မွန်ပြည်နယ်အတွင်းရှိ   နေလှန်းဆားဈေးကွက်ပေါက် ဈေးမှာ ပြီးခဲ့ သည့် ၂၀၂၂ ခုနှစ် ကာလတူထက် ဈေးနှစ်ဆ ကျော်ရရှိနေကြောင်း   ဆားလုပ်ငန်း  လုပ်ကိုင်သူများထံမှ သိရသည်။
ဒေသဆားဈေးကွက်သည်  ပြီးခဲ့သည့် ၂၀၂၂ ခုနှစ် ဇန်နဝါရီလကုန်ပိုင်းက ဆားအသစ် တစ်ပိဿာလျှင် ကျပ် ၈၀ ဝန်းကျင်ရရှိခဲ့ပြီး  ယခု ၂၀၂၃ ခုနှစ်တွင်  ဇန်နဝါရီလကုန် ပိုင်းအထိ ဆားအသစ်  တစ်ပိဿာ ၁၈၀ ကျပ် ဝန်းကျင်ပေါက် ဈေးရရှိနေခြင်းဖြစ်သည်။
"ဒီထက်  ဈေးပိုရလာရင်တော့ အဆင်ပြေလာမယ်။ ဒါပေမဲ့ ဆားထွက်တဲ့ မတ်လနဲ့ဧပြီလတွေမှာ မိုးမမိဖို့လည်း လိုတယ်"ဟု  မွန်ပြည်နယ် ရေးမြို့နယ်အတွင်းမှ ဆား လုပ်ငန်းလုပ်ကိုင်သူတစ်ဦးက ပြောသည်။

တနင်္သာရီတိုင်းဒေသကြီးသည်  ရော်ဘာနှင့်  ကွမ်းသီး တို့ကို အဓိကထား စိုက်ပျိုးလျက်ရှိသည့် တိုင်းဒေသကြီးဖြစ် သည်။ ရော်ဘာစိုက်ပျိုးသည့်ဧရိယာမှာ    ၃၄၉၁၂၁ ဧက၊ အစေးလှီး ဧရိယာမှာ  ၁၉၃၂၇၅ ဧက၊ အထွက်နှုန်းမှာ  ၄၉၉ ဒသမ ၉၉ ပေါင်ရှိပြီး တစ်နှစ်စာ  ပျမ်းမျှအထွက်တန်မှာ ၄၃၈၃၄ မက်ထရစ်တန်ရှိကြောင်း သိရှိရသည်။
မှိုင်းခံရော်ဘာတွင် RSS-1၊ RSS-2 ၊ RSS-3၊RSS-4၊ RSS-5ဟူ၍အဆင့်သတ်မှတ်ချက် ငါးမျိုးရှိသည်။ယခုလက်ရှိ တနင်္သာရီတိုင်းဒေသကြီးအတွင်းတွင်   RSS-3  နှင့် RSS-5  နှစ်မျိုးသာ အဓိကအရောင်းအဝယ်ဖြစ်လျက်ရှိသည်။ 

၂၀၂၂ ခုနှစ်  ဒီဇင်ဘာလ စတုတ္ထပတ်အတွင်း လွိုင်ကော်မြို့နယ် အခြေခံစားကုန်များဖြစ်သော ရွှေဘိုပေါ်ဆန်း တစ်ပြည် ၄၃၀ဝ ကျပ်၊ ရွှေရင်အေး တစ်ပြည် ၂၉၅၀ ကျပ်၊ ဇီယာတစ်ပြည် ၂၀ဝ၀ ကျပ်ဖြင့်လည်းကောင်း၊ စားသုံးဆီအနေဖြင့် စားအုန်းဆီ တစ်ပိဿာလျှင် ၅၈၀ဝ ကျပ်၊ မြေပဲဆီ တစ်ပိဿာလျှင် ၁၂၀ဝ၀ ကျပ်၊ နှမ်းဆီ တစ်ပိဿာလျှင် ၁၃၀ဝ၀ ကျပ်တို့ဖြင့် လည်းကောင်း၊ စားဖိုဆောင်သီးနှံအနေဖြင့် ကြက်သွန်နီလက်လီတစ်ပိဿာလျှင် ၄၀ဝ၀ ကျပ်မှ ၄၅၀ဝ ကျပ်အထိ ဖြစ်သည်။