Main menu

Background

Sunday, 20 Mar 2011

 ကချင်ပြည်နယ်ငါးလိုဒေသသို့ အအေးခန်းတွဲပါရထားဖြင့် တင်ပို့ရန်စီစဉ်                 ကချင်ပြည်နယ်ဒေသခံများမှာ ငါးစားသုံးမှု ကျယ်ပြန့် လာသဖြင့် ရန်ကုန်တိုင်းဒေသကြီးမှ ကချင် ပြည်နယ် ငါးလို အပ်သည့် ဒေသသို့ အအေးခန်းတွဲပါရထားဖြင့် တင်ပို့နိုင်ရန် စီစဉ်နေကြောင်း ငါးလုပ်ငန်းဦးစီး ဌာနက သိရသည်။ ''ကချင်ပြည်နယ်မှာ ငါးစားသုံးမှုကျယ်ကျယ်ပြန့်ပြန့် ရှိလာတဲ့အတွက် ရန်ကုန်ကနေ ရထားနဲ့ ပို့ဆောင်ရာမှာ ရထားတွဲ မရတဲ့အတွက် လိုအပ်တဲ့သေတ္တာ ၃ဝ လောက်မပို့ နိုင်ခဲ့ပါဘူး။ဒါကြောင့် ကုမ္ပဏီတစ်ခု ကနေ အအေးခန်းတွဲနဲ့ ပါ တင်ပို့နိုင်ဖို့ စီစဉ်နေပါတယ်''ဟု ကချင်ပြည်နယ် ငါးလုပ်ငန်း အဖွဲ့ခုျပ်က ဦးမြင့်အေးက ပြောပြသည်။ ယခုအပတ်အတွင်း စံပြငါးဈေးတွင် ဖြစ်ပေါ်ခဲ့သော ငါးဈေးများမှာ ငါးမြစ်ချင်း ၁ ပိဿာလျှင် ၁၂၅ဝ-၂ဝဝဝ ကျပ် ငါးတန် ၁ ပိဿာလျှင် ၂၂ဝဝ-၂၃ဝဝ ကျပ်နှင့် ငါးမုတ် ၁ ပိဿာလျှင် ၁၇ဝဝ-၁၉ဝဝ ကျပ်တို့ ရှိနေသည်ဟု ဆို သည်။ MN

Sunday, 20 Mar 2011

ငါးမြစ်ချင်းများပြည်ပမှ ဝယ်လိုအားကောင်းလာ               ငါးမြစ်ချင်းများ ဈေးနှုန်းအရမြင့်ပေးမှုမရှိသေးသော်လည်း ပြည်ပနိုင်ငံများမှ ဝယ်လိုအား ကောင်းလာကြောင်း ငါးလုပ်ငန်း ဦးစီးဌာနက သိရသည်။ အိတ်စပို့တာများက အအေးခန်းတွေမှာရှိနေတဲ့ငါးတွေ ကို ဆက်လက်ပို့နေတာဖြစ်ပြီး ပြည်တွင်းစားသုံး မှုမှာတိုးမြင့် လာပါတယ်။ငါးမြစ်ချင်း ၂ ကစ အရွယ်ကို ၁ ပိဿာ ၁၈ဝဝ ကျပ်ဖြစ်ပြီး ၂ ကစ အထက်ကို ၁ဝဝ ကျပ်စီတိုးပြီးရှိနေသလို ၂ ကစ အောက်ကို ၁ဝဝ ကျပ်စီလျော့ပြီး ရှိနေပါတယ်။လော လောဆယ် တရုတ်ပြည်ကနေ ငါးမြစ်ချင်းကို စိတ်ဝင်စားလာ တာတွေ့ရတယ်။ ကွင်းဆင်းလေ့လာတဲ့အထိရှိနေတယ်။ တရုတ်ပြည် ကုန်းတွင်းပိုင်းပြည်နယ်တွေက ငါးကိုဆားရေစိမ်ပြီး ငါးဆားနယ်သဘောမိုျး စားသုံးလိုတာတွေ့ရတယ်။ ငါးမြစ်ချင်းအကောင်ကြီး ကို ဗိုက်သားလှီးထုတ်ပြီး နှစ်ခြမ်းခွဲ ဆားရေစိမ်ထားတဲ့ ငါးဆားနယ်ကို ဆန်ပြုတ်နဲ့ စားသုံးကြဖို့ ဖြစ်တယ်လို့ သိရပါတယ်။သူတို့ဝယ်လိုချင်တဲ့အတိုင်း ပြုပြင် ပေးနိုင်ရင် ဝယ်လိုအားရနိုင်ပါတယ်''ဟု ငါးမွေးမြူရေး အသင်း မှ တာဝန်ရှိသူဦးဝင်းကြိုင်က ပြောကြားသည်။ ၂ဝ၁ဝ-၂ဝ၁၁ မတ်လ ၁၃ ရက် အထိ ရေခိုျငါး တင်ပို့မှုက ဒေါ်လာ ၁ဝ၂ ဒသမ ၆၂ သန်းရရှိထားပြီး ဖြစ် သည်ဟု ဆိုသည်။ MN

Sunday, 20 Mar 2011

ပြည်ပသို့တင်ပို့သည့် ငါးအမယ်ပေါင်း ၁၄၄ ဖျိုးရှိနေ                 လတ်တလောအနေဖြင့် ရေထွက်ကုန်ပစ္စည်းများကို ပြည်ပသို့တင်ပို့ရောင်းချရာတွင် ငါးအမယ်ပေါင်း ၁၄၄ မျိုးရှိနေကြောင်း ငါးလုပ်ငန်းဦးစီးဌာနက သိရသည်။ ''ရေလုပ်ငန်းက ပြည်ပကိုတင်ပို့ရာတွင် သယံဇာတမျိုးစုံပါဝင်ပြီး ငါးဦးစီးက စိစစ်တင်ပို့ရာမှာ လတ်တလောအနေနဲ့ အမယ်ပေါင်း ၁၄၄ မျိုးရှိနေပါတယ်။ ဒီအထဲမှာ ရေငန်ငါး ၅၆ မျိုး၊ ရေချိုငါး ၂၈ မျိုး၊ ရေငန်ပုစွန် ၁၁ မျိုး၊ ရေချိုပုစွန် ၂ မျိုးနဲ့အခြား ၄၇ မျိုးတို့ပါဝင်ပါတယ်။ ငါးဦးစီးအနေနဲ့ ပြည်ပပို့ကုန်တွေကို စစ်ဆေးတဲ့အခါ ှSpecies ၊အရေအတွက်၊ အမျိုး အစား၊ အရွယ်တွေမှန်ကန်ဖို့လိုအပ်မှာဖြစ်သလို ဝန်ထမ်းများ အနေဖြင့် ငါးတင်၊ ငါးချဆိပ်ကမ်းများသာမက ငါးကုန် တက်များတွင် ငါးအမျိုးအစားများ မှန်ကန်စွာစစ်ဆေးနိုင်ဖို့ လိုအပ်ပါတယ်'' ဟု ယင်းဌာနက ညွှန်ကြားရေးမှူးချုပ်က ပြော ကြားသည်။ ၂ဝဝ၈-၂ဝဝ၉ ခုနှစ်အတွင်း ရေထွက်ကုန်များကို ပြည်ပနိုင်ငံများသို့ တင်ပို့ရောင်းချခဲ့သည့် ကုမ္ပဏီ ပေါင်း ၄၂၃ ခု ရှိနေခဲ့သည်ဟု ဆိုသည်။MN

Sunday, 20 Mar 2011

ရေထွက်ကုန်တင်ပို့မှုက တစ်ရက်ဒေါ်လာ ၁ ဒသမ ၃ သန်းကျော်ရရှိနေ             ၂ဝ၁၁ ခုနှစ် မတ်လအတွင်း ရေထွက်ကုန်တင်ပို့မှုက တစ်ရက်ပျမ်းမျှဒေါ်လာ ၁ ဒသမ ၃ သန်းကျော် ရရှိနေကြောင်း ရေထွက်ကုန်ပစ္စည်းတင်ပို့သူများထံက သိရ သည်။             ''မတ်လ ၁ ရက်နေ့က ၆ ရက်နေ့အထိ ရေထွက်ကုန် တင်ပို့မှုက ဒေါ်လာ ၆ ဒသမ ၃၇ သန်းကျော်၊ မတ်လ ၇ ရက်က ၁၃ ရက်အထိ ရေထွက်ကုန်တင်ပို့မှုက ဒေါ်လာ ၁ဝ ဒသမ ၇၇ သန်းကျော် စုစုပေါင်း ၈ ဒသမ ၁၄၇ သန်းဆို တော့ တစ်ရက်ပျမ်းမျှဝင်ငွေက ဒေါ်လာ ၁ ဒသမ ၃ သန်း ကျော်ရှိနေပါတယ်။ နယ်စပ် ကုန်သွယ်ရေးစခန်းတွေဖြစ် တဲ့ မူဆယ်၊ ကော့သောင်း၊ စစ်တွေ၊ မြိတ်၊ မောင်တောတို့ကနေ နယ်စပ်ကုန်သွယ်မှုရော၊ ရေကြောင်းကုန်သွယ်မှုနဲ့ပါ ရေ ထွက်ကုန်တွေကို ပြည်ပတင်ပို့နေပါတယ်'' ဟု ရေထွက်ကုန် ပစ္စည်းများနှင့် ထုတ်လုပ်တင်ပို့သူများအသင်းက တာဝန်ရှိသူ တစ်ဦးက ပြောကြားသည်။           ၂ဝ၁ဝ ခုနှစ် မတ်လအတွင်း ရေထွက်ကုန်ပစ္စည်း တင်ပို့ရောင်းချမှုက ဒေါ်လာ ၅ဝ ဒသမ ဝဝ၈ သန်း ရရှိထား ခဲ့သည်ဟု ဆိုသည်။ MN

Sunday, 13 Mar 2011

 ရေငန်ပုစွန် စံနမူနာပြ မွေးရန် စစ်တွေ-မင်းချောင်းမှာ စီစဉ်နေ            ရန်ကုန်ဘက်မှ ရေချိုငါး၊ ငါးမြစ်ခြင်း၊ ငါးခေါင်းပွတို့ကို စစ်တွေမှတစ်ဆင့် ဘင်္ဂလားဒေ့ရှ်သို့ တင်ပို့နေပြီး စစ်တွေဒေသမှ ငါးစုံလေးခြောက်၊ ငါးနီတူခြောက်၊ ငါးကုန်းညိုခြောက်တို့ တင်ပို့လျက်ရှိပါတယ်။ ယခုအခါ ရေငန်ပုစွန်ကျား ပိုမိုတင်ပို့နိုင် လျက်ရှိပြီး ရေငန်ပုစွန်ထုတ်လုပ်သူများနဲ့ သက်ဆိုင်ရာဌာနများရဲ့ ပူးပေါင်းဆောင်ရွက်ခြင်းရဲ့ ရလဒ်တစ်ခုပဲဖြစ်တယ်လို့ သိရပါတယ်။            ဧရာဝတီဒေသမှာ ရောဂါကျတဲ့အတွက် ငါးများသေဆုံးခြင်း၊ ငါးစာဈေးကြီးတဲ့အတွက် ငါးမြစ်ချင်း တင်ပို့မှုလျော့ကျခဲ့ ရကြောင်း၊ ငါးသယံဇာတ ထိန်းသိမ်းရေးကို ဦးစားပေးဆောင်ရွက်နေတယ်လို့ သိရ ပါတယ်။ ကျောက်တော်မှာ ရေချိုငါးမြစ်ချင်း သားဖောက်ဆောင်ရွက်ရန် စီစဉ်နေပြီဖြစ်ကြောင်း၊ သဘာဝ ရေငန်ပုစွန်များကို မွေးမြူရာမှာ ရေသွင်းရေထုတ်ကိုသာ ဆောင် ရွက်ပြီး သားဖောက်လည်း ထပ်မထည့် နိုင်ခြင်း၊ အစာလည်း မကျွေးနိုင်ခြင်း၊ ကန်အရည်အသွေးလည်း မကောင်းခြင်းတို့ ကြောင့် မင်းချောင်းမှာ ဧက ၃ဝ ခန့် စံနမူနာပြမွေးပြသွားရန် စီစဉ်နေပြီး ဒေသခံများကုန်ကျမှုမများအောင်လည်း ဆောင်ရွက် ထားတယ်လို့ ရခိုင်ပြည်နယ်ငါးဦးစီးဌာနက သတင်းရရှိပါတယ်။ စစ်တွေမှ ရေထွက်ကုန်တင်ပို့မှုများမှာ ရေချိုငါး၊ ငါးစုံ လေးခြောက်၊ ငါးနီတူခြောက်၊ ငါးကုန်းညိုခြောက် တို့ဖြစ်ပါတယ်။ငါးခြောက်တင်ပို့မှုဟာ ဈေးကွက်ဝင်ရာသီဖြစ်လို့ ယခင်လ ကထက် ပိုမိုတင်နိုင်ချေရှိတယ်လို့ ခန့်မှန်းလျက်ရှိပါတယ်။၂ဝ၁ဝ-၂ဝ၁၁ ဘဏ္ဍာနှစ်မှာ စစ်တွေရေထွက် စစ်ဆေးရေးစခန်းမှ ပြည်ပတင်ပို့မှု အမေရိကန်ဒေါ်လာ ၁၉ ဒသမ ၃၅ သန်းလျာထားပြီး ယခုအချိန်ထိ ကန်ဒေါ်လာ ၈ သန်းခန့်သာ ဆောင်ရွက် ထားတယ်လို့ သိရပါတယ်။ ှSource:နသက (စစ်တွေ) MIRT(DOBT)

Sunday, 13 Mar 2011

ငါးရှဉ့်ကို နေ့စဉ်ကား ၄ စီးခန့် ပုံမှန်တင်ပို့မှု ရှိနေ                မြန်မာနိုင်ငံက ဖမ်းဆီးတင်ပို့လျက်ရှိသည့် ငါးရှဉ့်ကို ပြည်ပ နိုင်ငံများသို့ နေ့စဉ်ကား ၄ စီးခန့်ပုံမှန်တင်ပို့ လျက် ရှိနေကြောင်း ငါးရှဉ့်လုပ်ငန်းရှင်များ အသင်းက သိရသည်။                   ''၂ဝ၁၁ ခုနှစ်မတ်လထဲမှာ တစ်နေ့ကို ၈၅ တာ ပါ ကား ၄ စီးခန့် ပုံမှန်တင်ပို့ရောင်းချနေပါတယ်။ရရှိတဲ့  ဈေးနှုန်းက ၁ တန်ကို အနိမ့်ဆုံးရရှိတဲ့ဈေးက ဒေါ်လာ ၃၅ဝဝ ရှိနေပြီး အမြင့်ဆုံးရနေတဲ့ဈေးက ၁ တန် ကို ဒေါ်လာ ၄၂၉ဝ ပါ။အခုဆိုရင်တန်ပိုတွေ ပြန်ခွင့်ပြုပြီ ကြားတဲ့အတွက် အရင်လိုကား ၁ စီးကိုတာ ၁၅ဝ ပြန်ပို့လို့ရတော့မှာ ဖြစ်ပါ တယ်။ ဒီအတွက် အကျိုးသက်ရောက်မှုက ငါးရှဉ့် အဝယ် သမားတွေက ဖမ်းဆီးသူတွေကို ဈေးပိုပေးလာနိုင်တော့မှာ ဖြစ်ပါတယ်'' ဟု ယင်းအသင်းက တာဝန်ရှိသူတစ်ဦးက ပြော ကြားသည်။                     ငါးရှဉ့်များကို မူဆယ်နယ်စပ်ကုန်သွယ်ရေးစခန်းက ဒေါ်လာ ၂၁ ဒသမ ၄၄၉ သန်းဖိုးကိုလည်းကောင်း၊ မြဝတီ နယ်စပ်ကုန်သွယ်ရေးစခန်းက ဒေါ်လာ ဝ ဒသမ ဝ၃၇ သန်း ဖိုးကို လည်းကောင်း၊ လေကြောင်းလိုင်းက ဒေါ်လာ ဝ ဒသမ ဝ၆၆ သန်းဖိုးကိုလည်းကောင်း စုစုပေါင်း ဒေါ်လာ ၂၁ ဒသမ ၅၅၂ သန်းရရှိထားပြီး ဖြစ်သည်ဟု ဆိုသည်။ MN

Sunday, 13 Mar 2011

မြိတ်စခန်းမှ ရေထွက်ကုန်တင်ပို့မှု လျာထားချက်ကျော်              မြိတ်နယ်စခန်းရဲ့ ၂ဝ၁ဝ-၂ဝ၁၁ ဘဏ္ဍာနှစ်ဧပြီလမှ ဖေဖော်ဝါရီလအထိ ရေထွက်ကုန်တင်ပို့မှု လျာထားချက်မှာ ကန်ဒေါ်လာ ၇၅ သန်းကျော်ဖြစ်ပြီး ယခုအခါကန်ဒေါ်လာ ၈၅ သန်းကျော်ဆောင်ရွက်ထားပြီး ဖြစ်တဲ့အတွက် ဆောင်ရွက်နိုင်မှု ရာခိုင်နှုန်းမှာ ၁၁၂ ကျော်ဖြစ်ပါတယ်။လစဉ်ကုမ္ပဏီတစ်ခုချင်းစီအလိုက် တင်ပို့မှု အခြေအနေ၊ အအေးခန်းစက်ရုံများရဲ့ ကုန်ကြမ်းရရှိမှု၊ ကုန်ချောထွက်ရှိမှု၊ ကုန်ချောလက်ကျန်အခြေအနေများကို ဌာနဆိုင်ရာများရဲ့ ပူးပေါင်းဆောင်ရွက်ခြင်း၊ ကုမ္ပဏီလုပ်ငန်းရှင်များရဲ့ တရားဝင်လမ်းကြောင်းပေါ်မှ ကုန်သွယ်မှု ဆောင်ရွက်ခြင်းနဲ့ ပို့ကုန်သွင်းကုန်မှန်ကန် မြန်ဆန်ရေးကြီးကြပ်မှုကော်မတီတို့ရဲ့ စနစ်တကျစိစစ်ကြပ်မတ် ဆောင်ရွက်နိုင်တဲ့အတွက် ရေထွက်ပို့ကုန်များတိုးတက် တင်ပို့ နိုင်ခဲ့ခြင်းဖြစ်တယ်လို့ တနင်္သာရီတိုင်းဒေသကြီး ငါးလုပ်ငန်းဦးစီးဌာနမှ တာဝန်ရှိသူက ဖေဖော်ဝါရီလ ၂၄ ရက်နေ့က မြိတ်မြို့ပုလဲရတနာခန်းမမှာ ကျင်းပပြုလုပ်တဲ့ ဒေသဆိုင်ရာ ပို့ကုန်သွင်းကုန်ကုန်သွယ်မှုမြှင့်တင်ရေးအစည်းအဝေးမှာ ပြောကြား ခဲ့ပါတယ်။                       Source: နသက၊ MIRT (DOBT)

Sunday, 13 Mar 2011

ရေချိုငါးတင်ပို့မှုက ဒေါ်လာသန်း ၁ဝဝ ကျော်ရရှိပြီ               မြန်မာနိုင်ငံက မွေးမြူထုတ်လုပ်လျက်ရှိသည့် ရေချိုငါး များကို ပြည်ပနိုင်ငံများသို့ တင်ပို့ရောင်းချလျက် ရှိရာ မတ်လ ၃ ရက်နေ့အထိ ဒေါ်လာ ၁ဝဝ ဒသမ ၂၄၇ သန်းရရှိ ထားပြီးဖြစ်ကြောင်း ရေချိုငါးမွေးမြူသူများအသင်း ကသိရသည်။ ''၂ဝ၁ဝ-၂ဝ၁၁ ခုနှစ်ဘဏ္ဍာနှစ်မှာ ရေချိုငါးတင်ပို့မှုက နေ ဒေါ်လာ ၁၂၅ သန်းရရှိဖို့ မွေးမြူရေးနှင့် ရေလုပ်ငန်း ဝန်ကြီးဌာနက လျာထားသတ်မှတ်ခဲ့ပါတယ်၊ အခုဒေါ်လာ သန်း ၁ဝဝ ကျော်ရရှိထားပါပြီ၊ရေချိုငါးကို စစ်တွေနယ်စပ် ကုန်သွယ်ရေးစခန်းကနေ တင်ပို့တာ ဒေါ်လာ ၆ ဒသမ ၇၅၅ သန်းနဲ့ ပုံမှန်ကုန်သွယ်ရေးကနေ တင်ပို့တာဒေါ်လာ ၉၃ ဒသမ ၄၉၂ သန်းဖိုး စုစုပေါင်း ဒေါ်လာသန်း ၁ဝဝ ဒသမ ၂၄၇ သန်းဖိုးရရှိထားပြီးဖြစ်ပါ တယ်''ဟု ယင်း အသင်းမှ တာဝန်ရှိသူတစ်ဦးဖြစ်သော ဦးဝင်းကြိုင်က ပြောသည်။               ငါးမြစ်ချင်းရောင်းဝယ်မှုတွင် 2 up အရွယ်နှင့်အထက် ငါးများကို ဘင်္ဂလားဒေ့နှင့် ဆော်ဟာရေဗျနိုင်ငံများသို့ တင်ပို့ရောင်းချလျက် ရှိနေသလို 2 up အောက်ငါးများမှာ ဈေးနှုန်းအရနည်းသော်လည်း ပြည်တွင်းဈေးကွက်တွင် ခပ်သွက်သွက်အဝယ်ရှိနေသည်ဟု ဆိုသည်။ MN

Sunday, 6 Mar 2011

ရေထွက်ကုန်တင်ပို့မှုက ဒေါ်လာ ၅ဝ၆ သန်းကျော် ရရှိထားပြီးဖြစ်                  ရေထွက်ကုန်တင်ပို့မှုက ဒေါ်လာ ၅ဝ၆ သန်းကျော်ရရှိထားပြီးဖြစ်ကြောင်းငါးလုပ်ငန်းဦးစီးဌာနက သိရသည်။ '' မြန်မာနိုင်ငံကနေ ရေထွက်ကုန်တွေတင်ပို့တဲ့အခါ ပြည်ပဝင်ငွေ ဘယ်လောက်ရရှိအောင်လုပ်ဆောင် ရမယ်ဆိုတာကို မွေးမြူရေးနှင့်ရေလုပ်ငန်းဝန်ကြီးဌာနကနေ လျာထားသတ်မှတ်ပေးပါတယ်။ ၂ဝ၁ဝ-၂ဝ၁၁ ခုနှစ်အတွက် ရေထွက်ကုန် တင်ပို့မှုကနေ ဒေါ်လာ သန်း ၇ဝဝ ရရှိအောင်ဆောင်ရွက်လုပ်ကိုင်ကြဖို့လျာထားခဲ့ ပါတယ်။ ဘဏ္ဍာနှစ် ကုန်ခါနီး တစ်လကျော်အလိုခန့်မှာ ရရှိထားတဲ့ငွေဟာ ဒေါ်လာ ၅ဝ၆ သန်းကျော်ဖြစ်ပါတယ်။ အဲဒီငွေဟာ ဖေဖော်ဝါရီ ၂၇ ရက်နေ့အထိရရှိတဲ့ဝင်ငွေပါ '' ဟု ငါးလုပ်ငန်းဦးစီးဌာနက တာဝန်ရှိသူတစ်ဦးက ပြောကြားသည်။                      အဆိုပါဝင်ငွေများမှာ ပင်လယ်ရေကြောင်းကုန်သွယ်မှုက ဒေါ်လာ ၃၁၂ ဒသမ ၇၅ သန်းကိုလည်းကောင်း၊ နယ်စပ် ကုန်သွယ်ရေးစခန်းများဖြစ်သော မူဆယ်၊ မြဝတီ၊ ကော့သောင်း၊ စစ်တွေ၊ မြိတ်၊ မောင်တောနှင့် တမူး စသည့် စခန်းများက ဒေါ်လာ ၁၉၃ သန်းကျော်ဖိုးကို လည်းကောင်း ဆောင်ရွက်ထားခဲ့ခြင်း ဖြစ်သည်ဟု ဆိုသည်။ MN

Sunday, 6 Mar 2011

တားမြစ်ကာလအတွင်း ကကတစ်ငါးများ ဖမ်းဆီးပါက အရေးယူမည်              သဘာဝရေပြင်အတွင်းရှိ ကကတစ်ငါးများကို ထိန်းသိမ်း ရန်အတွက် တားမြစ်ကာလများသတ်မှတ်ထားရာ ယင်း ကာလအတွင်း တားမြစ်ငါးများကိုဖမ်းဆီးပါက ငါးလုပ်ငန်း ဥပဒေအရ အရေးယူခံရမည်ဖြစ်ကြောင်းငါး လုပ်ငန်းဦးစီး ဌာနက သိရသည်။               '' သဘာဝရေပြင်ထဲက ကကတစ်ငါးတွေကို ငါးမျိုး စိတ်တွေ ထိန်းသိမ်းဖို့အတွက် သားဖောက်ချိန်တွေက ဖမ်းဆီးခြင်းမပြုနိုင်ဖို့ပိတ်ပင်ထားပေးထားပါတယ်။ ကကတစ် ငါးတွေဆိုရင် ဇန်နဝါရီ ၁ ရက်က မတ်လ၃၁ ရက်အထိ ဖမ်းဆီးခွင့် (၃)လပိတ်ထားပါတယ်။ တားမြစ်ကာလအတွင်း တားမြစ်ငါးတွေကို ဖမ်းဆီးပါက ငါးလုပ်ငန်းဦးစီး ဌာနက ငါးလုပ်ငန်းဥပဒေအရအရေးယူမှာပါ ''ဟု ယင်းဌာနက တာဝန်ရှိသူတစ်ဦးက ပြောပြသည်။                ရာသီဥတုပြောင်းလဲမှု၊ အလွန်အကံျွဖမ်းဆီးမှုနှင့် သဘာဝ ပတ်ဝန်းကျင် ပျက်စီးမှုများ များပြားလာမှုကြောင့် ငါးသယံဇာတများဖမ်းဆီးရရှိမှုလျော့ကျလျက်ရှိရာ သဘာဝ ရေပြင် များတွင် ငါးသယံဇာတများကို ထိန်းသိမ်းရန် လိုအပ်လာပြီဖြစ်သည်။ အဆိုပါရေထွက်ပစ္စည်း သယံဇာတ များပြုန်းတီးခြင်းက ကာကွယ်နိုင်ရန်အတွက် တားမြစ် ကာလများ သတ်မှတ်ခြင်း၊ ငါးမဖမ်းရနယ်မြေများသတ်မှတ် ခြင်းနှင့် ငါးမျိုးစိတ်များစိုက်ထည့်ပေးခြင်း များကို ဆောင်ရွက် လျက်ရှိသည်ဟု ဆိုသည်။ ခင်မျိုးသွယ်

Pages