Main menu

Background

Sunday, 12 Dec 2010

 ရုရှားမှမြန်မာရေထွက်ကုန်များ ဝယ်ယူရန်ကမ်းလှမ်းလာ                      ရုရှားမှ မြန်မာရေထွက်ကုန်များ ဝယ်ယူရန် ကမ်းလှမ်းလာကြောင်း မြန်မာနိုင်ငံရေထွက်ကုန်နှင့် ပို့ကုန် လုပ်ငန်းရှင်များအသင်းမှ သိရသည်။ '' ရုရှားက ရေထွက်ကုန်တွေ ဝယ်ယူဖို့ ကမ်းလှမ်းခဲ့ရာမှာ မြန်မာပြည်က ဖမ်းဆီးတင်ပို့တဲ့ ငါးရှဉ့်ကို ပို စိတ်ဝင်စားတာ တွေ့ရတယ်။ ရုရှား ကငါးရှဉ့်ကို ဂျပန်အကြိုက်ပုံစံမျိုး၊ ဆိုလို တာက မြန်မာက ပို့လိုက်တဲ့ငါးရှဉ့်ကို တရုတ်တွေက စူပါဆိုဒ်ဖြစ်အောင် အကောင်ကြီးအောင် ပြန်မွေး၊ ဂျပန် စတိုင်ထုတ်ပြီး အခြားနိုင်ငံတွေကို ပြန်ပို့ ရောင်းချနေတာပါ။တရုတ်ရောင်းတဲ့ ငါးရှဉ့်ရဲ့မူရင်းက မြန်မာငါးရှဉ့်ဆိုတာ ရုရှားကသိနေတဲ့ အခြေအနေမှာ ရှိတယ်။ ၂ဝဝ၆ ခုနှစ်လောက်က ရုရှား ဈေးကွက်ကို မြန်မာ ရေထွက်ကုန်တွေ တင်ပို့ခဲ့ရပြီး တစ်ခုထပ်ပြီးဝယ်ယူဖို့ ကမ်းလှမ်းလာတဲ့အတွက် ရေထွက်ကုန် တွေ ရုရှားကိုပိုမိုတင်ပို့နိုင်မယ့် အခွင့် အလမ်းတွေ ရရှိလာမှာ ဖြစ်ပါတယ်။ ရုရှားဈေးကွက်မှာ မြန်မာထုတ်ကုန်တွေ ရေရှည်ဈေးကွက်ရရှိဖို့က စားသုံးသူ လက်ခံမှုအပေါ်မူတည်သလို မြန်မာ ရေထွက်ကုန် ထုတ်လုပ်သူတွေအနေ ဖြင့်လည်း အရည်အသွေးပြည့် စံချိန် စံညွှန်း ပြည့်ထုတ်လုပ်ဖို့လိုအပ်ပါတယ်'' ဟု ယင်းအသင်းမှ အတွင်းရေးမှူး ဦးထွန်းအေးကပြောကြားသည်။                           ခင်မျိုးသွယ်

Sunday, 12 Dec 2010

တရုတ်ပို့မည့် ရေထွက်ကုန်များအတွက် တရုတ်နိုင်ငံ၏ ခွင့်ပြုလက်မှတ်ပါရန်လို             တရုတ်နိုင်ငံသို့ တင်ပို့ရောင်းချမည့်ရေထွက်ကုန်ပစ္စည်းများအတွက် ၂ဝ၁၁ ခုနှစ် နှစ်ဆန်းကစတင်၍ တရုတ် နိုင်ငံ၏ ခွင့်ပြုလက်မှတ်နှင့်ခွင့်ပြုချက်ရ စက်ရုံများဖြစ်ရန် လိုအပ်ကြောင်းသိရသည်။          '' ၂ဝ၁၁ ခုနှစ်နှစ်ဆန်းကစပြီး မြန်မာကပို့တဲ့ရေထွက်ကုန်တွေမှာ တရုတ်နိုင်ငံရဲ့ခွင့်ပြုချက်မပါဘဲ တင်ပို့တဲ့ စက်ရုံတွေကို လက်မခံဘူးလို့ ထုတ်ပြန်ခဲ့ပြီးဖြစ်ပါတယ်။ ဒါ့ကြောင့်မြန်မာနိုင်ငံကနေ တရုတ်ကို ရေထွက်ကုန် တင်ပို့သူတွေ အနေနဲ့ သူတို့တောင်းခံတဲ့ သက်သေခံလက်မှတ်တွေပေးပို့ထားဖို့ လိုပါတယ်။ အဲ့ဒီလက်မှတ် အတွက် သူတို့ဆီက အဖွဲ့တစ်ဖွဲ့က လာစစ်ပါမယ်။ တရုတ်အဖွဲ့က မြန်မာရေထွက်ကုန်တွေမှာ မာကျူရီ၊ ကတ်မီယမ်၊ ခရိုမီယမ်၊ အာဆင်းနစ်၊ မယ်လမင်း၊ ဒိုင်အောက်စင်၊ မာလကိုက်ဒရင်း စသည်ဖြင့် ၁၃ မျိုးကို စစ်ဆေးမှာပါ '' ဟုငါးလုပ်ငန်းဦးစီးဌာနက တာဝန်ရှိသူတစ်ဦးက ပြောကြားသည်။ အလားတူEU သို့တင်ပို့သည့် ရေထွက်ကုန်များအတွက် EU အဖွဲ့၏ ခွင့်ပြုချက်ရရှိရန်၊ မြန်မာစက်ရုံ များကပြင်ဆင်စစ်ဆေးခံခဲ့ရာ ၂ဝ၁ဝ နှစ်ဆန်းမှစ၍ မြန်မာရေထွက်ကုန်များ EU ဈေးကွက်သို့ တရားဝင်တင်ပို့ ခွင့် ရရှိခဲ့ပြီးဖြစ်သည်။                                                                                                                         ခင်မျိုးသွယ် 

Tuesday, 28 Sep 2010

Crab World မှ ကဏန်းပျော့တန် ၄ဝခန့် လစဉ် တင်ပို့နေ     Crab World မှ ကဏန်းပျော့များကို လစဉ်တန် ၄ဝ ခန့် ပြည်ပနိုင်ငံများသို့ တင်ပို့နေရကြောင်း ကဏန်း လုပ်ငန်းရှင် များ အသင်းမှသိရသည်။'' ကဏန်းပျော့ထုတ်လုပ်ဖို့အတွက် တနင်္သာရီတိုင်းနဲ့ ဧရာဝတီတိုင်းကကုန်ကြမ်းတွေဝယ်ယူ အသုံးပြုပါတယ်။ လုပ်ငန်းစတင်လည်ပတ်တဲ့ ၂ဝဝ၈ ခုနှစ်မှာ တစ်လကို တန် ၂ဝ လောက်ပျမ်းမျှ တင်ပို့ခဲ့ရပါတယ်။ နောက်တစ်နှစ် မှာ ၁ဝ တန်လောက်တိုးပြီးလုပ်ကိုင်လာရသလို၊ ဒီနှစ်မှာ တန် ၄ဝ လောက်လစဉ် တင်ပို့ လာရပါတယ်။ ဈေးကွက်အနေနဲ့ ဟောင်ကောင်၊ ဂျပန်၊ တရုတ်(တိုင်ပေ)စတဲ့ ၃ နိုင်ငံကို တင်ပို့နေရပါတယ်'' ဟု လုပ်ငန်းရှင် ဦးဖေဝင်းကအတည်ပြု ပြောကြားသည်။     ကဏန်းမှ ကဏန်းပျော့ထုတ်လုပ်ရန်အတွက် (၈ဝ ဂရမ်နှင့် ၁ဝဝ ဂရမ်) ကြား ကဏန်းများကို အောက်ဆီဂျင်ပေး၍ လန်းအောင ်ပြုလုပ်ကာ ကန်ထဲရှိခြင်းတောင်းတွင်ထည့်ကာ သက်တမ်းပြည့်သည့်အချိန်တွင် အရေခွံလဲစေရန် အတွက် ၁၄ ရက်မှ ရက် ၄ဝ အတွင်း အစာကျွေးမွေးရသည်။ ယင်းမှ အခွံ့လဲသည့် အရည်ပျော့ကဏန်းကို ရေချိုတွင်အောက်စီဂျင်ပေး၍ စိမ်ထားကာ လိုအပ်သည့် အချိန်တွင် အေးခဲမှု ပြုလုပ်ကြသည်ဟု ဆိုသည်။                                                               ခင်မျိုးသွယ်

Tuesday, 28 Sep 2010

 တရုတ်ပြည်သို့ ပင်လယ်ကဏန်းတန် ၅၀၀ ခန့်လစဉ် တင်ပို့မှုရှိနေ      မြန်မာနိုင်ငံမှ ဖမ်းဆီးရရှိသောပင်လယ်ကဏန်းများကို လစဉ် တန်၅ဝဝ ခန့် နယ်စပ်ကုန်သွယ်ရေး စခန်း ကတစ်ဆင့် တရုတ်ပြည်သို့ တင်ပို့မှုရှိနေသည်ဟု ဆိုသည်။      '' ကဏန်းကုန်သည်တွေအနေနဲ့ တရုတ်နိုင်ငံ ယူနန်ပြည်နယ်ဘက်ကို ကဏန်းတင်ပို့ရာမှာ လစဉ်တန် ၅ဝဝ ခန့်ရှိနေပါတယ်။ အဲဒီပင်လယ် ကဏန်းတွေကို မူဆယ်က ကုန်သည်တွေက ရခိုင်ပြည်နယ်ဘက်ကနေ ဝယ်ယူစုဆောင်းတယ်လို့ သိရပါတယ်။ကဏန်းလေလံဈေးနှုန်းကိုတော့မူဆယ် ၁ဝ၅ မိုင်က သတ်မှတ်ပေးတာပါ '' ဟုကဏန်းတင်ပို့သူတစ်ဦးကပြောကြားပါတယ်။       ၂ဝ၁ဝ ခုနှစ်ဧပြီလ ၁ ရက်မှစက်တင်ဘာလ ၁၇ ရက်နေ့အထိ ကဏန်းပျော့တင်ပို့မှုက ဒေါ်လာ ၄ဒသမ ၆၄ဝ သန်းကိုလည်းကောင်း၊ မူဆယ်တင်ပို့မှုက ဒေါ်လာ ၄ ဒသမ ၆၉၅ သန်း ကိုလည်းကောင်း၊မြဝတီတင်ပို့မှုက ဝ ဒသမ ၅၄၄ သန်းကိုလည်းကောင်း၊ Air Line တင်ပို့မှုက ဒေါ်လာ ၅ ဒသမ ၃၆၈ သန်းကိုလည်းကောင်း၊ မြိတ်တင်ပို့မှုက ဒေါ်လာ ဝဒသမ ဝ၈၃ သန်း ကိုလည်းကောင်း၊ကော့သောင်းတင်ပို့မှုက ဒေါ်လာ ဝဒသမ ၁၁၁ သန်းကို လည်းကောင်း စုစုပေါင်း ဒေါ်လာ ၁၅ ဒသမ ၄၄၁သန်းရရှိထားပြီးဖြစ်ကြောင်းသိရသည်။                                                                                                      ခင်မျိုးသွယ်

Tuesday, 28 Sep 2010

 ရေထွက်ကုန်တင်ပို့မှုက ဒေါ်လာ ၂၅၂ သန်းကျော်ရရှိ        မြန်မာနိုင်ငံက မွေးမြူထုတ်လုပ်သည့် ရေထွက်ကုန်ပစ္စည်းများကို ပြည်ပနိုင်ငံများသို့ တင်ပို့ရောင်းချ လျက်ရှိရာ ဧပြီလ ၁ ရက်မှ စက်တင်ဘာလ ၁၇ ရက်နေ့အတွင်း ဒေါ်လာ ၂၅၂ သန်းကျော်ရရှိထားပြီးဖြစ်ကြောင်း ငါးလုပ်ငန်းဦးစီးဌာနက  တရားဝင် ထုတ်ဖော်ပြောကြားသည်။       '' မနှစ်က ရေထွက်ကုန်တင်ပို့မှုနဲ့ ဒီနှစ်တင်ပို့ရောင်းချနိုင်မှုကို နှိုင်းယှဉ်ရင် မနှစ်က ဧပြီ ၁ ရက်ကနေ စက်တင်ဘာလကုန်အထိ တင်ပို့မှုက ဒေါ်လာ ၂ဝ၆ ဒသမ ၄၈၇ သန်းရရှိခဲ့ပါတယ်။ ဒီနှစ်တင်ပို့မှုက ဒေါ်လာ  ၂၅၂ ဒသမဝဝ၆ သန်း ရထားပြီးပါပြီ။ နောက်ထပ် ၁၃ ရက်လောက် တင်ပို့နိုင်မှုက ရရှိမယ့် ဝင်ငွေကလည်း ရှိအုံးမယ်။လက်ရှိ အနေအထား အရကိုပဲ ဒေါ်လာ ၄၅ သန်းကျော်ပိုရထားတာနဲ့ပေါင်းရင် သန်း ၆ဝ ခန့်ပိုရရှိဖို့ ရှိပါတယ်'' ဟု ယင်းဌာနမှတာဝန်ရှိသူတစ်ဦးကပြောကြားသည်။          ၂ဝ၁ဝ ခုနှစ် စက်တင်ဘာလအတွင်း ၁ ရက်မှ ၁၇ ရက်နေ့အထိ တင်ပို့မှုမှ ဒေါ်လာ ၂၃ ဒသမ ၇၂၃ သန်းရရှိထား သည်ဟုဆိုသည်။                                                                                                         ခင်မျိုးသွယ်

Tuesday, 14 Sep 2010

 အလှမွေးငါး တင်ပို့မှုမှ ဒေါ်လာ ဝ ဒသမ ၇၇ သန်းရရှိထားပြီးဖြစ်      မြန်မာနိုင်ငံက ဖမ်းယူရရှိသည့် တိုင်းရင်းအလှမွေးငါးများကို ပြည်ပ နိုင်ငံများသို့ တင်ပို့ရောင်းချလျက်ရှိရာ ဘဏ္ဍာနှစ်အတွင်း ဧပြီလ ၁ ရက်မှ စက်တင်ဘာလ ၉ ရက်အထိ ဒေါ်လာ ဝ ဒသမ ၇၇ သန်း ရရှိထားပြီးဖြစ် သည်။      ''တိုင်းရင်းအလှမွေးငါးတွေကို ကချင်ပြည်နယ်၊ မြစ်ကြီးနား၊ အင်း တော်ကြီးဒေသ၊ ရှမ်းပြည်နယ်၊ ဧရာဝတီတိုင်းဒေသကြီး၊ မွန်ပြည်နယ်၊ တနင်္သာရီတိုင်းဒေသကြီးနဲ့ ရခိုင်ပြည်နယ်တို့ကနေ ဖမ်းဆီးရရှိနိုင်ပါတယ်။ ငါးပျောက်၊ သစ်ငုတ်ခို၊ ငါးနီးချောင်း၊ ကျားသစ် ၊ ငါးမွေးစု၊ ငါးသစ်တုံးစတဲ့ အလှမွေးငါးမိုျးစိပ်ပေါင်း ၁၅ဝ ကျော်ရှိနေပါတယ်။ မြန်မာ့အလှမွေးငါးတွေကို တရုတ်၊ စင်ကာပူ၊ မလေးရှားနိုင်ငံနဲ့ ထိုင်းနိုင်ငံတို့က ဝယ်ယူမှုရှိနေပါတယ်'' ဟု အလှမွေးငါး လုပ်ငန်းရှင်များ အသင်းမှ တာဝန်ရှိသူတစ်ဦးက ပြောကြားသည်။    ယခုအခါ မြန်မာ့အလှမွေးငါးလုပ်ငန်းရှင်များအနေဖြင့် စင်ကာပူ နိုင်ငံမှ အလှမွေးငါးမိုျးစိတ်သစ်များ တင်သွင်းသားဖောက်၍ ပြည်ပ ဈေးကွက်သို့ ပြန်လည်တင်ပို့သားဖောက်ရန် စီစဉ်နေကြောင်းသိရပါသည်။ခင်မျိူးသွယ်

Tuesday, 14 Sep 2010

 ကချင်ပြည်နယ်ဒေသထွက် ငါးရှဉ့်များလည်း တစ်ဖက်နိုင်ငံသို့တင်ပို့လျက်ရှိ       ကချင်ပြည်နယ်၊ ကာမိုင်း၊အင်းတော်ကြီးဒေသမှ ထွက် ရှိသောငါးရှဉ့်များကို ငွေပင်လယ်မွေးမြူရေးနဲ့ ရေလုပ်ငန်းမှ တစ်ဖက် တရုတ်နိုင်ငံသို့ တင်ပို့လျက်ရှိပါတယ်။ သမဝါယမ ပို့ကုန်သွင်းကုန်လုပ်ငန်း (CEIE) မှ လည်း စစ်ကိုင်းတိုင်း ဒေသကြီး ကောလင်း၊ ဝန်းသိုဒေသထွက် ငါးရှဉ့်များကို တင်ပို့လျက်ရှိတယ်လို့လည်း သိရပါတယ်။  ၂ဝ၁ဝ-၂ဝ၁၁ ဘဏ္ဍာနှစ်မှာ လအလိုက် ကန်ပိုက်တီး စခန်းမှာ ငါးရှဉ့် တင်ပို့ နိုင်မှုများမှာ ဧပြီလမှာ ၆ ဒသမ ၆ တန်၊ မေလမှာ ၈ ဒသမ ၁၆၉ တန်၊ ဇူလိုင်လမှာ  ၃ ဒဿမ ၈၆၇ တန်နဲ့ သြဂုတ်လမှာ  ၁၆ ဒသမ ၃၂၇ တန် စုစုပေါင်း ၃၄ ဒသမ ၉၆ တန်  တန်ဖိုး အားဖြင့် ကန်ဒေါ်လာ ၁ဝဝ၄ဝဝ ဖိုး တင်ပို့နိုင်ခဲ့တယ်လို့ ကန်ပိုက်တီး နယ်စပ်ကုန်သွယ်ရေးမှ တာဝန်ရှိသူတစ်ဦးထံမှ သိရပါတယ်။Source: (ကန်ပိုက်တီး)MIRT (DOBT)

Tuesday, 14 Sep 2010

 ကချင်ပြည်နယ်ဒေသထွက် ငါးရှဉ့်များလည်း တစ်ဖက်နိုင်ငံသို့တင်ပို့လျက်ရှိ       ကချင်ပြည်နယ်၊ ကာမိုင်း၊အင်းတော်ကြီးဒေသမှ ထွက် ရှိသောငါးရှဉ့်များကို ငွေပင်လယ်မွေးမြူရေးနဲ့ ရေလုပ်ငန်းမှ တစ်ဖက် တရုတ်နိုင်ငံသို့ တင်ပို့လျက်ရှိပါတယ်။ သမဝါယမ ပို့ကုန်သွင်းကုန်လုပ်ငန်း (CEIE) မှ လည်း စစ်ကိုင်းတိုင်း ဒေသကြီး ကောလင်း၊ ဝန်းသိုဒေသထွက် ငါးရှဉ့်များကို တင်ပို့လျက်ရှိတယ်လို့လည်း သိရပါတယ်။  ၂ဝ၁ဝ-၂ဝ၁၁ ဘဏ္ဍာနှစ်မှာ လအလိုက် ကန်ပိုက်တီး စခန်းမှာ ငါးရှဉ့် တင်ပို့ နိုင်မှုများမှာ ဧပြီလမှာ ၆ ဒသမ ၆ တန်၊ မေလမှာ ၈ ဒသမ ၁၆၉ တန်၊ ဇူလိုင်လမှာ  ၃ ဒဿမ ၈၆၇ တန်နဲ့ သြဂုတ်လမှာ  ၁၆ ဒသမ ၃၂၇ တန် စုစုပေါင်း ၃၄ ဒသမ ၉၆ တန်  တန်ဖိုး အားဖြင့် ကန်ဒေါ်လာ ၁ဝဝ၄ဝဝ ဖိုး တင်ပို့နိုင်ခဲ့တယ်လို့ ကန်ပိုက်တီး နယ်စပ်ကုန်သွယ်ရေးမှ တာဝန်ရှိသူတစ်ဦးထံမှ သိရပါတယ်။Source: (ကန်ပိုက်တီး)MIRT (DOBT)

Tuesday, 14 Sep 2010

 ကချင်ပြည်နယ်ဒေသထွက် ငါးရှဉ့်များလည်း တစ်ဖက်နိုင်ငံသို့တင်ပို့လျက်ရှိ       ကချင်ပြည်နယ်၊ ကာမိုင်း၊အင်းတော်ကြီးဒေသမှ ထွက် ရှိသောငါးရှဉ့်များကို ငွေပင်လယ်မွေးမြူရေးနဲ့ ရေလုပ်ငန်းမှ တစ်ဖက် တရုတ်နိုင်ငံသို့ တင်ပို့လျက်ရှိပါတယ်။ သမဝါယမ ပို့ကုန်သွင်းကုန်လုပ်ငန်း (CEIE) မှ လည်း စစ်ကိုင်းတိုင်း ဒေသကြီး ကောလင်း၊ ဝန်းသိုဒေသထွက် ငါးရှဉ့်များကို တင်ပို့လျက်ရှိတယ်လို့လည်း သိရပါတယ်။  ၂ဝ၁ဝ-၂ဝ၁၁ ဘဏ္ဍာနှစ်မှာ လအလိုက် ကန်ပိုက်တီး စခန်းမှာ ငါးရှဉ့် တင်ပို့ နိုင်မှုများမှာ ဧပြီလမှာ ၆ ဒသမ ၆ တန်၊ မေလမှာ ၈ ဒသမ ၁၆၉ တန်၊ ဇူလိုင်လမှာ  ၃ ဒဿမ ၈၆၇ တန်နဲ့ သြဂုတ်လမှာ  ၁၆ ဒသမ ၃၂၇ တန် စုစုပေါင်း ၃၄ ဒသမ ၉၆ တန်  တန်ဖိုး အားဖြင့် ကန်ဒေါ်လာ ၁ဝဝ၄ဝဝ ဖိုး တင်ပို့နိုင်ခဲ့တယ်လို့ ကန်ပိုက်တီး နယ်စပ်ကုန်သွယ်ရေးမှ တာဝန်ရှိသူတစ်ဦးထံမှ သိရပါတယ်။Source: (ကန်ပိုက်တီး)MIRT (DOBT)

Thursday, 9 Sep 2010

ငါးသလောက်သားဖောက်ရန် ဒေသခံပညာရှင်နှင့် တရုတ်(တိုင်ပေ)ပညာရှင်များ ထပ်မံဆွေးနွေးမည်           မြန်မာနိုင်ငံမှ ငါးသလောက်များကို သားဖောက်လုပ်ကိုင်ရန်အတွက် ဒေသခံပညာရှင်များနှင့် တရုတ် (တိုင်ပေ) ပညာရှင်များ ထပ်မံဆွေးနွေးတွေ့ဆုံမည်ဖြစ်သည်။       '' ပြီးခဲ့တဲ့ တစ်ပတ်ကျော်က တရုတ် (တိုင်ပေ) က ငါးသလောက်သားဖောက်ပညာရှင် ၃ ဦးက ကျောက်တန်း၊ ပုသိမ်-ငဝန်မြစ်၊ ပန်းတနော်၊ ရွှေလောင်း စတဲ့ဒေသတွေက ငါးသလောက်တွေရဲ့ အနေအထားကို လေ့လာခဲ့ပြီး  ဘင်္ဂလားဒေ့ရှ်က ငါးသလောက် တွေကိုဆက်လေ့လာဖို့အတွက်ထွက်ခွာသွားပါပြီ။တရုတ်နိုင်ငံမှာ ငါးသလောက် ကို စီးပွားဖြစ် သားဖောက်မွေးမြူတဲ့စနစ် ထွန်းကား ခဲ့တာ၅ နှစ်လောက်ရှိပါပြီ။ အရင်က သူတို့ သားဥယူဖောက်တာ အမေရိကန် ငါးသလောက်မိုျးပါ။ အမေရိကန်က ငါးသလောက်နဲ့ ဆင်တူတဲ့ ငါးသလောက် မိုျးက မြန်မာနဲ့ ဘင်္ဂလား ဒေ့ရှ်မှာ ရှိတယ်လို့သူတို့ကပြောပါတယ်။ မိုျးတူလို့သားဖောက်မယ်ဆိုရင်တော့ ငါးဦးစီးရဲ့ ခွင့်ပြုချက်ရှိမှ သယ်ဆောင်လို့ ရမှာပါ။ ဘာပဲပြောပြော သူတို့ပေးမယ်ဆိုတဲ့ ပညာကိုရနိုင် သလောက်ယူဖို့ လိုပါလိမ့်မယ်။ ငါးသလောက်ဟာ အလင်း၊ အသံနဲ့ အသံလှိုင်း လုပ်ရှားမှုများကြောင့်လဲ သေဆုံးတတ်ပါ တယ် '' ဟု ငါးသားဖောက်ပညာရှင် တစ်ဦးက ရှင်းပြသည်။    ငါးသလောက်များကို ယခင်က တောင်သမန်အင်း အပေါက်ဝများတွင်တွေ့ရှိခဲ့ရပြီး ယခုအခါ ဧရာဝတီတိုင်း တွင်အများဆုံး တွေ့ရပါသည်။တိုးမြစ်ဘေးရှိရေခိုျငါးကန်များတွင်ရေတက်ရေကျဖြင့် ဝင်ရောက်နေ ထိုင်မှုများရှိသည်ဟု ဆိုသည်။ ထိုအပြင် တွံတေး၊ ကဝက်ကင်းကျေးရွာမှ ထွက်ရှိသည့် ငါးသလောက်မှာ ၁ပိဿာလျှင် ၄ သောင်းခွဲကျပ်   ရရှိကြောင်းသိရသည်။                                                                                                                      ခင်မျိုးသွယ် 

Pages