Main menu

Background

Friday, 20 May 2011

ငါးမြစ်ချင်းကို အရှေ့အလယ်ပိုင်းက ဝယ်ယူမှုမှာ ဈေးကွက်အရသာ ဝယ်အားရှိခြင်းဖြစ်                      ငါးမြစ်ချင်းကို အရှေ့အလယ်ပိုင်းဒေသများက ဝယ်ယူမှုများရှိနေခြင်းကြောင့် တင်ပို့ရောင်းချနေရသော်လည်း ဈေးကွက်အရသာ ဝယ်အားရှိခြင်းဖြစ်ကြောင်း ရေထွက်ကုန် ပစ္စည်းတင်ပို့သူများထံက သိရသည်။ ''ငါးမြစ်ချင်းက လိုသလောက် တင်ပို့နိုင်တဲ့အနေအထားရှိ နေပါတယ်။ အခု အရှေ့အလယ်ပိုင်းက စဝယ်တာတွေ့ရပေ မယ့် အင်နဲ့အားနဲ့မရှိသေးပါဘူး။ ဈေးကွက်အရသာ ဝယ်အား ရှိတဲ့ သဘောမိုျးဖြစ်တော့ ဈေးနှုန်းကို ဆွဲခေါ်လို့မရသေး ပါဘူး။ အရှေ့အလယ်ပိုင်းဒေသတွေကို တင်ပို့ ရောင်းချမယ် ဆိုရင်Rules & Regulation တွေ သတ်မှတ်ထားတာဟာ ၂ဝ၁၁ ခုနှစ်၊ မေလ ၁ ရက်က စတင်မယ်လို့ သိရပါ တယ်။                      အဓိကကတော့Food Safety ဆိုင်ရာ သတ်မှတ်ချက် တွေလို့ သိရပါတယ်''ဟု လှိုင်သာယာ စက်မှုဇုန်အခြေစိုက် ငါးမြစ်ချင်းများမွေးမြူတင်ပို့နေသူတစ်ဦးက ပြောပြသည်။ မြန်မာနိုင်ငံတွင် ငါးမွေးမြူ ရေးဧက နှစ်သိန်းတစ်ထောင် ကျော်တွင် ငါးမြစ်ချင်းများကို ၈ဝ ရာခိုင်နှုန်း မွေးမြူခဲ့ကြပြီး၊ယခုနှစ်တွင် ငါးမြစ်ချင်းကို လျော့ချ၍ အခြားပြည်ပဈေးကွက် ရှိ ငါး၊ ပုစွန်များဖြစ်သော ငါးတန်၊ ပုစွန်နှင့် ကကတစ်ငါး များကို ပိုမိုမွေးမြူလာကြောင်း သိရသည်။ SN

Friday, 20 May 2011

အီးယူက ဗီယက်နမ်ငါးကို ပိုမိုတင်သွင်းလို             ဘယ်လဂျီယံရှိ ဥရောပပင်လယ်စာရောင်းချမှု လုပ်ငန်းများမှ ၎င်းတို့အနေနဲ့ နွေရာသီမှာ ဗီယက်နမ်က ငါးမြင်းအုပ်စု ဝင် Tra ငါးကိုပိုမိုတင်သွင်းလိုတယ်လို့ အခိုင်အမာ ပြောကြားခဲ့ကြောင်း ဗီယက်နမ် ပင်လယ်ထွက်ကုန် တင်ပို့သူများနဲ့ ပြုပြင်ထုတ် လုပ်သူများအသင်း (VASEP )မှ ပြောကြားပါတယ်။ ဒါ့အပြင် အမေရိကန်နဲ့ ဘရာဇီးကလည်း ဗီယက်နမ်  Tra ငါးကို ဆက်လက် တင်သွင်းသွားမယ်လို့ ဆိုပါတယ်။ VASEP ဟာ ၂ဝ၁၁ ခုနှစ် တတိယ ၃ လပတ် အတွင်းမှာ ပြည်ပတင်ပို့ဈေးကို တစ်ကီလို ကန်ဒေါ်လာ ဝ ဒသမ ၂- ဝ ဒသမ ၃ တိုးမြှင့်ဖို့လည်း ဆုံးဖြတ်ထားတယ်လို့ ဆိုပါတယ်။ အမေရိကန်ဈေးကွက်ကို တစ်ကီလို ဒေါ်လာ ၄ ဒသမ ၂ မှ ၄ ဒသမ ၅ ကိုလည်းကောင်း၊ ဥရောပဈေးကွက်တွေကို ကန်ဒေါ်လာ ၃ ဒသမ ၄ မှ ဒေါ်လာ ၃ ဒသမ ၆ ကိုလည်းကောင်း တိုးမြှင့်သတ်မှတ်သွားမယ်လို့ ဆိုပါ တယ်။             ဒါပေမဲ့လည်း ငါးမွေးမြူသူတွေက အတိုးနှုန်းမြင့်ပြီး သွင်းအားစု ကုန်ကျစရိတ်မြင့်တဲ့အပြင် ချေးငွေရရှိဖို့ ခဲယဉ်း တာကြောင့် ထုတ်လုပ်မှုတိုးမြင့်ရဲမှာမဟုတ်ဘူးလို့ ဆိုပါတယ်။ လတ်တလော စီးပွားရေးလုပ်ငန်းရှင်တွေက ငါးတစ်ကီလိုကို ဒေါင်၂၈ဝဝဝ (ကန်ဒေါ်လာ ၁ ဒသမ ၃၆) နဲ့ ဝယ်ယူနေတယ် လို့ သိရပါတယ်။ ယမင်းခင်၊Source: VOV

Sunday, 24 Apr 2011

ရေထွက်ပစ္စည်းထုတ်လုပ်သည့် စက်ရုံများ GAP Guide Line ကိုဧပြီ ၁ ရက် ကစတင်ကျင့်သုံး                ရေထွက်ပစ္စည်းထုတ်လုပ်သည့် စက်ရုံများအနေဖြင့်GAP Guide Line   ကို ဧပြီ ၁ ရက်ကစတင်ကျင့်သုံး နေပြီဖြစ်ကြောင်း ငါးဦးစီးထုတ်ပြန်ချက် အရသိရသည်။                ''GAP စနစ်ရဲ့အဓိက စားသုံးသူ တွေဘေးအန္တရာယ်ကင်းစွာ စားသုံးနိုင်အောင် အရည်အသွေးကောင်းအောင် ထုတ်လုပ်ဖို့ဖြစ်ပါတယ်။ ွGAP Guide Line  ကို ကျင့်သုံးတဲ့အခါ တစ်နှစ်အတွက် စစ်ဆေးခအနေနဲ့ လေးသောင်း လေးထောင်ကျပ်ကုန်ကျမှာဖြစ်ပြီး GAP Certificate  ထုတ်ပေးမှာပါ'' ဟု ငါးလုပ်ငန်းဦးစီးဌာနက တာဝန်ရှိသူ တစ်ဦးက ပြောကြားသည်။ ''ွGAP စနစ်ဟာ လူနေမှုစနစ်မြင့် လာတာကြောင့် ပေါ်ပေါက်လာတာ ဖြစ်ပါတယ်။ စိုက်ပျိုးရေး၊ မွေးမြူရေး လုပ်ငန်းတွေနဲ့ ပတ်သက်ပြီး စားသောက်ကုန်တွေကောင်းအောင် ထုတ်လုပ်ဖို့ပါ၊ အာဆီယံဂျီအေပီ၊ ဂလိုဘယ်လ်ဂျီအေပီ စနစ်တွေရှိပြီး ကျန်းမာရေးအတွက်Up grade လုပ်တာဖြစ်ပါတယ်။ အဲဒီ ကောင်းအောင်လုပ်ဖို့အတွက် ငွေကြေး Financing Program  လုပ်ဖို့လိုအပ်ပါတယ်။ တရုတ်ပြည်မှာက National Project လုပ်ရင် National Finance  လုပ်ပေးလေ့ရှိပါတယ်'' ဟု GAP  စနစ်များနှင့်ပတ်သက်၍ ပြည်ပနိုင်ငံများ၏ ဆောင်ရွက်ပေးမှုများကို ငါးလုပ်ငန်းအဖွဲ့ချုပ်က ဒုတိယဥက္ကဌဦးနှင်းဦးက သုံး သပ်ပြောကြားသည်။                                                                                      MN

Sunday, 24 Apr 2011

စားသုံးသူများ ငါးမြစ်ချင်းကို ပိုမိုဝယ်ယူလာ                 ပြည်တွင်းစားသုံးသူများက ငါးမြစ် ချင်းကို ပိုမိုဝယ်ယူ လာကြောင်း ကြည့်မြင်တိုင်မြို့နယ် ဗဟိုစံပြငါးဈေးရှိ ငါး အရောင်းဒိုင်များက သိရသည်။ ''အခုချိန်က ပင်လယ်ငါးအတက် ပါးလာတယ်။ ဈေးလဲ မြင့်လာတယ်။ အဲဒီအမြင့်ငါးဈေးက မွေးမြူရေးငါးဈေး တွေကို မီလာတယ်။ ဈေးချင်းတူရင် စား သုံးသူက မွေးမြူရေး ငါးကို ရွေးစားတာပဲ။ မွေးမြူရေးငါးတွေထဲမှာက အဝင်အများဆုံးကလည်း ငါးမြစ်ချင်းဆိုတော့ ငါးမြစ်ချင်းကို ပိုဝယ်လာကြတယ်။ ငါးမြစ်ချင်းက အခုအချိန်မှာ ဖော်ရောင်းသူ များတော့ ဈေးကပုံမှန်ပဲ။ ဈေးက မတက်ဘူး။ ငါးမြစ်ချင်း အရောင်းအဝယ်က ဈေးကွက်ထဲမှာ 2up ကိုအဓိကထား ဈေး ခေါ်ကြတာ၊ ဒီအပတ်ထဲမှာ 2 up တစ်ပိဿာကို ၁၈ဝဝ ကျပ်၊ အရွယ်ကြီးရင် တစ်ပိဿာကို ၁ဝဝ ကျပ်စီတိုးပြီး အရွယ်ငယ်ရင် တစ်ပိဿာကို ၁ဝဝ ကျပ်စီလျော့ပြီး ဈေးပြောကြတယ်'' ဟု ဗဟိုစံပြငါးဈေးမှ ငါးဒိုင်လုပ်ငန်းရှင် ဦးသန်းလွင်က ပြောကြားသည်။  ဈေးကွက်အတွင်းရှိ ငါးမြစ်ချင်းငါး အရွယ်အစားများမှာ (7-9),(9-11), (11-13),(13up),(13-18).(18-24), 2 up,3up နှင့် 4 up  စသည်ဖြင့် ဆိုက်ဒ် ၉ မျိုးခွဲထားကြောင်း သိရသည်။ MN

Sunday, 24 Apr 2011

အင်းလုပ်ကွက်များအား ဈေးပြိုင်တင်ဒါစနစ်ဖြင့် လုပ်ကိုင်ခွင့်ချထားပေးမည်              ယခင်က မွေးမြူရေးနှင့်ရေလုပ်ငန်း ဝန်ကြီးဌာန၏အစီအစဉ်ဖြင့် လုပ်ကိုင်ခွင့်ချထားပေးသည့်ဂရန် အင်း၊ ကြေးတိုင်အင်း၊ လေလံအင်း၊ တင်ဒါငါးဖမ်းကွက်များအား ယခုအခါ သက်ဆိုင်ရာ တိုင်းဒေသကြီးနှင့် ပြည်နယ် အစိုးရများ၏ စီစဉ်ကြီးကြပ်မှုဖြင့် ဈေးပြိုင်တင်ဒါစနစ်အရ လုပ်ကိုင်ခွင့်များ ချထားပေးသွားမည်ဖြစ် ကြောင်း သက်ဆိုင်ရာ ဌာနမှ သတင်းရရှိသည်။

Sunday, 3 Apr 2011

မြန်မာ့ရေထွက်ပစ္စည်းများ ပြည်ပဈေးကွက်ရရှိလာခြင်း                 မြန်မာနိုင်ငံက ပင်လယ်ကမ်းရိုးတန်းအလျားမိုင် ၁၃ဝဝ ကျော်ခန့်တည်ရှိတာနဲ့အမျှ ရေထွက်သယံဇာတ (Marine Natural Resources)  အများအပြားလည်း ပိုင်ဆိုင်လျက်ရှိပါတယ်။ ပုလဲ၊ ရေနံ၊ သဘာဝဓါတ်ငွေ့စတဲ့ အဖိုးတန်သယံဇာတနဲ့ ရေချိုရေငန်ငါးမျိုးစုံ၊ ပုစွန်၊ ကဏန်း၊ ခရု၊ ဂုံး၊ ကင်းမွန်၊ ပင်လယ်မျှော့၊ ရေညှိ၊ ရေမှော် စတဲ့ သယံဇာတတွေက ကမ်းရိုးတန်းနဲ့ မြစ်ဝကျွန်းပေါ်ဒေသနေ ပြည်သူတွေရဲ့ စီးပွားရေးကိုသာမက မြန်မာနိုင်ငံရဲ့ စီးပွားရေးဖွံ့ဖြိုးတိုးတက်မှုအတွက်လည်း များစွာ အရေးပါလျက်ရှိကြောင်း တွေ့ရှိရပါတယ်။ ္ဋငါး၊ ပုစွန်၊ ကဏန်းနဲ့ အခြားရေထွက်စတဲ့ ရေထွက်ကုန်ပစ္စည်းများမှာ ပင်လယ်ကမ်းရိုးတန်းဒေသဖြစ်တဲ့ရခိုင်ကမ်းရိုးတန်းဒေသ၊ ဧရာဝတီမြစ်ဝကျွန်းပေါ်ဒေသနဲ့ တနင်္သာရီကမ်းရိုးတန်း ဒေသတွေမှာ နေထိုင်ကြတဲ့ ရေလုပ်သားတွေရဲ့ အဓိကစီးပွားရေးလုပ်ငန်းကြီးဖြစ်သလို၊ ပြည်ပဝင်ငွေရရှိအောင် ကူညီပံ့ပိုးပေးလျက်ရှိတဲ့ ပို့ကုန်အမယ်လည်း ဖြစ်ပါတယ်။ မြန်မာနိုင်ငံမှ ထွက်ရှိတဲ့ ရေထွက်ပစ္စည်းတွေကို ပြည်တွင်းစားသုံးကုန်အတွက် ပြည်တွင်း ဈေးကွက်များမှာ ဖြန့်ဖြူးရောင်းချမှုတွေရှိသလို ပြည်ပဈေးကွက်ကိုလည်း ပင်လယ်ရေကြောင်း၊ လေကြောင်းနဲ့ နယ်စပ် ကုန်သွယ်မှုနည်းလမ်းတွေနဲ့ ကမ္ဘာ့ဈေးကွက်နဲ့ အိမ်နီးချင်းနိုင်ငံတွေကို တင်ပို့ဆောင်ရွက်လျက်ရှိပါတယ်။ အိမ်နီးချင်း နိုင်ငံတွေကို တင်ပို့ရာတွင် မြန်မာ၊ တရုတ်နယ်စပ်မှာ မူဆယ်နယ်စပ်ကုန်သွယ်စခန်းမှလည်းကောင်း၊ မြန်မာ၊ ထိုင်းနယ်စပ်မှာ မြဝတီ၊ ကော့သောင်း၊ မြိတ်စခန်းများမှ လည်းကောင်း၊ ဘင်္ဂလားဒေ့ရှ်နယ်စပ်တွင် စစ်တွေ၊ မောင်းတောစခန်းများမှ လည်းကောင်း အသီးသီးတင်ပို့လျက်ရှိကြောင်း တွေ့ရှိရပါတယ်။                  ဘဏ္ဍာနှစ် ၆ နှစ်အတွင်း ရေထွက်ပစ္စည်းတင်ပို့မှုတွေကို ပို့ကုန်ပစ္စည်းစုစုပေါင်းတင်ပို့မှုနဲ့ နှိုင်းယှဉ်ကြည့်ရင် ၂ဝဝ၅-၂ဝဝ၆ ဘဏ္ဍာနှစ်တွင် ၃၈၄ ဒသမ ဝ၅ သန်းရှိပြီး၊ စုစုပေါင်းပို့ကုန်တန်ဖိုး ၁ဝ ဒသမ ၈ ရာခိုင်နှုန်း၊ ၂ဝဝ၆-၂ဝဝ၇ ဘဏ္ဍာနှစ်တွင် ၄၉၁ ဒသမ ၅ဝ သန်း၊ စုစုပေါင်းပို့ကုန်တန်ဖိုး ၉ ဒသမ ၃၉ ရာခိုင်နှုန်း၊ ၂ဝဝ၇-၂ဝဝ၈ ဘဏ္ဍာနှစ်တွင် ၅၅၄ ဒသမ ၅ဝ သန်း၊ စုစုပေါင်းပို့ကုန်တန်ဖိုး ၈ ဒသမ ၆၆ ရာခိုင်နှုန်း၊ ၂ဝဝ၈-၂ဝဝ၉ ဘဏ္ဍာနှစ်တွင် ၄၆၄ ဒသမ ၂၈ သန်း၊ စုစုပေါင်းပို့ကုန်တန်ဖိုး ၄ ရာခိုင်နှုန်း၊ ၂ဝ၁ဝ-၂ဝ၁၁ ဘဏ္ဍာနှစ် မတ်လ ၂၇ ရက်နေ့ထိတွင် ၂၈၂ ဒသမ ၉၁ သန်း၊ စုစုပေါင်းပို့ကုန်တန်ဖိုး ၃ ဒသမ ၇ ရာခိုင်နှုန်းစီအသီးသီးရှိကြောင်း တွေ့ရှိရပါတယ်။ ဒါကြောင့် နှစ်စဉ်တင်ပို့မှုတွေအပေါ် ခြုံငုံကြည့်ရင် ရေထွက်ပစ္စည်းတင်ပို့မှုမှာ စုစုပေါင်းပို့ကုန် တန်ဖိုး ၇ ဒသမ ၂၃ ရာခိုင်နှုန်းရှိနေကြောင်း တွေ့ရှိရပါတယ်။ ကုန်သွယ်မှုနည်းလမ်း ၂ ခုနဲ့ တင်ပို့မှုတွေကို နှိုင်း ယှဉ်ရင် ပင်လယ်ရေကြောင်းမှ တင်ပို့မှုက စုစုပေါင်းရေထွက်ပစ္စည်းတင်ပို့မှုရဲ့ ၅၄ ရာခိုင်နှုန်းရှိပြီး၊ နယ်စပ်ကုန်သွယ်မှု နည်းလမ်းနဲ့ တင်ပို့မှုက ၄၆ ရာခိုင်နှုန်းခန့်သာရှိကြောင်း လေ့လာတွေ့ရှိရပါတယ်။ မြန်မာနိုင်ငံတွင် ဥရောပတင်ပို့ခွင့်ရ အအေးခန်းစက်ရုံ (EU Licences (or) Eu FDA Certificate)  ၈ ရုံရှိကာ ပင်လယ်ရေကြောင်းမှ ရေထွက်ပစ္စည်းတင်ပို့တဲ့ ကုမ္ပဏီစုစုပေါင်း ၁၅ဝ ခန့်ရှိပြီး ဈေးကွက်ရရှိမှုမှာ အိမ်နီးချင်း အာဆီယံ ငါးနိုင်ငံ၊ အာရှ ၁ဝ နိုင်ငံ၊ ဥရောပ ခြောက်နိုင်ငံ၊ သြစတြေးလျနိုင်ငံနဲ့ အာဖရိကတိုက်ရှိ ကင်မရွန်နိုင်ငံတို့ကို တင်ပို့နိုင်ပြီး စုစုပေါင်း ၂၂ နိုင်ငံကို ဈေးကွက်ရရှိလျက်ရှိကြောင်း တွေ့မြင်ရမှာဖြစ်ပြီး နယ်စပ်ကုန်သွယ် မှုနည်းလမ်းနဲ့ ကုမ္ပဏီ ၂၁ဝ ခန့်မှ အိမ်နီးချင်း ၆ နိုင်ငံ တင်ပို့နိုင်တဲ့အထိ ဈေးကွက်ခိုင်မာလျက်ရှိကြောင်း သိရှိရပါတယ်။                                  အေးမြင့် 

Wednesday, 30 Mar 2011

ငါးမွေးကန်အချို့တွင် ငါးသေဆုံးမှုများဆက်ရှိနေ                    ငါးမွေးကန်အချို့တွင် ငါးသေဆုံး မှုများ ဆက်လက်ရှိနေသေးကြောင်း ငါး မွေးလုပ်ငန်းရှင်များထံက သိရသည်။ ''ငါးမွေးကန်အချို့မှာ ဖေဖော်ဝါရီ နောက်ဆုံးအပတ်နဲ့ မတ်လပထမပတ်လောက်အထိ နေပူပြင်းလာတဲ့အတွက် အချို့ငါးကန်တွေထဲက ငါးတွေသေဆုံးမှုဖြစ်ခဲ့တယ်။ မတ်လ ဒုတိယပတ်လောက်က မိုးရွာမှုနဲ့ အအေးဒဏ်တွေ ကြောင့် ငါးအသေအပျောက် ပါးသွားတယ်။ ဒါပေမဲ့ အသေကတော့ ရှိနေတုန်းပဲ။ ဒီရက်တွေထဲ (မတ်လ နောက်ဆုံးပတ်)မှာ နေပြန်ပူလာတဲ့အတွက် ငါး အသေအပျောက် ထပ်ဖြစ်လာ တယ်။ အထူးသဖြင့် ရန်ကုန်တိုင်း ဒေသကြီး၊ ဧရာဝတီ တိုင်းဒေသကြီးနဲ့ ပဲခူးတိုင်း ဒေသကြီး တောင်ပိုင်းဒေသတို့မှာ ငါးအသေအပျောက်တွေရှိတယ်'' ဟု ငါးမွေးမြူရေး အသင်းမှ အတွင်းရေးမှူး ဦးဝင်းကြိုင်က ပြောပြ သည်။ မြန်မာနိုင်ငံတွင် ငါးမွေးမြူရေးဧက နှစ်သိန်း တစ်သောင်းကျော်ရှိပြီး ယင်းတို့အနက် ရန်ကုန်တိုင်းဒေသကြီး၊ ဧရာဝတီတိုင်းဒေသကြီးနှင့် ပဲခူးတိုင်းဒေသကြီးတို့တွင် မွေးဧကတစ်သိန်း ကျော်ရှိနေသည်ဟုဆိုသည်။ M.N

Wednesday, 30 Mar 2011

စံပြငါးဈေးသို့ မော်တော်ကားနှင့် ရေယာဉ် ငါးစီးခန့်သာအဝင်ရှိခဲ့                 ၂ဝ၁၁ ခုနှစ် မတ်လစတုတ္ထ ပတ်တွင်စံပြငါးဈေးသို့ မော်တော်ကားနှင့် ရေယာဉ် ငါးစီးခန့်သာအဝင် ရှိနေကြောင်း ကြည့်မြင်တိုင်မြို့နယ် ဗဟိုစံပြငါးဈေးကြီးမှ သိရှိရသည်။                    ''မတ်လတတိယပတ်မှာလဲ ရာသီ ဥတုအခြေအနေကြောင့် ငါးဖမ်းစက် လှေတချို့ ပင်လယ်ကိုငါးဖမ်းနားကြတယ်။ အရင်က ရာသီဥတုအခြေအနေ ကိုဂရုမစိုက်ကြပေမဲ့ နာဂစ်ဖြစ်ပြီးတဲ့ နောက်ပိုင်း၊ ဂီရီဝင်ပြီးတဲ့နောက်ပိုင်းမှာ ငါးဖမ်းတဲ့သူတွေ ဟာ အကြောက်တရားနဲ့ရာသီဥတုအခြေအနေကို သေချာနားထောင်တယ်။ မုန်တိုင်းရှိနိုင်တယ်ဆိုရင်ပဲ ငါးဖမ်း မထွက်ကြတော့ဘူး။ အဲဒီလို ရက်မျိုးဆိုရင် စံပြငါးဈေးကိုငါးအဝင်နည်းတယ်။ မတ် ၁၉ ရက်မှာ ငါးပိဿာချိန် ၁၄ဝ၆၂၅ ပိဿာပဲ အဝင်ရှိခဲ့တယ်'' မြန်မာနိုင်ငံငါးလုပ်ငန်းအဖွဲ့ချုပ်က တာဝန်ရှိသူတစ်ဦးက ပြောကြားသည်။ ကြည့်မြင်တိုင်မြို့နယ် ဗဟိုစံပြ ငါးဈေးကြီးသို့ ယခင်က မော်တော်ကားနှင့် ရေယာဉ် ၂၅ စီးစာ ရေချိုငါးများ ပုံမှန်အဝင်ရှိ ခဲ့သည်ဟုဆိုသည်။           M.N

Wednesday, 30 Mar 2011

၂ဝ၁၁ မှာ ပုစွန်မွေးမြူရေးလုပ်ငန်း ဦးမော့လာ                  ၂ဝ၁၁ ခုနှစ်အတွင်း ပုစွန်လုပ်ငန်း ဦးမော့လာကြောင်း ပုစွန်မွေးမြူသူများ ထံကသိရသည်။ ''၂ဝဝ၆ ခုနှစ်မတိုင်မီက ပုစွန်တန် ချိန် ၁၇ဝဝ ခန့် တင်ပို့နိုင်ခဲ့ပေမယ့် ယခု ဆယ်ကဏန်းလောက်သာ ရှိနေပါတယ်။ Extensive Plus  နဲ့သဘာဝ သားပေါက်မွေးမြူရေးကို မွေးမြူနိုင်ဖို့ လိုပါတယ်။ ဒါမှဈေးကောင်းရမှာဖြစ်ပါတယ်။ ရေချိုပုစွန်နဲ့ ပုစွန်ကျားမပို့နိုင်ပေမယ့် Pink နဲ့ White  ကိုပိုပြီး တင်ပို့နိုင်ပါတယ်။ ပုစွန်မွေးမြူရေးကို ဗီယက်နမ်၊ ထိုင်း၊ အင်ဒိုနီးရှားနဲ့ တရုတ်နိုင်ငံတို့မှာ အခက်အခဲကြားကနေ တိုးတက်အောင်ထိန်းသိမ်းမွေးမြူနိုင်ခဲ့တာတွေ့ ရပါတယ်။ မြန်မာ-ပုစွန်မွေးသမားတွေအနေနဲ့ အဲဒါကိုနမူနာယူပြီး နည်း လမ်း ရှာဖို့လိုပါတယ်'' ဟု ပုစွန်မွေးမြူရေး လုပ်ငန်းရှင် တစ်ဦး က ပြောကြားသည်။်             မြန်မာနိုင်ငံတွင် ပုစွန်မွေးမြူရေး လုပ်ငန်းကို ရှမ်းပြည်နယ် (တောင်ပိုင်း) ဒေသများတွင်ပါ အောင်မြင်စွာလုပ်ကိုင်နေ ပြီ ဖြစ်သည်။M.N

Wednesday, 30 Mar 2011

ယခုကာလ အင်းအိုင်ချောင်းငါးများ အဝင်နည်းသော်လည်း မွေးမြူရေးငါးနဲ့ မြစ်ငါးများ မန္တလေးဈေးကွက်သို့ ပုံမှန်ဝင်               မန္တလေးမြို့၊ သီရိမာလာဈေးရှိ ငါးဒိုင်များသို့ လတ်တလောတွင် အင်းအိုင်ချောင်းငါးများအဝင်နည်းစ ပြုသော်လည်း မွေးမြူရေးငါးနဲ့ မြစ်ငါးများ ပုံမှန်ဝင်လျက်ရှိ၍ ဈေးကွက်အတွင်းလုံလောက်မှုရှိကြောင်း သိရပါတယ်။ ကမ္ဘာကျော်ငါးဒိုင်မှ ဦးကျော်က '' မန္တလေးဈေးကွက်ကို ရန်ကုန်က မြစ်ငါးပိဿာချိန် ၁၅ဝဝဝ နဲ့ ၂ဝဝဝဝ ကြားနေ့စဉ်ဝင်နေတယ်။ ငါးဈေးက သယ်ယူစရိတ်မြင့်တဲ့အတွက် တစ်ပိဿာ ၁ဝဝ ကျပ်၊ ၂ဝဝ ကျပ် လောက်မြင့်လာတယ်။ ဒီရက်ပိုင်းပုစွန်အဝင်နည်းတယ်။ မန္တလေးမွေးမြူရေးကန်တွေက ငါးခူ၊ ငါးကြင်း၊ ငါးတန်၊ ငါးခုံးမ၊ ငါးမုတ်ဝင်တယ်။ အင်းအိုင်ချောင်းငါးအတွက် မွေးမြူရေးငါးနေရာယူလာတာ'' ဟုပြောပါတယ်။ သီရိမာလာဈေးငါးဒိုင်များသို့ ဝင်ရောက်သည့်ငါးများကို မန္တလေးမြို့တွင်းနဲ့ အထက်မြန်မာဈေးကွက်သို့ တင်ပို့ ရောင်းချလျက်ရှိပါတယ်။ ယခုတစ်ပတ် ငါးဈေးနှုန်းမှာ ရန်ကုန်ငါး (ငါးမြစ်ချင်း)အကြီး တစ်ပိဿာ ၂၄ဝဝ ကျပ်၊ အလတ် ၂၃ဝဝ ကျပ်၊ အသေး ၂၁ဝဝ ကျပ်၊ (ငါးတန်)အကြီး ၂၇ဝဝ ကျပ်၊ အလတ် ၂၃ဝဝ ကျပ်၊ အသေး ၂ဝဝဝ ကျပ်၊ (ငါးအုံတုံ) အကြီး ၂၇ဝဝ ကျပ်၊ အလတ် ၂၃ဝဝ ကျပ်၊ အသေး ၂၁ဝဝ ကျပ်၊ (ငါးရံ့) အကြီး ၄၅ဝဝ ကျပ်၊ အလတ် ၃၅ဝဝ ကျပ်ဈေးရှိ၍ မန္တလေးငါးဈေးနှုန်းမှာ ငါးခူ ၂၄ဝဝ ကျပ်၊ ငါးကြင်း ၂၃ဝဝ ကျပ်၊ ငါးတန် ၂၃ဝဝ ကျပ်၊ ငါးခုံးမ ၁၇ဝဝ ကျပ်၊ ဆလားဗီးယား ၂၂ဝဝ ကျပ်၊ ငါးမုတ် ၁၈ဝဝ ကျပ်နဲ့ ရန်ကုန် ကန်ပုစွန် (ဆပ်ထုပ်ကြီး) ၁၃၅ဝဝ ကျပ်၊ အလတ် ၁၂ဝဝဝကျပ်၊ အသေး ၁၁ဝဝဝ ကျပ်ဈေးရှိကြောင်း သိရပါတယ်။ ကန်ပုစွန်ဈေးမှာ ယခုတစ်ပတ်အဝင်နည်း၍ တစ်ပိဿာကို ၅ဝဝ ကျပ်နဲ့ ၁ဝဝဝ ကျပ်ကြား ဈေးမြင့်လာကြောင်း ဈေးကွက်အတွင်းမှ သိရပါတယ်။                                                                  ဇူးဇူး

Pages