Main menu

Background

Monday, 6 Jun 2011

ငါးရှဉ့်ပြည်ပတင်ပို့မှု ယခင်ကာလတူထက်ပို                 ရေထွက်ကုန်ပစ္စည်းများထဲမှာ တစ်ခုအပါအဝင်ဖြစ်တဲ့ ငါးရှဉ့်ဟာ မေလအတွင်း ယခင်လထက် တင်ပို့မှု ပိုမိုလာတာ တွေ့ရပါတယ်။ ဧပြီလ သြင်္ကန်ကာလအတွင်း မူဆယ်သို့ ငါးရှဉ့်အဝင်နည်းခဲ့တာကြောင့် တင်ပို့မှု လျော့နည်းခဲ့ပါတယ်။ ရွှေဘို၊ တောင်ငူ၊ မန္တလေးနှင့် ရန်ကုန်ဘက်တို့မှ အဝင်များပြီး ၈ တန်/၁ဝ တန် ဝင်ကား များဖြင့် နေ့စဉ် ၆၂ ပိဿာဝင် သေတ္တာ ၂ဝဝ ကျော်တင်ပို့လျက်ရှိပါတယ်။ နေ့စဉ်ငါးရှဉ့် ဈေးနှုန်းများ အနေဖြင့် ငါးလုပ်ငန်းဦးစီးဌာနရဲ့ လေလံအောင် သတ်မှတ်ဈေးနှုန်းများအရ တင်ပို့ရောင်းချလျက်ရှိပြီး မေလမှာ ငါးရှဉ့် တစ်တန်လျှင် ၃၂ဝဝ ဒေါ်လာမှ ဒေါ်လာ ၅ဝဝဝ ကျော်အထိ ဈေးရရှိပြီး မေလ ၂၄ ရက်နေ့ ငါးရှဉ့် တစ်တန် လေလံအောင်ဈေးမှာ ၃၉၆ဝ ဒေါ်လာထိ ဈေးရရှိ ခဲ့ပါတယ်။ မေလ ၁ ရက်နေ့မှ ၂၃ ရက်နေ့ထိ ငါးရှဉ့်တင်ပို့မှု တန်ချိန် ၃၅ဝ ဒသမ ၅၂ တန်၊ တန်ဖိုးငွေ ၁၃၇ဝ၃၈၄ ဒသမ ၁၉ ဒေါ်လာရရှိခဲ့ပြီး ဧပြီလကာလတူနဲ့ နှိုင်းယှဉ်လျှင် တန်ချိန်အားဖြင့် ၁၄၆ တန်ကျော်၊ တန်ဖိုးအားဖြင့် ကန် ဒေါ်လာ ဝ ဒသမ ၅၃၅ သန်းဖိုး တင်ပို့မှု ပိုမိုခဲ့ပါတယ်။ လှလှအောင်

Tuesday, 31 May 2011

ပုစွန်မွေးမြူရေးအားကောင်းလာ            ယခုနှစ်အတွင်း ပုစွန်မွေးမြူရေးသမားများအနေဖြင့် ပုစွန်ဖြူများမွေးမြူမှု ပိုမိုအားကောင်းလာကြောင်း ငါး-ပုစွန် မွေးမြူသူများထံက သိရသည်။ ဒီနှစ်ထဲမှာBlack Tiger  သားဖောက်လုပ်ငန်းလျော့ကျ ပြီး၊ ပုစွန်မွေးမြူရေးက အားရဖို့ရှိနေပါတယ်။ သားဖောက် ထုတ်နိုင်ဖို့အတွက် ဝယ်အားကောင်ရေ ၇ သန်း ရှိပါမှ တွက် ခြေကိုက်မယ့် အနေအထားရှိပါတယ်''ဟု ပုစွန် လုပ်ငန်းရှင် များအသင်းမှ ဦးသန်းဝင်းအောင်က ပြောကြားသည်။ မြန်မာနိုင်ငံတွင် ပုစွန်မွေးမြူမှုကို ၁၉၉ဝ ခုနှစ်များကျော် က စတင်နိုင်ခဲ့ပြီး၊ မွေးမြူရေးသမားများ တိုးခဲျ့မွေးမြူလာ သည့် ပုစွန်ဖြူမှာ ထိုင်းနိုင်ငံကတင်သွင်းခဲ့ခြင်းဖြစ်သည်။ ယခု နှစ်အတွင်း ပုစွန်ဖြူများကို တနင်္သာရီတိုင်းဒေသကြီး၊ မြိတ် ဒေသတွင်လည်းကောင်း၊ ဧရာဝတီတိုင်းဒေသကြီး၊ ငွေဆောင် ဒေသတွင်လည်းကောင်း၊ ရန်ကုန်တိုင်းဒေသကြီး၊ ကျောက် တန်းဇုန်တွင်လည်းကောင်း တိုးခဲျ့စမ်းသပ်မွေးမြူလာကြောင်း သိရသည်။  K.M.T

Tuesday, 31 May 2011

ပြည်ပပို့ကုန်ငါးများ ရေခဲတင်မှုကို အလုပ်ရုံဆွေးနွေးပွဲပြုလုပ်ရန်လို                ပြည်ပနိုင်ငံများသို့ တင်ပို့ သည့်ငါးများ ရေခဲတင်သည့်ကိစ္စ ကို အလုပ်ရုံဆွေးနွေးပွဲပြုလုပ်ရန် လိုအပ်ကြောင်း မြန်မာနိုင်ငံငါး လုပ်ငန်းအဖွဲ့ချုပ်မှ သိရသည်။ ''ရေခဲတင်တာကောင်းရဲ့လား၊ မကောင်းဘူးလား၊ ဒီလိုရေ ခဲတင်ခြင်းအားဖြင့် ရရှိမယ့်ဈေးနှုန်းကို ဘယ်လိုသက်ရောက်မှုရှိမလဲ။ တင်ပို့သူဘက်က ဘယ်လိုနစ်နာမှုတွေ ရှိလာနိုင်သလဲ။ ဈေးကွက်မှာ လိုအပ်ချက်ကဘာလဲ။ ဈေးကွက်မှာ ကိုယ့်လူတွေ ဘယ်လိုပြိုင်နေသလဲ။ အချင်းချင်း ပြန်တိုက်ခိုက်နေရတာနဲ့ ဘယ်လိုဈေးကွက်ပျက်သလဲဆိုတာတွေကို အလုပ်ရုံဆွေးနွေးပွဲ ပြုလုပ်ဖို့လိုပါ လိမ့်မယ်။ ဒီဆွေးနွေးပွဲကရရှိတဲ့ အခြေအနေအတိုင်း ဆက်ပြီး ဆောင်ရွက်ကြမှာဖြစ်ပါတယ်''ဟု မြန်မာနိုင်ငံ ငါးလုပ်ငန်းအဖွဲ့ချုပ်၌ အပတ်စဉ်အင်္ဂါနေ့တိုင်းပြုလုပ်သည့် သားငါးကဏ္ဍဖွံ့ဖြိုးတိုးတက်မှု ဆွေးနွေးပွဲ၌တာဝန်ရှိသူတစ်ဦးက ပြောကြားသည်။                 ပြည်ပနိုင်ငံများသို့ ငါးများ တင်ပို့ရောင်းချရာတွင် ကြာရှည် ခံနိုင်ရန်အတွက် ရေခဲသားတင် ခြင်းကို ၂ဝဝ၈ ခုနှစ်တွင် ငါး အလေးချိန်၏ ၁၂ ရာခိုင်နှုန်းကို လည်းကောင်း၊ ၂ဝဝ၉ ခုနှစ်မှ လက်ရှိအခြေအနေအထိ ငါးအလေးချိန်၏ ၂ဝ ရာခိုင်နှုန်းကို လည်းကောင်း ငါးလုပ်ငန်းဦးစီးဌာနက ခွင့်ပြုထားသည်ဟု ဆိုသည်။     ခင်မျိုးသွယ်

Tuesday, 31 May 2011

ရေချိုငါး ကုန်တက်ကောင်းသော်လည်း ဈေးအေး                      ကြည့်မြင်တိုင် စံပြငါးဈေးကြီးသို့ ရေချိုငါးကုန်တက်အား ကောင်းနေသော်လည်း ဈေးအေးနေသေးကြောင်း ရေချိုငါးလုပ်ငန်းရှင်များထံက သိရသည်။ ''အခုချိန်က ရေချိုငါးထုတ်ရောင်းတဲ့ကာလဖြစ်တာ ကြောင့် တစ်နေ့ပိဿာချိန် ၂၅ဝဝဝဝ ဝန်းကျင် အဝင်ရှိ နေပါတယ်။ မေလ အတွင်းမှ ရေချိုငါးတွေထဲမှာ အဓိက မွေးမြူတဲ့ငါးမြစ်ချင်းကို ဘင်္ဂလားဒေ့ရှ်က အဝယ်ရှိနေ ပါတယ်။ မေလ ၈ ရက်လောက်အထိ ရေချိုငါးတန် ၃ဝဝ ကျော်၊ မေလ ၉ ရက်ကနေ ၁၅ ရက်အထိကို ရေချို ငါးတန် ၃ဝဝ ကျော်၊ မေလ ၁၆ ရက်ကနေ ၂၂ ရက်အထိ ရေချို ငါး ၁ဝ တန်ကျော်တင်ပို့ရောင်းချခဲ့ရပါတယ်။ ရေချိုငါးက ကုန်တက်လည်းကောင်း၊ ဝယ်လက်လည်းရှိနေပေမယ့် ဈေးနှုန်းရရှိမှုက နည်းနေပါသေးတယ်။ ဈေးကွက်ကျွမ်းကျင်သူ အချို့က ငါးဈေးကျနိုင်သေးတယ်လို့လည်း သုံးသပ်ကြပါတယ်။ ဒါကြောင့် ငါးမွေးမြူသူအများစုက အရှုံးနှင့် ရင်ဆိုင် နေကြရပါဦးမယ်''ဟု ရေချိုငါးအသင်းမှ တာဝန်ရှိသူတစ်ဦးကပြောကြားသည်။ ကြည့်မြင်တိုင်စံပြငါးဈေးကြီးတွင် ၂ကစ အရွယ် ငါးမြစ် ချင်းတစ်ပိဿာလျှင်(၁၈ဝ-၁၉ဝ) ကျပ်ရှိနေသည်ဟုဆိုသည်။               KMT

Tuesday, 31 May 2011

ရေထွက်ကုန်တင်ပို့မှုက ဒေါ်လာသန်း ၆ဝ ကျော်ရရှိ              ၂ဝ၁၁-၁၂ ခုနှစ် ဘဏ္ဍာနှစ် အတွင်း ရေထွက်ကုန်တင်ပို့မှုက အမေရိကန်ဒေါ်လာ သန်း ၆ဝ ကျော်ရရှိထားပြီဖြစ်ကြောင်း၊ မေ ၂၄ ရက်က မြန်မာနိုင်ငံငါးလုပ်ငန်းအဖွဲ့ချုပ်၌ ပြုလုပ်သည့် သား၊ ငါးကဏ္ဍဖွံ့ဖြိုးတိုးတက်မှုဆိုင်ရာ ဆွေးနွေးပွဲမှ သိရသည်။                 ''ဧပြီ ၁ ရက်ကနေ မေ ၂၁ ရက်အထိကို ပုံမှန်ကုန်သွယ်ရေးကနေ ဒေါ်လာ ၃၅ သန်းကျော်၊ မူဆယ်နယ်စပ်ကုန် သွယ်ရေးကနေ ဒေါ်လာ ၆ သန်းကျော်၊ ကော့သောင်းနယ်စပ်ကုန်သွယ်ရေးကနေ ဒေါ်လာ ၃ သန်းကျော်၊ စစ်တွေနယ်စပ် ကုန်သွယ်ရေးကနေ ဒေါ်လာ ၂ သန်းခန့်၊ မြိတ်နယ်စပ်ကုန်သွယ်ရေးကနေ ဒေါ်လာ ၃ သန်းကျော်၊ မောင်တောစခန်းကနေ ဒေါ်လာ ဝ.၃၁ သန်းစသည်ဖြင့် စုစုပေါင်းဒေါ်လာ ၆ဝ.ဝ၇၉ သန်း ရရှိထားပြီးဖြစ်ပါတယ်။ ဒီကာလအတွင်းမှာ ရေထွက်ကုန်တွေအနေနဲ့ ပါကူးငါး၊ တီလားပီးယား၊ ငါးမြစ်ချင်းတွေကို အကောင်လိုက် မဟုတ်ဘဲ တင်ပို့မှုတွေ ပိုလုပ်နိုင်ခဲ့ပါ တယ်''ဟု ယင်းဆွေးနွေးပွဲသို့ တက်ရောက်သူတာဝန်ရှိပုဂ္ဂိုလ်တစ်ဦးက ပြောပြသည်။ ၂ဝ၁၁-၁၂ ဘဏ္ဍာနှစ် မေလ ၂၁ ရက်အထိ တင်ပို့မှုက ဒေါ်လာ ၄.၄၄ သန်းရရှိခဲ့ပြီးဖြစ်သည်။                   K.M.T

Thursday, 26 May 2011

ကျေးလက်ဒေသသား၊ ငါးထုတ်လုပ်သည့် အစုအဖွဲ့ ဖွဲ့စည်းမည်               ကျေးလက်ဒေသ သား၊ ငါးထုတ်လုပ်သည့် အစုအဖွဲ့များ ဖွဲ့စည်းမည်ဖြစ်ကြောင်း မြန်မာနိုင်ငံငါးလုပ်ငန်းအဖွဲ့ချုပ်က သိရသည်။                ''အခုလောလောဆယ် ရွှေဘိုခရိုင်ကျေးရွာ(၆)ရွာမှာ လုပ်သား ၅ဝဝ ကို ငါးရှဉ့်ဖမ်းဆီးထုတ်လုပ်တဲ့ လုပ်သား တွေရဲ့ အစုအဖွဲ့လုပ်ဖို့ ရှိနေပါတယ်။ အဲဒီအဖွဲ့တွေက စုပေါင်းပြီး ဖမ်းဆီးတာ၊ စုပေါင်းသယ်ယူပို့ဆောင်တာ၊ ဈေးကွက် ရှာတာ၊ ဝိုင်းကြီးချုပ်စနစ်နဲ့ ငွေချေးတဲ့လုပ်ငန်းတွေ ဆောင်ရွက်ရတဲ့ ကျေးလက်ငါးကုန်ထုတ်လုပ်ငန်းတစ်ခုဖြစ်လာမှာ ပါ။ စစ်ကိုင်းတိုင်းဒေသကြီးမှာလည်း ငါးဆားနယ်-ငါးကျပ်တင်၊ ဧရာဝတီတိုင်းဒေသကြီးမှာ ဘီလားငါး၊ တနင်္သာရီ တိုင်းဒေသကြီးမှာ ငံပြာရည်လုပ်ငန်း စုပေါင်းလုပ်ငန်းတွေကို One Region One Product လုပ်ဖို့ စီစဉ်နေပါပြီ''ဟု ယင်းအဖွဲ့ချုပ်မှ တာဝန်ရှိသူ တစ်ဦးက ပြောကြားသည်။             ရေထွက်ကုန်ပစ္စည်းများနှင့်ပတ်သက်၍ တနင်္သာရီတိုင်းဒေသကြီးတွင် ကဏန်းပျော့မွေးမြူရေးလုပ်ငန်း၊ ရေမှော် စိုက်ပျိုးမွေးမြူရေးလုပ်ငန်းနှင့် ကကတစ်မွေးမြူရေးလုပ်ငန်းများ၊ ရန်ကုန်တိုင်းဒေသကြီးတွင် ငါးမြစ်ချင်းမွေးမြူရေးနှင့် ကဏန်းပျော့မွေးမြူရေးများမှာ ထင်ရှားသည့်လုပ်ငန်းများဖြစ်ခဲ့သည်။                     MN

Monday, 23 May 2011

တွံတေးဒေသတွင် ငါးမြစ်ချင်းအစားထိုးငါးများ မွေးမြူလာ                 ရန်ကုန်တိုင်းဒေသကြီး တွံတေးမြို့နယ်ဒေသရှိ ငါးမွေးကန်များတွင် ရေချိုငါးမွေးမြူသူများသည်ငါးမြစ်ချင်း အစား ကကတစ်၊ ရေချိုငါးမုန့်နှင့် တီလားဗီယား ငါးတို့ကို အစားထိုးမွေးမြူ လာကြောင်းသိရသည်။                 ''ငါးမွေးသမားတွေအများဆုံး မွေး တဲ့ငါးမြစ်ချင်းက မနှစ်က တစ်နှစ်လုံး အရှုံးပေါ်ခဲ့တယ်။ ဒါကြောင့်် ငါးမြစ် ချင်းအစားထိုးမွေးဖို့စဉ်းစားလာကြတယ်။ ကကတစ်က အသားစားငါးဖြစ်လို့ ငါးမြစ်ချင်း အကောင်ကြီးကြီး အစိတ်သား ၃ဝသား၊ ၄ဝသား အရွယ်တွေနဲ့ ကကတစ် အကောင်သေးတွေ တွဲမွေးလာ ကြတယ်။ တချို့ကြတော့ တရုတ်နဲ့ ထိုင်းဈေးကွက်တွေက အဝယ်ရှိတဲ့ ရေချိုငါးမုန့်နဲ့ တီလားဗီးယားတွေမွေး တဲ့သူတွေလဲရှိတယ်။ မွေးမြူရေးကန် အားလုံးရဲ့ ၃ဝရာခိုင်နှုန်းက အစားထိုး ငါးတွေ မွေးလာကြပြီ။ ၇ဝရာခိုင်နှုန်းကတော့ ငါးမြစ်ချင်းတွေ ဆက်မွေးတယ်။ ဆက်မွေးတဲ့ ပုံစံက ဖြစ်သလို မွေးတဲ့ ပုံစံမျိုး၊ ကန်ထဲ ငါးမြစ်ချင်းတွေထည့်ပြီး အစာကို ထိန်းကျွေးတဲ့စနစ်နဲ့ ဆက်မွေးကြတယ်။ လက်ရှိအစာဈေးနဲ့ ဆက်ကျွေးပြီး မွေးရင် ကန်သမားတွေ ရှုံးမှာသေချာတယ်''ဟု တွံတေးမြို့နယ် ရှိ ရေခိုျငါးမွေးမြူရေးအသင်းမှ ဦးဝင်း ကျော်က ပြောပြသည်။              မြန်မာနိုင်ငံတွ် ငါးမွေးဧက ၂သိန်း ၁သောင်းကျော်အနက် တွံတေးမြို့နယ် တွင် ငါးမွေးဧက ၃သောင်း၁ထောင် ကျော်ရှိခဲ့ကြောင်း သိရသည်။ SN

Monday, 23 May 2011

တိုင်းရင်းအလှမွေးငါးများ ပြည်ပက ဝယ်ယူမှုရှိနေ                  တိုင်းရင်းအလှမွေးငါးများကိုစင်ကာပူ၊မလေးရှားနှင့်ထိုင်းစသည့်ပြည်ပ နိုင်ငံများက ဝယ်ယူမှုရှိနေကြောင်းသိရ သည်။ ''အလှမွေးငါးတွေထဲကတိုင်းရင်း ဇာတိငါးတွေရယ်၊မြန်မာပြည်ရောက်နေပြီး မြန်မာပြည်မှာ ပြန်ဖောက်တဲ့ငါး မျိုးတွေကိုပြည်ပကဝယ်ယူမှုရှိနေတယ်။ ပို့တဲ့အခါ ဖော့ပုံးတွေနဲ့ လေကြောင်း လိုင်းကနေတင်ရတာ။ဖော့ပုံးတစ်ပုံးဆို ရင် ငါးအရွယ်အစားပေါ်မူတည်ပြီး ထည့်ရတာ။ ငါးအရွယ်ကြီးရင် အကောင် ၅ဝ လောက် ဆံ့တယ်။ငါးအရွယ်သေးရင် အကောင်ရေ ၇ဝဝနဲ့ ၈ဝဝလောက်ထည့်လို့ရတယ်။တိုင်းရင်း ငါးတွေထဲက ငါးသဖွဲ၊ ငါးစော်ဘွား၊ ငါးသူငယ်၊ ငါးသလဲထိုး ၊ငါးပြားစင်းနဲ့ ငါးခုံးမတို့အဝယ်ရှိနေတယ်။ ငါးသဖွဲ ဆိုရင် ပြည်တွင်းမှာ အခြောက်လှန်းပြီး နို့ဆီဘူးနဲ့ ရောင်းရင်တစ်ဘူးကို ၂၅ကျပ် လောက်ပဲရတဲ့ငါးပါ။ ပြည်ပပို့ဖို့ လက် ခွဲ အလှမွေးငါးမွေးမြူရေးသမားတွေ ဆီက ဝယ်ရင် တစ်ကောင်ကို ၃ဝကျပ် ကနေ ၅ဝကျပ်အထိပေးဝယ်ရပါတယ်'' ဟု Hein Aquarium က ဦးတင်ဝင်း က ပြောပြသည်။                      အဆိုပါအလှမွေးငါးမျိုးများအနက် ငါးသလဲထိုးကိုတနင်္သာရီတိုင်းဒေသကြီး သံဖြူဇရပ်၊ဘုရားသုံးဆူဘက်ကလည်း ကောင်း၊ ငါးခုံးမကို ပြင်ဦးလွင်တွင် လည်းကောင်း၊ငါးပြားစင်းကိုဧရာဝတီ တိုင်းဒေသကြီးတွင်လည်းကောင်း၊ငါးသဖွဲ၊ ငါးစော်ဘွားနှင့်ငါးသူငယ်တို့ကို ရှမ်းပြည်နယ်(တောင်ပိုင်း) ဟိုပုန်းနှင့် အင်း လေးဒေသတို့်မှ ဖမ်းယူရရှိကြောင်းသိရသည်။ KMT

Monday, 23 May 2011

၂ဝ၁ဝ-၂ဝ၁၁ အတွင်း အိန္ဒိယနိုင်ငံ ပင်လယ်စာ တင်ပို့မှုတိုးတက်               ၂ဝ၁ဝ-၂ဝ၁၁ အတွင်း အိန္ဒိယနိုင်ငံ ပင်လယ်စာတင်ပို့မှု က နှစ်အလိုက်တင်ပို့မှု ၂၅ ဒသမ ၅ ရာခိုင်နှုန်း တိုးတက်ကာ ဝင်ငွေကန်ဒေါ်လာ ၂ ဒသမ ၆ ဘီလီယံရရှိခဲ့တယ်လို့ သိရတယ်။၎င်းပမာဏက ရည်မှန်းချက်ကို ကျော်လွန်ခဲ့ ကြောင်း ၊ ဂျပန်နဲ့ ဥရောပဈေးကွက်တွေကို သင်္ဘောတင်ပို့မှု တိုးတက်ခဲ့ရာ ပို့ကုန်ပမာဏတိုးတက်ကြောင်းသိရပါတယ်။ ၂ဝဝ၉-၂ဝ၁ဝ ဘဏ္ဍာနှစ်အတွင်း ပင်လယ်စာတင်ပို့မှုမှ ဝင်ငွေကန်ဒေါ်လာ ၂ ဒသမ ၁ ဘီလီယံသာရရှိခဲ့ပြီး ၂ဝ၁ဝ- ၂ဝ၁၁ မှာ ကန်ဒေါ်လာ ၂ ဒသမ ၅ ဘီလီယံသာရရှိမယ် ခန့်မှန်းထားခဲ့တယ်လို့ သိရပါတယ်။ ဒါပေမဲ့ အနက်ရောင် ပုစွန်ကြား(Black Tiger Shrimp)  နဲ့ အေးခဲ ပြည်ကြီးငါး တို့ကို ဥရောပ၊ ဂျပန်နဲ့ အမေရိကန်မှ ဝယ်လို အားများလာပြီး တင်ပို့မှုတိုးတက်ကာ ဝင်ငွေပမာဏစံချိန်တင်ခဲ့ကြောင်း သိရပါတယ်။              ယခင်ဘဏ္ဍာနှစ်အတွင်း ပင်လယ်စာတင်ပို့မှုစုစုပေါင်း မှာ ဥရောပကို ၂၆ ရာခိုင်နှုန်း၊ ဂျပန်ကို ၂ဝ ရာခိုင် နှုန်းနဲ့ အမေရိကန်ကို ၁၇ ရာခိုင်နှုန်းတင်ပို့ခဲ့ရကြောင်း၊ အဓိက တင်ပို့ရတဲ့ ပင်လယ်စာတွေမှာ အနက်ရောင်ပုစွန်ကြား၊ လတ်ဆတ်တဲ့ ပုဇွန်၊ အေးခဲထားတဲ့ ငါးမျိုးမျိုး၊ အေးခဲထားတဲ့ တူနာငါးနဲ့ ပြည်ကြီးငါးတို့ဖြစ်ကြောင်း သိရ ပါတယ်။ ပပSource:economictimes,indiatimes.com

Friday, 20 May 2011

ဧပြီလအတွင်း ရေထွက်ကုန်တင်ပို့မှုက ဒေါ်လာ ၃၁ သန်းကျော်ရရှိ               ၂ဝ၁၁-၂ဝ၁၂ ဘဏ္ဍာနှစ်၏ ဧပြီလအတွင်း ရေထွက်ကုန်တင်ပို့မှုက ဒေါ်လာ ၃၁ သန်းကျော် ရရှိခဲ့ကြောင်း ငါးလုပ်ငန်း ဦးစီးဌာန FIQC  ဌာနက တာဝန်ရှိသူတစ်ဦးက ပြောကြားသည်။ ''ဧပြီလ ၁ ရက်ကနေ ၃ဝ ရက်နေ့အထိ ပုံမှန်ကုန်သွယ်ရေးကနေ ဒေါ်လာ ၁၇.၆၉ဝ သန်း၊ မူဆယ်နယ်စပ်ကုန်သွယ်ရေး စခန်းကနေ ဒေါ်လာ ၃ ဒသမ ၃၃၃ သန်း၊ ကော့သောင်းနယ်စပ်ကုန်သွယ်ရေးစခန်းကနေ ဒေါ်လာ ၂ ဒသမ ဝ၁၂ သန်း၊ စစ်တွေနယ်စပ်ကုန်သွယ်ရေးကနေ ဒေါ်လာ သုည ဒသမ ၆၉၇ သန်း၊ မြိတ်နဲ့မောင်တောနယ်စပ်ကုန်သွယ်ရေးကနေ ဒေါ်လာ သုည ဒသမ၁၄၈ သန်း၊ ကဏန်းတင်ပို့မှုကနေ ဒေါ်လာ ၂ ဒသမ ၆၂၂ သန်း၊ ငါးရှဉ့် တင်ပို့မှုကနေ ဒေါ်လာ ၁ ဒသမ ၁၅၉ သန်း၊ ရေချိုငါးတင်ပို့မှုကနေ ဒေါ်လာ ၇ ဒသမ ၇ဝ၁ သန်းစသည်ဖြင့် ရေထွက်ကုန်တင်ပို့မှုကနေ ဒေါ်လာ ၃၁ ဒသမ ၄၅၄ သန်းရရှိခဲ့ပါတယ်''ဟု ယင်းဌာနက တာဝန်ရှိ သူတစ်ဦးက ပြောကြားသည်။ အဆိုပါရေထွက်ကုန်တင်ပို့မှု ဝင်ငွေများထဲတွင် အလှမွေးငါး တင်ပို့မှုက ရရှိသည့်ဝင်ငွေများ ပါဝင်ကြောင်း သိရသည်။ KMT 

Pages