Main menu

Background

Monday, 8 Apr 2013

စီးပွားရေးနှင့် ကူးသန်းရောင်းဝယ်ရေးဝန်ကြီး ဌာန ကုန်သွယ်မှုမြှင့်တင်ရေးဦးစီးဌာနနှင့် မြန်မာ နိုင်ငံ ဆန်စပါး အသင်းချုပ်တို့ပူးပေါင်း၍ တောင် သူအထောက်အကူပြု ဆန်စပါး စိုက်ပျိုးရေးနှင့် ကိုင်တွယ်ထိန်းသိမ်းမှု နည်းပညာ  သင်တန်းဖွင့်ပွဲ အခမ်းအနားကို ရိတ်သိမ်းချိန်လွန်နည်းပညာပေး ရေးဌာန(၁) လှည်းကူးမြို့နယ်၊ ရန်ကုန်တိုင်းဒေသ ကြီး သင်တန်းခန်းမမှာ မတ် ၂၁ ရက် နံနက် ၈ နာရီခွဲတွင် ကျင်းပခဲ့ပါသည်။

အဆိုပါ အခမ်းအနားသို့ စီးပွားရေးနှင့် ကူး သန်းရောင်းဝယ်ရေးဝန်ကြီးဌာန၊ ကုန်သွယ်မှုမြှင့် တင်ရေးဦးစီး ဌာန၊ ညွှန်ကြားရေးမှူးချုပ် ဦးအောင် မင်း၊ ဒုတိယညွှန်ကြားရေးမှူးချုပ်များ၊ ညွှန်ကြား ရေးမှူုးများနှင့် မြန်မာနိုင်ငံ ဆန်စပါးအသင်းချုပ်မှ တာဝန်ရှိသူများ၊ သင်တန်းသား၊ သင်တန်းသူများ တက်ရောက်ခဲ့ကြပါသည်။ စီးပွားရေးနှင့် ကူးသန်း ရောင်းဝယ်ရေးဝန်ကြီးဌာန၊  ကုန်သွယ်မှုမြှင့်တင် ရေးဦးစီးဌာန ညွှန်ကြားရေးမှူးချုပ် ဦးအောင်မင်းမှ သင်တန်းဖွင့် အမှာစကားပြောကြားရာတွင် ယခု သင်တန်းဖွင့်လှစ်ရခြင်းမှာ တောင်သူလယ်သမား ကြီးများအေ နဖြင့် စပါးရိတ်သိမ်းပြီးနောက်ပိုင်း ကိုင်တွယ်ထိန်းသိမ်းမှုနှင့်  သိုလှောင်ရေးဆိုင်ရာ ကျင့်စဉ်ကောင်း များကို လိုက်နာဆောင်ရွက်သွား ခြင်းအားဖြင့် ရိတ်သိမ်းပြီးစပါးများကို လိုက်နာ ကြိတ်ခွဲထုတ် လုပ်နိုင်ရေးအတွက် အထောက်အကူ ပြုစေရန် ပြည်ပဈေးကွက်မှာ မိမိနိုင်ငံရဲ့ ဆန်များ ဈေးကောင်းရရှိစေ ရန်နှင့် တောင်သူလယ် သမား များ ဝင်ငွေတိုးတက်မြင့်မားစေရန်အတွက် ဒီသင် တန်းကို ဖွင့်လှစ်ပေးရခြင်းဖြစ်ကြောင်း။ဆန်စပါးကဏ္ဍ  ဖွံ့ဖြိုးတိုးတက်ရေးအတွက် စိုက်ပျိုးထုတ်လုပ်ခြင်း၊ သိုလှောင်ထိန်းသိမ်းခြင်း၊ ကြိတ်ခွဲပြုပြ င်ခြင်း၊ ပြည်တွင်း ပြည်ပသို့ တင်ပို့ ရောင်းချခြင်းစတဲ့(Supply Chain Mechanism) တစ်ခုလုံး ဟန်ချက်ညီ တိုးတက်ခေတ်မီအောင် ဆောင်ရွက်ရမှာဖြစ်ကြောင်း၊ ဆန်စပါး (Supply Chain) တစ်လျှောက်လုံးမှာ ဆန်ရဲ့အရည်အသွေး ကို ကျဆင်းသွားစေနိုင်တဲ့ ရာသီဥတုပိုးမွှား၊ ကြက်၊ ငှက်၊ မှိုရောဂါများ ရှိနေတာကို သတိပြုရမည့် အပြင် ကြိတ်ခွဲရေးပိုင်းဆိုင်ရာ ဆန်စက်များမှာ လည်း စပါးမှဆန်ဖြစ်တဲ့အထိကြိတ်ခွဲပေးရတဲ့ စက် ကိရိယာများရဲ့ စွမ်းဆောင်နိုင်မှု (Efficiency) လည်းမြင့်မားနေဖို့ လိုအပ်မှာဖြစ်ကြောင်း၊ မြန်မာ့ ဆန်စက်လုပ်ငန်းဟာ ယခုအချိန်မှာ တိုးတက်တဲ့ အနေအထားကို ရောက်ရှိနေပြီဖြစ်လို့ ပုဂ္ဂလိက အပိုင်းကလည်း  အရည်အသွေးမြှင့် ဆန်စက် အသစ်များကို နိုင်ငံခြားမှ ရယူတပ်ဆင်အသုံး ပြုနေကြပြီဖြစ်ကြောင်း၊ ဒါကြောင့် အရည်အသွေး မြှင့်တန်းမြှင့်ဆန်များကို ပြည်ပသို့ ပိုမိုတင်ပို့လာ နိုင်တော့မှာဖြစ်ကြောင်း။ယခုအခါ ဆန်စပါး အထူးပြုကုမ္ပဏီများ ဖွဲ့ စည်းပြီး တောင်သူများကို မျိုးစပါး စိုက်စရိတ်၊ သွင်းအားစုများ ပံ့ပိုးပေးနေရုံမက တောင်သူတွေ နဲ့ ရာသီချိန်တစ်လျှောက်လုံး ထိတွေ့ဆက်ဆံပြီး စိုက်ပျိုးရေးပညာပေးလုပ်ငန်း များကို ဆောင်ရွက် ပေးလျက်ရှိတာကို တွေ့ရမှာဖြစ်ကြောင်း၊ ဆန်စပါး အပါအဝင် ပဲမျိုးစုံ၊ ပြောင်း၊ ဆီထွက်သီးနှံများနဲ့ လယ်ယာထွက်  သီးနှံများအပေါ်မှာ ယခင်က ကောက်ခံခဲ့တဲ့ ကုန်သွယ်လုပ်ငန်းခွန် ၈ ရာခိုင်နှုန်း ကို ကောက်ခံခြင်း မပြုတော့ပဲ ဖြေလျှော့ပေးခဲ့ပြီး ဖြစ်ကြောင်း၊ ဒါ့အပြင် ဓာတ်မြေသြဇာ၊ ပိုးသတ် ဆေးနဲ့ လယ်ယာသုံးစက်ကိရိယာများ၊ စက်ပစ္စည်း များကို ပြင်ပမှ တင်သွင်းခြင်းနှင့် ပြည်တွင်းမှ ထုတ် လုပ်ခြင်းအပေါ် ကျသင့်တဲ့ ကုန်သွယ်လုပ်ငန်းခွန် ကိုလည်း  ကင်းလွတ်ခွင့်ပြုထားပြီဖြစ်ကြောင်း၊ အခုလို ဖြေေ လျှာ့ပေးရခြင်းတွေဟာ မြန်မာနိုင်ငံ လူဦးရေရဲ့ ၇၀ ရာခိုင်နှုန်းခန့်ေ သာ ကျေးလက်နေ တောင်သူလယ်သမားများ၊  လယ်ယာလုပ်သား များ မိသားစုဝင်များရဲ့ အကျိုးစီးပွားမျာဖြစ်ထွန်းစေ ရေးအပေါ် အဓိကထားရည် ရွယ်ပြီး ဆောင်ရွက် ပေးခဲ့တာဖြစ်ကြောင်း။ဆန် ပြည်ပတင်ပို့မှုနဲ့ ပတ်သက်ရင်လည်း ယခင်က အကန့်အသတ်နဲ့သာ တင်ပို့ခွင့်ပြုခဲ့ ပေမယ့် ယခုအခါမှာပင်လယ်ရေကြောင်း၊ နယ်စပ် ကုန်သွယ်ရေးလမ်းကြောင်းတွေကပါ လွတ်လပ်စွာ တင်ပို့ခွင့်ပြုပေး ထားပြီးဖြစ်ကြောင်း၊  ဒါကြောင့် ၂၀-၁၀-၁၁ ဘဏ္ဍာနှစ်မှာ ဆန်နှင့်  ဆန်ထွက် ပစ္စည်း တန်ချိန် ၅ ဒသမ ၃၇ သိန်း၊ ၂၀၁၁-၁၂ ဘဏ္ဍာ နှစ်မှာ တန်ချိန် ၃ ဒသမ ၀၇ သိန်းပိုမိုပြီး တန်ချိန်စုစုပေါင်း ၈ဒသမ ၄၄ သိန်း တင်ပို့နိုင်ခဲ့ ရာကနေ ယခုနှစ်ဘဏ္ဍာရေးနှစ်မှာ ၁၅.၃.၂၀၁၃ ရက်အထိ ဆန်နှင့်ဆန်ကွဲတန်ချိန် ၁၄ ဒသမ ၂၇ သိန်းအထိ ယခင်နှစ်ကထက်တန်ချိန် ၅ဒသမ ၈၃ သိန်း ပိုမိုတင်ပို့ထားနိုင်ခဲ့ပြီဆိုတာ တွေ့ရမှာဖြစ် ကြောင်း၊ သင်တန်းမှာ ဆိုရင်လယ်ယာထွက်ကုန် သီးနှံများ၊ ဈေးကွက်တိုးမြှင့်  ကုန်သွယ်နိုင်ရေး အတွက် အခြေခံလိုအပ်ချက်ဖြစ်တဲ့ မျိုးကောင်း၊ မျိုးသန့် ရရှိအသုံးပြုရေး၊ မျိုးကောင်းရရှိနိုင်မည့် နည်းစနစ်များ၊ အသုံးပြုရမည့် သွင်းအားစုများ စနစ်တကျအသုံးပြုရေး၊ ရိတ်သိမ်းရမည့် ကာလ အတွင်း တိကျစွာလိုက်နာ ရိတ်သိမ်းရေး၊ စနစ် တကျသိုလှောင်ရေး၊ ခေတ်မီဆန်စက်များဖြင့် ကြိတ်ခွဲထုတ်လုပ်၊  ထုပ်ပိုးရေးနှင့် ဈေးကွက်နှင့် ဈေးနှုန်းများ  မှန်ကန်စွာ ရရှိရေးများအတွက် အထောက်အကူပြုစေရန် စနစ်တကျ လေ့လာ သင်ယူသွားကြ မှာဖြစ်ကြောင်း ပြောကြားပါသည်။သင်တန်းတွင်နည်းပြများအဖြစ် လယ်ယာစိုက် ပျိုးရေးနှင့် ဆည်မြောင်းဝန်ကြီးဌာနမှ ကျွမ်းကျင် ပညာရှင်များ၊ စီးပွားရေးနှင့်ကူးသန်းရောင်းဝယ်ရေး ဝန်ကြီးဌာနမှ အတတ်ပညာရှင်များ၊ ပြင်ပမှစိုက် ပျိုးရေးပညာရှင်များမှ သင်ကြားပို့ချပေးသွားမည် ဖြစ်ပါသည်။အဆိုပါသင်တန်းသို့ မြန်မာနိုင်ငံ တိုင်းဒေ သကြီးနှင့် ပြည်နယ်များမှ တောင်သူလယ်သမား ကြီးများ၊ မြန်မာနိုင်ငံ ဆန်စပါးအသင်းချုပ်မှ တောင်သူလယ်သမားကြီးများ စုစုပေါင်း ၅၉ ဦး တက်ရောက်ခဲ့ကြပြီး သင်တန်းကာလမှာ စုစုပေါင်း ငါးရက် ကြာမြင့်မည်ဖြစ်ကြောင်း သတင်းရရှိပါ သည်။
 

Tuesday, 12 Mar 2013

မြန်မာ-ဘင်္ဂလားဒေ့ရှ်နှစ်နိုင်ငံ နယ်စပ်ကုန်သွယ်ရေးဆိုင်ရာ အောက်ခြေအဆင့်အရာရှိများ ပူးတွဲ လုပ်ငန်းအဖွဲ့အစည်း အဝေးအတွက် အကြိုညှိနှိုင်း အစည်းအဝေးကို သီးခြားခေါ်ယူရန်လို အပ်ကြောင်း၊ တစ်ဖက်နိုင်ငံတွင် အစည်းအဝေး မတက်ရောက်မီ မိမိတို့ဘက်ခြမ်း၌ တက်ရောက်မည့် ဌာနဆိုင်ရာများ၊ ကုန်သည်များ အကြိုညှိနှိုင်းအစည်းအဝေးကို မဖြစ်မနေ ကျင်းပရန်လိုအပ်ကြောင်း၊ ယင်းအစည်းအဝေး တွင် ဆွေးနွေးလိုသည့်အချက်များကို  တင်ပြကြမည်ဖြစ်ေ ကြာင်းကို  မောင်တောကုန်သည်များအသင်း ဥက္ကဋ္ဌမှ ဖေဖော်ဝါရီ  ၂၆ ရက် မောင်တောမြို့ ဒေဝါနဒီ အစည်းအဝေး ခန်းမ၌ ကျင်းပပြုလုပ်တဲ့ မောင်တော နယ်စပ်ကုန်သွယ်ရေးစခန်း၏ ကုန်သွယ်မှုမြှင့်တင်ရေး အစည်းအဝေး မှာ ပြောကြားခဲ့တယ်လို့ သိရပါတယ်။

Tuesday, 12 Mar 2013

နယ်စပ်ကုန်သွယ်ရေးဦးစီးဌာန၊ တမူးရဲ့ ဖေ ဖော်ဝါရီလအတွက် ကုန်သွယ်မှုမြှင့်တင်ရေး ဆွေး နွေးပွဲကို ဖေဖော်ဝါရီ ၂၁ ရက် နံနက် ၁၀ နာရီမှာ အဆိုပါရုံးရှိ  အစည်းအဝေးခန်းမမှာ ကျင်းပရာ ဌာနဆိုင်ရာမှ တာဝန်ရှိသူများ၊ ကုမ္ပဏီလုပ်ငန်း ရှင်များ၊ITC လုပ်ငန်းရှင်များနှင့် ကားဂိတ် တာ ဝန်ရှိသူများ တက်ရောက်ဆွေးနွေးခဲ့ကြတယ်လို့ သတင်းရရှိပါတယ်။

Tuesday, 12 Mar 2013

မိမိတု့ိရောင်းချမဲ့ကုန်ပစ္စည်းများရဲ့ အရည်အသွေးနဲ့ ဈေးကွက်လိုအပ်ချက်ပေါ်မူတည်ပြီး  ဈေးကွက် အသာစီး ရအောင် ဆောင်ရွက်ကြဖို့ ဖေဖော်ဝါရီ ၂၇ ရက်နေ့ ၁၃း၀၀ ချိန်က ရခိုင်ပြည်နယ် စစ်တွေမြို့ ကုန်သည်များနဲ့ စက်မှု လက်မှုလုပ်ငန်း ရှင်များအသင်း အစည်းအဝေးခန်းမမှာပြုလုပ်တဲ့ ကုန်သွယ်မှုမြှင့် တင်ရေးအစည်းအဝေးမှာ စစ်တွေနယ်စပ် ကုန်သွယ်ရေးစခန်းတာဝန်ခံ ဒုတိယညွှန်ကြားရေးမှူး ဦးရန်နိုင် မြင့်က ပြောကြားခဲ့တာဖြစ်ပါတယ်။အိန္ဒိယနိုင်ငံဆိုင်ရာ ကောင်စစ်ဝန်ရုံးကို စစ်တွေမှာ မကြာခင် လာရောက်ဖွင့်လှစ်တော့မှာဖြစ်တဲ့ အတွက် စစ်တွေဒေသ ရှိ ကုန်သည်လုပ်ငန်းရှင်များအနေနဲ့ ဘင်္ဂလားဒေ့ရှ်နိုင်ငံနဲ့သာမက အိန္ဒိယနိုင်ငံနဲ့ လည်း ကုလား တန်မြစ်ကြောင်းမှတစ်ဆင့် တိုက်ရိုက်ကုန်သွယ်နိုင်တော့မှာဖြစ်ပါတယ်။ ကုန်သွယ်မှုနယ် ပယ်ကျယ်ပြန့်လာပြီး စီးပွားရေးဝယ်လက်ကောင်းများအား ယှဉ်ပြိုင်ရောင်းချနိုင်တော့မှာဖြစ်သလို နည်း ပညာနဲ့ ရင်းနှီးမြှုပ်နှံမှုများ၊ ကုန်သွယ်မှုအခွင့်အလမ်းများ ရရှိတော့မှာဖြစ်လို့ ဈေးကွက် အသာစီး ရရှိ အောင်ဆောင်ရွက်ရေး ဦးရန်နိုင်မြင့်က တိုက်တွန်းပြောကြားခဲ့တယ်လို့ သတင်းရရှိပါတယ်။ Source: နကသ (စစ်တွေ) MIRT (DOBT)

Monday, 25 Feb 2013

ဖေဖော်ဝါရီ ၁၈ ရက်က ပုသိမ်မြို့ မြန်မာ့ လယ်ယာထွက်ကုန် ပစ္စည်းရောင်းဝယ်ရေး၊  TPIS ရုံးခန်းမှာ တိုင်းဒေသကြီးအသင်း၊ ဆား ထုတ်လုပ် သူလုပ်ငန်းရှင်များ  အသင်းဖွဲ့စည်းရေး ညှိနှိုင်း အစည်းအဝေးပြုလုပ်ရာ တိုင်းဒေသကြီး အစိုးရ အဖွဲ့ သစ်တောနဲ့သတ္တုဝန်ကြီး ဦးစိုးမြင့်၊ မြန်မာ့ ဆားလုပ်ငန်း တိုင်းဒေသကြီးမန်နေဂျာ ဦးထွန်း သိန်း၊ မြန်မာ့လယ်ယာထွက်ကုန်ပစ္စည်း ရောင်း ဝယ်ရေး တိုင်းဒေသကြီး မန်နေဂျာ ဦးစိုးအောင်၊  TPIS  ဌာန မန်နေဂျာနဲ့ဝန်ထမ်းများ၊ ဧရာအဏ္ဏဝါ ကုမ္ပဏီမှ မန်နေဂျင်းဒါရိုက်တာနဲ့ ဒါရိုက်တာများ၊ ပုသိမ်၊ မြောင်းမြ၊ ငပုတော၊ လပွတ္တာမြို့နယ်များမှ ဆားစက်ပိုင်ရှင်၊ ကုန်သည်လုပ်ငန်းရှင်များ၊ ဆား ထုတ်လုပ်သူတောင်သူများ စုစုပေါင်း ၆၀ ဦးခန့် တက်ရောက်ခဲ့ကြောင်း သိရပါတယ်။

Monday, 25 Feb 2013

ပဲမျိုးစုံထွက်ရှိတဲ့  ရာသီချိန်ဖြစ်တဲ့အတွက် စစ်ကိုင်းတိုင်းဒေသကြီး စစ်ကိုင်းတိုင်းဒေသထွက် ပဲမျိုးစုံအား တစ်ဖက်အိန္ဒိယနိုင်ငံသို့ တင်ပို့ရောင်း ချနိုင်ရေးအတွက် သမဝါယမအသင်းစုမှ ကြိုးစား လျက်ရှိနေပါတယ်။ ကုလားပဲလုံးဝါများအား ဝယ် ယူစုဆောင်းထားပြီး ဒေသထွက် ပဲပုပ်စေ့၊ မတ်ပဲ၊ ချင်းပဲ (ပဲယင်း)၊ မြေထောက်ပဲ စတဲ့ပဲမျိုးစုံ တို့အား လည်း တင်ပို့နိုင်ရေးအတွက် ကြိုးစားလျက်ရှိတယ် လို့ သတင်းရရှိပါတယ်။ တစ်ဖက်နိုင်ငံမှ ဝယ်ယူမဲ့ ကုမ္ပဏီများအား  ချိတ်ဆက်ဆောင်ရွက်ပြီးပါက ဒေသထွက်ပဲမျိုးစုံအား တင်ပို့သွားနိုင်မည်ဖြစ်ရာ တမူးနယ်စပ်ကုန်သွယ်ရေး  ကုန်သွယ်မှုပမာဏ တိုးတက်လာဖွယ်ရှိကြောင်း သတင်းကောင်းပါး လိုက်ရပါတယ်။    လှဌေး (တမူး)

Monday, 25 Feb 2013

မန္တလေးတိုင်းဒေသကြီး မန္တလေးမြို့ယဉ်ကျေးမှုဝန်ကြီးဌာန၊ အမျိုးသားကဇာတ်ရုံ ကွင်းပြင်မှာ ဖေဖော်ဝါရီ ၂၀ ရက်မှ ၂၄ ရက်ထိ Thematic Handicraft Exhibition    ကုန်စည်ပြပွဲ ကျင်းပ သွားရန်ရှိပါတယ်။ ထိုကုန်စည်ပြပွဲမှာ ပါဝင်ပြသရန် အိန္ဒိယသမ္မတနိုင်ငံ၊ မဏိပူရပြည်နယ်မှ လက်မှုပညာ ရှင် ၂၁ ဦးပါအဖွဲ့ဟာ အမေရိကန် ၉၃၆၈ ဒေါ်လာ တန်ဖိုးရှိ အိန္ဒိယနိုင်ငံလုပ် လက်ရက်ထည်နဲ့ လက်မှုပစ္စည်းများသယ်ဆောင်ကာ ဖေဖော်ဝါရီ ၁၇ ရက်မှာ တမူးကတစ်ဆင့် မန္တလေးသို့ ဆက်လက် ထွက်ခွာသွားခဲ့ကြတယ်လို့ သတင်းရရှိပါတယ်။ ပြပွဲတွင်ပြသရန်အတွက် အိန္ဒိယနိုင်ငံလုပ် ဆာရီ၊ ပုဆိုး၊ ထမီ၊ တစ်ဘက်၊ ပဝါ စသည့် အဝတ်အထည်များနဲ့ ကြိမ်၊ ဝါးတို့ဖြင့်ပြုလုပ်ထားတဲ့ လက်မှုပစ္စည်းများအား သယ်ဆောင်သွားပြီး ၎င်း ပစ္စည်းများအား ပါဝင်ခင်း ကျင်းပြသ ရောင်းချ လှူဒါန်းသွားမည်ဖြစ်ကြောင်း သတင်းရရှိပါတယ်။          လှဌေး (တမူး)

Monday, 18 Feb 2013

လူမျိုးဘာသာမရွေး သက်ရှိလောကလူသားတို့က သဘာဝအလှများကို မြတ်နိုးခင်တွယ်တတ် ကြသည်သာဖြစ် ပါတယ်။ ကျွန်မတို့ မြန်မာလူမျိုးများကလည်း သဘာဝအလှတရားများကို မြတ်နိုးတတ် ကြသည်ဖြစ်ရာ နေ့ စဉ် ဈေးတန်းတွေမှာ အလှပန်းအမျိုးမျိုးတို့အားဝယ်ယူပြီး မိမိတို့အိမ်ရှိ ဘုရားစင်နဲ့ စေတီပုထိုး ဘုရားကျောင်း ကန် များမှာ ကပ်လှူပူဇော်ခြင်း၊ မိမိတို့ဗီရို၊ စားပွဲများမှာ အလှပန်းအိုးများ အဖြစ် အသုံးပြုခြင်း၊ အလှူမင်္ဂလာနဲ့ ဧည့်ခံပွဲအခမ်းအနားအမျိုးမျိုးတို့မှာ အလှဆင်ဖို့အတွက် ဝယ်ယူ အသုံးပြုမှုများ များပြားလှပါတယ်။ မြန်မာနိုင်ငံ အနှံ့အပြားမှ မြန်မာ့အလှပန်းအမျိုးမျိုး စိုက်ပျိုးထွက်ရှိပြီး အဓိက လူကြိုက်များသုံးစွဲမှုများတဲ့ ပန်းတွေကတော့ ဂန္ဓမာပန်း၊ သစ္စာပန်း၊ မေမြို့ပန်း၊ သစ်ခွပန်းနဲ့ နှင်းဆီပန်းတို့ဖြစ်ကြပါတယ်။ ယခု မြန်မာ့သဘာဝအ လှပန်းလေးများကို မြန်မာနိုင်ငံအတွင်းမှာ သာမက နိုင်ငံတကာကပင် အသိအမှတ်ပြု ဝယ်ယူနေပြီဖြစ်ရာ ၂၀၁၃ ခုနှစ် ဖေဖော်ဝါရီ ပထမပတ်က မြန်မာ့နှင်းဆီ ပန်းများကို စင်ကာပူနိုင်ငံကို တင်ပို့ရောင်းချဖို့ ပို့ကုန်လိုင်စင်ခွင့်ပြုချက် ရယူသွားပြီဖြစ်ပြီး ၎င်းင်းနှင်းဆီပန်း များကို ကတ်ထူစက္ကူပုံးများနဲ့ ထုပ်ပိုးကြောင်း သိရှိရပါတယ်။

Monday, 18 Feb 2013

ဧရာဝတီတိုင်းဒေသကြီး၊ စီမံကိန်းနှင့် စီးပွားရေးဝန်ကြီးဌာန ဝန်ကြီး ဦးလှခိုင်၊ တိုင်းမန်နေဂျာ ဦးစိုးအောင်တို့ ဟာ ဖေဖော်ဝါရီ ၁၁ ရက်က ဧရာဝတီတိုင်းဒေသကြီးအတွင်းရှိ တိုင်း၊ ခရိုင်၊ မြို့နယ် မန်နေဂျာများ၊ ဝန်ထမ်းများနဲ့တွေ့ဆုံပြီး လုပ်ငန်းညှိနှိုင်းအစည်းအဝေး ပြုလုပ်ခဲ့ပါတယ်။

Monday, 18 Feb 2013

ကုန်သွယ်မှုမြှင့်တင်ရေး၊ ကုန်သွယ်မှုလျာထား ချက်ပြည့်မီရေး၊ ကုန်သွယ်မှုလုပ်ငန်းများ လျင်မြန် ချောမွေ့စေရေး၊ တရားမဝင် မှောင်ခိုစီးဆင်းမှု ပပျောက်ရေးနှင့် ပို့ကုန်/သွင်းကုန် ကုန်သွယ်မှု ပမာဏတိုးတက်ရေးနဲ့ တစ်ဦးတည်း ပိုင်ထုတ်ကုန် သွင်းကုန်လုပ်ငန်းရှင်များဆောင်ရွက်ရမည့် နည်း စနစ်များအား သိရှိနားလည်ပြီး လုပ်ငန်းဆောင် ရွက်ရာတွင် အဆင်ပြေချောမွေ့စေရန် ရည်ရွယ် ချက်များဖြင့် ကုန်သွယ်မှုမြှင့်တင်ရေး အစည်း အဝေးများကို နယ်စပ်ကုန်သွယ်ရေးစခန်းများမှာ လစဉ် ကျင်းပပေးလျက်ရှိပါတယ်။

Pages