Main menu

Background

Monday, 4 Feb 2013

ယခုတစ်လော ပင်လယ်ရေကြောင်းမှ စိုက်ပျိုးရေး ထွက်ကုန်ပစ္စည်းများနှင့် စက်မှုထုတ်ကုန်အမယ်သစ်များ ပင်လယ်ရေကြောင်းမှ တင်ပို့လျက်ရှိသည်ကို တွေ့ရှိရသည်။ မြေစမ်း ခရမ်းပျိုးဆိုသလို ဈေးကွက်နယ်ပယ်ချဲ့ထွင် လာပြီဖြစ်သော မြန်မာ့ပို့ကုန်အမယ်များအတွက် ဝမ်းသာစရာ သတင်းတစ်ခုပင်ဖြစ်သည်။ ယခုအပတ်တွင် ပို့ကုန်အမယ်သစ်အနေဖြင့် မော်တော်ကားဘီးတာယာစွပ် (Snow Tex) များကို ချုပ်လုပ်၍ တင်ပို့ရန် လျှောက် ထားလာသည်ကို တွေ့ရှိရပါသည်။ ကုန်ကြမ်းပစ္စည်းများကို နိုင်ငံခြားမှဝယ်ယူတင်သွင်းပြီး အသားမှာ နိုင်လွန် အသား အမဲရောင်မျိုးဖြစ်ပြီး အစွပ်၏ ဘေးတစ်ဖက်တစ်ချက်တွင် အနီရောင် သားရေပတ် အနားကွပ်ထားပြီး ကားဘီးအရွယ်အစားအလိုက် အနေတော်အံကိုက်ချုပ်လုပ်ထားသည်။ ကားဘီးကိုလိုက်၍အရွယ်အစား(Model) အမျိုးမျိုးရှိပြီး ဆီးနှင်းကျသောရာသီများတွင် ၎င်းင်းကားဘီးအစွပ်များကို ကားဘီးများတွင်စွပ် ၍ နှင်းတောထဲ တွင် မောင်းနှင်သည်ဟုသိရှိရသည်။ ၎င်း အစွပ်ကို နှင်းတောထဲတွင် စွပ်၍မောင်းပါက ကားဘီးချော် မသွားစေရန်နှင့် ကားကို ဘေးကင်းရှင်းစွာ မောင်းနှင်နိုင်စေရန်ဟုသိရှိရသဖြင့် ယခုအခါ ဈေးကွက် သို့စတင်ထိုးဖောက် ဝင်ရောက် နိုင်အောင် ဆောင်ရွက်နေခြင်းဖြစ်ကြောင်း သိရှိရသည်။ နောင်ဈေး ကွက်လိုအပ်ချက်အရ လုပ်ငန်းတိုးခဲျ့ ကာ ကြိုးပမ်းဆောင်ရွက်သွားမည်ဖြစ်ကြောင်း၊ ကုမ္ပဏီမှ တာဝန်ရှိသူ တစ်ဦး၏ ပြောကြားချက်အရ သိရှိရသည်။ ယခုအခါ ပစ္စည်းတင်ပို့ရန် ပို့ကုန်လိုင်စင်အရေတွက်  ၅၀၀ ကျော်ခန့်၊ တန်ဖိုး အမေရိကန်ဒေါ်လာ ၂၀၀၀၀ ခန့်အားတင်ပို့ရန် လျှောက်ထားလာခဲ့သည်။ ပေါများကြွယ်ဝလှသော မြန်မာ့မြေပေါ် မြေအောက်၊ ရေပေါ်ရေအောက် သယံဇာတတို့က ဒီရေအလားတိုးတက်လာသော နည်းပညာအသစ်အဆန်းများနှင့် ပေါင်း စပ်လာနိုင်ချိန် တွင် မြန်မာနိုင်ငံ၏ ကုန်သွယ်ရေးရည်မှန်းချက်ဖြစ်သော ပို့ကုန်ပထမဟူသော မျှော်မှန်းချက်သည် ရုပ်လုံးပေါ် အောင်မြင်လာပေမည်ဖြစ်ပါသည်။ နိုင်ငံတော်အနေဖြင့် ပို့ကုန်လုပ်ငန်း တိုးတက်အောင်မြင်စေ ရန် ဖြေလျော့မှုများနှင့်အတူ ဈေးကွက်ရှာဖွေဖော်ထုတ်ပေးခြင်း၊ နည်းပညာအကူအညီများရ ယူကာ ဖြန့်ဖြူးေ ပးခြင်း ဖြင့် ဒေသတွင်း ပြည်သူလူထု အလုပ်အကိုင် အခွင့်အလမ်းရရှိေ ရး၊ ဒေသဖွံ့ဖြိုး တိုးတက်ေ ရးနှင့် နိုင်ငံတော်၊ နိုင်ငံသားတိုင်း၏ အကျိုးဖြစ်ထွန်းရေးကို မျှော်မှန်းပြီး လုပ်ငန်းရှင်များမှလည်း များများစိုက်၊ များများထုတ်လုပ်၊ ကုန်ကြမ်းမှသည် ကုန်ချောဆီသို့ရည်ရွယ်ကာ အရေအတွက်မှ အရည်အသွေးသို့ ဦးစားပေးပြီး နိုင်ငံတော်၊ လုပ်ငန်းရှင်၊ ပြည်သူအပေါင်း စုပေါင်းအားဖြင့် ဝိုင်းဝန်းကြိုးစားအား ထုတ်လျှင် မြန်မာ့ကုန်သွယ်ရေး ရည်မှန်း ချက်ဖြစ်သော ပို့ကုန်ပထမဖြစ်ရမည်တည်းဟူသော မျှော်မှန်းချက်တို့သည် မလွဲမသွေ၊ မြေကြီး လက်ခတ်မလွဲ အောင်မြင်လာနိုင် မည်ဖြစ်ကြောင်း ရေးသား တင်ပြလိုက်ရပါသည်။               ထွန်းမြင့်ထွန်း

Monday, 4 Feb 2013

ပုသိမ်မြို့ မြန်မာ့လယ်ယာထွက်ကုန်ပစ္စည်းရောင်းဝယ်ရေး၊ TPIS   ရုံးခန်းမှာ တိုင်းဒေသကြီး ဆားလုပ်ငန်းရှင် များအသင်း ဖွဲ့ စည်းရေးဆွေးနွေးပွဲကို ဇန်နဝါရီ ၂၉ ရက် နံနက်ပိုင်းမှာ ပြုလုပ်ရာ ဧရာဝတီတိုင်းဒေသကြီး သစ်တောနှင့် သတ္တုတွင်းဝန်ကြီးဌာနဝန်ကြီး ဦးစိုးမြင့်၊ မြန်မာ့ဆားလုပ်ငန်း တိုင်းဒေသကြီးမန်နေဂျာ ဦးထွန်း သိန်း၊ မြန်မာ့လယ်ယာထွက်ကုန်ပစ္စည်း ရောင်းဝယ်ရေး တိုင်းဒေသကြီး မန်နေဂျာ ဦးစိုးအောင်၊ ဌာနမန်နေဂျာများနဲ့ TPIS   ဝန်ထမ်းများ၊ ဆားထုတ်လုပ်တဲ့တောင်သူ၊ ကုန်သည်၊ လုပ်ငန်းရှင်၊ စက်ပိုင်၊ ကုမ္ပဏီ များမှ ဖိတ်ကြားထား သူများ တက်ရောက်ခဲ့ကြောင်း သိရပါတယ်။

Monday, 21 Jan 2013

ဧရာဝတီတိုင်းဒေသကြီး မြန်မာ့လယ်ယာထွက်ကုန်ပစ္စည်း ရောင်းဝယ်ရေး TPIS  ရုံးခန်းမှာ ရိတ်သိမ်းချိန်လွန် နည်းပညာဆိုင်ရာ သတင်းအချက်အလက် Mobile  Tranining  နဲ့ စားသုံးသူကာကွယ် ရေးဆိုင်ရာ အသိပညာေ ပးရေး သင်တန်းကို ဇန်နဝါရီ ၁၈ ရက်က ပြုလုပ်ရာ ဧရာဝတီတိုင်းဒေသကြီး စိုက်ပျိုးရေး နဲ့ မွေးမြူရေးဝန်ကြီး ဌာန ဝန်ကြီး ဦးစန်းမောင်မှ တက်ရောက်အမှာစကား ပြောကြား ခဲ့ပါတယ်။ အဆိုပါ အခမ်းအနားသို့ စီးပွားရေးနှင့်ကူးသန်းရောင်း ဝယ်ရေးဝန်ကြီးဌာနနဲ့ ဧရာဝတီတိုင်းဒေသကြီးမှ ဌာနဆိုင်ရာ တာ ဝန်ရှိသူပုဂ္ဂိုလ်များ၊ ကုန်စည်ဒိုင်များမှ တာဝန်ရှိ သူများ၊ အသင်း အဖွဲ့များမှ တာဝန်ရှိပုဂ္ဂိုလ်များ၊ ဆန်စပါးအထူးပြုကုမ္ပဏီများမှ တာ ဝန်ရှိသူများ၊ စားသောက် ကုန်ထုတ်လုပ်ရောင်းဝယ်နေတဲ့ လုပ်ငန်း ရှင်များ၊ သင်တန်းဆရာ၊ ဆရာမများစုစုပေါင်း ၁၁၀ ဦးတက် ရောက် ခဲ့ပါတယ်။

Monday, 21 Jan 2013

မြန်မာနိုင်ငံတွင် ဝဥပင်များသည် ကရင် ပြည်နယ်၊ ကချင်ပြည်နယ်၊ မွန်ပြည်နယ်၊ ရှမ်းပြည် နယ်(မြောက်ပိုင်း၊ တောင်ပိုင်း)၊ ပဲခူးတိုင်းဒေသကြီး (အရှေ့ပိုင်း)၊ ဧရာဝတီတိုင်းဒေသကြီး မြစ်ဝကျွန်း ပေါ်ဒေသနှင့် စစ်ကိုင်းတိုင်းဒေသကြီး အထက်ပိုင်း တို့ရှိ သစ်ရိပ်၊ ဝါးရိပ်အောက်၊ အရိပ်အာဝါသ ကောင်းသော သစ်တောမြေပွ၊ အစိုဓာတ်ကောင်း သောနေရာတို့တွင် သဘာဝအလျှောက် ပေါက် ရောက်ကြောင်း သိရှိရပါတယ်။

ယခုအခါ ဝဥခြောက်လုပ်ငန်းများ တွင်ကျယ် လာသဖြင့် တောထဲတွင်အလေ့ကျ ပေါက်ရောက် သည်ကို စိုက်ခင်းများ ဖြင့်စိုက်ပျိုးလာသလို မြောင်း ဘောင်တင်၍လည်း  စိုက်ပျိုးလာကြပါသည်။ ဝဥတွင် အဖြူ၊ အနီ၊ အဝါသုံးမျိုးရှိပါသည်။ မိုး ရာသီ မြေပေါ်အပင်ပိုင်းထွက်ထွက်ပြီး အပင်မှာ ၂ ပေမှ ၄ ပေခန့် သာမြင့်လျက် ဆောင်းအခါ အပင်ကျ၍ ဥအမြစ်သာလျှင် မြေအောက်၌ အပင် ပွားရှင်သန်လေ့ရှိပါသည်။ စိုက်ပျိုးသော ဝဥများ တွင် မြေဆီမြေနှစ် ကောင်းလျှင် ကောင်းသလို တစ်ပိဿာမှ ၁၃ ပိဿာအထိ ထွက်ရှိသည်ဟု သိရှိရပါသည်။ ပင်လယ်ရေကြောင်းမှ ဝဥနှင့် ဝဥခြောက် မှုန့်တင်ပို့မှုကိုကြည့်ပါက ၂၀၀၈-၂၀၀၉ ဘဏ္ဍာနှစ် တွင် တန်ချိန် ၂၃၀ ခန့်၊ ၂၀၀၉-၂၀၁၀ ဘဏ္ဍာနှစ် တွင် တန်ချိန် ၄၀၀ ကျော်ခန့်၊ ၂၀၁၀-၂၀၁၁ ဘဏ္ဍာနှစ်တွင် တန်ချိန် ၂၀၀ ကျော်ခန့်၊ ၂၀၁၁-၂၀၁၂ ဘဏ္ဍာနှစ်တွင်လည်း တန်ချိန် ၂၀၀ ကျော် ခန့်၊ ၂၀၁၂-၂၀၁၃ ဘဏ္ဍာနှစ် (၂၀၁၃ ခုနှစ် ဇန်န ဝါရီ ၇ ရက်အထိ)တန်ချိန် ၂၀၀ ကျော်ခန့် တင်ပို့ခဲ့ ကြောင်း တွေ့ရှိရပါသည်။ ပြည်တွင်း၌ စားသုံး မှုနည်းသော်လည်း ပြည်ပနိုင်ငံများ၌ တန်ဖိုးကြီး အစားအစာအဖြစ် ပြုလုပ်စားသောက်ကြလေ့ရှိရာ ဂျပန်နိုင်ငံနှင့် တရုတ်နိုင်ငံသို့ အများဆုံးတင်ပို့ပြီး စင်ကာပူနိုင်ငံနှင့် မလေးရှားနိုင်ငံတို့လည်း အနည်း ငယ်စီတင်ပို့ကြပါသည်။ ဝဥကို အစားအစာများ၊ မုန့်များ ထုတ်လုပ် ရာတွင် ထည့်သွင်းအသုံးပြုခြင်း၊ ခေါက်ဆွဲပြု လုပ်ခြင်း၊ ပြုတ်၍ သုပ်စားခြင်း၊ အသားတု ပြုလုပ် ခြင်းများအပြင် ဝဥခြောက်၌ အဆီကျစေသော အာနိသင်ရှိ၍ ကိုလက်စထရော  ကျစေသော ကြောင့် ဆေးဖော်စပ်ရာတွင်လည်း အသုံးပြုကြ ကြောင်း တရုတ်၊ ဂျပန်နှင့် အနောက်ဥရောပနိုင်ငံ များတွင် အစားအစာအဖြစ်လည်းကောင်း၊ ဆေး ဝါးအဖြစ်လည်းကောင်း၊ သွားရေစာအဖြစ် လည်း ကောင်း ထုတ်လုပ်ဖြန့်ဖြူးရောင်းချကြကြောင်း သိရှိရပါသည်။ မြန်မာ့မြေမှထွက်သော မြန်မာ့ဝဥများ ရရှိပြီး သောဈေးကွက်များ မပျောက်ပျက်သွားအောင် အရေအတွက်ထက် အရည်အသွေး စံချိန်စံညွှန်း ကောင်းရန်လိုအပ်ပြီး ဈေးကွက်သစ်များထပ်မံရှာ ဖွေကြပါစို့။                      ခင်စန်းဝင်း
 

Monday, 21 Jan 2013

အိန္ဒိယ-တရုတ် စီးပွားရေးနဲ့ ယဉ်ကျေးမှုကောင်စီ (ICEC) ရဲ့ ဦးဆောင်မှုနဲ့ အဆင့်မြင့်စီးပွားရေးလုပ်ငန်းရှင်များပါရှိတဲ့ ကိုယ်စား လှယ်အဖွဲ့ဟာ အိန္ဒိယမှာ ကုန်သွယ်ရေးနဲ့ ရင်းနှီးမြှုပ်နှံမှု အလား အလာများကိုေ လ့လာရန် ရောက်ရှိနေပါတယ်။

Wednesday, 16 Jan 2013

ဘဏ်ဖြစ်ပေါ်လာပုံအိန္ဒိယနိုင်ငံ ပို့ကုန်သွင်းကုန်ဘဏ် (Export -Import Bank of India) သည် နိုင်ငံ၏ ပို့ကုန်ကိုငွေကြေးဖြည့်ဆည်း ထောက်ကူ ပေးလျက်ရှိသော ပထမတန်းအဖွဲ့အစည်းဖြစ်ပါသည်။ အိန္ဒိယပို့ကုန် သွင်းကုန်ဘဏ်ကို "၁၉၈၁ ခုနှစ် အိန္ဒိယနိုင်ငံ ပို့ကုန်သွင်းကုန်ဘဏ် အက်ဥပဒေ"(Export-Import Bank of India Act 1981) အရ ၁၉၈၂ ခုနှစ်တွင် စတင်တည်ထောင်ခဲ့သည်။  အိန္ဒိယအစိုးရသည် အိန္ဒိယမှတင်ပို့သော ပို့ကုန်များကို မြှင့်တင်ရန်သာမက အထွေထွေ စီးပွားရေးတိုးတက်မှုနှင့်အတူ နိုင်ငံ၏ ပြည်ပကုန်သွယ်မှုနှင့် ရင်းနှီး မြှုပ်နှံမှုတို့ကိုလည်း တိုးမြှင့်ရန်အတွက် ပို့ကုန် သွင်းကုန်ဘဏ်ကို စတင်တည်ထောင်ခဲ့ခြင်းဖြစ်ပါသည်။အိန္ဒိယပို့ကုန်သွင်းကုန်ဘဏ် (Exim Bank of India) သည် နိုင်ငံဖြတ်ကျော်ကုန်သွယ်မှုနှင့် ရင်းနှီးမြှုပ်နှံမှုကို မြှင့်တင်ရာတွင် တွန်းအားတစ်ရပ်ဖြစ်သည့်အပြင် သော့ချက်ကျသော အဖွဲ့အစည်း တစ်ခုလည်းဖြစ်သည်။ ကမ္ဘာပေါ်တွင်ရှိသော အခြားပို့ကုန်ချေးငွေ အေဂျင်စီများ (Export Credit Agencies) ကဲ့သို့ပင် ပို့ကုန်ချေးငွေ ထုတ်ချေးသူအဖြစ် စတင်ဆောင်ရွက်ခဲ့သော အိန္ဒိယပို့ကုန်သွင်းကုန် ဘဏ်သည် ကာလရှည်ကြာလာသည်နှင့်အမျှ ဖွံ့ဖြိုးတိုးတက်လာခဲ့ သည်။ တစ်နည်းအားဖြင့် အိန္ဒိယနိုင်ငံရှိ စီးပွားရေးလုပ်ငန်းများ ရှင် သန်တိုးတက်ရေးအတွက် အဓိကအခန်းကဏ္ဍမှ ပါဝင်ဆောင်ရွက် သော အဖွဲ့အစည်းဖြစ်လာခဲ့ပါသည်။ အထူးသဖြင့် အသေးစားနှင့် အလတ်စားစီးပွားရေးလုပ်ငန်းများ (Small and Medium Enter- prises-SMEs)ရှင်သန်ကြီးထွားရေးကို ပံ့ပိုးကူညီနိုင်ခဲ့သည်။ ထိုကဲ့သို့ပံ့ပိုးကူညီရာတွင် စီးပွားရေးလုပ်ငန်း၏ အဆင့်တိုင်းတွင်ရှိ သော ထုတ်ကုန်နှင့် ဝန်ဆောင်မှုအမျိုးမျိုးကို ပံ့ပိုးကူညီခဲ့ပါသည်။ တစ်နည်းအားဖြင့် နည်းပညာတင်သွင်းခြင်းနှင့် ပို့ကုန်အမျိုးအမယ် များပြားရေးမှသည် ပို့ကုန်ထုတ်လုပ်ခြင်း (Export production)  ၊ ပို့ကုန်ဈေးကွက်ဖော်ဆောင်ခြင်း (Export marketing)၊ သင်္ဘော မတင်မီနှင့် သင်္ဘောတင်ပြီးနောက်ပိုင်း ရင်းနှီးမြှုပ်နှံခြင်းနှင့် ပြည်ပ ရင်းနှီးမြှုပ်နှံမှုတို့အထိ ပံ့ပိုးကူညီခဲ့ပါသည်။

Wednesday, 16 Jan 2013

၂၀၁၂ ခုနှစ်သည် ထူးခြားသော နှစ်တစ်နှစ်ဖြစ်ပါသည်။ ကျွန်တော်တို့ နိုင်ငံ၏ ထွက်ကုန်ဖြစ်သော ဆန်စပါးကို ယခင်ကကဲ့သို့ ဆန်တင်ပို့မှုထိပ်တန်းနိုင်ငံ စာရင်းဝင်အောင် ဆောင်ရွက်ကြိုးစားရာတွင် အခြေအနေတစ်ခုအထိ ရရှိလာသော နှစ်ဖြစ်ပါတယ်။ ယခင်က ဆန်တန်ချိန် တစ်သန်းတင်ပို့ရေးကို နှစ်ကြိမ်ခန့်ဆောင် ရွက်ဖူးပါတယ်။ ပထမအကြိမ် (၁၉၉၄/၁၉၉၅) ခုနှစ်က တစ်နိုင်ငံလုံး ဆန်စက် များကို ကြိတ်ခွဲစေပြီး သယ်ယူရေး၊ တင်ပို့ရေးကို တပ်မတော်ယာဉ်များရဲ့ အကူ အညီကိုပါရယူဆောင်ရွက်ခဲ့ရပါတယ်။ ဒုတိယအကြိမ် (၂၀၀၁/၂၀၀၂) ခုနှစ်မှာ တော့ မြန်မာ့လယ်ယာထွက်ကုန်ပစ္စည်းရောင်းဝယ်ရေး၊ ဝန်ထမ်းများမှ နေ့ညအချိန် နှင့် တစ်ပြေးညီ ဆောင်ရွက်သဖြင့် တန်ချိန်တစ်သန်းတင်ပို့နိုင်ခဲ့ပါတယ်။ ဒါပေမယ့် ဆန်သီးသန့် မဟုတ်ပါ။ စပါး၊ ဆန်နဲ့ ဆန်ထွက်ပစ္စည်းမှ ဆန်ကွဲများ ပါခဲ့ပါတယ်။ ယခုနှစ် (၂၀၁၂/၂၀၁၃) ခုနှစ် ဘဏ္ဍာရေးနှစ်မှာတော့ ဧပြီလမှ ဒီဇင်ဘာလအထိ ကိုးလအတွင်း ဆန်တန်ချိန် ၁ ဒသမ ၀၂ သန်းတင်ပို့ပြီးဖြစ်ပါတယ်။ ဘဏ္ဍာနှစ်ပိတ် ရင်တော့ အနည်းဆုံး ဆန်တန်ချိန် ၁ ဒသမ ၂ သန်းမှ ၁ ဒသမ ၅ သန်းအထိ တင်ပို့နိုင်မယ်လို့ ခန့်မှန်းပါတယ်။ ဈေးကွက်လိုအပ်ချက်အရ ကောက်ညှင်းနှင့်ပုလဲ သွယ်စပါးတင်ပို့မှုကိုပါ ပါဝင်ရေတွက်ထားသလို ဆန်ကွဲတင်ပို့မှုလည်း ပါဝင်ပါ တယ်။ ဒါကြောင့် ယခုနှစ်မှာတော့ အနှစ်နှစ်အလလက မျှော်မှန်းထားခဲ့တဲ့   ဆန် တန်ချိန် တစ်သန်းအထက်တင်ပို့ရေးကို ဒီမိုကရေစီအစိုးရလက်ထက်မှာ  ပုဂ္ဂလိက လုပ်ငန်းရှင်များ က အောင်အောင်မြင်မြင် တင်ပို့နိုင်ပြီလို့ပြောလို့ရပြီဖြစ်ပါတယ်။ ထိုကဲ့သို့တင်ပို့နိုင်ရေး ကိုလည်း ပြည်ထောင်စုအစိုးရရဲ့ လမ်းညွှန်မှုဖြင့် စီးပွားရေးနှင့် ကူးသန်းရောင်းဝယ်ရေး ဝန်ကြီးဌာနရဲ့ ပို့ကုန်ပိုင်း ဆိုင်ရာ ဖြေလျော့မှုများ၊ လိုင်စင် ဆောင်ရွက်မှု လျင်မြန်သွက်လက်ေ အာင် ညွှန်ကြားဆောင်ရွက်မှု များသည်လည်း အဓိကအခန်းကဏ္ဍမှ ပါဝင်ကြောင်း ထောက်ပြရေးသားလိုပါတယ်။ ဒါကြောင့် ပြည်ပပို့ကုန် တင်ပို့နေသော လုပ်ငန်းရှင်များကုမ္ပဏီများအနေဖြင့် ပို့ကုန်တိုးမြှင့်ရေး မှသည် ပို့ကုန်တန်ဖိုးမြှင့်တင်ရေး အတွက် ဆောင်ရွက်သင့်ချိန် ရောက်ရှိပြီလို့ ပြော ကြားလိုပါတယ်။

Wednesday, 16 Jan 2013

စားသုံးသူအကာအကွယ်ပေးရေးနဲ့ တရားမဝင်ကုန်စည်စီးဆင်းမှုကို တားဆီးနိုင်ရန်အတွက် မြဝတီ-ရန်ကုန် ကုန်သွယ်မှုလမ်းကြောင်းပေါ်မှာ လှုပ်ရှားစစ်ဆေးရေးအဖွဲ့ (၂) ဖွဲ့ကို တာဝန်ချထားဆောင်ရွက်လျက်ရှိရာမှာ အများဆုံးစစ်ဆေးတွေ့ရှိနေရတာတွေကတော့ လိုင်စင်မဲ့သယ်ဆောင်လာသောပစ္စည်းများ (ဥပမာ-သကြားလုံး၊ ချည်ထည်၊ ပေါ်လီယက်စတာ၊ မျက်နှာသုတ်ပုဝါ၊ ဟင်းချိုမှုန့်၊ မုန့်မျိုးစုံ၊ အလှကုန်) လိုင်စင်အလွဲ (ဂျူတီ သက်သာ သောပစ္စည်းအမယ်နဲ့ ဂျူတီမြင့်တန်ဖိုးကြီးပစ္စည်းများ လွှဲပြောင်းတင်ဆောင်လာမှု၊ ဆီးသီးလိုင်စင်နဲ့ ဒူးရင်းသီး တင်သွင်းလာခြင်းမျိုး၊ model, country origin အလွဲအမှားများ) လိုင်စင်ပါ အရေအတွက်ထက် ပိုမိုတင်ဆောင် လာခြင်း၊ ကန့်သတ်ကုန်များ (အရက်၊ ဘီယာ၊ ဝိုင်၊ ပီကေ၊ ကိတ်မုန့်) များပဲဖြစ်ပါတယ်။

Wednesday, 16 Jan 2013

ပုသိမ်မြို့နယ်၊ တွန်ပလွန်ကျေးရွာမှာ ဧရာပုသိမ်ဆန်စပါး အထူးပြုကုမ္ပဏီနဲ့ တရုတ်နိုင်ငံ China  Yunan  royincial  Oversea  Investment  Co.,Ltd(Y.O.I.C)  ကုမ္ပဏီတိ့ု ပူးပေါင်း စိုက်ပျိုးတဲ့ ရွှေလရောင်စပ်မျိုးစပါးရိတ်သိမ်းပွဲကို ဇန်နဝါရီလ ပထမ ပတ်မှာပြုလုပ်ရာ ဧရာပုသိမ်ဆန်စပါးအထူးပြုကုမ္ပဏီ အုပ်ချုပ်မှု ဒါရိုက်တာ ဦးဝင်းမြင့်လှိုင်နဲ့ ဒါရိုက်တာအဖွဲ့ဝင်များ၊ မြန်မာ့လယ် ယာထွက်ကုန်ပစ္စည်းရောင်းဝယ်ရေး TPIS ဝန်ထမ်းများ၊ မြန်မာ့ စိုက်ပျိုးရေးလုပ်ငန်း၊ မြေစာရင်းဌာန၊ ကျေးရွာအုပ်ချုပ်ရေးမှူးနဲ့ ဒေသ ခံတောင်သူများ တက်ရောက်ခဲ့ကြောင်း သိရပါတယ်။

Wednesday, 16 Jan 2013

ပဲခူးတိုင်းဒေသကြီး၊ ပြည်မြို့မှာ လယ်ယာကဏ္ဍဖွံ့ဖြိုးတိုးတက် ရေးအတွက် ပိုးသတ်ဆေး ဥပဒေ၊ မြေသြဇာ ဥပဒေတို့နဲ့အညီ သိရှိ လိုက်နာသင့်တဲ့ အချက်အလက်များ ရှင်းလင်းဆွေးနွေးပွဲ အခမ်း အနားကို ၂၀၁၃ ခုနှစ် ဇန်နဝါရီ ၈ ရက် နံနက်ပိုင်းမှာ သီရိခေတ္တရာ ရတနာမြို့တော်ခန်းမမှာ ကျင်းပပြုလုပ်ခဲ့ရာ လွှတ်တော် ကိုယ်စား လှယ်များ၊ တိုင်းအဆင့်၊ ခရိုင်အဆင့် ဌာနဆိုင်ရာအကြီးအကဲများ၊ မြို့နယ်အုပ်ချုပ်ရေးမှူးနဲ့ စိုက်ပျိုးရေး ဆေးကုမ္ပဏီများမှ တာဝန်ရှိ သူများ၊ ဆန်စပါး၊ ပဲအထူးပြုကုမ္ပဏီများမှ တာဝန်ရှိသူများ၊ စီးပွား ရေးလုပ်ငန်း ရှင်များ၊ ပြည်ခရိုင်အတွင်းမှ တောင်သူကိုယ်စားလှယ် များ၊ မြန်မာ့စိုက်ပျိုးရေးမှ ဝန်ထမ်းများနဲ့ လယ်ယာထွက်ကုန်မှ TPIS ဝန်ထမ်းများ တက်ရောက်ခဲ့ကြောင်း သိရပါတယ်။

Pages