Main menu

Background

Wednesday, 18 Dec 2013

ဒီတစ်ပတ် ပြည်ဈေးကွက်ကို အောင်ပန်းချင်းများ အဝင်များလာပြီး၊ တစ်ပတ် ကို ပိဿာ ၃၀ ဝင်အိတ် ၃၅၀ ခန့် အဝင်ရှိနေတယ်လို့ သိရပါတယ်။ အဝင်များပေမဲ့ အရောင်းအဝယ်မှာ အေးနေပြီး၊ ယခင်တစ်နေ့ကို အိတ် ၅၀ ခန့်ရှိပြီး၊ ယခု ၁၅ အိတ်ခန့်သာရောင်းဝယ်မှုဖြစ်တယ်လို့ သိရပါတယ်။ ပြည်ပွဲရုံများမှတစ်ဆင့်ဧရာဝတီ တိုင်းဒေသကြီး၊ ရခိုင်ပြည်နယ်ဘက်ကိုလည်း စားသုံးမှုအဖြစ် ယခုတစ်ပတ်အတွင်း ပိဿာချိန် ၂၀၀ ခန့် တင်ပို့လျက် ရှိသဖြင့် ဈေးနှုန်းအားဖြင့်လည်း ယခင်အပတ် အတိုင်း အပြောင်းအလဲမရှိဘဲ၊ ချင်း(ရှယ်)တစ်ပိဿာ ၁၂၀၀ ကျပ်၊ (ဂျွန်) ၁၀၅၀ ကျပ်တို့နဲ့ ရောင်းဝယ်လျက်ရှိပါတယ်။                  ဝင်းဝင်းခိုင် - ပြည်

Wednesday, 18 Dec 2013

မူဆယ်ဈေးကွက်မှာ ဒီတစ်ပတ်ပြောင်းအဝင်က တစ်ပတ်အ တွင်း တန် ၂၃၈၀၀ ခန့်ဝင်ရောက်ခဲ့လို့ အဝင်ပုံမှန်ရှိတယ်လို့ဆိုရမှာ ပါ။ တရုတ်ကလည်း ဝင်လာတဲ့ ပြောင်းသီးနှံကို အရည်အသွေး အပေါ်မူတည်ပြီး ဈေးပေးအဝယ်ရှိနေပေမယ့် ယခင်အပတ်နဲ့စာရင် အမြင့်ဈေးမှာဘဲ တန့်နေတယ်လို့ ဆိုပါတယ်။ အရောင်းအဝယ်အနေ နဲ့ ၅၀ကီလိုဝင်တစ်အိတ်ကို ၉၀ယွမ်မှ ၉၄ယွမ်ကြားနဲ့အရောင်းအဝယ် ဖြစ်မှုများခဲ့ကြောင်း ဈေးကွက်အတွင်းမှ သိရပါတယ်။

Wednesday, 18 Dec 2013

တောင်ကြီးဈေးကွက်မှာ ဒီတစ်ပတ်ပြောင်းအနေနဲ့ နယ်စုံမှ ဝင် ရောက်မှုများလာသလို ရန်ကုန်-မန္တလေးဝယ်လက်နဲ့ အစာစပ်လုပ် ငန်းရှင်များကလည်း အဝယ်သွက်လို့ အရောင်းအဝယ်ဖြစ်မှုပမာဏ များပြားလာကြောင်း သိရပါတယ်။ အရောင်းအဝယ်အနေနဲ့ တစ်ပိ ဿာ ၃၅၀ ကျပ်ဈေးနဲ့ တစ်ပတ်အတွင်း ပိဿာချိန် ၅ သိန်းခန့်အ ရောင်းအဝယ်ဖြစ်ခဲ့ကြောင်း ဒေသခံပြောင်းကုန်သည်တစ်ဦးကဆို ပါတယ်။ ဒေသထွက်ပန်းနှမ်း(ဟောင်း) က တစ်ပိဿာကို ၁၁၀၀ ကျပ်ဖြင့် ဈေးဖွင့်အရောင်းရှိနေပေမယ့် ဝယ်လက်တွေ အဝယ်အေး နေကြောင်း ပန်းနှမ်း(အသစ်) ကလည်း ဒီဇင်ဘာနောက်ဆုံးပတ် လောက်မှာ စထွက်မှာမို့ တချို့ဝယ်လက်တွေက ပန်းနှမ်း(အသစ်) တွေကိုသာ စောင့်ပြီစ ဝယ်ယူမယ့်အနေအထားကို တွေ့ရကြောင်း ဒေသခံကုန်သည်တစ်ဦးက ဆိုပါတယ်။

Wednesday, 18 Dec 2013

ဟင်္သာတဈေးကွက်မှာ ဒီတစ်ပတ်မတ်ပဲကို အဓိကဝယ်ယူနေ တဲ့ ရန်ကုန်ဝယ်လက်က ဝယ်အားပုံမှန်ရှိပေမယ့် ရောင်းသူကုန်သည် လက်ဝယ်မှာတော့ ပစ္စည်းလက်ကျန်နည်းနေကြောင်း ဈေးကွက်အ တွင်းမှသိရပါတယ်။ ပဲသစ်မပေါ်မီ လက်ကျန်ပဲများ ဒီအတိုင်းရန်ကုန် အဆွဲဆက်ရှိနေပါက ပစ္စည်းပြတ်သွားနိုင်ကြောင်း မြို့ခံပဲကုန်သည် တစ်ဦးက ဆိုပါတယ်။ အရောင်းအဝယ်အနေနဲ့ တစ်ပိဿာ ၉၂၀ ကျပ်(တစ်တန်ကို ၅၆၃၃၉၈ ကျပ်)ဈေးနဲ့ တစ်ရက်ကို အိတ် ၅၀၀ မှ ၇၀၀ ကြားအရောင်းအဝယ်ဖြစ်ခဲ့ကြောင်း သိရပါတယ်။

Wednesday, 18 Dec 2013

အောင်လံဈေးကွက်မှာ ဒီတစ်ပတ်ပဲတီစိမ်းက ဈေးကွက်သို့  အဝင်ပုံမှန်ရှိသလို ရန်ကုန်-မန္တလေးဝယ်လက်ကလည်း အရည်အ သွေးအလိုက်ဈေးပေးအဝယ်ရှိနေတယ်လို့ ဆိုပါတယ်။ အရောင်းအ ဝယ်အနေနဲ့ တစ်ပိဿာ ၁၆၀၀ ကျပ်(တစ်တန်ကို ၉၇၉၈၂၄ ကျပ်) ဈေးနဲ့ တစ်ရက်ကိုအိတ် ၄၀၀ ခန့်ဖြစ်ခဲ့ကြောင်း သိရပါတယ်။ သိပ္ပံ နှမ်းအနေနဲ့ ရန်ကုန်ဝယ်လက်က ဝယ်အားပုံမှန်ရှိသလို ရောင်းသူ ကုန်သည်များကလည်း အဆိုပါဈေးနဲ့ အရောင်းပုံမှန်ရှိခဲ့တယ်လို့ သိ ရပါတယ်။ အရောင်းအဝယ်အနေနဲ့ တစ်ပိဿာ ၃၈၉၀ ကျပ်ဈေးနဲ့ တစ်ရက်ကိုအိတ် ၃၀၀ မှ ၅၀၀ ကြားဖြစ်ခဲ့ကြောင်း သိရပါတယ်။

Wednesday, 18 Dec 2013

မန္တလေးဈေးကွက်မှာ ဒီတစ်ပတ်ပဲလွန်းဖြူ(သစ်)တွေ ဈေးကွက် ထဲစတင်ဝင်ရောက်လာပြီး တစ်ပိဿာကို ၉၃၃ ကျပ်(တစ်တန်ကို ၅၇၁၃၅၉ ကျပ်)ဈေးနဲ့ ဈေးဖွင့်အရောင်းရှိသလို တရုတ်ဝယ်လက် ကလည်း အရည်အသွေးအပေါ်မူတည်ပြီး ဝယ်အားပုံမှန်ရှိခဲ့ကြောင်း သိရပါတယ်။ ပဲယင်း(အောက်စ)ကလည်း နယ်စုံမှ ဈေးကွက်သို့ စတင်ဝင်ရောက်လာပြီး တစ်ပိဿာကို ၁၀၃၃ ကျပ်(တစ်တန်ကို ၆၃၂၅၉၈ ကျပ်)ဈေးဖြင့် ဈေးဖွင့်အရောင်းရှိပေမယ့် အဝင်ကတော့ မများသေးကြောင်း၊ ဒါပေမယ့် အဝင်ရှိသလောက်တော့ တရုတ်အ ဆွဲရှိခဲ့ကြောင်း ဈေးကွက်အတွင်းမှသိရပါတယ်။

Wednesday, 18 Dec 2013

ဘုရင့်နောင်ဈေးကွက်မှာ ဒီတစ်ပတ်မတ်ပဲ (RC) ကို အိန္ဒိယဝယ် လက်က နေ့စဉ်ပုံမှန်အဝယ်ရှိနေပေမယ့် ဈေးကတော့ တက်ရိပ်သိပ် မရှိသေးဘူး။ ကုန်သည်လက်ဝယ်မှာ မတ်ပဲလက်ကျန်အနေနဲ့ တန် ချိန် ၉ သောင်းဝန်းကျင်ခန့်သာရှိပြီး ဈေးကွက်မျှော်လင့်ချက်နဲ့ အ ရောင်းအနည်းငယ်လျော့နေတယ်လို့ ဈေးကွက်အတွင်းမှ သိရပါ တယ်။

Monday, 9 Dec 2013

ရှမ်းပြည်နယ်တောင်ပိုင်းရှိ ဒေသအလိုက်ထွက်ရှိတဲ့ပြောင်းများမှာ ဈေးကွက် အတွင်းပုံမှန်အရောင်းအဝယ်ဖြစ်လျက် ရှိပါတယ်။ ပြီးခဲ့တဲ့ နိုဝင်ဘာလအတွင်း  တောင်ကြီးမှာပိဿာချိန် ၂၀ သိန်းခန့်၊ ရပ်စောက်မှာ ပိဿာချိန် ၂၇ သိန်း၊ နမ့်စန်မှာ ပိဿာချိန် ၁၀ သိန်းခန့်၊ လဲချားမှာပိဿာချိန် သုညဒသမ ၇၈ သိန်း၊ လားရှိုးမှာ ပိဿာချိန် သိန်း ၂၀ ကျော်ခန့် အရောင်းအဝယ်ဖြစ်ခဲ့ပါတယ်။

Monday, 9 Dec 2013

ဟင်္သာတဈေးကွက်မှာ မတ်ပဲအနေနဲ့ လှောင်လက်ကုန်သည် တွေထံမှာ ပစ္စည်းလက်ကျန်နည်းနေပေမယ့် ရန်ကုန်ဝယ်လက်က တော့ အိန္ဒိယဈေးကွက်ရဲ့ ဝယ်လိုအားအခြေအနေကိုကြည့်ပြီး တွက် ချက်ဝယ်ယူမှုတွေရှိခဲ့ကြောင်း သိရပါတယ်။ အရောင်းအဝယ်အနေ နဲ့ တစ်ပိဿာ ၉၄၀ ကျပ်(တစ်တန်ကို ၅၇၅၆၄၆ ကျပ်)ဈေးနဲ့ တစ် ရက်ကို အိတ် ၆၀၀ ခန့်ဖြစ်ခဲ့ကြောင်း သိရပါတယ်။

Monday, 9 Dec 2013

ပြည်ဈေးကွက်မှာ ဒီတစ်ပတ်ပဲတီစိမ်းက နယ်စုံမှ ဝင်ရောက်မှု အနေနဲ့ တစ်ရက်ကိုအိတ် ၅၀၀ ခန့်အဝင်ရှိသလို မန္တလေးဝယ်လက် ကလည်း အရည်အသွေးအပေါ်မူတည်ပြီး ဈေးပေးအဝယ်ရှိတာ ကြောင့် ယခင်အပတ်နဲ့စာရင် ဈေးမြင့်လာပြီး တစ်ပိဿာကို ၁၅၅၀ ကျပ်(တစ်တန်ကို ၉၄၉၂၀၄ ကျပ်)ဈေးနဲ့ တစ်ရက်ကိုအိတ် ၃၀၀ မှ ၅၀၀ ကြား အရောင်းအဝယ်ဖြစ်ခဲ့ကြောင်း သိရပါတယ်။ မတ်ပဲ အနေနဲ့ ပစ္စည်းအဝင်ပါးလာပြီး လက်ကျန်ပဲများကိုသာ ရန်ကုန်ဝယ် လက်ဝယ်အားပုံမှန်ရှိပေမယ့် ယခင်အပတ်နဲ့စာရင် ဈေးအနည်းငယ် ကျလာကာ တစ်ပိဿာ ၉၂၅ ကျပ် (တစ်တန်ကို ၅၆၆၄၆၀ ကျပ်) ဈေးနဲ့ တစ်ရက်ကို အိတ် ၄၀၀ ခန့်အရောင်းအဝယ်ဖြစ်ခဲ့ကြောင်း သိရပါတယ်။

Pages