွင်းမှာ အရည်အသွေးကောင်းမွန်မှုကြောင့် ဈေး မြင့်တက်လျက်ရှိပြီး၊ ပြည်ပတင်ပို့သူတွေက အမြင့်ဆုံး တစ် တန် ရူပီး ၆၃၂၉၀(ကန်ဒေါ်လာ ၁၁၆၉)ဈေးဖြင့် ဖော်ပြ ထားကြောင်း ကုန်သည်များမှ ဆိုပါ တယ်။ လှောင်လက် တွေ လက်ထဲမှာ နနွင်းအိတ် ၁၀ သိန်းကျော်ရှိနေပြီး၊ ဈေးအမြင့်မှန်း ကာ နောက်ထပ်လည်း ဝယ်ယူနေကြတယ်လို့ ဆိုပါတယ်။ အဓိကတင်သွင်းနိုင်ငံများနဲ့ ပြည်တွင်းဝယ်လက်တွေက ဇန်နဝါ ရီလမှာ ပုံမှန်ဝယ်လိုအားကောင်းလေ့ရှိလို့ ဈေးနှုန်းမြင့်တက် နိုင်ကြောင်း သုတေသနကုမ္ပဏီမှ ဆိုပါတယ်။ အီရော့နနွင်းကုန်သည်များအသင်း ရောင်းချတဲ့ဝင်းမှာ နနွင်းလက်ချောင်းတစ်တန် ရူပီး ၃၈၉၆၀-၅၃၇၄၀ (ကန်ဒေါ် လာ ၇၂၀-၉၉၃)ရှိပြီး၊ နနွင်းဥဈေးက ရူပီး ၃၆၉၆၀-၄၈၃၉၀ (ကန်ဒေါ်လာ ၆၈၃-၈၉၄)ရှိကြောင်း သိရပါတယ်။ တောင်သူ အချို့က အစိုးရမှ အနိမ့်ဆုံးထောက်ပံ့ဈေးနှုန်းသတ်မှတ် မယ်ဆိုတဲ့ သတင်းတွေ အရ ဈေးနှုန်းမြင့်တက် ဦးမယ်မှန်းပြီး၊ ၎င်းင်းတို့ သိုလှောင်နနွင်းများ ထုတ်ရောင်းခြင်း မရှိသေးဘူးလို့ သိရပါတယ်။ စပ်မျိုးနနွင်းထဲမှာ နနွင်းလက်ချောင်းဈေးက တစ်တန်ရူပီး ၄၇၀၉၀-၆၃၂၉၀ (ကန်ဒေါ်လာ ၈၇၀-၁၁၆၉) ရှိပြီး၊ နနွင်းဥဈေးက ရူပီး ၄၆၀၆၀-၅၁၈၉၀ (ကန် ဒေါ်လာ ၈၅၀-၉၅၈)ရှိတယ်လို့  Business  Line  သတင်းအရ သိရ ပါတယ်။                                   ယမင်းခင်
 

Wednesday, 12 Dec 2012

ပြည်ပကိုပင်လယ်ရေကြောင်းလမ်းမှ နိုဝင်ဘာလနောက်ဆုံးပတ်အတွင်း နနွင်း တင်ပို့မှုက စုစုပေါင်းတန်ချိန် ၁၂၈ တန်ရှိခဲ့တယ်လို့ သိရပါတယ်။ ပါကစ္စတန်နိုင်ငံကို ၈၅ တန်နဲ့ မလေးရှားကို ၄၃ တန်ဖြစ်ပါတယ်။ နိုဝင်ဘာလအတွင်း မှာ ယခုတစ် ပတ်နနွင်းတင်ပို့မှုက အများဆုံးဖြစ်ခဲ့ပါတယ်။ FOB ဈေးက တစ်တန်ကို ကန် ဒေါ်လာ ၅၃၀-၅၅၀ ရရှိခဲ့တယ်လို့ သိရပါတယ်။

Wednesday, 12 Dec 2012

အိန္ဒိယ ပဲစင်းငုံအဓိကစိုက်ပျိုးရာ ကာနာတာကာ၊ မဟာရပ်ရှတရာနဲ့ အင်ဒရာ ပရာဒေ့ရှ်တို့မှာ ပဲစင်းငုံပုံမှန် အထွက်ရှိနိုင်လို့ ဖေဖော်ဝါရီလလယ်လောက်မှာ ဈေး နှုန်း ၂၀ ရာခိုင်နှုန်းခန့် ကျဆင်းနိုင်တယ်လို့ ခန့်မှန်းကြပါတယ်။ အဓိက ပဲစင်းငုံ စိုက်ပျိုးရာ ပြည်နယ်တွေမှာ ပုံမှန်ကာလအတိုင်း မိုးရွာသွန်းမှုရှိခဲ့တာကြောင့် ယခုနှစ် ပဲစင်းငုံက ပုံမှန်ထက် ပိုကောင်းလာပြီး၊ ပြီးခဲ့တဲ့နှစ် ထုတ်လုပ်မှုထက် ကောင်းမယ်လို့ ဘင်ဂလိုရီသီးနှံနဲ့ ပဲမျိုးစုံလက်ကား အသင်းဥက္ကဌ  Ramesh  Chandra  Lahoti မှ Business  Line ကို ပြောကြားကြောင်းသိရပါတယ်။

Monday, 10 Dec 2012

အိန္ဒိယဈေးကွက်တွေကို ပြည်တွင်းထွက် ပဲစင်းငုံ၊ မတ်ပဲ၊ ပဲတီစိမ်းများဝင်ရောက်မှုရှိသလို ပြည်ပကတင်သွင်း ပဲတွေ လည်း ရောက်ရှိနေတဲ့အပြင် ဝယ်လိုအားနည်းပါးနေတဲ့ အတွက် ပဲဈေးများအကျဘက်မှာ ရှိနေတယ်လို့ သိရပါတယ်။ တောင်သူတွေက ကုလားပဲစိုက်ဧရိယာတိုးချဲ့လာခြင်းနဲ့ တင် သွင်းမှုပိုမိုဖွယ်ရှိခြင်းတို့ကြောင့် ကုလားပဲဈေးကျဆင်း နေပါ တယ်။ ဒါ့အပြင် လာမယ့်သီတင်းပတ်တွေမှာ တင်သွင်းပဲတွေ ပိုမိုဝင်ရောက် လျက်ရှိခြင်းကလည်း ဈေးနှုန်းဆက်ပြီး အကျ ဘက်ဆင်းဖို့ ဖြစ်နေပါတယ်။ မတ်ပဲနဲ့ ပဲတီစိမ်းကို ပဲခွဲစက်၊ ကုန်သည်နဲ့လှောင်လက်တွေ အဝယ်မရှိလို့ ဈေးအေးနေပြီး၊ ပဲစင်းငုံမှာလည်း ထုတ်လုပ်ရာဒေသတွေ က ရောင်းချမှု ကောင်းနေတဲ့အတွက် ဒေသကုန်သည်များ အဝယ်နည်းပြီး ဈေးကျဆင်းနေ ပါတယ်။

Wednesday, 5 Dec 2012

ရန်ကုန် FOB နဲ့ အိန္ဒိယဈေးကွက် ပဲမျိူးစုံဈေးနှုန်း အပြောင်းအလဲ
၃၀-၁၁-၂၀၁၂                                              ဒေါ်လာ/တန်

စဉ်
ပဲအမျိူးအမည်
တောင်အမေရိက
ဥရုဂွေး
အာဂျင်တီးနား

22/11
29/11
ပြောင်းလဲမှု
22/11
29/11
ပြောင်းလဲမှု
22/11
29/11
ပြောင်းလဲမှု

1
မတ်ပဲ
545
530

603

580

707
679

2
ပဲစင်းငုံ
640
630

609
652

725
688

3
ပဲတီရွှေဝါ
920
900

1015
996

1124
1087

4
ကုလားပဲဖြူလုံးကြီး
700
680

830
797

811
806

 
*မှတ်ချက်။ ရန်ကုန် FOB ဈေးနှုန်းများမှာ အနိမ့်ဈေးများသာဖြစ်ပါသည်။
အိန္ဒိယဒေလီဈေးကွက် ပဲတီရွှေဝါဈေးမှာ ချန်နိုင်းဈေးကွက်ပေါက်ဈေးဖြစ်ပါသည်။

Wednesday, 5 Dec 2012

နိုဝင်ဘာလ ၂၃ ရက်နေ့မှ စပြီး ကမ္ဘာ့ရော်ဘာဈေးနှုန်း တွေက ပြန်လည်ကျဆင်းလာတယ်။ ကမ္ဘာ့ရေနံစိမ်း ဈေးနှုန်း များ ပြန်လည်ကျဆင်းလာခြင်း၊ ဂျပန်နိုင်ငံဆိပ်ကမ်းတွေမှာ ရော်ဘာသိုလှောင်ထားမှု ပမာဏက နှစ်လအတွင်း အမြင့်ဆုံး ပမာဏကို ရောက်ရှိလာခြင်းတို့က ရော်ဘာဈေးနှုန်းအပေါ် သက်ရောက်မှု  ရှိစေတယ်လို့   ထိုင်းရော်ဘာအသင်းက ရရှိတယ့် သတင်းတစ်ရပ်အရ သိရတယ်။ ဒါ့ကြောင့် နိုဝင် ဘာလ ၂၀ ရက်နေ့က တစ်တန်ကို ၂၉၉၈ ဒေါ်လာ နှုန်းထား မှာရှိနေတဲ့ ထိုင်းရော်ဘာRSS-5  (မှိုင်းခံရော်ဘာ အဆင့် ၅) က နိုဝင်ဘာလ ၂၇ ရက်နေ့မှာ တစ်တန်ကို ၂၉၈၁ ဒေါ်လာအထိ ၁၉ ဒေါ်လာ ဈေးကျလာတယ်။

Pages