Main menu

Background

Monday, 25 Feb 2013

အိန္ဒိယ အပါအဝင် တောင် အာရှနိုင်ငံများက အဝယ်နည်းလာ တဲ့အတွက် မလေးရှားမှ စားအုန်းဆီ တင်ပို့မှု ဟာ ဖေဖော်ဝါရီ ပထမရက် ၂၀ အတွင်း နှေးကွေးသောနှုန်းဖြင့် ဖွံ့ဖြိုးမှုရှိခဲ့ကြောင်း စစ်တမ်းကောက် ယူရေးအေဂျင်စီ  Intertek က ပြော ပါတယ်။

Monday, 25 Feb 2013

ကမ္ဘာ့နွေ စားသုံးဆီသီးနှံဖြန့်ဖြူးမှုကြောင့် ပဲပုပ်ဆီနဲ့တိရစ္ဆာန်ဆီထွက်ရှိမှုကို ထိခိုက်စေနိုင်တဲ့အခြေအနေ ရှိနေပါတယ်။ အာဂျင်တီးနားနိုင်ငံရဲ့ အစိတ်အပိုင်း အချို့မှရာသီဥတုခြောက်သွေ့တဲ့အတွက် ပဲပုပ်သီးနှံေ ဈးနှုန်း မြင့် တက်မှုနဲ့အတူ စား အုန်းဆီဈေးကလည်း တတိယနေ့အဖြစ် မြင့်တက်ခဲ့ပါတယ်။

Monday, 18 Feb 2013

စံချိန်တင်လောက်အောင်ရှိနေတဲ့ သိုလှောင်လက်ကျန်များကို ရှင်းလင်းရန် အတွက် မလေးရှားနိုင်ငံက အခွန်လွတ် တင်ပို့ခွင့်ပေးခဲ့ပါတယ်။ ထိုသို့ခွင့်ပြုခဲ့ပြီး နောက်ပိုင်းဝယ်လက်များက မလေးရှားနိုင်ငံဘက်ကို ဦးလှည့်လာကြပါတယ်။ ဒါ ကြောင့် ကမ္ဘာပေါ်မှာစားအုန်းဆီအများဆုံးစိုက်ပျိုးထုတ်လုပ်တဲ့ အင်ဒိုနီးရှားနိုင်ငံက စားအုန်းဆီတင်ပို့မှု ဟာ လေးလအတွင်းအနိမ့်ဆုံးကိုရောက်ရှိခဲ့ပါတယ်။ အင်ဒိုနီးရှား နိုင်ငံရဲ့ တင်ပို့မှုဟာ ဇန်နဝါရီ လမှာ ၅ ဒသမ ၆ ရာခိုင်နှုန်းကျဆင်းပြီး မက်ထရစ်တန် ၁ ဒသမ ၅၁ သန်းရှိခဲ့ကြောင်း ဘလွမ်းဘတ်မှ ပြုစုထားတဲ့ သတင်းအရသိရပါ တယ်။ အင်ဒိုနီးရှားနိုင်ငံရဲ့ ထုတ်လုပ်မှုဟာ ၈ ရာခိုင်နှုန်းကျဆင်းပြီး တန် ၂ သန်းထိ ရောက်ရှိနိုင်ပါတယ်။ သိုလှောင်မှုမှာ ၁၄ ရာခိုင်နှုန်းကျဆင်းပြီး တန် ၃ သန်းထိ ရှိလာနိုင်ပါတယ်။

Friday, 1 Feb 2013

စံချိန်တင်မြင့်တက်နေသော အရန်သိုလှောင်မှုကို လျှော့ချနိုင်ရန်အတွက် စားအုန်းဆီစိုက်ပျိုးရာမှာ ဒုတိယအများဆုံးဖြစ်သော မလေးရှားနိုင်ငံက ပို့ကုန်ခွန် များကို လျှော့ချပြီးနောက်ပိုင်း စားအုန်းဆီေ ဈးနှုန်း ပြန်လည် ဦးမော့လာပါတယ်။ အခွန်နှုန်းကို သုညရာခိုင်နှုန်းထိ လျှော့ချပြီးနောက်ပိုင်း စားအုန်းဆီလက်ကျန် ဟာ မတ်လကရှိခဲ့တဲ့တန် ၂ ဒသမ ၂ သန်းမှ ၁၆ ရာခိုင်နှုန်းလျော့ကျလို့ ၂၀၁၀ ပြည့် နှစ်နောက်ပိုင်း အများဆုံး ကျဆင်းခဲ့ခြင်းဖြစ်ပါတယ်။ ကြိုပွိုင့်ဈေးနှုန်းများမှာ ယခု သုံးလပတ်ကုန်ဆုံးချိန်တွင် ကွာလာလမ်ပူမှာ ၁၄ ရာခိုင်နှုန်း မြင့်တက်ကာ တစ် တန်ကို ရင်းဂစ် ၂၈၀၀ (ဒေါ်လာ ၉၂၁) နှုှုန်းရှိခဲ့တယ်လို့ ဘလွမ်းဘတ်မှ စီးပွားရေး ပညာရှင် ၁၃ ဦးမှ ခန့်မှန်းပါတယ်။ နိုင်ငံခြားကို ပိုမိုတင်ပို့ရမယ့် အလားအလာ ကြောင့်လည်းကောင်း၊ တစ်နှစ်လုံး တောက် လျှောက်ရိတ်သိမ်းထားသော ယခုသုံးလ ပတ်တွင် အထွက်ကျလာပြီ ဖြစ်တာကြောင့် လည်းကောင်း လူအသုံး များတဲ့ စားသုံးဆီဟာ ဒီဇင်ဘာမှာ သုံးနှစ်အတွင်းအမြင့်ဆုံးဖြစ်ပြီး၁၁ ရာခိုင်နှုန်းမြင့်တက် ခဲ့ပါတယ်။

Monday, 21 Jan 2013

ပြိုင်ဖက်ဖြစ်တဲ့ မလေးရှားနိုင်ငံက စားအုန်းဆီကြမ်းပို့ကုန်ခွန်ကို သုည ရာခိုင် နှုန်းခန့် ပြောင်းလဲခဲ့သကဲ့သို့ စားသုံးဆီအတွက် ပို့ကုန်ခွန်ကို ကမ္ဘာတွင် စားအုန်းဆီ အများဆုံးထုတ်လုပ်သော အင်ဒိုနီးရှားနိုင်ငံ က ပြောင်းလဲမည်မဟုတ်ကြောင်း ကုန် သွယ်ရေးဝန်ကြီးက ဇန်နဝါရီ ၁၆ ရက်က ပြောကြားပါတယ်။

Sunday, 6 Jan 2013

မိုးရွာသွန်းမှုနဲ့ ရေလွှမ်းမိုးမှုက မလေးရှားနိုင်ငံရဲ့ စားအုန်းဆီအထွက်ကို ကျဆင်းစေလိမ့်မယ်။ ဒါကြောင့် ကမ္ဘာမှာ ဆီအုန်းထုတ်လုပ်မှု အများဆုံးဖြစ်တဲ့ မလေးရှားမှာသိုလှောင်ရုံလက်ကျန်ကျ ဆင်းလိမ့်မယ်လို့ ယူဆကြတဲ့အတွက် ရက်သတ္တ တစ်ပတ်ကျော်အတွင်းမှာ စားအုန်းဆီဈေးနှုန်းအမြင့်ဆုံးနှုန်းကို ရောက်ရှိခဲ့ပါတယ်။

Wednesday, 26 Dec 2012

မလေးရှားစားအုန်းဆီ သိုလှောင်လက်ကျန် စံချိန်တက်မြင့်တင်ခြင်းနဲ့ အမေရိ ကန် ဘဏ္ဍာရေး အခြေအနေအပေါ် စိုးရိမ်မှုများကြောင့် မလေးရှား စားအုန်းဆီ ကြိုပွိုင့်ဈေး ဆက်တိုက်ကျဆင်းလာကြောင်း သိရပါတယ်။ အမေရိကန်အစိုးရရဲ့ ငွေကြေးလည်ပတ်မှု ပိုမိုကောင်းမွန်စေတဲ့ ကြေညာချက်များ ထုတ်ပြန်ခ ဲ့ပေမယ့် အမေရိကန်လွှတ်တော်အဖွဲ့နဲ့ အိမ်ဖြူတော်အကြား ၂၀၁၃ ငွေကြေးအသုံးစရိတ် ဆွေးနွေးမှုများနဲ့ ပတ်သက်လို့ သိသာကွာခြားမှုများကြောင့် ကုန်သည်များ ရောင်း ဝယ်မှုအပေါ် ဆက်ပြီး သတိထားနေ ကြပါတယ်။

Wednesday, 12 Dec 2012

အာဂျင်တီးနားမှာ မကြုံဖူးတဲ့ ရာသီဥတုအေးခြင်းကြောင့် ပဲပုပ်ရောင်းချမှု အဟန့်အတားဖြစ်ခြင်းနဲ့ တရုတ်နိုင်ငံဝယ်လိုအား မြင့်တက်ဖွယ်ရှိခြင်းအလား အလာများအရ ဒီဇင်ဘာ ၆ ရက် မလေးရှားစားအုန်းဆီ ကြိုပွိုင့်ဈေး သုည ဒသမ ၇ ရာခိုင်နှုန်းမြင့်တက်ခဲ့ပါတယ်။ ဒါပေမယ့် မလေးရှားနိုင်ငံရဲ့ နိုဝင်ဘာလ ပဲပုပ် သိုလှောင် လက်ကျန် စံချိန်တင်မြင့်တက်မှုနဲ့ ပတ်သက်လို့တော့ ရင်းနှီးမြှုပ်နှံသူ တွေရဲ့ စိုးရိမ်မှုရှိခြင်းက ဈေးနှုန်းမြင့်တက်မှု ကို ထိန်းချုပ်နိုင်တယ်လို့ ခန့်မှန်းကြပါ တယ်။ နိုဝင်ဘာလ မလေးရှားနိုင်ငံရဲ့ စားအုန်းဆီသိုလှောင်လက်ကျန်က တန်ချိန် ၂ ဒသမ ၅၈ သန်းခန့်အထိ ရှိနိုင်တယ်လို့ ဆိုပါတယ်။

Monday, 3 Dec 2012

အမေရိကန် ဘဏ္ဍာရေး အခြေအနေယိုင်လာခြင်းက ကမ္ဘာ့စီးပွားရေး တိုး တက်မှုနဲ့ ကုန်စည်ဝယ်လိုအားကို အဟန့်အတားဖြစ်လာနိုင်ခြင်းတို့အပေါ် စိုးရိမ်မှု တွေရှိလာတဲ့အတွက် နိုဝင်ဘာလ ၂၈ ရက်မလေးရှားစားအုန်း ဆီကြိုပွိုင့်ဈေး လျော့ ကျခဲ့ကြောင်း ရိုက်တာသတင်းအရ သိရပါတယ်။ ဂရိအကြွေးပြဿနာ ဖြေရှင်းမှုက ရင်းနှီးမြှုပ်နှံသူတွေအတွက် စိတ်သက်သာရာရစေခဲ့လို့ နိုဝင်ဘာလ ၂၇ ရက်မှာ သီတင်းတစ်ပတ်နီးပါး အတွင်း ဈေးအမြင့်ဆုံးဖြစ်ခဲ့ရာမှ အမေရိကန်ငွေကြေး အခြေ အနေတိုးတက်မှုမရှိခြင်းနဲ့ မလေးရှားစားအုန်းဆီ သိုလှောင်မှုက ယခုနှစ်မှာ စံချိန် သစ်တင်နိုင်တယ်ဆိုတဲ့ ခန့်မှန်းခြင်းတွေကြောင့် ဈေးနှုန်းပြန်လည်လျော့ကျခဲ့ တာ ဖြစ်ပါတယ်။

Monday, 26 Nov 2012

ကမ္ဘာ့စီးပွားရေးတိုးတက်မှုက ဆက်ပြီးမှေးမှိန်နေတဲ့အတွက် စားဆီဝယ်လို အားနည်းပါးမှာကို ရင်းနှီးမြှုပ်နံှသူများမှ စိုးရိမ်းမှုဆက်ရှိနေသေးတဲ့အတွက် မလေးရှား စားအုန်းဆီကြိုပွိုင့်ဈေးက ၄ ရက်မြောက်အနေနဲ့ ဆက်တိုက် ကျဆင်းခဲ့ ပါတယ်။ ရင်းနှီးမြှုပ်နှံသူများဟာ ဂရိအတွက် အရေးပေါ်ကူညီပေးဖို့ သဘောတူ ညီရေး ဒုတိယအကြိမ် အနေနဲ့ နိုင်ငံတကာ ခေါင်းဆောင်များတွေ့ဆုံမယ့် လာမယ့် သီတင်းပတ် ဥရောပအစည်းအဝေးကို စောင့်ကြည့် လျက်ရှိနေပါတယ်။

Pages