Main menu

Background

Tuesday, 12 Jul 2011

အိန္ဒိယ၏ ပင်လယ်စာတင်ပို့မှု ၄ ဒသမ ၅ ရာခိုင်နှုန်းကျဆင်း           အိန္ဒိယရဲ့ အဓိကဈေးကွက်တွေဖြစ်တဲ့ အီးယူနဲ့ ဂျပန်တို့မှ ဝယ်လိုအားလျော့နည်းသွားမှုကြောင့် မေလမှာ အိန္ဒိယရဲ့ ပင်လယ်စာတင်ပို့မှုက ၄ ဒသမ ၅ ကျဆင်းသွားကာ ကန်ဒေါ်လာ ၁၄၆ သန်း သာရရှိခဲ့ကြောင်း သတင်းရရှိပါတယ်။ ပြီးခဲ့တဲ့ ဘဏ္ဍာနှစ် မေလကမူ ပင်လယ်စာတင်ပို့မှုမှ ကန်ဒေါ်လာ ၁၅၃ သန်းရရှိခဲ့ကြောင်း ပင်လယ်စာ ထွက်ကုန်တင်ပို့မှု တိုးတက်ရေး အာဏာပိုင်အဖွဲ့Marine Products Export Development Authority (MPEDA)  ကထုတ်ပြန်တဲ့ ကိန်းဂဏန်းတွေအရ သိရှိရပါတယ်။ ဥရောပစီးပွားရေးအခြေအနေက ကောင်းမွန်မှုမရှိဆဲဖြစ် ကာ ဝယ်လိုအားကလည်း နှေးကွေးနေသေးကြောင်း MPEDA  အရာရှိက ပြောကြားလိုက်တယ်။               ဒါ့ပြင် ဂျပန်နိုင်ငံမှာ ငလျင်နဲ့ ဆူနာမီကြုံတွေ့ခဲ့မှုကြောင့် ဂျပန်မှ ကုန်အမှာတွေ လျော့ကျလျက်ရှိကြောင်း အိန္ဒိယပို့ကုန် တင်ပို့သူတွေအရ သိရှိရပါတယ်။ နန်းထွေးထွေးမေ၊Source:articles.economictimes.indiatimes.com

Sunday, 19 Jun 2011

ဗီယက်နမ် ငါးတင်ပို့ဈေး မြင့်တက်                ယခုနှစ် ပထမ ၆ လအတွင်း ဗီယက်နမ်နိုင်ငံရဲ့ Tra  ငါးတင်ပို့ဈေးဟာ ယခင်နှစ် ကာလတူဈေးနှုန်းထက် တိုးတက်ရရှိနေတယ်လို့ ဗီယက်နမ် ပင်လယ်ထွက်ကုန်တင်ပို့သူများနဲ့ ထုတ်လုပ်သူများအသင်း (VASEP)မှ ပြောကြားပါတယ်။ ဆွစ်ဇာလန် နိုင်ငံကို Tra  ငါးရောင်းချဈေးဟာ တစ်ကီလိုကို ကန်ဒေါ်လာ ၄ ဒသမ ၄၃ နဲ့ ဈေးအမြင့်ဆုံးရရှိပြီး ဂျပန်ဈေးကွက်ကို တစ်ကီလို ကန်ဒေါ်လာ ၄ ဒသမ ၂၅ နဲ့ ဒုတိယ ဈေးအများဆုံးရောင်းချရတယ်လို့ သိရပါတယ်။ လတ်တလော ကမ္ဘာ့ Tra  ငါးတင်သွင်းတဲ့ ဈေးကွက် ၂ဝ ကျော်မှာ တစ်ကီလို ကန်ဒေါ်လာ ၃ မှ ၃ ဒသမ ၉၇ ဒေါ်လာဈေးအကြားရှိတယ်လို့ ဆိုပါတယ်။ ယခုနှစ် ပထမ ၄ လအတွင်း ွှမေ ငါးတင်ပို့မှု တန်ချိန် ၂ဝ၈၄၄၅ မှ ကန်ဒေါ်လာ ၅၂၁ ဒသမ ၃ သန်းရရှိပြီးဖြစ်လို့ ယခင်နှစ်ထက် ပမာဏအားဖြင့် ၅ ဒသမ ၆ ရာခိုင်နှုန်းသာ မြင့်တက်ပေမဲ့ တန်ဖိုးအားဖြင့် ၂၃ ရာခိုင်နှုန်း မြင့်တက်တယ်လို့ သိရပါတယ်။ ယမင်းခင်   Source: VOV

Monday, 6 Jun 2011

ရောဂါကျရောက်သဖြင့် ဗီယက်နမ်ပုစွန်မွေးမြူသူများ မကြုံစဖူး အရှုံးကြီးရှုံး                    မဲခေါင်မြစ်ဝှမ်းတစ်လျှောက်ရှိ ပုစွန်မွေးမြူတဲ့ ပြည်နယ်တွေမှာ ပုစွန်ကျား (Tiger Shrimp) ဟက်တာ ၄ဝဝဝဝ မွေးမြူထားမှုအပေါ်မှာ ရောဂါကျရောက်လို့ မကြုံစဖူးဆုံးရှုံးမှု တွေကို ကြုံတွေ့နေရကြောင်းနဲ့ အဓိက ဆုံးရှုံးမှုအကြောင်း ရင်းမှာ ကပ်ပါးရောဂါကူးစက်ခြင်း (Microsporidiosis) ကြောင့်ဖြစ်ကြောင်း ဗီယက်နမ်နိုင်ငံBac Lieu ပြည်နယ် မွေးမြူရေးဌာနမှူးPham Hoang Giang မှပြောကြားလိုက်ပါတယ်။                    ယခုလောလောဆယ်မှာ ရောဂါကာကွယ်ဖို့အတွက် တိကျတဲ့ ကုသမှုမတွေ့ရှိသေးဘဲ မွေးမြူသူများမှ မမွေးခင် ရောဂါရှိ/မရှိ စစ်ဆေးခြင်းကသာ တစ်ခုတည်းသော ကာကွယ်မှု နည်းလမ်းဖြစ်ပါတယ်။                      Bac Lieu  ပြည်နယ်မှ ပုစွန်မွေးမြူရေး ဟက်တာ ၁၁ဝဝဝ က ပျက်စီးဆုံးရှုံးသွားပြီဖြစ်ရာTra Vinh  ပြည်နယ်မှာ ဟက်တာ ၆၂ဝဝ ပျက်စီးသွားကာ ပုဇွန်ကောင်ရေ ၃၃ဝ သန်းသေဆုံးသွားကြောင်းနဲ့ ဗီယက်နမ် ဒေါင်ငွေ ၁၂ ဘီလီယံဆုံးရှုံးမှုရှိကြောင်း သတင်းရရှိပါတယ်။                         Soc Trang ပြည်နယ်မှာ ဟက်တာ ၂၅ဝဝဝ ရှိတဲ့ အနက် ၂ဝဝဝဝ မှာ ပျက်စီးသွားပြီဖြစ်ရာ ဆုံးရှုံးမှု ဗီယက်နမ် ဒေါင် ၁ ဒသမ ၅ ထရီလီယံ (ကန်ဒေါ်လာ ၇၅ သန်း) ဖိုး ဆုံးရှုံးသွားပြီဖြစ်ပါတယ်။ Soc Trang ပြည်နယ်သား Nguyen Van Sang က ပုစွန်ကျားမွေးမြူရေး ၃ ဟက်တာ မှာ ဗီယက်နမ်ဒေါင် ၅ဝ သန်း (ကန်ဒေါ်လာ ၂၅ဝဝ) ဖိုး ရင်းနှီးမြှုပ်နံှထားရာ နှစ်ပတ်အတွင်း ပုစွန်တွေ သေဆုံးသွား ပြီဖြစ်ပါတယ်။ အခြားပြည်နယ်ရှိ ပုစွန်တွေမှာလည်း ထူးဆန်းတဲ့အခြေအနေနဲ့ သေဆုံးသွားကြပါတယ်။ ပုစွန်တွေက ကန်နံရံကို အတင်းတိုးပြီး မိမိဘာသာ သေ ကြေအောင် ပြုလုပ်သွားကြောင်းနဲ့ ပုစွန်အများစုမှာ ရက် ၂ဝ နဲ့ ၃ဝ ကြားအသက်အရွယ်မှာ သေဆုံးသွားရာ မွေးမြူရေး သမားတွေ ငွေကြေးရင်းနှီးမြှုပ်နံှထားမှု ဆုံးရှုံးမှုအပေါ် စိတ် ဓါတ်ကျနေကြတယ်။                      Bac Lieu  ပြည်နယ်မှ ပုစွန်မွေးမြူရေးအတွေ့အကြုံ ရှိသူTran Thanh Tuan မှ ပုစွန်တစ်ဟက်တာမွေးမြူရင် ကန်ဒေါ်လာ ၂ဝဝဝ ဆုံးရှုံးမှုရှိကြောင်း ပြောကြားလိုက်ပါတယ်။  Soc Trang People's Committee  ပြည်သူ့ ကော်မတီက ပုစွန်ဆက်လက်မွေးမြူနိုင်ရေးအတွက် ကန်ဒေါ်လာ ၁ သန်းသုံးစွဲသွားဖို့ လျာထားကြောင်း သိရှိရပြီး ကော်မတီမှ လယ်ယာစိုက်ပျိုးရေးနဲ့ ကျေးလက်ဒေသဖွံ့ဖြိုး တိုးတက်ရေးဝန်ကြီးဌာနက ပုစွန်မွေးမြူသူတွေကို အထောက်အပံ့ ပေးနိုင်ဖို့အတွက် အကူအညီတောင်းခံထား ကြောင်း သတင်းရရှိပါတယ်။ှSource:english.vietnamnet.vn.comအေးမွန်မွန်လှိုင်

Thursday, 26 May 2011

Tuna ငါးဈေးနှုန်းများကျဆင်းသဖြင့် အင်ဒိုနီးရှားငါးဖမ်းသမားများ ထိခိုက်              ဂျပန်နိုင်ငံ Fukushima prefecture မှာ နယူး ကလီးယား အကျပ်အတည်းဖြစ်ပေါ်ခဲ့ပြီးနောက် ဂျပန်ဈေး ကွက်မှာ tuna  ငါးဈေးနှုန်းတွေအပေါ် ဖိအားပေးဖြစ်ပေါ်စေခဲ့ပြီး အင်ဒိုနီးရှားနိုင်ငံမှ ငါးဖမ်းသမားများမှာ tuna  ငါး အစားအခြားငါးတွေကို ဖမ်းယူကာ အသက်မွေးဝမ်းကျောင်းမှု ပြုနေကြရပါတယ်။ The Indonesian Association of Fish Cargo Operators (APKPII)  ဥက္ကဌဖြစ်သူ Ang Sakiman  က ဂျပန်လူမျိုးများမှာ tuna  ငါးတွေကို ဓါတ်ရောင်ခြည်သင့်မှာ စိုးရိမ်ပြီး စားသုံးမှုမရှိကြရာ tuna  ငါးဈေးနှုန်းများမှာ ပုံမှန် အနေနဲ့ တစ်ကီလိုဂရမ်ကို ၉ဝဝ ယန်း (၁၁ ဒေါ်လာနီးပါး) မှ ၁ဝဝဝ ယန်း (၁၂ ဒေါ်လာနီးပါး) အကြားရှိရာမှ တစ်ကီလို ဂရမ်ကို ၄ဝဝ ယန်း (၅ ဒေါ်လာနီးပါး) ဖြစ်ခဲ့ကြောင်း ပြောကြားခဲ့ပါတယ်။ Ang  မှ tuna  ငါးဈေးနှုန်းတွေ ကျဆင်းမှုကြောင့် ဂျကာတာမြို့မြောက်ပိုင်းရှိ Muara Baru ဒေသမှ ငါးဖမ်းသမား ၈ဝဝ ခန့်မှာ tuna  ငါးဖမ်းမှု ကိုရပ် တန့်ခဲ့ရာ အကျပ်အတည်းဖြစ်ခဲ့ရကြောင်း ပြောကြားခဲ့ပါတယ်။               ဒါ့ပြင် Ang က ငါးဖမ်းသမားတွေအနေနဲ့ tuna ငါးဖမ်းဖို့ ၅ လမှ ၇ လကြာအချိန်ယူရပြီး ဒီဇယ်လောင်စာ တန်ချိန် ၁ဝဝ ထက်မက ပိုမိုအသုံးပြုရကြောင်းနဲ့ အခြားငါးဖမ်းဖို့ ဒီဇယ် လောင်စာတန်ချိန် ၃ဝ တန်သာအသုံးပြု ရကြောင်း၊ ငါးဖမ်းသမားအများစုမှာ tuna ငါးဖမ်းရင် အရှုံးပေါ်မှာ ကိုစိုးရိမ်ရာ အခြားငါးတွေကိုဖမ်းယူနေကြ ကြောင်း ပြောကြားခဲ့ပါတယ်။ မျိုးမျိုးထိုက်၊Source:The Jakatapost.com

Friday, 20 May 2011

ဂျပန်၏ရေထွက်ကုန်ဝယ်ယူမှုက လိုသလောက်သာ ဝယ်ယူမှုရှိလာ                  ဂျပန်နိုင်ငံ၏ရေထွက်ကုန် ဝယ်ယူမှု မှာ ကုန်ပစ္စည်းများကို သိုလှောင်ထားရှိ မှုမိုျးမရှိတော့ဘဲ လိုသလောက်သာ ဝယ်ယူမှုရှိလာကြောင်း ရေထွက်ကုန် ပစ္စည်း တင်ပို့သူများထံက သိရသည်။ ''ဂျပန်ရဲ့ ရေထွက်ကုန်ဝယ်ယူမှုက အရင်က လက်ထဲမှာကိုင်ထားဖို့၊ သိုလှောင်ထားဖို့ အကွက်တွေကိုပါဝယ်ယူမှုရှိခဲ့ပါတယ်။ မတ်လအတွင်း ဖြစ်ပေါ်ခဲ့တဲ့ ငလျင်ကြီးကြောင့် ပျက်စီး ဆုံးရှုံးမှုတွေများခဲ့ပြီး ကိစ္စတော်တော် များများမှာ အပိုအလိုရှိအောင် စနစ် တကျ လုပ်ဆောင်လာတာ တွေ့ရပါ တယ်။ အရင်က လုပ်ငန်းရှင်တွေ စုပြီး စားသောက်ဆိုင်ကောင်း ကောင်း၊ ဟိုတယ်တွေမှာ အစည်းအဝေး သဘောမျိုးလေးတွေကို အစား အသောက်တွေ စားသောက်ရင်း လုပ်တဲ့ဓလေ့ရှိတယ်။ မတ်လ အတွင်း ဖြစ်ခဲ့တဲ့ငလျင်နောက်ပိုင်း အချိန်ဖြုန်း တယ်၊ အပိုကိစ္စလို့ ထင်တာမျိုးတွေ သိပ်မလုပ်ကြတော့ဘူးလို့ ဂျပန်က ရေထွက်ကုန်ဝယ်ယူသူတွေရဲ့ ပြောပြ ချက်အရ သိရတယ်။ ဒါကြောင့် ဟိုတယ်သုံး အရွယ်အစားဆိုဒ်ကြီး ပုစွန်တွေ၊ ဈေးမြင့်မြင့်ပေးရတဲ့ ငါးတွေ အဝယ်ပါးသွားတယ်။ ဈေးအလယ် အလတ်တွေကို တိုးမှာလာတာတွေ့ရတယ်''ဟု ရေထွက်ကုန်များကို ဂျပန် နိုင်ငံသို့ လစဉ် ကွန်တိန်နာ ၁ဝ လုံးခန့် တင်ပို့နေသူ လုပ်ငန်းရှင်ဦးထွန်း အေးက ပြောပြသည်။ KMT

Sunday, 24 Apr 2011

အိန္ဒိယနိုင်ငံအစိုးရမှ အချို့လယ်ယာစိုက်ပိုျးရေးကဏ္ဍများတွင် နိုင်ငံခြားရင်းနှီးမြှုပ်နံှမှု ၁ဝဝ ရာခိုင်နှုန်းခွင့်ပြု                 အိန္ဒိယနိုင်ငံ စက်မှုမူဝါဒနဲ့ ဖွံ့ဖြိုးတိုးတက်ရေးဌာနက "Consolidated FDI Policy-Circular 1 of 2011" ကိုထုတ်ပြန်ကြေညာခဲ့ပြီး ၎င်းမူဝါဒအရ မိုျးစေ့နဲ့ အပင်ဆိုင်ရာပစ္စည်းများထုတ်လုပ်မှု၊ ပန်းပင်တွေ စိုက်ပျိုး ထုတ်လုပ်မှု၊ သစ်သီးဝလံပန်းမန်စိုက်ပျိုးထုတ်လုပ်မှုနဲ့ ဟင်းသီးဟင်းရွက်နဲ့ မှိုတွေကို ထိန်းချုပ်ထားတဲ့ စည်းကမ်းတွေအရ စိုက်ပျိုးမှုစတဲ့ ကဏ္ဍတွေမှာ နိုင်ငံခြားရင်းနှီးမြှုပ်နံှမှုကို ၁ဝဝ ရာခိုင်နှုန်းခွင့်ပြုသွားမှာဖြစ်ပါတယ်။                     လက်ရှိကာလတွင် အိန္ဒိယနိုင်ငံမှာ ခွေးမွေးမြူရေးအပါအဝင် တိရစ္ဆာန်မွေးမြူရေး၊ ငါးမွေးမြူရေး၊ ရေသတ္တဝါ မွေးမြူရေး တို့ကိုလည်း ထိန်းချုပ်ထားတဲ့ စည်းကမ်းတွေအောက်မှာ နိုင်ငံခြားရင်းနှီးမြှုပ်နံှခွင့် ၁ဝဝ ရာခိုင်နှုန်း ခွင့်ပြု ပေးထားပြီးဖြစ်ကာ လယ်ယာနဲ့ ဆက်စပ်ကဏ္ဍတွေ စတဲ့ဝန်ဆောင်မှုလုပ်ငန်းများမှာလည်း နိုင်ငံခြား ရင်းနှီးမြှုပ်နံှခွင့် ၁ဝဝ ရာခိုင်နှုန်း ခွင့်ပြုပေးသွားနိုင်ဖွယ်ရှိပါတယ်။ ဆက်လက်ပြီး လယ်ယာစိုက်ပျိုးရေးကဏ္ဍနဲ့ လက်ဖက်ကဏ္ဍတို့မှာ ၂ဝ၁၁ ခုနှစ် ဧပြီလ ၁ ရက်နေ့မှ စတင်ကာ နိုင်ငံခြားရင်းနှီးမြှုပ်နံှမှု အပြည့်အဝခွင့်ပြု ပေးသွားမှာဖြစ်ပါတယ်။            မျိုးမျိုးထိုက်။Source:commodityonline.com  

Sunday, 24 Apr 2011

ယူကရိန်းက လစဉ်ငါးပုစွန်ကွန်တိန်နာ သုံးလုံးဝယ်ယူရန် ကမ်းလှမ်း            ယူကရိန်းနိုင်ငံက လစဉ်ငါးပုစွန် ကွန်တိန်နာ သုံးလုံးဝယ်ယူရန်ကမ်းလှမ်း လာကြောင်း ရေထွက်ပစ္စည်းထုတ်လုပ် သူများနှင့် ပို့ကုန်လုပ်ငန်းရှင်များထံက သိရသည်။ ''ယူကရိန်းနိုင်ငံ (Realiltd) ရီလစ် တက်ကုမ္ပဏီက ဒါရိုက်တာနဲ့ အဖွဲ့ဝင် ၂ ဦးတို့ မြန်မာနိုင်ငံကို ဧပြီလဆန်းမှာ ရောက်ရှိခဲ့ပြီး ရေထွက်ပစ္စည်းထုတ်လုပ် သူတွေနဲ့ တွေ့ဆုံဆွေးနွေးခဲ့ပါတယ်။ ဆွေးနွေးပွဲအရ သူတို့ဝယ်ယူလိုတဲ့ ပစ္စည်းတွေက ရေချို ပုစွန်ငါးရော ရေငန်ပုစွန်ငါးပါ ပါတယ်။ အထူးသဖြင့် မွေးမြူရေးငါးတန်လဲပါတယ်။ မြန်မာ့ ပို့ကုန်လုပ်ငန်းရှင်တွေက ရောင်းမယ် ဆိုရင် လစဉ်ကွန်တိန်နာ သုံးလုံးပို့ပေးရမှာ။ ဈေးနှုန်းညှိဖို့ပဲ ကျန်တော့တယ်။ ဈေးနှုန်းအဆင်ပြေရင် တင်ပို့ဖြစ်မှာပါ'' ဟု ရေထွက်ပစ္စည်းတင်ပို့သူလုပ်ငန်းရှင် ဦးထွန်းအေးက ပြောကြားသည်။ အဆိုပါယူကရိန်းနိုင်ငံအခြေစိုက် လီမီတက်ကုမ္ပဏီမှာ ယခုအခါဗီယက်နမ်နိုင်ငံက ငါးပုစွန်များ ဝယ်ယူ၍ ယူကရိန်းနိုင်ငံတွင် ရေထွက်ကုန်များကို ပြုပြင်ထုတ်လုပ်ကာ ဂျာမနီနိုင်ငံသို့ တင်ပို့နေသည်ဟုဆိုသည်။ MN

Tuesday, 28 Dec 2010

ပုစွန်ကျားနေရာတွင်ရေငန်ပုစွန်ဖြူကို အစားထိုးမွေးမြူလာ          ပုစွန်မွေးမြူရေးတွင် ရေငန်ပုစွန်မှာ မွေးမြူရေးဆိုင်ရာ အားသာချက်များကြောင့် ပုစွန်ကျားနေရာတွင် ရေငန်ပုစွန်ဖြူကို အစားထိုးမွေးမြူလာကြောင်း ပုစွန် လုပ်ငန်းရှင်များ အသင်းက သိရသည်။ ''ရေငန်ပုစွန်ဖြူကို ၂ဝဝ၅ခုနှစ် နှစ်လယ်လောက်ကစပြီး တရားဝင် မွေးမြူခွင့်ရရှိခဲ့တာပါ။ အခုဆိုရင်ရေငန်ပုစွန်ဖြူ မွေးမြူတဲ့ သက်တမ်း ၆ နှစ်ထဲ ရောက်လာပါပြီ။ ပုစွန် မွေးမြူသူ တွေအနေနဲ့ ရေငန်ပုစွန်ဖြူရဲ့ မွေးမြူရေး ဆိုင်ရာ အားသာချက်တွေကို သိရှိလာပြီး ပုစွန်ကျားနေရာမှာ အစားထိုး မွေးမြူလာကြပါတယ်။ လက်ရှိပုစွန်ဖြူ ထုတ်လုပ် နိုင်မှုမှာ တစ်နှစ်ကိုတန်ချိန် ၁ဝဝဝ ခန့်ဖြစ်ပြီး ယင်းအနက် တန် ၅ဝဝ ကျော်က အရွယ်အစားသေးပုစွန် တွေပါ။ အရွယ် အစားသေးပုစွန်တွေကို ပြည်တွင်းစားသုံးမှုအတွက် အစား ထိုးရောင်းချလာကြပါတယ်။ ဈေးနှုန်းရရှိမှုကလည်း ပြည်တွင်းဈေးကွက် လိုအပ်ချက်နဲ့အညီ အထိုက် အလျောက် ဈေးကွက်ရရှိလာကြပါတယ်။ ထုတ်လုပ်မှုရဲ့ အရွယ်အစားကြီး ပုစွန်တွေကို အရည်အသွေးမြှင့် ပုစွန်ထုတ်ကုန်အဖြစ် ဂျပန်နိုင်ငံကို အဓိကတင်ပို့လျက်ရှိပါတယ်'' ဟု ယင်းအသင်းမှ ဒုတိယဥက္ကဋ္ဌ ဦးနှင်းဦးက ပြောကြားသည်။                                                                  ခင်မျိုးသွယ်

Tuesday, 28 Dec 2010

အရွယ်ကြီး ရေချိုပုစွန်ထုပ်များကို အေးခဲပုံစံဖြင့် ထိုင်းနိုင်ငံသို့ တင်ပို့နေ                      ၂ဝဝ ဂရမ်အထက် အရွယ်အစားကြီးရေချိုပုစွန် ထုပ်ကြီးများကို အေးခဲပုံစံဖြင့် ထိုင်းနိုင်ငံသို့တင်ပို့နေ ကြောင်း ရေထွက်ကုန်ပစ္စည်း ထုတ်လုပ်တင်ပို့သူများထံကသိရသည်။ '' လက်ရှိ ရေချိုပုစွန်ထုပ် ဈေးကွက်မှာ ၁ဝဝ ဂရမ်အောက် အရွယ်အစားတွေကို ပြည်တွင်းစားသုံးမှု အတွက် ရောင်းချလာကြပါတယ်။ ဈေးနှုန်းအရလည်း ပြည်တွင်းဈေးကွက် လိုအပ်ချက်နဲ့အညီ ဈေးနှုန်းတိုးမြှင့် ရရှိကြပါတယ်။ ၁ဝဝ ဂရမ်နဲ့ ၂ဝဝ ဂရမ်အရွယ် ရေချို ပုစွန်ထုပ်တွေကို ပြည်တွင်းဈေးကွက်လိုအပ်ချက်ထက်ပိုလံျှ ရင် နိုင်ငံခြားကို တင်ပို့ရောင်းချမှုရှိနေပါတယ်။ ဒါ့အပြင် အရွယ်အစားကြီး ၂ဝဝ ဂရမ်အထက် ရေချိုပုစွန်ထုပ်ကြီး တွေကို အေးခဲပုံစံနဲ့ ထိုင်းနိုင်ငံကို တင်ပို့ရောင်းချနေတာ လည်း ရှိပါတယ်'' ဟု ရေထွက်ပစ္စည်းထုတ်လုပ်သူ များနှင့် ပို့ကုန်လုပ်ငန်းရှင်များအသင်းကတာဝန်ရှိသူတစ်ဦးက ပြောကြားသည်။                     ရေခိုျပုစွန်ဈေးနှုန်းမှာ ဈေးကွက်ရှိမှုနှင့်အတူ ဈေးနှုန်း တည်ငြိမ်ခိုင်မာမှုရှိပြီး ဈေးကွက်လိုအပ်ချက်များ ဖြစ်ပေါ် နေသော်လည်းရေချိုပုစွန် မွေးမြူရေးအတွက် စရိတ်မြင့်မား သဖြင့် ပုစွန်သီးသန့်မွေးခြင်းမှ ငါးပုစွန်ရောနှော မွေးမြူ ခြင်းများကို လုပ်ဆောင်နေကြရကြောင်းသဘာဝတွင် ရှားပါး စ ပြုနေသည့် ရေချိုပုစွန်ထုပ်ကြီးများကို နည်းမျိုးစုံဖြင့် မွေးမြူ ထုတ်လုပ်နိုင်ပါက အကျိုးဖြစ်ထွန်းနိုင်ကြောင်း အဆိုပါပုဂ္ဂိုလ်က သုံးသပ်ပြောကြားသည်။                                                   ခင်မျိုးသွယ်

Tuesday, 21 Dec 2010

 ရေထွက်ကုန် တင်ပို့မှု ကန်ဒေါ်လာ သန်း ၄၀၀ ကျော်ရရှိ          မြန်မာနိုင်ငံက ရေထွက်ကုန်ပစ္စည်းကို ပြည်ပနိုင်ငံများသို့ တင်ပို့ လျက်ရှိရာ ၂ဝ၁ဝ ခုနှစ် ဧပြီလ ၁ ရက်မှ ဒီဇင်ဘာလ ၁၂ ရက်နေ့အထိ အမေရိကန် ဒေါ်လာ သန်း ၃၈ဝ ကျော် ရရှိထားပြီးဖြစ်ကြောင်း ငါးလုပ်ငန်းဦးစီးဌာန ပြည်ပ ကုန်စစ်ဆေးရေး ဌာနစုမှ တာဝန်ရှိသူတစ်ဦးက ပြောကြားသည်။        ''၂ဝ၁ဝ ခုနှစ်ဧပြီလ ၁ ရက်နေ့ ကနေ ဒီဇင်ဘာ ၁၂ ရက်နေ့အထိ လမ်းကြောင်းတွေ အလိုက်တင်ပို့မှုကို ကြည့်ရင် ပုံမှန်ကုန်သွယ်ရေးက ကန်ဒေါ်လာ ၂၃၈ ဒသမ ၇ဝ၄ သန်း၊ မူဆယ်က ဒေါ်လာ ၄၈ ဒသမ ၁၄၈ သန်း၊ ကော့သောင်းက ဒေါ်လာ ၁၄ ဒသမ ၁၇၄ သန်း၊ မြိတ်က ဒေါ်လာ ၆၅ ဒသမ ၂၁၅ သန်း၊ ဂဏန်းက ၂၃ ဒသမ ၃၉၃ သန်း၊ ငါးရှဉ့်က ဒေါ်လာ ၁၆ ဒသမ ၄၃၈ သန်းနဲ့ ရေချိုငါးက ဒေါ်လာ ၈၁ ဒသမ ၉ဝ၆ သန်း ရရှိမှုတွေ ပေါင်းလိုက်ရင် ဒေါ်လာ သန်း ၄ဝဝ ကျော်ရရှိထားပြီးဖြစ်ပါတယ် '' ဟု ယင်းဌာနမှ တာဝန်ရှိသူတစ်ဦးက ပြောကြားသည်။           ပြည်ပသို့ အများဆုံးတင်ပို့ ရောင်းချခဲ့သည့် ရေထွက်ကုန်များသည် ငါးမြစ်ချင်း၊ ငါးကြင်း၊ ငါးခေါင်းပွ၊ ငါးရှဉ့်၊ ငါးလင်ဗန်း၊ ငါးပတ်၊ ငါးဂျောင်း၊ ဂဏန်းနှင့် ဂဏန်းပျော့တို့ဖြစ်ကြောင်း သိရသည်။ ခင်မျိုးသွယ်

Pages