Main menu

Background

Monday, 15 Jul 2013

ထွန်းသစ်စ ဈေးကွက်တွေထဲကို ငွေကြေးတွေစီးဝင်စေခဲ့တဲ့ စီးပွားရေး တွန်းအားပေးအစီအစဉ်ကို လျှော့ချ မယ်ဆိုတဲ့ အမေရိကန်ဗဟိုဘဏ်ဥက္ကဋ္ဌ ဘင်အက်စ်ဘာနန်ကီရဲ့ ပြောစကား ကြောင့် စိုးရိမ်မှုတွေဖြစ်ရပါတယ်။ ဒါပေမဲ့ ဒီစိုးရိမ်စိတ်တွေလျော့ကျလာ ပြီးတဲ့နောက် အာရှငွေကြေးတွေက ၁၀ လအတွင်း ရက်သတ္တပတ်အလိုက် တန်ဖိုးအများဆုံးမြင့်တက်ခဲ့ပါတယ်။

Monday, 8 Jul 2013

ယခုရက်သတ္တပတ်ထဲမှာ ပို့ကုန် အတွက်ဝယ်လိုအားတွေမြင့်တက်ခဲ့တဲ့ အတွက် တရုတ် (တိုင်ပေ) ဒေါ်လာနဲ့ တောင်ကိုရီးယားဝမ်တို့ရဲ့ တန်ဖိုးက မြင့်တက်ခဲ့ပါတယ်။ အမေရိကန်အလုပ် လက်မဲ့ကိန်းဂဏန်းအပေါ်စိုးရိမ်မှုနဲ့ ပေါ်တူဂီမှာဖြစ်ပေါ်နေတဲ့ နိုင်ငံရေး မငြိမ်မသက်မှုတွေကြောင့် တန်ဖိုးမြင့် တက်မှုကို ထိန်းချုပ်မှုတွေဖြစ်ခဲ့ပေမဲ့ ဒီငွေကြေးတွေရဲ့တန်ဖိုးက ဇူလိုင် ၄ ရက်နေ့က ထွန်းသစ်စအာရှ ရှိငွေကြေး တွေကိုဦးဆောင်ပြီး တန်ဖိုးမြင့်တက်ခဲ့ ပါတယ်။

အမေရိကန်ပြည်ထောင်စုရဲ့ လယ် ယာမှအပလုပ်ငန်းတွေရဲ့ဇွန်လအတွက် အလုပ်အကိုင်ခန့်ထားမှုက ဒီငွေကြေး တွေရဲ့အခြေအနေကိုအဆုံးအဖြတ် ပြုနိုင်တယ်ဆိုပေမဲ့တရုတ် (တိုင်ပေ) ဒေါ်လာနဲ့ ဝမ်ငွေကြေးတွေ ရဲ့တန်ဖိုးတွေ ပိုမိုမြင့်တက်လာတာကိုကြည့်ရင် ဒီငွေ ကြေးတွေရဲ့အလားအလာအပေါ် အကောင်းမြင်လာတယ် ဆိုတာကို ပြသ နေကြောင်း ဆိုးလ်ရှိ Samsung Futures  သုတေသနဌာနမှ အကြီးအကဲ ဖြစ်သူ ဂျွန်မိုင်ယန်းကပြောပါတယ်။
 
တရုတ်ယွမ် တရုတ်နိုင်ငံပြင်ပမှာ ဒေါ်လာတန် ဖိုးကျဆင်းနေတဲ့အတွက် ရည်ညွှန်းငွေ လဲလှယ်နှုန်းကနေတစ်ဆင့် တရုတ်ဗဟို ဘဏ်ကယွမ်ငွေကြေးခိုင်မာလာအောင် ဆောင်ရွက်ခဲ့ပြီးနောက် ဇူလိုင် ၄ ရက် နေ့က အမေရိကန်ဒေါ်လာနဲ့ ဖလှယ် ရာမှာ တရုတ်ယွမ်တန်ဖိုးမြင့်တက်ခဲ့ပါ တယ်။ စတော့ဒိုင်ပြင်ပရောင်းဝယ်မှုမှာ ဒေါ်လာတန်ဖိုးက ဇူလိုင် ၃ ရက်နေ့က တစ်ဒေါ်လာကို ၆ ဒသမ ၁၃၀၈ ယွမ် နှုန်းဈေးပိတ်ခဲ့ပြီး ဇူလိုင် ၄ ရက်ဂရင်း နစ်စံတော်ချိန် မနက် ၈ နာရီခွဲမှာ တစ် ဒေါ်လာကို ၆ ဒသမ ၁၂၅၈ ယွမ်နှုန်း ရှိခဲ့ပါတယ်။ ယွမ်ငွေကြေးရဲ့တန်ဖိုးက ဒေါ်လာ နဲ့ဖလှယ်ရာမှာ ယခုနှစ်အတွင်း ၁ဒသမ ၇ရာခိုင်နှုန်းမြင့်တက်ခဲ့ပါတယ်။ ဇူလိုင် ၅ ရက်နေ့ကတရုတ်နိုင်ငံရဲ့ နိုင်ငံခြားငွေရောင်းဝယ်ရေးဌာနမှာယွမ်ငွေ တန်ဖိုးကဒေါ်လာနဲ့ဖလှယ်ရာမှာ သုည ဒသမ ၃၅ ရာခိုင်နှုန်းမြင့်တက်ပြီး တစ် ဒေါ်လာကို ၆ ဒသမ ၁၇၉ ယွမ်နှုန်း ရှိခဲ့ပါတယ်။
အိန္ဒိယရူပီး ပြည်တွင်းရှယ်ယာတွေတန်ဖိုး မြင့် တက်နေချိန်မှာ အိန္ဒိယဘဏ်တွေနဲ့ ပို့ ကုန်လုပ်ငန်းရှင်တွေ ကဒေါ်လာရောင်းချ မှုများလာတဲ့အတွက် ဘဏ်အချင်းချင်း နိုင်ငံခြားငွေဖလှယ်ရေးဈေးကွက်မှာ ရူပီးတန်ဖိုးက သုည ဒသမ ၁၀ ရူပီးနှုန်း မြင့်တက်ပြီးတစ်ဒေါ်လာကို ၆၀ ဒသမ ၀၃ ရူပီးနှုန်းရှိခဲ့ပါတယ်။ ပြည်တွင်းရှယ် ယာတွေတန်ဖိုး ခိုင်မာတာနဲ့ ပို့ကုန် လုပ်ငန်းရှင်တွေက ဒေါ်လာတွေထုတ် ရောင်းတဲ့အတွက် ဇူလိုင် ၄ ရက်နေ့ ကလည်း ရူပီးတန်ဖိုးက သုည ဒသမ ၀၈ ရူပီးနှုန်းမြင့်တက်ပြီးတစ်ဒေါ်လာကို ၆၀ ဒသမ ၁၃ ရူပီးနှုန်း ရှိခဲ့ကြောင်း ငွေကြေးဝယ်ရောင်းသမားတွေက ပြော ပါတယ်။
ဂျပန်ယန်း ဥရောပဗဟိုဘဏ်နဲ့ အင်္ဂလန် ဘဏ်တို့ကကြေညာချက်တွေထွက်ပေါ် လာပြီးနောက်ပိုင်း ဥရောပမှာ ယူရို တန်ဖိုးကျဆင်းပြီးနောက် ဇူလိုင် ၅ ရက် က အာရှဈေးကွက်မှာဒေါ်လာနဲ့ ယန်း တို့ဖလှယ်တဲ့အခါ ယူရိုတန်ဖိုးကဆက် လက်အားနည်းခဲ့ပါတယ်။ ယူရိုငွေကြေး ရဲ့တန်ဖိုးက ဇူလိုင် ၄ ရက်ကလန်ဒန် ဈေးကွက်မှာ တစ်ယူရိုကို ၁ ဒသမ ၃၀၀ ဒေါ်လာနဲ့ ၁၂၉ ဒသမ ၆၂ ယန်း နှုန်း ရှိရာမှ ဇူလိုင် ၅ ရက်သောကြာ နေ့မှာတစ်ယူရိုကို၁ ဒသမ ၂၉၀၁ ဒေါ် လာနဲ့ ၁၂၉ ဒသမ ၅၀ ယန်းနှုန်းရှိခဲ့ပါ တယ်။ ဒေါ်လာ/ယန်းဖလှယ်ရာမှာ ဒေါ်လာတန်ဖိုးမြင့်တက်ပြီး တစ်ဒေါ် လာကို ၉၉ ဒသမ ၇၁ ယန်းနှုန်းရှိရာမှ ဇူလိုင် ၅ ရက်မှာတစ်ဒေါ်လာကို ၁၀၀ ဒသမ ၃၇ ယန်းနှုန်းရှိခဲ့ပါတယ်။
မလေးရှားရင်းဂစ် ဒေါ်လာ/ရင်းဂစ်ဖလှယ်နှုန်းမှာ ဇူလိုင် ၄ ရက်က တစ်ဒေါ်လာကို ၃ ဒသမ ၁၈၁၅ ရင်းဂစ်နှုန်းရှိရာမှ ဇူလိုင် ၅ ရက်မှာ တစ်ဒေါ်လာကို ၃ ဒသမ ၁၈၁၀ နှုန်းသို့ရောက်ရှိပြီး ရင်းဂစ် တန်ဖိုး မြင့်တက်ခဲ့ကြောင်း ဝယ်ရောင်း သမားတွေက ပြောပါတယ်။ ဇူလိုင် ၅ ရက်နေ့ မှာ ရင်းနှီးမြှုပ်နှံသူအများစုက အမေရိကန်အလုပ် အကိုင်အခြေအနေ ကိုစောင့်ပြီး အရိပ်အကဲကြည့်နေတဲ့ အတွက် ဒေါ်လာနဲ့ ဖလှယ်ရာမှာ အပြောင်းအလဲ မဆိုသလောက်သာ ရှိ ခဲ့ပါတယ်။ ဒါပေမဲ့ တခြားအဓိက ငွေ ကြေးတွေနဲ့ ဖလှယ်ရာမှာ ရင်းဂစ် တန်ဖိုး မြင့်တက် ခဲ့ပါတယ်။
တောင်ကိုရီးယားဝမ် ဒီနှစ်ကုန်ပိုင်းမှာ အမေရိကန်ပြည် ထောင်စုရဲ့ လှည့်လည်ငွေကြေးတိုးမြှင့် ရေးအစီအစဉ် ကိုတစ်စစလျှော့ သွားပြီး တော့ ၂၀၁၄ ခုနှစ်မှာ အဆုံးသတ် တော့မှာဖြစ်ကြောင်း အမေရိကန် ဗဟို ဘဏ်ဥက္ကဌ ဘင်ဘာနန်ကီ က ပြော ကြားပြီး နောက်ပိုင်းဝမ်ငွေကြေးတန်ဖိုး သုည ဒသမ ၆ ရာခိုင်နှုန်း မြင့်တက်ခဲ့ ပါတယ်။ ဇူလိုင် ၃ ရက်နေ့က ကိုရီးယား ဝမ် တန်ဖိုးက ရက်သတ္တပတ်နှစ်ပတ် နီးပါးအတွင်း ကျဆင်းမှုအများဆုံးဖြစ်ခဲ့ ပေမဲ့ ပို့ကုန်လုပ်ငန်းရှင်တွေက စာရင်း ရှင်းဖို့ အဝယ်လိုက်လာတဲ့အပြင် တချို့ကဒေါ် လာကိုလက်ဝယ်ထား ရှိ တာကို လျှော့ချလာတဲ့အတွက် ဇူလိုင် ၄ ရက်မှာ ဝမ် တန်ဖိုးပြန်တက်ခဲ့ပါ တယ်။ ဇူလိုင် ၅ ရက် နေ့မှာ တစ်ဒေါ် လာကို ၁၁၄၂၀ ဒသမ ၇၀ ဝမ်နှုန်းရှိခဲ့ ပါတယ်။ထိုင်းဘတ် တရုတ်နိုင်ငံရဲ့ စီးပွားရေးဖွံ့ဖြိုးနှုန်း နှေးကွေးကျဆင်းမှုနဲ့ အမေရိကန် စီးပွားရေးကောင်းလာရင်စီးပွားရေး တွန်းအားပေးအစီအစဉ်တွေလျှော့ချတော့ မယ်ဆိုတဲ့သတင်းတွေကြောင့် စိုးရိမ်မှု တွေဖြစ်ခဲ့တဲ့ အတွက်ထိုင်း ဘတ်ငွေတန်ဖိုး က ရက်သတ္တပတ်အလိုက်နှိုင်းယှဉ်ရင် တန် ဖိုးကျဆင်းခဲ့ပါ တယ်။ ထိုင်းနိုင်ငံရဲ့ ပို့ကုန်က ဧပြီမှာ ၂ ဒသမ ၉ ရာ ခိုင်နှုန်းမြင့်တက်ခဲ့ပြီးနောက် မေမှာ ၅ ဒသမ ၃ ရာ ခိုင်နှုန်းကျဆင်းခဲ့ပါတယ်။ အများဆုံး ပို့ကုန်ဈေးကွက် ဖြစ်တဲ့ တရုတ်နိုင်ငံကို တင်ပို့မှုက ၁၆ ရာခိုင် နှုန်းကျဆင်းခဲ့ပါတယ်။ ဘလွမ်းဘတ်က ပြုစုထားတဲ့ စာ ရင်းအရ ဘန်ကောက်မှာ ဇူလိုင် ၄ ရက် မနက် ၉ နာရီ ၈ မိနစ်က ဘတ် ငွေတန်ဖိုးက သုည ဒသမ ၃ ရာခိုင် နှုန်းကျဆင်းပြီး တစ်ဒေါ်လာကို ၃၁ ဒသမ ၁၄ ဘတ်နှုန်းရှိခဲ့ပါတယ်။

Monday, 8 Jul 2013

 
အမေရိကန်ဗဟိုဘဏ်၏ငွေကြေး ပေါ်လစီပြောင်းလဲမှုကြောင့်နိုင်ငံတကာ ၌ အမေရိကန်ဒေါ်လာလဲ လှယ်နှုန်း များ မြင့်တက်လျက်ရှိရာယင်းအခြေအနေ သည် မြန်မာနိုင်ငံသို့ ရိုက်ခတ်လာမှု  ကြောင့် မြန်မာနိုင်ငံ တွင်လည်း ငွေလဲ နှုန်းများ မြင့်တက်လျက်ရှိကြောင်း သိ ရသည်။
ယခင်က နေပြည်တော်တွင် ပြု လုပ်သည့်ကျောက်မျက်ပြပွဲကြောင့် ငွေ လဲနှုန်းများ မြင့်တက်ရခြင်းဖြစ်သည်ဟု ဆိုသော်လည်း ကျောက်မျက်ပြပွဲပြီးဆုံး သွားသော်လည်း ငွေလဲနှုန်းများမှာ ပြန် လည်မြင့်တက်လျက်ရှိကြောင်း သိရ သည်။ဇူလိုင်လ ၁ရက်နေ့ကဗဟိုဘဏ် ၏ ရည်ညွှန်းငွေလဲနှုန်းမှာ ၉၇၁ကျပ် ဖြစ်ကြောင်း သိရသည်။ သိမ်ဖြူငွေလဲ ကောင် တာနှင့် ငွေလဲစင်တာများတွင် ဝယ်ဈေး ၉၆၈ကျပ် ရောင်းဈေး ၉၇၈ ကျပ်ဟု ရေးထားသော်လည်း အဝယ် သာရှိပြီး အရောင်းမှာ မရှိကြောင်း၊ လာရောင်းသည့်ပမာဏလောက်ကို သာ ပြန်လည်ရောင်းချနေရခြင်းဖြ စ်ကြောင်း ပြင်ပေ ငွလဲစင်တာတစ်ခုမှ သိရှိရသည်။ပြင်ပငွေဈေးကွက်တွင်မူ ဝယ် ဈေး ၉၈၉ကျပ်၊ ရောင်းဈေး ၉၉၁ကျပ် ဖြစ်ကာ ပြီးခဲ့သည့်ရက်သတ္တပတ်က ထက် ဈေးအနည်းငယ်ကျသွားခဲ့သော် လည်း ယခုတစ်ပတ်အတွင်းတွင် ပြန် လည်မြင့်တက်လာခဲ့ကြောင်းသိရသည်။"ကျွန်တော်တို့ အပြင်ဈေးကွက် မှာတော့ အရောင်းရော အဝယ်ရော ရှိတယ်။ ဈေးကတက်နေတော့ အဝယ် သမားတွေကလည်း များတယ်။ ရောင်း တဲ့သူတွေကလည်း ဈေးတက်တဲ့အချိန် ဆိုတော့ လာရောင်းကြတာပဲ။ ဒီနေ့ (ဇူလိုင်လ ၅ရက်)ဆိုရင် ဝယ်ဈေး ၉၈၉ ကျပ်၊ ရောင်းဈေး ၉၉၁ကျပ်နဲ့အရောင်း အဝယ်လုပ်နေကြ တာ"ဟု ပြင်ပငွေ ဈေးကွက်အတွင်းမှ ဝယ်ရောင်းလုပ်နေ သူတစ်ဦးက ဆိုသည်။နေပြည်တော်ရှိကျောက်မျက်ပြပွဲ မှ နိုင်ငံခြားငွေများ အများအပြား ရရှိ ထားသဖြင့် ဈေးနှုန်းများ ပြန်လည်ကျ ဆင်းလာနိုင်ကြောင်း ဈေးကွက်အတွင်း မှသိရသည်။ငွေလဲနှုန်းများမြင့်တက်လာမှု ကြောင့် ကုန်ဈေးနှုန်းများမြင့်တက်လာ နိုင်သဖြင့် ဈေးနှုန်းကိုထိန်းချုပ်ပေးရန်  ပြည်သူများက လိုလားနေကြကြောင်း သိရသည်။              မယ်သီတာ
 
 

Monday, 8 Jul 2013

ဒေါ်လာဈေးမြင့်တက်လာခြင်း ကြောင့် နိုင်ငံခြားငွေနဲ့ အလုပ်လုပ် သူများမှ အဆင်ပြေမှုရှိလာကြောင်း၊ အိန္ဒိယကောင်စစ်ဝန်ရုံးမှာ တာဝန်ထမ်း ဆောင်နေသူတစ်ဦးက ပြောပါတယ်။ " ဒေါ်လာဈေးမြင့်တက်လာတာ ၃ လလောက်တော့ကြာပြီ။ ကျွန်တော် တို့ အတွက်အဆင်ပြေတာပေါ့ ။ဒေါ်လာတစ်ရာရတဲ့သူကကျပ်တစ်သောင်းခွဲ လောက်ပိုရလာပြီး၊ဒေါ်လာနှစ်ရာ ရတဲ့ သူက ကျပ်သုံးသောင်းလောက် ပိုပြီးရလာတယ်။ ငွေပိုငွေလျှံပိုရလာ တာပေါ့။

Monday, 8 Jul 2013

ဒေါ်လာဈေးမြင့်တက်လာခြင်း ကြောင့် ပြည်တွင်းစိန်ဈေးနှုန်းမှာ ဈေးမြင့်တက်ပြီး အရောင်းအဝယ် အေး လာပါတယ်။ ဒေါ်လာဈေးအပြောင်း အလဲမှာ ပထမတန်းစားစိန် တစ်ရတီကို ကျပ်တစ်သိန်းဝန်းကျင်တက်ပြီး၊ ဒုတိယ တန်းစားစိန်မှာတစ်ရတီကိုကျပ်နှစ်သောင်း နဲ့သုံးသောင်းကြားဈေးမြင့်တက်ခဲ့ကြောင်း၊ ကျင်ဖြူအမျိုးအစားမှာ ပစ္စည်းလည်း ရှားကြောင်း သိရပါတယ်။

Monday, 1 Jul 2013

အမေရိကန်ဗဟိုဘဏ်က ဘွန်းစာချုပ်များဝယ်ယူမှုကို လျှော့ချဖို့ ဆောင်ရွက်လာတဲ့အတွက် ရင်းနှီးမြှုပ်နှံသူများ ဦးနှောက်ခြောက်နေရတာကို သက်သာစေဖို့အတွက် နည်းလမ်းရှာဖွေသည့်အနေဖြင့် ငွေကြေးမူဝါဒ တင်း ကျပ်ပေးဖို့ ဆောင်ရွက်မှုတွေ အလှမ်းဝေးနေဆဲဖြစ်ကြောင်း အမေရိကန် ဗဟို ဘဏ်အပါအဝင် ကမ္ဘာ့ဗဟိုဘဏ်မှ အရာရှိများကပြောကြောင်း ဘလွမ်းဘတ် သတင်းမှာ ဖော်ပြထားပါတယ်။

Monday, 1 Jul 2013

အမေရိကန်ပြည်ထောင်စုရဲ့ ပထမသုံးလပတ်စီးပွားရေးဖွံ့ဖြိုးမှုက စောစောပိုင်းခန့်မှန်းချက်တွေအောက် ကျဆင်းခဲ့ပြီးနောက်ပိုင်းရရန်ပိုင်ခွင့်စာချုပ် စာတမ်းတွေဝယ်တာကို အမေရိကန် ဗဟိုဘဏ်က ထိန်းထိန်း သိမ်းသိမ်းလုပ် တော့မယ်လို့ ခန့်မှန်းကြပါတယ်။ ဒါကြောင့် ရက်သတ္တပတ်နှစ်ပတ်ကျ ဆင်းတာ အကျရပ်ပြီး အာရှငွေကြေး တွေ တန်ဖိုးမြင့်တက်ခဲ့ပါတယ်။

Tuesday, 28 May 2013

အာဆီယံ၏ ငွေကြေး တန်ဖိုးသည် ဇန်နဝါရီလကတည်းမှစ၍ ကျဆင်းခဲ့ပြီး ယခုအပတ်တွင် အာရှဒေသ အတွင်းရှိ ဗဟိုဘဏ်များမှ ၎င်း တို့၏ ငွေကြေးလဲ လှယ်မှုနှုန်းထားများကို လျှော့ချပြီးကမ္ဘာ့ ငွေကြေးဈေးကွက်တွင် ယှဉ်ပြိုင်နိုင်ရန် အတွက်လုပ်ဆောင်ခဲ့ကြောင်း သိရ သည်။ အမေရိကန်နိုင်ငံ၏ လက်လီ ရောင်းချမှုများမှာလည်း စီးပွားရေး ပညာရှင်များခန့်မှန်းထားသည်ထက်ကျော် လွန်ကာကောင်းမွန်ခဲ့သည့်အတွက် အာရှ နိုင်ငံများ ၏ငွေကြေးတန်ဖိုးများမှာလည်း အမေရိကန်ဒေါ်လာနှင့်လဲလှယ်ရာတွင် ကျဆင်းမှုများ ရှိခဲ့သည်။ ကမ္ဘာ့ နိုင်ငံများ ရှိ ဥပဒေ ပြဌာန်းသူများမှာလည်း ဂျပန် ယန်းငွေ တန်ဖိုးလျှော့ချမှုကို အထူးပင် အာရုံစိုက်နေပြီး ဈေးကွက်တွင် ဂျပန် အား ပိုမိုယှဉ်ပြိုင်လာရန်အတွက် ငွေ ကြေး တန်ဖိုးလျှော့ချမှုနှင့်ပတ်သက်၍ ကြားဝင်စွက်ဖက်သည့်ကိစ္စရပ် များလည်း ရှိ သည်။ အမေရိကန်နိုင်ငံ၏စီးပွားရေးပြန်လည် ကောင်းမွန်လာမှု ကလည်း အမေရိကန်ဒေါ်လာ၏ တန်ဖိုးကိုပြန် လည်မြင့်တက်လာစေသည်။

Monday, 20 May 2013

အမေရိကန်စီးပွားရေးပြန်လည် နာလန်ထူလာတဲ့အတွက် ရင်းနှီးမြှုပ်နံှ သူတွေက ဒေါ်လာကို ရင်းနှီးမြှုပ်နှံမှု အတွက် လုံခြုံစိတ်ချစွာခိုလှုံရာ (Safe haven)  အဖြစ် ဆက်လက်ယူဆလျက် ရှိကြပါတယ်။ ဒါကြောင့် ယူရို၊ ယန်းနဲ့ အာရှဒေသရှိ အဓိကငွေကြေးများက ယခု ရက်သတ္တပတ်အတွင်းမှာ ရက် သတ္တများစွာ ရှိခဲ့တဲ့နှုန်းများ အနက် အနိမ့်ဆုံးကို ရောက်ရှိခဲ့ပါတယ်။

Monday, 13 May 2013

မလေးရှားရင်းဂစ်လိုထွန်းသစ်စ  အာရှဈေးကွက်ကငွေကြေးတွေက ပြန် လည် ဦးမော့  လာပါတယ်။ ဒါပေမဲ့  အပြတ်အသတ် မြင့်တက် လာတာကို မတွေ့ရသေးပါဘူး။ မကြာသေးမီက ကျင်းပခဲ့တဲ့အမျိုးသားရွေးကောက်ပွဲ မှာ ဝန်ကြီးချုပ် နာဂျစ်ရာဇတ် ဦးဆောင်တဲ့ အာဏာရညွှန့်ပေါင်းအစိုးရ ပြန်လည် အာဏာ ရလာပြီးနောက် မလေးရှား ရင်းဂစ်က ဒီလထဲမှာ ယခုချိန်ထိ ၂ ရာခိုင်နှုန်းသာ မြင့်တက်လာပါသေး တယ်။ မြောက်ကိုရီးယားနဲ့ တင်းမာ မှုတွေလျော့ကျပြီးနောက် ရင်းနှီးမြှုပ်နှံ သူတွေက ဝမ်ငွေကြေးကို ပြန်လည်ဝယ် ယူလာတဲ့အတွက် ဝမ်ငွေ ကြေးတန်ဖိုး က ဒီသုံးလပတ်အတွင်းမှာ ၁ ဒသမ ၅  ရာခိုင်နှုန်းကျော်  တန်ဖိုးတက်ခဲ့ပါ တယ်။

 
ယခု ဒုတိယသုံးလပတ် ကာလ အတွင်းမှာ အာရှငွေကြေး တချို့ ပြန် လည် အားယူလာတာ တွေ့ရကြောင်း ကမ္ဘာတစ်ဝန်းလုံးမှာ ဒေါ်လာ ၃၂၂ ဘီလီယံကို စီမံခန့်ခွဲနေတဲ့ Aberdeen Asset Management ရဲ့ မန်နေဂျာ အက်ဒဝင်ရူတီယာရက်က ပြောပါ တယ်။
ယန်းငွေကြေးရဲ့အခြေအနေက မေ ၉ ရက်ကတစ်ဒေါ်လာကို ယန်း ၁၀၀ အထိဖြစ်လာတဲ့အတွက် ယန်းငွေ ကြေး ကနားလည်ရ ခက်နေပါတယ်။ ကိုရီးယားနဲ့ ဂျပန်တို့က ပို့ကုန်ပြိုင်ဖက် တွေဖြစ်တဲ့အတွက် ယန်းငွေကြေးတန် ဖိုးကျရင် ဝမ်တန်ဖိုးကိုပါဆွဲချသွားတတ် တာကို တွေ့ရပါတယ်။
တရုတ်ယွမ် ယခင် ဈေးကွက်မှာ မကြုံဖူး အောင် မြင့်တက်ခဲ့ပြီးနောက် တရုတ် ယွမ်ငွေ တန်ဖိုး က မေ ၁၀ ရက်နေ့ မှာ ပြန်လည်ကျဆင်းခဲ့ပါတယ်။ဒေါ်လာ အညွှန်းကိန်းက တစ်ညတာအတွင်း မြင့်တက်လာတဲ့ အပေါ်မှာ မူတည်ပြီး ဗဟိုဘဏ်ကသူရဲ့ တရားဝင်လဲနှုန်းကို တန်ဖိုးချလိုက်လို့ ယခုလိုဖြစ်ရကြောင်း ကုန်သည်တွေက ပြောပါတယ်။ ငွေလက်ငင်းဈေးကွက်မှာ ယွမ်ငွေ ကြေးတန်ဖိုးက မေ ၉ ရက် နောက်ဆုံး ရှိခဲ့တဲ့ တစ်ဒေါ်လာ ၆ ဒသမ ၁၃၀၉ ယွမ်ကနေတန်ဖိုးကျဆင်းပြီး တစ်ဒေါ် လာကို ၆ ဒသမ ၁၄၀၅ ယွမ်နှုန်းရှိခဲ့ပါ တယ်။ ဗဟိုဘဏ်ကသူရဲ့ ဗဟိုဘဏ် လဲနှုန်းကို မေ ၉ ရက်က တစ်ဒေါ်လာ ၆ ဒသမ ၁၉၂၅ ယွမ် သတ်မှတ်ရာမှာ ၆ ဒသမ ၂၀၁၆ ယွမ်နှုန်း သတ်မှတ်ခဲ့ပါ တယ်။
အိန္ဒိယရူးပီး အိန္ဒိယထဲကို ပြည်ပငွေကြေးစီးဝင် မှုတွေကောင်းနေပေမဲ့ ဒေါ်လာတန်ဖိုး ပြည်ပမှာကောင်းနေချိန်မှာ ဘဏ်တွေ နဲ့ သွင်းကုန်လုပ်ငန်းရှင်တွေက ဒေါ် လာဝယ်လိုအား အဆမတန် များပြား လာတဲ့အတွက် ရူးပီးတန်ဖိုးက မေ ၁၀ ရက်မှ သုည ဒသမ ၂၂ ရူးပီးနှုန်းမြင့် တက်ပြီးတစ်ဒေါ်လာကို ၅၄ ဒသမ ၄၇ ရူးပီးနှုန်းရှိခဲ့ ပါတယ်။စောစောပိုင်းက ရူပီး တန်ဖိုးက ၅၄ ဒသမ ၅၇ နှုန်းထိ ရောက် ခဲ့ရာမှ ပို့ကုန်သမား တို့က ပြန်ထုတ် ရောင်းတဲ့အတွက် တစ်ဒေါ်လာကို ၅၄ ဒသမ ၄၇ ကို ပြန်ရောက်ခဲ့တာ ဖြစ်ပါ တယ်။
ဂျပန်ယန်း မေ ၉ ရက်ဒေါ်လာ တန်ဖိုးက တခြားအဓိကငွေကြေးတွေနဲ့ဖလှယ်ရာ မှာတန်ဖိုးမြင့်တက်ပြီး တစ်ဒေါ်လာကို  ယန်း ၁၀၀ အဆင့်ထိဒေါ်လာတန်ဖိုး တက်ပြီး ယန်းတန်ဖိုးကျခဲ့ပါတယ်။အမေ ရိကန်ဒေါ်လာက မေ ၈ ရက်မှာတစ် ဒေါ်လာကို ၉၉ ဒသမ ၀၁ ယန်း ရှိခဲ့ ရာမှ မေ ၉ ရက်ဂရင်းနစ်စံတော်ချိန် ၂၁ နာရီမှာ တစ်ဒေါ်လာကို ၁၀၀ ဒသမ ၅၅ ယန်းထိဖြစ်ခဲ့ပါတယ်။ ဒေါ်လာ တန်ဖိုးက ယခင်နှစ်စက်တင်ဘာက တစ် ဒေါ်လာကို ၇၇ ယန်းထိကျခဲ့ပါ တယ်။ ယူရိုတန်ဖိုးက မေ ၈ ရက်မှာ တစ်ယူရိုကို ၁ ဒသမ ၃၁၅၆ ဒေါ်လာ နှုန်းကနေ မေ ၉ ရက်မှာတစ်ယူရိုကို ၁ ဒသမ ၃၀၄၄ ဒေါ်လာထိကျဆင်းခဲ့ ပါတယ်။
မလေးရှားရင်းဂစ် အမေရိကန်ဒေါ်လာတန်ဖိုးမာ နေ ချိန်မှာ ရင်းဂစ်ငွေကြေးရဲ့ ဝယ်လိုအား ကျဆင်းနေတဲ့အတွက် မေ ၁၀ ရက် မနက်ဈေးကွက်မှာ ရင်းဂစ်တန်ဖိုးကျ ခဲ့ကြောင်း  ဝယ်ရောင်းသမားတွေ  က ပြောပါတယ်။ မနက် ၉ နာရီမှာရင်းဂစ် တန်ဖိုးကဒေါ်လာနဲ့ ဖလှယ်တဲ့အခါ မေ ၈ ရက်က တစ်ဒေါ်လာ၂ဒသမ၉၇၂၀ ရင်းဂစ်ကနေ မေ ၉ ရက်မှာ ၂ ဒသမ ၉၈၆၀ ရင်းဂစ်နှုန်းထိ ဖြစ်ခဲ့ပါတယ်။
တောင်ကိုရီးယားဝမ် လေးနှစ်တာကာလအတွင်း ယန်း ငွေတန်ဖိုးကတစ်ဒေါ်လာကို ၁၀၁ ယန်း နှုန်းထိကျခဲ့သလို ဂျာမနီရဲ့ပို့ ကုန်မြင့် တက်လာပြီးနောက်ပိုင်းဥရောပရှယ်ယာ တန်ဖိုးတွေလည်း မြင့်တက်ခဲ့ ပါတယ်။ တောင်ကိုရီးယား ဝမ်နဲ့ ထိုင်းဘတ် တန်ဖိုးကလည်းကျဆင်းခဲ့ပါတယ်။ဝမ်ငွေ ကြေးတန်ဖိုးက ၁ ဒသမ ၄ ရာခိုင်နှုန်းထိ ကျဆင်းခဲ့ပါတယ်။
ထိုင်းဘတ် မေ ၁၃ ရက်မှာ ဗဟိုဘဏ်ငွေ ကြေးမူဝါဒကော်မတီနဲ့တွေ့ဆုံမယ်လို့ ထိုင်းဘဏ္ဍာရေးဝန်ကြီး ကစ်တီရတ်နာ ရနောင်းကပြောပြီးနောက် အတိုးနှုန်း တွေလျှော့ချမဲ့လက္ခဏာကိုတွေ့ရတဲ့ အတွက် ဘတ်ငွေတန်ဖိုးက ယခုရက် သတ္တပတ်အတွင်းတန်ဖိုးအများဆုံးကျ ဆင်းခဲ့ပါတယ်။ ဘတ်ငွေတန်ဖိုးက ဘန် ကောက်မှာ မေ ၁၀ ရက်မနက် ၈ နာရီ ၄၃ မိနစ်က သုည ဒသမ ၈ ရာခိုင်နှုန်း ကျဆင်းခဲ့ပြီး တစ်ဒေါ်လာကို၂၉ ဒသမ ၆၃ ဘတ်နှုန်း ရှိခဲ့ပါတယ်။ မေ ၃ ရက် နောက်ပိုင်း အနိမ့်ဆုံးထိ ကျခဲ့တာ ဖြစ် ပါတယ်။

Pages