Main menu

Background

Monday, 29 Oct 2012

အိန္ဒိယ - မြန်မာ စီးပွားရေးလုပ် ငန်းရှင်အချင်းချင်း တွေ့ဆုံဆွေးနွေးပွဲကို မန္တလေးမြို့ စွမ်းဟိုတယ်မှာ နိုဝင်ဘာ ၂ ရက်၊ နေ့လည် ၂ နာရီမှာ ကျင်းပ ပြုလုပ်မှာဖြစ်ကြောင်း သိရပါတယ်။

Monday, 29 Oct 2012

ဧရာဝတီတိုင်းဒေသကြီး၊ အိမ်မဲမြို့နယ် ကျေးလက်ဒေသဖွံ့ဖြိုးရေးနှင့် ဆင်းရဲ နွမ်းပါးမှု လျှော့ချရေးကော်မတီ ဥက္ကဌ ဦးရာဇာဝင်း၊ အတွင်းရေးမှူး ဦးထွေးသိမ်း (မြန်မာ့လယ်ယာထွက်ကုန်ပစ္စည်းရောင်းဝယ်ရေး)နဲ့ လုပ်ငန်း ကော်မတီဝင် များသည် မိမိတို့မြို့နယ်အတွင်းရှိ အသေးစားစက်မှုလုပ်ငန်းများဖြစ်တဲ့ လယ်ယာသုံးစက် ကိရိယာလုပ်ငန်း၊ အိမ်တွင်းလက်မှုလုပ်ငန်းဖြစ်တဲ့ ကွန်ကရစ်လုပ်ငန်း၊ ဘောက်တူ လှေလုပ်ငန်း၊ တောင်းပလုံး ရက်လုပ်ခြင်း လုပ်ငန်းများအတွက် အသင်းသားများ အားမတည်ရင်းနှီးငွေကျပ်သိန်း ၅၀ ကို အိမ်မဲမြို့၊ မြန်မာ့လယ်ယာထွက်ကုန် ပစ္စည်း ရောင်းဝယ်ရေး၊ TPIS ရုံးခန်းတွင် ၂၀၁၂ ခုနှစ်၊ အောက်တိုဘာလ ၁၅ ရက်နေ့က ပေးအပ်ခဲ့ကြောင်း၊ အတွင်းရေးမှူး ဦးထွေးသိမ်းမှ ပြောကြားပါတယ်။

ကျေးလက်ဒေသဖွံ့ဖြိုးရေးနှင့်ဆင်းရဲနွမ်းပါးမှုလျှော့ချရေးကော်မတီမှ အသင်း သားများအား ပံ့ပိုးချေးငွေများကို ၂၀၁၀-၁၁ ဘဏ္ဍာနှစ်တွင် စတင်ပြီး၊ ထုတ်ချေးခဲ့ ကြောင်း၊ အသင်းသားများမှာလည်း ပံ့ပိုးချေးငွေများကို အပြည့်အ၀ ပြန်လည် ပေးဆပ်ခဲ့ကြောင်း၊ ယခု ၂၀၁၁-၁၂ ဘဏ္ဍာနှစ်မှာ လုပ်ငန်းတိုးချဲ့ရန်နဲ့ လိုအပ်တဲ့ အရင်းအနှီး များအတွက် ဒုတိယအကြိမ် ပံ့ပိုးချေးငွေ ထုတ်ချေးခြင်းဖြစ်ကြောင်း ၎င်းက ဆက်လက်ပြောကြား ပါတယ်။                  ထွေးသိမ်း - ဧရာဝတီ
 

Monday, 29 Oct 2012

မန္တလေးမြို့လုံးဆိုင်ရာ သစ်စက်ပိုင်များအသင်းကို အောက်တိုဘာလ ၂၁ ရက်နေ့က မြစိမ်းရောင်ခန်းမမှာ ဖွဲ့စည်းခဲ့ပါတယ်။

အဆိုပါ အခမ်းအနားကို မန္တလေးမြို့ပေါ်ရှိ အသေး စားနဲ့ အလတ်စား သစ်စက်ပိုင် ၂၈၀ ဝန်းကျင် တက်ရောက်ခဲ့ ကြပြီးအလုပ်အမှုဆောင်နဲ့အမှုဆောင်အဖွဲ့ဝင်များအား မြို့ နယ်အလိုက် ရွေးချယ်ခဲ့ပါတယ်။ နာယက ၄ ဦး၊ အလုပ်အမှု ဆောင်အဖွဲ့ ၂၄ ဦးကို ရွေးချယ်ခဲ့ကြပါတယ်။ ရွေးချယ်ခံရတဲ့ သစ်စက်ပိုင်အသင်းဥက္ကဋ္ဌ ဦးစိုးထွဋ် (SYသစ်အချောထည်)က  " အသင်းကို ဒီကနေမှ စတင်ဖွဲ့စည်း တာ ဖြစ်တဲ့အတွက် အသင်းဝင် အရေအတွက် မသိရသေး ပါဘူး။ လျှောက်လွှာယူတာတော့ ၂၅၀ ကျော်ရှိပါပြီ။ မန္တလေး တစ်မြို့လုံးက ဝင်ကြမှာပါ။ သစ်စက်ပိုင်များအသင်းကို ဖွဲ့စည်းပြီး၊ အသေးစား၊ အလတ်စား သစ်စက်တွေ စုပေါင်းပြီး ရပ်တည်ရမယ့် အခြေအနေရောက်ပါပြီ။ ခုမန္တလေးမြို့က သစ်စက် လုပ်ငန်းရှင်တွေ ရွေးချယ်ပေးလိုက်တဲ့ အလုပ် အမှုဆောင် အဖွဲ့စာရင်းကို သက်ဆိုင်ရာဌာနတွေထံတင်ပြပြီး၊ တရားဝင်ဖွဲ့စည်းသွားပါမယ်။ အသင်းတရားဝင်ဖွဲ့စည်းပြီးမှ ကျွန်တော်တို့ မန္တလေးမြို့က သစ်စက်ပိုင်တွေအတွက် သစ် ကုန်ကြမ်းလုံလုံ လောက်လောက်ရရှိရေး၊ နည်းပညာရရှိရေး အတွက် ရှေ့လုပ်ငန်းစဉ်တွေ ချမှတ်ဆောင်ရွက်သွားပါမယ်" လို့ ပြောပါတယ်။ မန္တလေးမြို့ရှိ အကြီးစားသစ်စက်လုပ်ငန်းများမှာ ကြီး ရာမှ သေးပြီး၊ အသေးစားစက်မှုလုပ်ငန်းများ မှာ ပျောက်ကွယ် ရမယ့် အခြေအနေအား ကာကွယ်ဖို့ သစ်စက်ပိုင်များ စုပေါင်း ဆောင်ရွက်နိုင်မယ့် သစ်စက်ပိုင်များ အသင်းကို ဖွဲ့စည်းခြင်း ဖြစ်ကြောင်း သိရပါတယ်။ဇူးဇူး - မန္တလေး
 

Monday, 29 Oct 2012

၁၂ ဦးပါ ထိုင်းကိုယ်စားလှယ်အဖွဲ့ဟာ စက်တင်ဘာလနောက်ဆုံးပတ်မှာ မြန်မာနဲ့အိန္ဒိယနယ်စပ်ရှိ မိုရေးမြို့သို့ သွားရောက် ခဲ့ပါတယ်။ အိန္ဒိယနဲ့ထိုင်းနှစ်နိုင်ငံအကြား မြန်မာနိုင်ငံမှတစ်ဆင့် ကုန်သွယ်မှုလုပ်ဆောင်ရန် အသင့်တော်ဆုံးလို့ ခံယူလျက်ရှိကြ ပါတယ်။

ထိုင်းကိုယ်စားလှယ်အဖွဲ့ကို ထိုင်းအပြည်ပြည်ဆိုင်ရာကုန်သွယ်မှုဌာနမှ ဒါရိုက်တာ Net Priuya Kate Choom Khyion ကခေါင်းဆောင်ပြီး စီးပွားရေးလုပ်ငန်းရှင်များနဲ့ ကျွမ်းကျင်ပညာရှင်များ အဖွဲ့ဝင်အဖြစ် လိုက်ပါလာခဲ့ကြပါတယ်။ ထိုင်း ကိုယ်စားလှယ်အဖွဲ့ဟာ အင်ဖာမှာတစ်ပတ်ကြာနေထိုင်ခဲ့ကြပြီး မိုရေးနဲ့ကုန်သွယ်မှု အလားအလာများနဲ့စပ်လျဉ်းပြီး လေ့လာခဲ့ ကြပါတယ်။ မိုရေးနဲ့တမူးမြို့များကိုသွားရောက်ခဲ့ပြီး လက်ရှိနယ် စပ် ဖြတ်ကျော်ကုန်သွယ်မှုအခြေအနေများကိုလည်း လေ့လာခဲ့ ကြပါတယ်။ မိုရေးကို စံနမူနာပြမြို့ အဖြစ်လက်ခံကြပြီးနောက် ထိုင်းထုတ်ကုန်များမိုရေးသို့ပို့ရန် သဘောတူညီခဲ့ကြတယ်လို့ သိရပါတယ်။ ထိုင်းကိုယ်စားလှယ်အဖွဲ့ဟာ မိုရေးကုန်သွယ်ရေးနဲ့ စက်မှုဝန်ကြီး  K-Govindas နဲ့တွေ့ဆုံပြီး မိုရေးဒေသထွက် လက်ရက်ထည်များကို ထိုင်းဈေးကွက်မှာနေရာရရှိနိုင်စေမယ်လို့ အခိုင်အမာပြောကြားခဲ့ကြပါတယ်။ ကလေးဝ-မုံရွာလမ်းပန်းဆက်သွယ်ရေးကောင်းမွန်မှုရှိခဲ့လျှင် အိန္ဒိယ-ထိုင်းကုန်သွယ်ရေးအတွက် အသာစီးရရှိစေမယ်လို့ နှစ်ဖက်စလုံးက ကောက်ချက်ချခဲ့ကြပါတယ်။ အိန္ဒိယကုန်သွယ်ရေးနဲ့စက်မှုဝန်ကြီး K-Govindas က ကလေးဝ-မုံရွာအဝေးပြေး လမ်းမပိုင်း ဖွံ့ဖြိုးရေးအတွက် အိန္ဒိယအစိုးရမှပြုပြင်ပေးနေပြီဖြစ်ကြောင်း ထိုင်းကိုယ်စားလှယ်အဖွဲ့ကို အသိပေးပြောကြားခဲ့ပါ တယ်။ အိန္ဒိယကုန်သွယ်ရေးနဲ့စက်မှုအတွင်းရေးမှူးချုပ် O Nabakishore  ဟာ ထိုင်းကိုယ်စားလှယ်အဖွဲ့နဲ့တွေ့ဆုံပြီး အိန္ဒိယနဲ့ထိုင်း နှစ်နိုင်ငံအကြား ကုန်သွယ်မှု ကို မြန်မာ နိုင်ငံကတစ်ဆင့်ဖြတ်သန်း ဆောင်ရွက်ရေး တွေ့ဆုံဆွေးနွေးခဲ့ကြပါတယ်။ ပြည်နယ် အစိုးရ အနေနဲ့ မိုရေးအား စံပြမြို့အဖြစ် ဖွံ့ဖြိုးတိုးတက်စေရေး လုပ်ဆောင်သွားရန် ဆုံးဖြတ်ခဲ့ကြပါတယ်။ှSource:The Sangai Express ,CMK
 

Monday, 29 Oct 2012

စင်ကာပူနိုင်ငံ လယ်ယာထွက်ကုန် စားသောက်ကုန်နဲ့ တိရစ္ဆာန်ရောဂါကာကွယ်ရေးအာဏာပိုင်အဖွဲ့(AVA) အမှုဆောင်အရာရှိ ဦးဆောင်တဲ့ သစ်သီးဝလံ၊ ဟင်းသီး ဟင်းရွက်နဲ့ ရေထွက်ကုန်များဝယ်ယူလိုတဲ့အဖွဲ့ဝင် ၄၆ ဦးဟာ အောက်တိုဘာလ ၈ ရက်မှ ၁၂ ရက်အတွင်း မြန်မာနိုင်ငံသို့ လာရောက်ပြီး၊ မြန်မာနိုင်ငံ ဟင်းသီးဟင်းရွက်နဲ့ သစ်သီးဝလံ၊ ပန်းမန်စိုက်ပျိုးထုတ်လုပ်သူများနဲ့ တွေ့ဆုံခဲ့ကြောင်း သိရပါတယ်။

Wednesday, 24 Oct 2012

မုံရွာမြို့နယ်၊ ကျေးလက်ဒေသဖွံ့ဖြိုးရေးနဲ့ဆင်းရဲမှုလျှော့ချရေးလုပ်ငန်းရဲ့ ကော်မတီတစ်ခုဖြစ်တဲ့ အသေးစား ကုန်ထုတ်လုပ်ငန်းများ ဖွံ့ဖြိုးတိုးတက်ရေး အတွက် မုံရွာမြို့နယ် ကျေးရွာအုပ်စု ၈ ခုရှိ အသေးစား ကုန်ထုတ် လုပ်ငန်းများ ဖြစ်ကြတဲ့ ယွန်းလုပ်ငန်း၊ ဝါးဖောင်လုပ်ငန်း၊ ကြေးပုတီး၊ ရက်ကန်း၊ ဂွမ်းစောင်ချုပ်၊ ခမောက်၊ တောင်း၊ တံမြက်စည်း၊ မုန့်မျိုးစုံ၊ ယိုစုံ၊ ထွန်၊ သံ၊ ပန်းပဲ၊ အမှုန့်ကြိတ်စက်၊ ဆိုင်ကယ်၊ဝပ်ရှော့စတဲ့လုပ်ငန်းဆောင်ရွက်သူကျေး လက်နေပြည်သူတို့အား စစ်ကိုင်း တိုင်းဒေသကြီးအစိုးရဇေယျာပဒေသာဖောင်ဒေးရှင်းမှ ၂၀၁၁-၁၂ ဘဏ္ဍာနှစ်က စပြီး ပံ့ပိုးချေးငွေများ ထုတ်ပေးခဲ့ပါတယ်။

Wednesday, 24 Oct 2012

ကချင်ပြည်နယ် ပြည်တွင်းကုန် သွယ်မှု လုပ်ငန်းများ ဖွံ့ဖြိုးတိုးတက်ဖို့ မြစ်ကြီးနားမြို့နယ်မှာ ကုန်စည်ဒိုင် ဖွင့် လှစ်နိုင်ရေး ၂၀၁၂ ခုနှစ်၊ အောက်တို ဘာလ ၁၃ ရက်က မြန်မာ့လယ်ယာ ထွက်ကုန်ပစ္စည်းရောင်းဝယ်ရေး၊ ပြည် နယ်ရုံးမှာ အကြိုညှိနှိုင်းအစည်းအဝေး ကျင်းပခဲ့ပါတယ်။

Wednesday, 24 Oct 2012

အိန္ဒိယနိုင်ငံ Indo Myanmar Chamber of Commerce and Industry  မှ Mr. G.L ဂိုအင်ကာ ဦးဆောင်တဲ့ စီးပွားရေးလုပ်ငန်းရှင် ၁၃ ဦးပါ ကိုယ်စား လှယ်အဖွဲ့ဟာ အောက်တိုဘာ ၂၉ ရက် တနင်္လာနေ့ ၁၄း၀၀ အချိန်မှာ မြန်မာနိုင်ငံ မှ စီးပွားရေးလုပ်ငန်းရှင်များနဲ့ "Buyer  - Seller  Meet " တွေ့ဆုံပွဲတစ်ရပ်ကို ရန်ကုန်တိုင်းဒေသကြီး မင်းရဲကျော်စွာလမ်းရှိ RUMFCCI ပထမထပ်အစည်းအဝေး ခန်းမမှာ ကျင်းပသွားမယ်လို့ သတင်းရရှိပါတယ်။

Wednesday, 24 Oct 2012

ပြည်ထောင်စုသမ္မတမြန်မာနိုင်ငံ၊ နိုင်ငံတော်သမ္မတရုံး ပြည်ထောင်စုဝန်ကြီး ဦးတင်နိုင်သိန်းရဲ့ လမ်းညွှန်မှုအရ ရှမ်းပြည် နယ်အစိုးရက ကြီးမှူးဖွင့်လှစ်သော ပြည်တွင်းပြည်ပရင်းနှီးမြှုပ်နှံမှုဆိုင်ရာ အခြေခံလုပ်ငန်းသင်တန်းဖွင့်ပွဲ အခမ်းအနားကို ၂၀၁၂ ခုနှစ် အောက်တိုဘာလ ၁၈ ရက်က တောင်ကြီးမြို့နယ်၊ အထွေထွေအုပ်ချုပ်ရေးဦးစီးဌာန အစည်းအဝေးခန်းမမှာ ကျင်းပပြုလုပ်ခဲ့ကြောင်း သိရပါတယ်။

Wednesday, 24 Oct 2012

ဗီယက်နမ်နိုင်ငံ ဖူရင်န်ပြည်နယ် (Phu Yen Province) မှ စီးပွားရေးလုပ်ငန်းရှင်များနဲ့ မြန်မာစီးပွားရေး လုပ်ငန်း ရှင်များတွေ့ဆုံပွဲကို အောက်တိုဘာလ ၁၈ ရက်နေ့  ၁၅း၀၀ နာရီမှာ ရန်ကုန်တိုင်းဒေသကြီး  မင်းရဲကျော်စွာလမ်းရှိ RUMFCCI   ဒုတိယထပ်အစည်းအဝေးခန်းမမှာ ကျင်းပခဲ့ တယ်လို့ သတင်းရရှိပါတယ်။ ဗီယက်နမ်စီးပွားရေးကိုယ်စားလှယ်အဖွဲ့ကို ဖူရင်န်ပြည် နယ် ပြည်သူ့ကော်မတီဒုတိယဥက္ကဌ Mr. Nguyen Ngoe An  မှ ဦးဆောင်ပြီး အဖွဲ့ဝင် ၁၃ ဦး လိုက်ပါလာတာဖြစ်ပါ တယ်။ မြန်မာစီးပွားရေး လုပ်ငန်းရှင်များဘက်မှလည်း ၁၃ ဦးခန့် တက်ရောက်ခဲ့ကြပါတယ်။

Pages